Read bariba Esɑi 8 Bible Online

Esɑi 8 - bariba bible

Esɑi 8

¹Yinni Gusunɔ u mɑn sɔ̃ɔwɑ u nɛɛ, n seewo n yĩsi teni yore kpɑsɑsɑ, kpee bɛsi bɑkɑ ɡɑɑ sɔɔ, Mɑhɛɛ Sɑlɑli Hɑsibɑsi. Yen tubusiɑnɑ, bu seewo fuuku bu ɑrumɑni kpuro kɑtɑ ko bu ɡurɑ.

²Ye nɑ tu yoruɑ, mɑ nɑ tu yɑ̃ku kowo Uri kɑ Berekiɑn bii Sɑkɑri be bɑ sɑ̃ɑ nɑɑnɛɡibu sɔ̃ɔsi bɑ n kɑ sɑ̃ɑ seedɑɡibu.

³Yen biruwɑ nɑ kɑ nɛn kurɔ mɛnnɑ, mɑ u ɡurɑ suɑ u bii tɔn durɔ mɑrɑ. Yerɑ Yinni Gusunɔ u mɑn sɔ̃ɔwɑ u nɛɛ, n nùn yĩsiru kɛ̃ɔ Mɑhɛɛ Sɑlɑli Hɑsibɑsi.

⁴Domi sere bu kɑ nɛɛ, bii wi, u mɔ̀, bɑɑbɑ, ǹ kun mɛ yɑɑyi, bɑ koo Dɑmɑsi kɑ Sɑmɑrin ɑrumɑni kpuro kɑtɑ ko bu ɡurɑ bu kɑ dɑ Asiriɔ.

⁵Yinni Gusunɔ u kpɑm mɑn sɔ̃ɔwɑ u nɛɛ,

⁶Yudɑbɑ bɑ nùn yinɑ, wi, wi u sɑ̃ɑ nɡe Siloen nim mɛ mu kokumɔ kpurɛ kpurɛ. Mɑ bɑ kɑ Resini kɑ Pekɑ nɔɔ tiɑ kuɑ.

⁷Yen sɔ̃, wi, u koo bu Asirin sinɑ boko suremɑ kɑ win tɑbu kowo dɑmɡibu. Tɛ̃, be wee bɑ kokumɔ bɑ tɛrie nɡe dɑɑ te bɑ mɔ̀ Efɑrɑtin nim torɑ ye yɑ yibɑ yɑ bɔ̃ɔ sɑrɑmɔ.

⁸Bɑ koo Yudɑbɑ wukiriwɑ nɡe nim mɛ mu tɔnu mwɛɛ sere wĩirɔ. Adɑmɑ win tii u ko n kɑ sun wɑ̃ɑ. Win dɛrum mu koo bɛsɛn tem wukiriwɑ nɡe ɡunɔn kɑsɑ.

⁹Bɛɛ bwese ni nu tie, bɛɛ be i wɑ̃ɑ n tomɑ, i swɑɑ dɑkio. Bɑɑ ì n mɛnnɑ sɑnsɑniɔ i tɑbun kuuki kuɑ, bɑ koo bɛɛ kɔsukuwɑ. Bɑɑ ì n tɑbun sɔɔru kuɑ, kɑ mɛ, bɑ koo bɛɛ kɑmiɑ.

¹⁰Bɑɑ ì n kpunɑɑ kuɑ, ye kpuro yɑ koo kɑm kowɑ. Bɑɑ ì n mɑɑ woodɑ yi, ɡoo kun kɑ ye sɔmburu mɔ̀, domi Gusunɔ u kɑ sun wɑ̃ɑ.

¹¹Yinni Gusunɔ u mɑn nɛnuɑ kɑ win nɔm dɑmɡuu, yerɑ u mɑn kirɔ kuɑ u nɛɛ, n ku sĩ swɑɑ yè sɔɔ Yudɑbɑ bɑ sĩimɔ.

¹²Bɑ̀ n ɡeruɑ bɑ nɛɛ, bɑ bu nɔɔ tiɑ kuɑwɑ bɑ kɑ bu seesi, n ku ye wurɑ. N ku mɑɑ de ye yɑ bu bɛrum mɔ̀ yu mɑn bɛrum ko, kpɑ n ku nɑndɑ.

