Read bariba Swĩi 5 Bible Online

Swĩi 5 - bariba bible

Swĩi 5

¹Yinni Gusunɔ, ɑ yɑɑyo ye n sun deemɑ. A mɛɛrio ɑ wɑ nɡe mɛ sɑ wɑ̃ɑ sekuru sɔɔ.

²Bɛsɛn tem mɛ ɑ sun wɛ̃ mu kuɑ ɡɑbuɡim. Tɔn tukobɑ bɑ wɑ̃ɑ bɛsɛn diɑɔ.

³Bɛsɛn bɑɑbɑbɑ bɑ ɡu, mɑ bɛsɛn mɛrobu bɑ ɡɔminiru sɔ̃. Sɑ wɑ̃ɑ tundobu sɑri.

⁴Gobiyɑ sɑ rɑ kɔsie su sere bɛsɛn tiin dɔkɔn nim nɔ. Gobiyɑ sɑ rɑ mɑɑ kɑ bɛsɛn tem dɑ̃ɑ dwe.

⁵Wee, bɛsɛn yibɛrɛbɑ bɑ sun yoru diisiɑmɔ. Sɑ wɑsire, bɑ ǹ mɑɑ sun wɛ̃rɑbu wɛ̃ɛmɔ.

⁶Sɑ Asiriɡibu kɑ Eɡibitiɡibu dĩɑnu kɑnɑ.

⁷Wee, bɛsɛn bɑɑbɑbɑ bɑ kɔ̃sɑ kuɑ, ɑdɑmɑ bɑ ǹ mɑɑ kɑ sun wɑ̃ɑ. Bɛsɛrɑ sɑ yen wɑhɑlɑ sɔɔwɑ.

⁸Yobɑ bɑ kuɑ bɛsɛn yinnibu. Goo mɑɑ sɑri wi u koo sun wɔrɑ ben nɔmɑn di.

⁹Sɑ rɑ bɛsɛn wɑ̃ɑru kɑri bɔriewɑ, domi sɑ rɑ kɑ yibɛrɛbɑ tɑbu kowɑ ɡbɑburɔ su sere wɑ su di.

¹⁰Gɔ̃ɔrun sɔ̃ bɛsɛn wɑsi swĩɑ nɡe pɛ̃ɛ wɔ̃ɔ yeru.

¹¹Bɑ tɔn kurɔbu kɑ wɔndiɑbɑ ɡɑbirimɔ Yudɑn tem kpuro sɔɔ kɑ sere Yerusɑlɛmuɔ.

¹²Bɑ bɛsɛn wiruɡibu mwɛɛrɑ bɑ soorɑ doke. Bɑ ǹ durɔ tɔkɔnu bɛɛrɛ wɛ̃.

¹³Bɑ bɛsɛn ɑluwɑɑsibɑ mwɛɛrɑ nɡe yobu bu kɑ som nɑm. Mɑ bibɑ dɑ̃ɑ ɡurɑmɔ bɑ wɔrukumɔ yen bunum sɔ̃.

¹⁴Bɛsɛn bukurobu bɑ ku rɑ mɑɑ sinɛ bu siribu ko siri yerɔ. Mɛyɑ bɛsɛn ɑluwɑɑsibɑ bɑ ku rɑ mɑɑ womusu ko.

¹⁵Bɛsɛn nuku dobu bu kpɑ. Bɛsɛn nuku dobun yɑɑbu ɡɔsirɑ nuku sɑnkirɑnu.

¹⁶Bɛsɛn bