Read bariba Yeremi 6 Bible Online

Yeremi 6 - bariba bible

Yeremi 6

¹Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

²Bɑ koo Yerusɑlɛmu, wuu burɔ ɡe kɔsuku.

³Wee, tɔmbɑ ye wɔrim wee nɡe kpɑrobu kɑ ben yɑɑ sɑbenu. Bɑ ben sɑnsɑni ɡirɑ bɑ kɑ ye sikerenɑ. Ben bɑɑwure u win bweu mwɑ, wi kɑ win tɑbu kowobu.

⁴Bɑ kuuki mɔ̀ bɑ mɔ̀, i de su se sɔ̃ɔ sɔɔ ɡbɑ̃ɑrɑ su wuu ɡe wɔri. Adɑmɑ tɛ̃ sɔ̃ɔ kpɑ, yɑm mɑɑ tĩrɑmɔ.

⁵Ǹ n mɛn nɑ, i de su se wɔ̃kuru su dɑ su ɡen dii ɡeenu kɔsuku.

⁶Mɑ Yinni Gusunɔ u bu sɔ̃ɔwɑ u nɛɛ, bu dɑ̃ɑ bɔɔrio kpɑ bu kɑ ye sɑsɑnu ɡirɑ bu kɑ Yerusɑlɛmu sikerenɑ, bu ye sɛɛyɑsiɑ yèn sɔ̃ yen tɔmbɑ dɑm dɔrenɑmɔ.

⁷Nɡe mɛ dɔkɔ yɑ rɑ nim swĩ mu n kokumɔ, nɡe mɛyɑ Yerusɑlɛmuɡibun nuku kɔ̃suru tɑ rɑ n sɔ̃ɔsirɑmɔ. Dɑɑ bɔɔbɔyɑ kɑ kɑm kobun kookoosun ɡɑriyɑ yi rɑ n nɔɔrɑmɔ mi. Nɑ rɑ n wɑɑmɔ bɑɑdommɑ bɑ tɔmbu nɔni sɔ̃ɔmɔ bɑ bu mɛɛrɑ mɔ̀.

⁸Ǹ n mɛn nɑ, bɛɛ Yerusɑlɛmuɡibu, i nɛn sɔ̃ɔsiru lɑɑkɑri koowo, kpɑ n ku rɑ nɛn tii ɡɑwɑ sɑɑ bɛɛn min di n bɛɛn tem kɑm koosiɑ.

⁹Gusunɔ, wɔllu kɑ tem Yinni, u Yeremi sɔ̃ɔwɑ u nɛɛ, bɑ koo Isireli be bɑ tie ɡurɑ mɑm mɑm nɡe mɛ bɑ rɑ dɑ̃ɑ binu sɔri bɑ kun ɡɑ̃ɑnu deri.

¹⁰Mɑ Yeremi u wisɑ u nɛɛ, wɑrɑ kon ɡɑri sɔ̃, kpɑ n nùn kirɔ ko. Wɑrɑ koo mɑn swɑɑ dɑki. Wee, bɑ swɑɑ tɑu. Bɑ ǹ kpɛ̃ bu lɑɑkɑri ko. Ben mi, wunɛ Yinni Gusunɔn ɡɑri yi rɑ bu sekuru kowɑ. Bɑ ku rɑ kɑ̃ bu yi nɔ.

¹¹Yinni Gusunɔ, wee, nɑ kɑ tɔn be mɔru mɔ̀ wunɛn sɔ̃. Nɑ kpɑnɑ n tii nɛnɛ. Mɑ Yinni Gusunɔ u nɛɛ, ɑ de mɔru ye ɑ mɑn kuɑmmɛ mi, yu wɔri bibu sɔɔ be bɑ dweemɔ dɑ̃ɑ sɑɑnɔ, kɑ sere mɑɑ ɑluwɑɑsibɑn wuunu sɔɔ. Domi kurɔbu kɑ durɔbu kɑ tɔkɔnu, kpurowɑ bɑ koo ɡurɑ bu kɑ doonɑ.

¹²Kpɑ ben yɛnusu su ko ɡɑbuɡisu kɑ ben ɡbeɑ kɑ ben kurɔbu. Domi kon tem mɛ kpuron tɔmbu nɛn dɑm sɔ̃ɔsi. Nɛ, Yinni Gusunɔwɑ nɑ yeni ɡeruɑ.

¹³Domi sɑɑ bwɛ̃ɛbwɛ̃ɛbun di sere kɑ dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire. Nɛn sɔmɔbu kɑ yɑ̃ku kowobun tii, bɑ rɑ n weesu mɔ̀wɑ.

