Read bariba Yeremi 48 Bible Online

Yeremi 48 - bariba bible

Yeremi 48

¹Wee ye Gusunɔ Isirelibɑn Yinni wi u wɔllu kɑ tem mɔ, u ɡeruɑ Mɔɑbubɑn sɔ̃. U nɛɛ, Nɛbo yɑ kɑm kuɑ domi wee bɑ yen yɑ̃nu ɡurɑ. Kiriɑtɑimu yɑ wɑ̃ɑ sekuru sɔɔ domi bɑ ye mwɑ. Misiɡɑbu yɑ wɑ̃ɑ sekuru sɔɔ, domi bɑ ye kɔsukɑ.

²Mɔɑbun bɛɛrɛ yɑ kpɑ. Mɑ bɑ bwisikumɔ bu Hɛsiboni kɑm koosiɑ. Bɑ mɔ̀, su dɑ su ye kɑm koosiɑ kpɑ yɑ kun mɑɑ wɑ̃ɑ hɑnduniɑ sɔɔ. Wunɛ Mɑdimɛni, kɑɑ ko bɑnsu, domi wee bɑ nun tɑbu wɔrimɑm wee.

³Bɑ fɑɑbɑ kɑnɑmɔ sɑɑ Koronɑimun di, bɑ mɔ̀, wee bɑ bɛsɛn yɑ̃nu ɡurɑmɔ. Wee bɑ kpuro kɔsukumɔ.

⁴Bɑ Mɔɑbu kɑm koosiɑ. Mɑ bibun nɔɔ ɡɑ nɔɔrɑmɔ.

⁵Bɑ wuri wennɛ ɡuu te bɑ mɔ̀ Lusitiɔ, mɑ nuku sɑnkirɑnun kuuki yi sɑrɑmɑmɔ sɑɑ Koronɑimun ɡuurun di.

⁶Bɑ mɔ̀, i duki yɑkuro, i bɛɛn wɑ̃ɑru wɔrɑ, kpɑ i dɑ i n wɑ̃ɑ nɡe ɡbeeku kɛtɛkunu ɡbɑburɔ.

⁷Domi i bɛɛn nɑɑnɛ dokewɑ bɛɛn nɔmɑn sɔmburu kɑ bɛɛn ɑrumɑnibɑ sɔɔ. Wee, tɛ̃ bɑ koo bɛɛn tii mwɛɛri kpɑ bu bɛɛn bũu wi bɑ mɔ̀ Kemɔsi kɑ win yɑ̃ku kowobu kɑ win wiruɡibu yoru mwɑ bu kɑ doonɑ.

⁸Be bɑ koo bu kɑm koosiɑ mi. Bɑ koo duwɑ wuu bɑɑɡere sɔɔ. Gen ɡɑɡɑ kun kisirɑmɔ ben nɔmɑn di. Bɑ koo kpuro kɑm koosiɑwɑ wɔwi sɔɔ kɑ tem tɛɛri sɔɔ. Yinni Gusunɔwɑ u yeni ɡeruɑ.

⁹U mɑɑ nɛɛ, i Mɔɑbubɑn sikɑ sɔɔru koowo, domi ben ɡɔɔ turuku kuɑ. Ben wusu su koo ko bɑnsu. Goo kun ko n mɑɑ wɑ̃ɑ si sɔɔ.

¹⁰Be bɑ Gusunɔn sɔmburu mɔ̀ kɑ ɑtɑfiiru, u bu bɔ̃rusio. Be bɑ yinɑmɔ bu tɔmbu ɡo kɑ tɑkobi, Gusunɔ u bu bɔ̃rusio.

¹¹Wee, sɑɑ yellun di, Mɔɑbubɑ bɑ wɑ̃ɑ bɔri yɛndu sɔɔ. Bɑ ǹ yoru diire ɡɑm. Bɑ sɔ̃wɑ kpɛtɛɛ nɡe tɑm kɔrɔru. Bɑ ǹ bu ɡɔsiɑre ɡɑm sɔɔ nɡe tɑm. Ben dobu kɑ ben wɑni kun kɔsɑ.

¹²Yen sɔ̃nɑ nɛ, Yinni Gusunɔ nɑ nɛɛ, tɔ̃ru ɡɑrɑ sisi tè sɔɔ kon bu tɔmbu suremɑ bu bu ɡɔsie wekenu ɡɑnu sɔɔ, kpɑ bu weke ni kɔsuku.

¹³Mɔɑbu be, bɑ koo sekuru wɑ ben bũu wi bɑ mɔ̀ Kemɔsin sɔ̃, nɡe mɛ Isirelibɑ bɑ sekuru wɑ bũu wi u wɑ̃ɑ Betɛliɔn sɔ̃, domi wi sɔɔrɑ bɑ ben nɑɑnɛ doke.

¹⁴Bɛɛ Mɔɑbubɑ, ɑmɔnɑ i ko i kɑ kpĩ i ɡere i nɛɛ, i sɑ̃ɑwɑ tɑbu durɔbu be bɑ wɑ̃ɑ tɑbun sɔ̃.

¹⁵Domi wee, i kɑm kuɑ. Bɛɛn wusu su dɔ̃ɔ mwɑɑrɑ. Mɑ yibɛrɛbɑ bɑ bɛɛn ɑluwɑɑsi dɑmɡibu mwɛɛrɑ bɑ sɑkirɑ. Yeniwɑ sinɑ boko u ɡeruɑ. Win yĩsirɑ Gusunɔ, wɔllu kɑ tem Yinni. U nɛɛ,

¹⁶Mɔɑbun kɑm kobu turuku kuɑ. Nɔni swɑ̃ɑ te bɑ koo wɑ, tɑ wee fuuku fuuku.

¹⁷Bɛɛ be i wɑ̃ɑ ben turuku, i kɑ bu ɡɔɔ sinɔ. Bɛɛ be i bu yɛ̃, i bu bikio i nɛɛ, ɑmɔnɑ n koosinɑ bɑ kɑ bɑn tenin dɑm bɑkɑm mɛ kpeerɑsiɑ mɛ.

¹⁸Bɛɛ mɑɑ Diboniɡibu, i bɛɛn sin yee bɛɛrɛɡinu derio, kpɑ i nɑ i sinɑ temɔ. Domi be bɑ Mɔɑbubɑ kɑm koosiɑ, bɑ wee bu bɛɛ wɔri, kpɑ bu bɛɛn ɡbɑ̃rɑ dɑmɡinu kɔsuku.

¹⁹Bɛɛ Aroɛɛɡibu, i doo swɑɑɔ i mɛɛri, kpɑ i Mɔɑbu be bɑ kpikiru suɑ bikiɑ i nɛɛ, mbɑ n koorɑ.

²⁰Bɑ koo bɛɛ wisi bu nɛɛ, bɑ wɑ̃ɑwɑ sekuru sɔɔ bɑ diirimɔ. I kuuki koowo, i ɡbɑ̃rɑ, kpɑ i bɑɑwure nɔɔsiɑ Aɑnɔɔwɔ mɑ bɑ Mɔɑbubɑ ɡurɑ.

²¹Yinni Gusunɔwɑ u bu sɛɛyɑsiɑmɔ be bɑ wɑ̃ɑ wɔwɑ sɔɔ kɑ yen wuu sini sɔɔ, si bɑ mɔ̀, Holoni kɑ Yɑhɑsi kɑ Mɛfɑti,

²²kɑ Diboni kɑ Nɛbo kɑ Bɛti Dibilɑtɑimu,

²³kɑ Kiriɑtɑimu kɑ Bɛti Gɑmulu kɑ Bɛti Mɛɔni,

²⁴kɑ Keriɔtu kɑ Botisirɑ, Mɔɑbubɑn wusu kpuro ɡesi, si su wɑ̃ɑ turuku kɑ tontondeɔ.

²⁵Bɑ Mɔɑbubɑn dɑm buɑ, mɑ ben yiiko yɑ kpɑ. Yinni Gusunɔwɑ u yeni ɡeruɑ.

²⁶Mɔɑbubɑ bɑ tii suɑ Gusunɔn wuswɑɑɔ. Yen sɔ̃, bu bu tɑm tɑɑsio sere bu mu siruku kpɑ bu bu yɛ̃ɛ.

²⁷Bɛɛ Mɔɑbubɑ, i yɑɑyo mɑ i rɑɑ Isirelibɑ yɛ̃ɛ. I rɑɑ bu wii ɡimɑnu koosi nɡe be i ɡbɛnɑ mwɑ.

²⁸Tɛ̃, i yɑrio bɛɛn wusun di kpɑ i dɑ i n wɑ̃ɑ kpee bɑɑbɑ sɔɔ, kpɑ i kpee ɡoominu sɑɑri, i bɛɛn wɑ̃ɑ yenu ko kpee bɑɑbɑ sɔɔ.

²⁹Sɑ Mɔɑbubɑn tii suɑbun ɡɑri nuɑ, kɑ ben tɔn biɑru, kɑ sere mɑɑ ben woo kɑnɑbu, kɑ ben deɡɑnɡɑm, kɑ ben nɔni yɔnnu.

³⁰Yinni Gusunɔ u nɛɛ, nɛn tii, nɑ yɛ̃ mɑ bɑ rɑ tii sue ben ɡɑri ɡerubu sɔɔ. Adɑmɑ ye bɑ mɔ̀ kpuro, yɑ ku rɑ n ɑrufɑɑni ɡɑɑ mɔ.

³¹Yen sɔ̃nɑ nɑ Mɔɑbubɑ kpuro ɡɔɔ swĩiyɑmmɛ. Mɑ nɑ Kiri Herɛsiɡibu weeweenu kuɑmmɛ.

