Read bariba Esɑi 64 Bible Online

Esɑi 64 - bariba bible

Esɑi 64

¹Kɑɑ n sɑ̃ɑ nɡe dɔ̃ɔ wi u dɑ̃ɑ ɡbebɑ mwɑɑmɔ, ǹ kun mɛ wi u nim ɡbisisiɑmɔ, kpɑ wunɛn yibɛrɛbɑ bu ɡiɑ nɡe mɛ ɑ sɑ̃ɑ, kpɑ bu diiri wunɛn wuswɑɑɔ.

²Yinni Gusunɔ, sɑnɑm mɛ ɑ sɑrɑmɑ ɑ mɑɑmɑɑki kuɑ ye sɑ ǹ kɑ yĩiyɔ, ɡuunu diirɑ bɛrum sɔ̃.

³Sɑ ǹ ɡɑsɔ ɡoon ɡɑri nɔɔre. Wunɛ bɑɑsi, sɑ ǹ mɑɑ ɡoo wɑɑre wi u yen bweseru kuɑ win tɔn be bɑ nùn nɑɑnɛ sɑ̃ɑn sɔ̃.

⁴Wi u ɡem swĩi kɑ nuku dobu, kɑ sere be bɑ wunɛn woodɑ yɑɑye, bɑ sĩimɔ ye sɔɔ, berɑ ɑ rɑ swɑɑ ɡbiiye. Adɑmɑ ɑ kɑ sun mɔru kuɑ yèn sɔ̃ sɑ durum kuɑ. Kɑ mɛ, sɑ rɑ n durum ye mɔ̀wɑ sɑ n dɔɔ sɑɑ yellun di.

⁵Sɑ kuɑ nɡe disiɡibu, mɑ bɛsɛn dɑɑ ɡeɑ yɑ sɑ̃ɑ nɡe yɑ̃ɑ disinuɡinu. Sɑ ɡbere nɡe wurusu, mɑ bɛsɛn durum kɑ sun doonɔ nɡe woo.

⁶Goo sɑri wi u wunɛn somiru kɑsu. Goo mɑɑ sɑri wi u rɑ nun kɑnɛ bururu, domi ɑ sun wunɛn wuswɑɑ beruɑ, mɑ ɑ sun deri sɑ ɡɔɔ dɔɔ bɛsɛn durum sɔ̃.

⁷Kɑ yen de, Yinni, wunɑ ɑ sɑ̃ɑ bɛsɛn bɑɑbɑ. Sɑ sɑ̃ɑwɑ nɡe sɔndu, wunɑ ɑ sun mɔmɑ kɑ wunɛn nɔmɑ.

⁸Yinni Gusunɔ, ɑ ku mɔru ko too, ɑ kun mɑɑ bɛsɛn durum ye yɑɑye sere kɑ bɑɑdommɑɔ. Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.

⁹Wee wunɛn wuu si ɑ ɡɔsɑ su kuɑ bɑnsu. Yerusɑlɛmu yɑ wɔrukɑ.

¹⁰Bɛsɛn sɑ̃ɑ yee burɑ dɛɛrɑ te, mi bɛsɛn sikɑdobɑ bɑ rɑ rɑɑ nun sɑ̃, tɑ dɔ̃ɔ mwɑɑrɑ. Gɑ̃ɑ ɡee ni sɑ mɑɑ mɔ kpuro, nu kɑm kuɑ.

¹¹Kɑɑ n yenibɑ kpuro mɛɛrɑwɑ ɑ n nɔɔ mɑɑri, kpɑ bɛsɛn nuki yi sɑnkirɑ n bɑndɑ?