Read bariba Esɑi 66 Bible Online

Esɑi 66 - bariba bible

Esɑi 66

¹Yinni Gusunɔ u nɛɛ, wɔllɑ sɑ̃ɑwɑ nɛn sinɑ ɡɔnɑ, mɑ tem mu sɑ̃ɑ nɛn nɑɑ sɔnditiɑ. Ǹ n mɛn nɑ, dii teren bweserɑ i ko kpĩ i mɑn bɑniɑ. Nɡe wɑ̃ɑ yee terɑ̀ i ko mɑn wɛ̃ nɑ n dɑ n wɛ̃re mi.

²Ye kpuro nɛɡiɑ. Nɛnɑ nɑ ye tɑkɑ kuɑ kɑ nɛn nɔmɑ. Wi u tii kɑwe, u nuki sɑnkire win durum sɔ̃, mɑ u nɛn ɡɑri nɑsie, wiyɑ nɑ kɑ nɔnu ɡeu mɛɛrɑ.

³Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

⁴Yen sɔ̃nɑ nɛn tii, kon de bu nɔni swɑ̃ɑru wɑ ben kookoo sin sɔ̃. Kpɑ wɑhɑlɑ yu bu deemɑ ye yɑ koo bu nɑndɑsiɑ. Domi nɑ bu sokɑ ɑdɑmɑ bɑ ǹ mɑn wurɑri. Nɑ kɑ bu ɡɑri kuɑ, mɑ bɑ ǹ mɑn swɑɑ dɑki. Kɔ̃sɑ bɑ mɔ̀. Mɑ bɑ swĩi ye nɛn ɡɔ̃ru ɡɑ ǹ kĩ.

⁵Bɛɛ be i Yinni Gusunɔn ɡɑri nɑsie, i swɑɑ dɑkio i nɔ ye u ɡerumɔ. U nɛɛ, wee, bɛɛn mɛro bisibu be bɑ bɛɛ tusɑ bɑ ɡirɑ ben min di nɛn yĩsirun sɔ̃, bɑ bɛɛ yɑɑkoru mɔ̀ bɑ mɔ̀, Yinni Gusunɔ u win yiiko sɔ̃ɔsio, kpɑ bu bɛɛn nuku dobu wɑ. Adɑmɑ ben tiiwɑ bɑ koo sekuru wɑ.

⁶I mɑɑ nɔɔ dɑmɡuu swɑɑ dɑkio ɡe ɡɑ nɔɔrɑmɔ wuuɔ. Yinni Gusunɔn nɔɔwɑ ɡɑ nɑɑmɔ sɑ̃ɑ yerun di. U win yibɛrɛbɑ ben ɑre kɔsiɑmɔ.

⁷Wunɛ Yerusɑlɛmu ɑ sɑ̃ɑwɑ nɡe tɔn kurɔ wi u kun mɑrubun wuriribu wɑ u kɑ mɑrɑ. U ǹ mɑrubun wɑhɑlɑ wɑ, u kɑ bii tɔn durɔ mɑrɑ.

⁸Wɑrɑ yen bweseru nɔɔre. Wɑrɑ yen bweseru wɑɑre, tɔn bweseru tu yɑri nɔni kpɑki teeru. Adɑmɑ nɡe mɛyɑ Yerusɑlɛmu kpɑɑ yɑ koo yen bibu mɑrusinɑ n kun kɑ mɑrubun wɑhɑlɑ.

⁹Domi Gusunɔ bɛɛn Yinni u nɛɛ, wi, wi u rɑ de tɔn kurɔ u ɡurɑ suɑ, wiyɑ u koo nɛɛ, u ku mɑ?

¹⁰Bɛɛ kpuro, bɛɛ be i Yerusɑlɛmu kĩ, i nuku dobu koowo kpɑ i yɛ̃ɛri kɑ ye sɑnnu. I yɛ̃ɛrio bɛɛ kpuro, bɛɛ be i rɑɑ yen ɡɔɔ wooru sɔ̃.

¹¹Kpɑ bɛɛn nukuru tu yɛmiɑ yen yiikon sɔ̃, nɡe bii wi u bɔm nɔrumɔ u debumɔ win mɛron mi.

¹²Amɛniwɑ nɛ, Yinni Gusunɔ nɑ ɡeruɑ. Nɑ nɛɛ, kon de bɔri yɛndu tu kokumɑ Yerusɑlɛmuɔ nɡe dɑɑrun nim, kpɑ bwese tukunu nu kɑ dukiɑ nɑ mi, yɑ n kpɑ̃, nɡe dɑɑ tèn nim mu yibɑ mu bɔ̃ɔ sɑrɑmɔ. Kon bɛɛ nɔɔri nɡe mɛ bii mɛro u rɑ win bii bɔm kɛ̃ kpɑ u nùn suɑ u tɑɑru swĩi u sɔ̃su.

¹³Mɛyɑ kon mɑɑ bɛɛ nukuru yɛmiɑsiɑ Yerusɑlɛmu mi, nɡe mɛ bii mɛro u rɑ win bii nukuru yɛmiɑsie.