³²Sibimɑn resɛm ɡbɑɑru, nɑ wuri mɔ̀ wunɛn sɔ̃. Nɛn wuri yi, yi Yɑsɛɛɡibuɡii kere. Yellu, wunɛn dɑ̃ɑ kɑ̃ɑsi yi nim wɔ̃ku sɑrɑmɔ. Yi mɑm Yɑsɛɛn dɑɑrun nim dɛkɑmɔ. Adɑmɑ wee, kɑm koosio u yin mɑrum wɔri u kɑm koosiɑ.

³³Nuku dobun womusu kun mɑɑ wɑ̃ɑ Mɔɑbubɑn ɡbeɑɔ. Goo ku rɑ mɑɑ tɑm ɡɑmɛ mi. Tɑm sɑri wekenu sɔɔ. Nuku dobun kuuki kun mɑɑ nɔɔrɑmɔ mi, mɑ n kun mɔ tɑbuɡii.

³⁴Hɛsiboniɡibu bɑ nɔɔɡiru sue bɑ somiru kɑnɑmɔ. Bɑ ben nɔɔ nɔɔmɔ Eleɑleɔ, kɑ Yɑhɑsiɔ, kɑ Soɑriɔ, kɑ Koronɑimuɔ, kɑ Eɡɑlɑti Selɑsiɔ. Domi bɑɑ Nimurimun dɑɑru tɑ kɑm kuɑ.

³⁵Yinni Gusunɔ u nɛɛ, kon den Mɔɑbubɑ kpeerɑsiɑ, be, be bɑ yɔɔmɔ ben bũu turɑnɔ bɑ nu turɑre dɔ̃ɔ dokeɑmmɛ.

³⁶Yen sɔ̃nɑ nɛn ɡɔ̃ru ɡɑ sumɔ nɡe ɡuuru Mɔɑbubɑ kɑ Kiri Herɛsiɡibun sɔ̃. Domi ben dukiɑ ye bɑ ɡurɑ kpuro yɑ kɑm kuɑ.

³⁷Tɔmbu kpuro bɑ ben seri kɑ ben tobɑ kɔnɑ, bɑ tii mururɑ nɔmɑ yiru kpuro, bɑ sɑɑki deewɑ ben nuku sɑnkirɑnun sɔ̃.

³⁸Bɑ ɡɔɔ wuri mɔ̀ yɛnu bɑɑɡere sɔɔ kɑ sere mi bɑ rɑ mɛnnɛ kpuro ɡesi domi nɑ Mɔɑbubɑn tem kɔsukɑ nɡe weke te ɡoo kun mɑɑ kĩ. Nɛ, Yinni Gusunɔwɑ nɑ yeni ɡeruɑ.

³⁹I ɡɔɔ swĩiyɔ, Mɔɑbubɑ bɑ wɔrumɑ. Bɑ biruku yirɑ wurɑ. Annɑ ɑ sekuru wɑ. Be bɑ kɑ bu sikerenɛ kpuro, bɑ bu yɛ̃ɛmɔ.

⁴⁰Yinni Gusunɔ u nɛɛ, wee, yibɛrɛbɑ bɑ koo nɑ nɡe yɑberekunu ni nu bɛllimɔ wɔllɔ.

⁴¹Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

⁴²Bɑ koo Mɔɑbubɑ kpeerɑsiɑ. Ben bweserɑ koo nɔru ko, domi bɑ nɛ, Yinni Gusunɔ seesi.

⁴³Wee, bɑ bu yinɑ kɑ tɑɑ kɑ suurɑ bɛrie.

⁴⁴Wi u dukɑ mɔ̀ bɛrum sɔ̃, u koo wɔriwɑ suurɑ ye sɔɔ. Wi u mɑɑ yɑrɑ suurɑ yen di, kpɑ u tɑɑ mwɑɑrɑ. Domi kon de Mɔɑbun sɛɛyɑsiɑbun tɔ̃ru tu nɑ. Nɛ, Yinni Gusunɔwɑ nɑ yeni ɡeruɑ.

⁴⁵Be bɑ kpikiru suɑ bɑ ǹ mɑɑ dɑm tie, bɑ wɛ̃rɑ yeru kɑsu Hɛsiboniɔ. Adɑmɑ dɔ̃ɔ yɑri yi koo yɑri yen sinɑ boko Sihonin dirun di, yi dɑ yi Mɔɑbubɑn tem nɔɔ burɑ yenu kɑ mɛn ɡuunu di.

⁴⁶Bɛɛ, Mɔɑbubɑ, i kɑm kuɑwɑ. Bɛɛ Kemɔsiɡibu, i kpeerɑwɑ. Wee, bɑ koo bɛɛn bibu yoru mwɛɛri bu kɑ doonɑ.

⁴⁷Adɑmɑ sɑɑ ɡɑɑ sisi yè sɔɔ kon kɑ Mɔɑbu be bɑ yoru mwɛɛrɑ mi wurɑmɑ ben temɔ. Nɛ, Yinni Gusunɔwɑ nɑ yeni ɡeruɑ. Nɡe mɛyɑ kon kɑ Mɔɑbubɑ sɛɛyɑsiɑ.