Read bariba Esɑi 9 Bible Online

Esɑi 9 - bariba bible

Esɑi 9

¹Tɔn be bɑ rɑɑ sĩimɔ yɑm wɔ̃kuru sɔɔ, bɑ koo yɑm bururɑm bɑkɑm wɑ. Be ɡɔɔn bɛrum mu wukiri nɡe yɑm wɔ̃kuru, yɑm bururɑm mu koo bu kuremɑ.

²Yinni Gusunɔ, kɑɑ bu nuku doo bɑkɑbu wɛ̃, kpɑ bɑ n nuku doo bi mɔ̀ wunɛn wuswɑɑɔ nɡe mɛ bɑ rɑ nuku dobu ko ɡɛ̃ɛbun sɑɑ sɔɔ, ǹ kun mɛ sɑnɑm mɛ bɑ ɑrumɑni ɡurɑmɑ bɑ bɔnu mɔ̀ kɑ kuuki.

³Nɡe mɛ ɑ wunɛn tɔmbu wɔrɑ sɑɑ Mɑdiɑnin tɑbu kowobun nɔmɑn di, nɡe mɛyɑ kɑɑ bu yɑrɑ yorun di kpɑ ɑ dɛkɑ ye bɑ rɑ kɑ bu so biruɔ kɑ sere sɛnɑ ye bɑ rɑ kɑ bu dɑm dɔre bɔɔku.

⁴Bɑ ǹ mɑɑ tɑbu kowobun bɑrɑ nɑɑsun dɑmu nɔɔmɔ. Ben tɑbu yɑ̃nu nu rɑ n yɛm yibɑ. Bɑ ǹ mɑɑ nu dokemɔ. Bɑ koo yɑ̃ɑ ni kɑ bɑrɑ ni dɔ̃ɔ kɑrewɑ.

⁵Domi bɑ koo sun bii tɔn durɔ mɑruɑ. Wiyɑ u koo ko bɛsɛn wiruɡii. Win tɔmɑrɑ, Bwisi kɛ̃ɔ bɛɛrɛɡii, kɑ Gusunɔ Dɑm kpuroɡii, kɑ Bɑɑbɑ wi u rɑ n wɑ̃ɑ, kɑ Bɔri yɛndun nuuru.

⁶U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

⁷Yinni Gusunɔ u Isireli be bɑ sɑ̃ɑ Yɑkɔbun bweseru siri. Mɑ siri bi, bu bu di.

⁸Tɔmbu kpuro, Efɑrɑimubɑ kɑ Sɑmɑriɡibu, bɑ koo ye ɡiɑ, be, be bɑ ɡerumɔ kɑ tii suɑbu bɑ mɔ̀,

⁹wee diɑn birikibɑ bɑ wɔrukumɔ, ɑdɑmɑ sɑ ko mɑɑ yi seeyɑ kɑ kpee ni bɑ dɑ̃kɑ. Wee sikɑmɔren dɑ̃ɑ ɡberebɑ bɑ bɔɔkirɑ. Sɑ ko bu kɔsi kɑ dɑ̃ɑ ɡeɑ ye bɑ mɔ̀ sɛdurun ɡberebɑ.

¹⁰Yinni Gusunɔ u koo Resini Asirin sinɑ bokon wɛrɔbu tɑbu yɑ̃nu wɛ̃, kpɑ bu Isirelibɑ wɔri.

¹¹U koo de Siriɡibu bɑ n wɑ̃ɑ sɔ̃ɔ yɑri yeru ɡiɑ, kpɑ Filisitibɑ bɑ n mɑɑ wɑ̃ɑ sɔ̃ɔ duu yeru ɡiɑ, kpɑ bu nɔɔ wukiɑ bu Isirelibɑ mwɛ. Kɑ mɛ kpuro, win mɔru kun suremɔ. U koo mɑɑ bu nɔmɑ doke u sɛɛyɑsiɑ.

¹²Adɑmɑ bɑ ǹ wurɑmɑmɔ win mi, wi, wi u bu sɛɛyɑsiɑmɔ, wi, wi u sɑ̃ɑ wɔllu kɑ tem Yinni. Bɑ ǹ mɑɑ nùn kɑsumɔ.

¹³Yen sɔ̃nɑ u koo Isirelibɑn wiru kɑ ben siru burɑ sɔ̃ɔ teerun sɔ̃ɔ.

¹⁴Ben bukuro berɑ, bɑ sɑ̃ɑ ben wiru, mɑ sɔmɔ weesuɡibu bɑ sɑ̃ɑ ben siru.

¹⁵Be bɑ sɑ̃ɑ tɔn ben kpɑrobu, bɑ derɑ bɑ kɔ̃ɔrɑ. Be, be bɑ mɑɑ kpɑre, bɑ swɑɑ kɔ̃sɑ mwɑ.

¹⁶Yen sɔ̃nɑ Yinni Gusunɔ u ǹ nuku dobu mɔ, ben ɑluwɑɑsibɑn sɔ̃. U ǹ mɑɑ ben ɡobekubɑ kɑ ɡɔminibu wɔnwɔndu kuɑmmɛ. Domi be kpuro bɑ sɑ̃ɑwɑ nuku kɔ̃suruɡibu. Bɑ ǹ Gusunɔn bɛɛrɛ yɛ̃. Sekuru sɑri ɡɑriyɑ yi rɑ yɑri sɑɑ ben nɔsun di. Yen sɔ̃, Yinni Gusunɔn mɔru kun suremɔ. U koo bu nɔmu dokewɑ u sɛɛyɑsiɑ.

¹⁷Domi nuku kɔ̃suru tɑ rɑ mɛniwɑ nɡe dɔ̃ɔ wi u rɑ yɑkɑsu kɑ sɑ̃ki mwɛ. Dɔ̃ɔ wi, u rɑ du u dɑ̃ɑ sɔ̃ɔ bɔkɔ mwɑ, kpɑ wiisu su se ɡe sɔɔn di.

¹⁸Gusunɔ, wɔllu kɑ tem Yinnin mɔrun sɔ̃, tem mɛ, mu dɔ̃ɔ mwɑɑrɑ, mɑ mɛn tɔmbɑ dɔ̃ɔ diirɑ. Goo kun win winsim lɑɑkɑri mɔ̀ u sere nùn somi.

¹⁹Bɑ dĩɑnu ɡurɑmɔ nɔm ɡeuɔ kɑ nɔm dwɑrɔ. Adɑmɑ kɑ mɛ, ɡoo kun debɑ. Mɑ ben bɑɑwure u win winsim wɑsin yɑɑ temmɔ.

²⁰Mɑnɑsebɑ kɑ Efɑrɑimubɑ bɑ tɑbu wɔrinɑmɔ. Yen biru be kpuro bɑ mɛnnɑ bɑ Yudɑbɑ wɔri. Kɑ mɛ, Yinni Gusunɔn mɔru kun sure. U mɑɑ bu nɔmu doke, u sɛɛyɑsiɑmɔ.