Read bariba Esɑi 57 Bible Online

Esɑi 57 - bariba bible

Esɑi 57

¹Gemɡibu bɑ̀ n ɡu, ɡoo ku rɑ bu weeweenu kue. Tɔn ɡeobu bɑ̀ n wɔrukɑ, ɡoo ku rɑ bwisiku mɑ tɔn kɔ̃sobɑ bɑ bu sɛ̃re bɑ ɡo.

²Adɑmɑ tɔn ɡeo be, bɑ ko n wɛ̃rewɑ ɡɔriɔ kɑ bɔri yɛndu.

³I susimɑ bɛɛ, bwese te i ǹ kɑ nɛ, Gusunɔ turo yɔ̃, bɛɛ be i sɑ̃ɑ nɡe sɔron bibu.

⁴Wɑrɑ i yɛ̃ɛmɔ, wɑrɑ i nɔɔ swiikinu koosimɔ. I ǹ yɛ̃ mɑ i sɑ̃ɑwɑ bwese te tɑ ku rɑ mɛm nɔ, te tɑ rɑ weesu ko?

⁵Mɑ i bũu sɑ̃ɑrun ɡɑri wɔrɑ dɑ̃ɑ koo bɑkɑru bɑɑteren nuurɔ. Mɑ i kɑ bɛɛn bibu yɑ̃kunu mɔ̀ dɑɑnun ɡoonɔ kpee bɑɑbɑ sɔɔ.

⁶Bɛɛ Isirelibɑ, dɑɑ torin kpee ɡoriyɑ yi sɑ̃ɑ bɛɛn bũnu. I rɑ yi yɑ̃kunu koosi kpɑ i yi tɑm wisi. I tɑmɑɑ nɛ, Yinni Gusunɔ, kon ye tii mɑrisiwɑ?

⁷Guunu wɔllɔwɑ i rɑ bɛɛn sɑ̃ɑnu ko. Miyɑ i rɑ mɑɑ yɔ i yɑ̃kunu ko.

⁸I bwɑ̃ɑrokunu mɑni bɛɛn ɡɑmbobɑn biruɔ, mɑ i kɑ bũnu ɑrukɑwɑni bɔkuɑ. Nu sɑ̃ɑ nɡe durɔ tɑnɔ be i kĩ i kɑ kpunɑ. Mɑ i mɑn biru kisi i bɛɛn yɑ̃nu potirɑ, i bɛɛn kpin yenu yɑsum sosi. Wee i ben terenu mɛɛrɑ.

⁹I tii ɡum sɑwɑ i dɑ i bɛɛn bũu wi bɑ mɔ̀ Mɔlɔku deemɑ. I tii turɑre yɛ̃kɑ mɑm mɑm mɑ i sɔmɔbu ɡɔrɑ mi n tomɑ. Wee, i wɔrumɑ sere temɔ.

¹⁰I kɑ bɛɛn sirenɑbu wɑsire. Adɑmɑ i ǹ bwisikɑ i nɛɛ, bu ǹ ɑrufɑɑni ɡɑɑ mɔ. Mɑ i mɔ̀, i dɑm tie, i ǹ wɑsire.

¹¹Ǹ n mɛn nɑ, wɑrɑn bɛrumɑ i mɔ, i kɑ mɑn nɔni wɔ̃kumɔ. Wɑrɑn bɛrumɑ i mɔ, i ǹ kɑ mɑn yɑɑye, i ǹ mɑɑ mɑn ɡɑrisi. Yèn sɔ̃ nɑ nɔɔ mɑɑri sɑɑ tɛɛbun di, yen sɔ̃nɑ i ǹ mɑn nɑsie.

¹²Adɑmɑ kon bɛɛ sɔ̃ɔsi mɑ bɛɛn kookoo si i rɑɑ tɑmɑɑ su dee dee sɑ̃ɑ mi, su ǹ bɛɛ ɑrufɑɑni ɡɑɑ mɔ̀.

¹³Yen sɔ̃, ì n kuuki mɔ̀, ì n somiru kɑnɑmɔ, bɛɛn bũu dɑbi te, tɑ ǹ bɛɛ wɔrɑmɔ. Kon dewɑ woo ɡu kɑ nu doonɑ mɑm mɑm. Adɑmɑ be bɑ mɑn nɑɑnɛ sɑ̃ɑ bɑ koo tem mɛ tubi di, kpɑ bɑ n wɑ̃ɑ Siɔniɔ, ɡuu te nɑ ɡɔsɑn mi.

¹⁴Nɛ, Yinni Gusunɔ, nɑ nɛɛ, i tii suo i swɑɑ sɔmɛ. I ɡɑ̃ɑ kɔ̃sunu kpuro wunɔ ni nu wɑ̃ɑ nɛn tɔmbun swɑɑ sɔɔ.

¹⁵Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

¹⁶Nɑ ǹ kĩ nɑ n bɛɛ tɑɑrɛ wɛ̃ɛmɔ bɑɑdommɑ, kpɑ nɑ n kɑ bɛɛ mɔru nɛni sɑɑ kpuro. Nɑ̀ n mɔ̀ mɛ, nɛn tɑkɑ koorɑ kpuro yɑ koo kɑm kowɑ.

¹⁷Nɛn mɔru yɑ seewɑ Isirelibɑn tɑɑrɛ bɑkɑn sɔ̃, mɑ nɑ bu sɛɛyɑsiɑ sere nɑ ǹ mɑɑ kĩ n bu mɛɛri. Adɑmɑ kɑ mɛ, bɑ yɔ̃rɑriwɑ ben mɛm nɔɔ sɑri te sɔɔ, mɑ bɑ ben tiin ɡɔ̃ru kĩru swĩi.

¹⁸Nɑ ben dɑɑ yɛ̃. Kɑ mɛ, kon bu bɛkiɑ, n bu kpɑrɑ kpɑ n bu nukuru yɛmiɑsiɑ. Be bɑ ɡɔɔ wooru sɔ̃ bɑ sumɔ,

¹⁹kon de bu nuku dobun kuuki ko. Be bɑ wɑ̃ɑ n tomɑ kɑ be bɑ wɑ̃ɑ turuku, bɑ koo bɔri yɛndu wɑ. Nɛ, Yinni Gusunɔ, kon bu bɛkiɑ. Nɛnɑ nɑ ye ɡeruɑ.

²⁰Adɑmɑ nuku kɔ̃suruɡibu bɑ sɑ̃ɑwɑ nɡe nim wɔ̃kun nim kurenu, ni nu ǹ kpɛ̃ nu yɔ̃rɑ sɛ̃ɛ, ni nu rɑ n pɔtɔkɔ kɑ disinu sɔɔwɑ.

²¹Nuku kɔ̃suruɡii kun bɔri yɛndu wɑsi. Nɛ, Yinni Gusunɔwɑ nɑ yeni ɡeruɑ.