¹³Domi Yinni Gusunɔwɑ u dɑm kpuro mɔ. Wi turowɑ u dɛɛre, wiyɑ n weenɛ su nɑsiɑ.

¹⁴U sɑ̃ɑwɑ kuku yeru, ɑdɑmɑ u mɑɑ sɑ̃ɑ kpee te Isirelibɑ kɑ Yudɑbɑ bɑ sokurɑmɔ. Mɛyɑ u mɑɑ sɑ̃ɑ yinɑ ye Yerusɑlɛmuɡibu bɑ wɔrimɔ.

¹⁵Ben dɑbiru bɑ koo tu sokurɑ, kpɑ bu wɔrumɑ bu bɔɔkirɑ. Mɛyɑ bɑ koo mɑɑ yinɑ ye wɔri.

¹⁶Nɑ ɡɑri yi Yinni Gusunɔ u mɑn sɔ̃ɔwɑ beruɑ. Nɛn bwɑ̃ɑbu tɔnɑwɑ nɑ yi sɔ̃ɔwɑ kpɑ bu yi nɛnɛ kem kem.

¹⁷Nɑ Yinni Gusunɔ yĩiyɔ, nɑ mɑɑ nùn nɑɑnɛ sɑ̃ɑ bɑɑ mɛ u Yɑkɔbun yɛnuɡibu biru kisi.

¹⁸Nɛ wee kɑ nɛn bii be u mɑn kɑ̃. Bɛsɛn wɑ̃ɑrɑ kuɑ yĩre te Gusunɔ, wɔllu kɑ tem Yinni, u kɑ Isirelibɑ ɡɑri mɔ̀. Yinni Gusunɔ wi, u wɑ̃ɑwɑ Siɔnin ɡuurɔ.

¹⁹Gɑbɑ koo bɛɛ sɔ̃ bu nɛɛ, i doo i bikiɑru ko be bɑ ɡɔribu sokumɔn mi, kɑ sere sɔrobun mi, kɑ be bɑ rɑ bũnu se bɑ n kuuki mɔ̀n mi. Domi bweseru bɑɑtere tɑ rɑ bikiɑru de ten bũun mi, kpɑ u tu ɡɔribu sokuɑ.

²⁰Adɑmɑ bɛɛ, i bu wisio i nɛɛ, bu doo bu Yinni Gusunɔn woodɑn tireru ɡɑri. Wìn ɡɑri yi ǹ kɑ woodɑ nɔɔ tiɑ sɑ̃ɑ, i ku yi swɑɑ dɑki. Yi ǹ bɛɛ ɑrufɑɑni ɡɑɑ mɔ̀.

²¹Sɑɑ ɡɑɑ sisi yè sɔɔ tɔmbɑ koo yɑɑyɑɑre ko tem mɛ sɔɔ, kpɑ bɑ n ɡɔ̃ɔru soore, bɑ n wɑsire. Mɛyɑ ɡɔ̃ɔrun sɔ̃ ben mɔru koo se, kpɑ bu ben sinɑ boko kɑ Gusunɔ bɔ̃rusi. Bɑ̀ n mɛɛrɑ wɔllɔ,

²²ǹ kun mɛ temɔ, kpɑ bu deemɑ yɑm wɔ̃kuru kɑ nuku sɑnkirɑnɑ kpuro. Ben ɡoo kun kisirɑmɔ yɑm wɔ̃ku bɑkɑ ten min di.

²³Adɑmɑ yɑm wɔ̃ku te kɑ nuku sɑnkirɑ ni, yen ɡɑɑ kun ko n wɑ̃ɑ sere kɑ bɑɑdommɑɔ tem mɛ sɔɔ. Sɑbulonin tem kɑ Nɛfitɑlin tem mu rɑɑ wɑ̃ɑ sekuru sɔɔ yellu. Adɑmɑ sɑɑ yɑ wee yè sɔɔ yiiko yɑ koo tem mɛ wukiri sɑɑ nim wɔ̃kun di n kɑ dɑ Yuudɛnin ɡuruɔ, kɑ Gɑlileɔ mi tɔn tukobɑ wɑ̃ɑ.