Read bariba Yeremi 5 Bible Online

Yeremi 5 - bariba bible

Yeremi 5

¹Yinni Gusunɔ u nɛɛ, bɛɛ Yerusɑlɛmuɡibu, i bɛɛn swɛɛ kpuro swĩiyɔ. I doo kɑ mi tɔmbɑ rɑ mɛnnɛ i kɑsu ì n ko i ɡoo wɑ wi u rɑ ko dee dee mɑ u rɑ ɡem ɡere. Ì n yɛ̃ro wɑ, sɑɑ ye sɔɔrɑ nɛ, Yinni Gusunɔ, kon bɛɛn durum wɔkɑ.

²Mɑ Yeremi u nɛɛ, wee, bɑ rɑ n bɔ̃rumɔ bɑ n mɔ̀, kɑ Yinni Gusunɔn wɑ̃ɑru, ɑdɑmɑ weesu sɔɔrɑ bɑ bɔ̃ri yi mɔ̀.

³Yinni, n ǹ wi u ɡem swĩi, wiyɑ ɑ kɑsu? Wee, ɑ bu surɑ ɑdɑmɑ bɑ nun ɑtɑfiiru kuɑ. A bu nɔni sɔ̃ɔwɑ, ɑdɑmɑ kɑ mɛ, bɑ ǹ ɡɑ̃ɑnu ɡie. Ben ɡɔ̃ru ɡɑ bɔbiɑwɑ nɡe kperu. Bɑ yinɑ bu wurɑmɑ wunɛn mi.

⁴Mɑ nɑ nɛɛ, bɑ sɑ̃ɑwɑ nɡe bibu, bɑ mɔ̀wɑ nɡe ɡɑri bɑkɑsu. Domi bɑ ǹ wunɛn swɛɛ yɛ̃, bɑ ǹ mɑɑ wunɛn woodɑbɑ yɛ̃.

⁵Kon ɡɔsirɑ n dɑ be bɑ bukuren mi, kpɑ n kɑ bu ɡɑri ko. Domi be, bɑ wunɛn swɛɛ yɛ̃, bɑ mɑɑ wunɛn woodɑbɑ yɛ̃. Wee, ben tii bɑ nun yinɑ nɡe yɑ̃ɑ te tɑ wɛ̃ɛ yinɑ mɑ tɑ yi kɑsukɑ.

⁶Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

⁷Yinni Gusunɔ u nɛɛ, mbɑn sɔ̃nɑ kon nɛn tɔmbun durum wɔkɑ. Domi wee, bɑ mɑn deri mɑ bɑ bɔ̃rumɔ kɑ bũnun yĩsinu. Nɑ bu debiɑ, ɑdɑmɑ bũnɑ bɑ kɑ ɑrukɑwɑni bɔkuɑ bɑ nu ɡɑsirimɔ.

⁸Bɑ sɑ̃ɑwɑ nɡe dum dwɛɛ yi yi debɑ yi wuri mɔ̀ yi kurɔbu ɡire. Nɡe mɛyɑ bɑ rɑ n ben berusebun kurɔbu nɑɑ ɡire, bɑ n kpeeki mɔ̀.

⁹Mbɑn sɔ̃nɑ nɑ ǹ ko n bwese teni mɔru kɔsie, kpɑ n tu sɛɛyɑsiɑ yenin sɔ̃.

¹⁰Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

¹¹Mɛyɑ kon ko domi Isirelibɑ kɑ Yudɑbɑ bɑ ǹ kɑ nɛ turo yɔ̃re. Nɛ, Yinni Gusunɔwɑ nɑ yeni ɡeruɑ.

¹²Yinni Gusunɔ u nɛɛ, Isirelibɑ bɑ mɑn siki bɑ nɛɛ, nɑ ǹ dɑm ɡɑm mɔ. Kɔ̃sɑ kun mɑɑ bu deemɑmɔ. Bɑ ǹ tɑbu wɑsi, bɑ ǹ mɑɑ ɡɔ̃ɔru wɑsi.

¹³Nɛn sɔmɔbun ɡɑri yi mɑɑ sɑ̃ɑwɑ nɡe wom dirum. Ben ɡoo ku rɑ bu ɡɑri ɡee sɔ̃. Bɑ mɑɑ ɡerumɔ bɑ mɔ̀, sɔmɔ ben ɡɑri yi wɔri ben tii sɔɔ.

¹⁴Yen sɔ̃, nɛ, Gusunɔ, wɔllu kɑ tem Yinni, nɑ nɛɛ, ye bɑ kɑ ɡeruɑ mɛ, wee, nɛn ɡɑri yi ko n sɑ̃ɑ nɡe dɔ̃ɔ wunɛ Yeremin nɔɔ sɔɔ, kpɑ nɛn tɔn be, bɑ n sɑ̃ɑ nɡe dɑ̃ɑ ye dɔ̃ɔ wi, u koo mwɑ.

¹⁵Tɛ̃ bɛɛ nɛn tɔmbu, Isirelibɑ, kon bɛɛ bweseru ɡɑru suremɑ tontonden di. Bwese te, tɑ dɑm mɔ tɑ rɑɑ mɑɑ wɑ̃ɑwɑ sɑɑ yellun di. I ǹ mɑɑ ten bɑrum nɔɔmɔ.