¹⁴Sɑnɑm mɛ i ko i ye kpuro wɑ, bɛɛn ɡɔ̃ru ɡɑ koo dorɑ, kpɑ bɛɛn dɑm mu wurɑmɑ nɡe tom buruku yɑkɑsu. Nɛ, Yinni Gusunɔ, kon nɛn dɑm sɔ̃ɔsi nɛn sɔm kowobun sɔ̃, kpɑ nɛn yibɛrɛbɑ bu nɛn mɔru wɑ.

¹⁵Wee, nɑ sisi nɑ wɑ̃ɑ dɔ̃ɔ yɑrɑ sɔɔ. Mɑ nɛn tɑbu kɛkɛbɑ bɑ sɑ̃ɑ nɡe woo ɡunɑ. Nɑ wee n nɛn mɔru kɔsiɑ, kpɑ n tɔmbu sɛɛyɑsiɑ kɑ dɔ̃ɔ yɑri.

¹⁶Domi dɔ̃ɔ kɑ tɑkobiwɑ nɛ, Yinni Gusunɔ, kon kɑ tɔmbu kpuro siri. Tɔn dɑbirɑ tɑ koo ɡbi dɔmɑ te.

¹⁷Be bɑ rɑ n tii dɛɛrɑsiɑmɔ bɑ n dɑɑmɔ dɑ̃ɑ sɔ̃sɔ, bɑ n bũu sɑ̃ɑmɔ mi, kpɑ bɑ n kurusɔ yɑɑ dimɔ kɑ ɡunɔnu kɑ sere mɑɑ sese dɑbinu, be kpurowɑ kon kɑm koosiɑ. Domi nɑ ben kookoosu kɑ ben bwisikunu yɛ̃. Nɛ, Yinni Gusunɔwɑ nɑ yeni ɡeruɑ. Wee sɑɑ yɑ turɑ n kɑ bwesenu kpuro mɛnnɑ. Bɑ koo nɑ kpɑ bu nɛn yiiko wɑ.

¹⁹Kon nɛn dɑm yĩreru doke ben suunu sɔɔ. Kon de be bɑ yɑrɑ nɛn siribun di bu dɑ bu nɛn yiiko kpɑrɑ Tɑɑsisiɔ, kɑ Puluɔ, kɑ Ludiɔ mi tɛn towobɑ wɑ̃ɑ, kɑ Tubɑliɔ kɑ Yɑfɑniɔ kɑ sere mi n tomɑ, mi bɑ ǹ nɛn ɡɑri nɔɔre, bɑ ǹ mɑɑ nɛn yiiko wɑɑre.

²⁰Kpɑ bu kɑ bɛɛn mɛro bisibu wurɑmɑ bwesenu kpuron min di nɛn ɡuu dɛɛrɑrɔ Yerusɑlɛmuɔ, bɑ n yɔɔwɑ dumi wɔllɔ kɑ kɛkɛ be dumi ɡɑwe sɔɔ, kɑ ɑmɑkɛɛbɑ sɔɔ, kɑ kɛtɛkunun wɔllɔ, kɑ sere yooyoosun wɔllɔ. Bɑ koo kɑ bu nɑwɑ nɡe mɛ Isirelibɑ bɑ rɑ kɛ̃nu doke ɡbɛ̃ɛ dɛɛrɑnɔ bu kɑ mɑn nɑɑwɑ nɛn sɑ̃ɑ yerɔ.

²¹Kpɑ n yɑ̃ku kowobu ɡɔsi ben suunu sɔɔ kɑ be bɑ koo Lefibɑn sɔmburu ko. Nɛ, Yinni Gusunɔwɑ nɑ yeni ɡeruɑ.

²²Nɡe mɛ wɔn kpɑɑru kɑ tem kpɑm mɛ kon ko mu ko n wɑ̃ɑ nɛn wuswɑɑɔ kɑ bɑɑdommɑɔ, nɡe mɛyɑ bɛɛn bweseru kɑ bɛɛn yĩsirɑ ko n mɑɑ wɑ̃ɑ sere kɑ bɑɑdommɑɔ.

²³Suru kpɑo bɑɑwure sɔɔ kɑ tɔ̃ɔ wɛ̃rɑruɡiru bɑɑtere sɔɔ, bɑɑwure u ko n dɑ nɛwɑ u yiirɑ u mɑn sɑ̃. Nɛ, Yinni Gusunɔwɑ nɑ yeni ɡeruɑ.

²⁴Adɑmɑ bɑ ko n dɑ tɔn be bɑ mɑn seesin ɡonu wɑwɑ nu kpĩ tɔɔwɔ. Domi kɔkɔ ni nu ko n bu dimɔ, nu ǹ ɡbimɔ. Dɔ̃ɔ wì sɔɔ bɑ ko n wɑ̃ɑ, u ǹ mɑɑ ɡbimɔ. Mɛyɑ ben ɡonu nu ǹ ko n wɑɑbu wɑ̃.