¹⁴Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

¹⁵N weenɛwɑ sekuru tɑ n bu mɔ̀, kɔ̃sɑ ye bɑ mɔ̀n sɔ̃, ɑdɑmɑ bɑ ǹ sekuru mɔ. Bɑ ǹ mɑm wure mɑ bɑ tore. Yen sɔ̃nɑ bɑ koo wɔrumɑ bu ɡbi. Bɑ koo fukurɑ bu wɔruku dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni kpuro ɡeruɑ.

¹⁶Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

¹⁷Gusunɔ u nɛɛ, nɑ bɛɛ kɔ̃sobu wɛ̃ i kɑ ben kɔbɑn swĩi swɑɑ dɑki. Adɑmɑ bɑ wisɑ bɑ nɛɛ, sɑ ǹ swɑɑ dɑkimɔ.

¹⁸Yen sɔ̃, u nɛɛ, bɛɛ bwese ni nu tie, i swɑɑ dɑkio i nɔ ye yɑ koo nɛn tɔmbu deemɑ.

¹⁹Bɛɛ temɡibu, i wɑɑwo. Wee kon nɛn tɔmbu kɔ̃sɑ sure. Yerɑ yɑ ko n sɑ̃ɑ ben bwisikunun ɑre. Domi bɑ ǹ nɛn ɡɑri swɑɑ dɑki, mɑ bɑ nɛn woodɑbɑ ɡɛmɑ.

²⁰Nɑ ǹ ben turɑre ye yɑ wee Sebɑn di ǹ kun mɛ dɑ̃ɑ kiku nubu duroruɡuu ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃. Nɑ ǹ ben yɑ̃ku dɔ̃ɔ mwɑɑrɑruɡinu kĩ. Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

²¹Yen sɔ̃nɑ kon bu sokurɑtiɑ dokeɑ, kpɑ bɑɑbɑbɑ kɑ ben bibu, tɔnu mɑɑ kɑ win bɔrɔ bu sokurɑ mi bu ɡbi.

²²Yinni Gusunɔ u nɛɛ, wee bweseru ɡɑrɑ sisi sɑɑ sɔ̃ɔ yɛ̃sɑn nɔm ɡeu ɡiɑn di mi n tomɑ. Bwese ten tɔmbu bɑ dɑm mɔ.

²³Bɑ tɛnnu kɑ yɑɑsi nɛni. Bɑ nuki sosu, bɑ ǹ wɔnwɔndu mɔ. Mɑ bɑ kukirimɔ nɡe nim wɔ̃kun nim. Bɑ yɔɔwɑ dumi wɔllɔ, mɑ bɑ yɔ̃ swɛɛ swɛɛ, bɑ tɑbun sɔɔru sɑ̃ɑ bu kɑ wunɛ Yerusɑlɛmu wɔri, wunɛ wi ɑ sɑ̃ɑ Siɔni.

²⁴Yerusɑlɛmuɡibɑ nɛɛ, ye sɑ ben lɑbɑɑri nuɑ, yerɑ bɛsɛn ɡɔmɑ dwiiyɑ. Sɑ wururɑ nɡe tɔn kurɔ wi u yiire u kĩ u mɑ.

²⁵Goo u ku rɑɑ yɑri u dɑ swɛɛɔ. Goo ku rɑɑ mɑɑ yɑri u dɑ yɑkɑsɔ. Domi yibɛrɛbɑ bɑ wɑ̃ɑ mi, bɑ ben tɑkobibɑ nɛni. Tɔmbɑ bɛrum soore bɑɑmɑ.

²⁶Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

²⁷Yinni Gusunɔ u nɛɛ, wunɛ Yeremi, nɑ nun yi ɑ kɑ nɛn tɔmbu sɔwɑ nɡe mɛ seko u rɑ sii ɡeesu sɔwe, kpɑ ɑ kɑ ben dɑɑ ɡiɑ.

²⁸Mɑ Yeremi u nɛɛ, tɔn be, bɑ sɑ̃ɑwɑ wee kowobu kɑ mɛm nɔɔ sɑribɑ. Bɑ bɔɔbuwɑ nɡe sisu. Be kpuro bɑ sɑnkirewɑ.

²⁹Bɑ̀ n sisu kɑ pɛɛrum dɔ̃ɔ doke bɑ wure, ye kpuro yɑ rɑ yɑndewɑ, kpɑ pɛɛrum mɛ, mu sii si sɔwɑ. Adɑmɑ kɑm sɔɔrɑ bɑ Isirelibɑ sɔwɑ. Ben tɔn kɔ̃sobu bɑ ǹ wunɑrɑmɔ,

³⁰mɑ bɑ bu sokumɔ sii si su ǹ ɡeɑ sɑ̃ɑ. Domi Yinni Gusunɔ u bu biru kisi.