¹⁶Bɑ sɑ̃ɑwɑ tɑbu durɔbu be kpuro. Ben sɛ̃ɛnun sɑɑbu, ɡonu rɑ n yibɑwɑ sikɑɔ.

¹⁷Bwese te, tɑ koo bɛɛn dĩɑnu kɑm koosiɑ, kɑ bɛɛn bibu, kɑ bɛɛn yɑɑ sɑbenu, kɑ bɛɛn dɑ̃ɑ mɑrum, kpɑ bu bɛɛn wuu si su ɡbɑ̃rɑnu mɔ tɑbu wɔri, bu kɔsuku, sì sɔɔ bɛɛn yĩiyɔbu wɑ̃ɑ.

¹⁸Adɑmɑ yen tɔ̃ɔ te, n ǹ bɛɛ kpuro kon kɑm koosiɑ.

¹⁹Tɛ̃ Yeremi, bɑ̀ n nɛɛ, mbɑn sɔ̃nɑ nɛ, Gusunɔ ben Yinni nɑ bu yenin bweseru kuɑmmɛ, kɑɑ bu wisiwɑ ɑ nɛɛ, bɑ mɑn deri bɑ kɑ tɔn tukobun bũnu nɑ ben temɔ bɑ sɑ̃ɑmɔ. Nɡe mɛyɑ ben tii bɑ koo dɑ bu tɔn tukobu sɑ̃ tem tukumɔ.

²⁰Yinni Gusunɔ u nɛɛ, i Yɑkɔbun bweseru sɔ̃ɔwɔ, be, be bɑ sɑ̃ɑ Yudɑbɑ, i nɛɛ,

²¹bu swɑɑ dɑkio ye nɑ bu sɔ̃ɔmɔ. Bɑ sɑ̃ɑwɑ nɡe wɔ̃kobu, bɑ ǹ bwisi mɔ. Bɑ nɔni mɔ, ɑdɑmɑ bɑ ǹ yɑm wɑɑmɔ. Bɑ swɑsu mɔ, ɑdɑmɑ bɑ ǹ ɡɑri nɔɔmɔ.

²²Bɑ ǹ koo mɑn nɑsiɑ? Bɑ ǹ koo diiri nɛn wuswɑɑɔ? Nɛnɑ nɑ derɑ yɑni sɛɛri yi nim wɔ̃kun nim ɡunuɑ. Mɑ nɑ nɛɛ, mu ǹ mɑɑ sɑrɑmɔ mi nɑ mɛn nɔɔ burɑ yeru yi mi. Miyɑ mu ko n wɑ̃ɑ sere kɑ bɑɑdommɑɔ. Bɑɑ mɛ nim kurenu nu rɑ se, nu ǹ dɑm mɔ. Bɑɑ mɛ nu rɑ wɔki, mu ku rɑ ɡɑm de.

²³Adɑmɑ be, nɛn tɔmbu, bɑ sɑ̃ɑwɑ mɛm nɔɔ sɑribɑ. Bɑ rɑ kɑ mɑn mɔru ko kpɑ bu mɑn deri.

²⁴Bɑ ku rɑ tii sɔ̃ bu nɛɛ, bu nɛ, Yinni Gusunɔ nɑsiɑ, nɛ wi nɑ rɑ bu ɡurɑ wɛ̃ wɔ̃ɔ kɑ wɔ̃ɔ yen sɑɑ sɔɔ, kpɑ n mɑɑ sɑɑ yi bu kɑ dĩɑnu ɡɛ̃.

²⁵Bɑ n yɛ̃ mɑ ben durum kɑ ben torɑnun sɔ̃nɑ bɑ ku rɑ mɑɑ domɑ ten bweseru wɑ.

²⁶Domi ben suunu sɔɔ tɔn kɔ̃sobɑ wɑ̃ɑ. Bɑ rɑ tɔmbu yɛ̃ri bɛriewɑ bu kɑ bu mwɛɛri nɡe be bɑ rɑ ɡunɔsu tɑɑ yinuɛ.

²⁷Tɑkiwɑ yɑ rɑ n yibɑ ben yɛnusɔ, nɡe mɛ ɡunɔ tɑɑson ɡunɔ diru tɑ rɑ n ɡunɔsu yibɑ. Nɡe mɛyɑ bɑ kuurɑ mɑ bɑ dɑm kuɑ.

²⁸Bɑ dĩɑ ɡeenu di mɑ bɑ bɔriɑ. Bɑ rɑ kɔ̃sɑ kowɑ yu bɑndɑ. Bɑ ku rɑ kɑ ɡobeku yinɛ, ǹ kun mɛ sɑ̃ɑro. Bɑ ku rɑ bu ben ɡem wɛ̃. Kpɑ ben tii bɑ n kuurɑmɔ.

²⁹Mbɑn sɔ̃nɑ nɑ ǹ kon bwese teni mɔru kɔsie, kpɑ n bu sɛɛyɑsiɑ yenin sɔ̃.

³⁰Wee, nɛn tɔmbɑ ɡɑ̃ɑ kɔ̃sunu mɔ̀ tem mɛ sɔɔ.

³¹Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.