Read bariba Esɑi 62 Bible Online

Esɑi 62 - bariba bible

Esɑi 62

¹Yinni Gusunɔ u nɛɛ, wunɛ Yerusɑlɛmu, wunɛn kĩrun sɔ̃ nɑ ǹ mɑrimɔ. Nɑ ǹ mɑɑ wɛ̃rɑmɔ sere n kɑ nun fɑɑbɑ ko, kpɑ yu sɔ̃ɔsirɑ nɡe bururun sɔ̃ɔ, ǹ kun mɛ, nɡe wii bɔn te tɑ dɔ̃ɔ yɑbure,

²kpɑ bwesenu kpuro nu wɑ mɑ nɑ nun fɑɑbɑ kuɑ, kpɑ sinɑmbu bɑ n wunɛn yiiko mɛɛrɑ. Yĩsi kpɑɑrɑ bɑ koo kɑ nun soku te nɛ, Yinni Gusunɔ kon nun kɛ̃.

³Kpɑ ɑ n sɑ̃ɑ nɡe furɔ bɛɛrɛɡuu ɡe ɡɑ bɑllimɔ nɛ, Gusunɔ wunɛn Yinnin nɔmɑ sɔɔ.

⁴Bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ nɛ, Yinni Gusunɔn nuku dobu. Domi wunɛ sɔɔrɑ nɛn nuku dobu wɑ̃ɑ. Bɑ ǹ mɑɑ wunɛn tem sokumɔ bɑnsu. Bɑ koo mu sokuwɑ kurɔ kpɑo, domi kon mu durɔ kɛ̃.

⁵Nɡe mɛ bii durɔbu ɡɑ koo kɑ ɡen kurɔ ɡbinnɑ, nɡe mɛyɑ wunɛn bibu bɑ koo kɑ nun ɡbinnɑ. Nɡe mɛ ɑluwɑɑsi u rɑ n nuku dobu mɔ win kurɔ kɛ̃ɛron sɔ̃, nɡe mɛyɑ ko nɑ n nuku dobu mɔ wunɛn sɔ̃.

⁶Wunɛ Yerusɑlɛmu, nɑ derɑ ɡɑbɑ sɑ̃ɑ nɡe wuu kɔ̃sobu be bɑ rɑ n yɔ̃ ɡbɑ̃rɑru wɔllɔ, bɑ ǹ nɔɔ mɑrimɔ sɔ̃ɔ sɔɔ kɑ wɔ̃kuru. Bɛɛ wuu kɔ̃sobu, bɛɛ be i nɛ, Yinni Gusunɔ Yerusɑlɛmun ɡɑri yɑɑyɑsiɑmɔ, i ku wɛ̃rɑ.

⁷I ku de n wɛ̃rɑ sere n kɑ Yerusɑlɛmu swĩi, kpɑ yɑ n bɛɛrɛ mɔ hɑnduniɑ sɔɔ.

⁸Nɛ, Yinni Gusunɔ, nɑ bɔ̃ruɑ kɑ nɛn dɑm, nɑ nɛɛ, nɑ ǹ mɑɑ wunɛn ɑlikɑmɑ yibɛrɛbɑ wɛ̃ɛmɔ bu di. Mɛyɑ sɔbu bɑ ǹ mɑɑ wunɛn tɑm nɔrumɔ, mɛ mu sɑ̃ɑ wunɛn sɔmburun ɑre.

⁹Adɑmɑ be bɑ ɑlikɑmɑ ɡɑ̃ bɑ koo ye di, kpɑ bu nɛ, Yinni Gusunɔ siɑrɑ. Be bɑ mɑɑ ben resɛmbɑ sɔrɑ bɑ koo yen tɑm nɔ nɛ, Yinni Gusunɔn sɑ̃ɑ yerɔ.

¹⁰Bɛɛ Yerusɑlɛmuɡibu, i yɑrio sɑɑ wuun di, i bɛɛn tɔn be bɑ wee swɑɑ sɔnwɑ, i yen kpenu wunɑ i nɔɔ nɛrɑsiɑ. I ɡidi bɔrɑ yɔ̃rɑsio ben berɑ ɡiɑ.

¹¹Wee ye nɛ, Yinni Gusunɔ, nɑ hɑnduniɑn tɔmbu kpuro sɔ̃ɔmɔ. Nɑ nɛɛ, i Yerusɑlɛmuɡibu sɔ̃ɔwɔ i nɛɛ, wee, nɛ, ben fɑɑbɑ kowo, nɑ sisi kɑ ben tɔn be bɑ rɑɑ yoru mwɛɛrɑ.

¹²Bɑ koo bu soku bwese te nɑ ɡɔsɑ nɑ yɑkiɑ. Wunɛ mɑɑ Yerusɑlɛmu, bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ wuu ɡe nɑ kĩ.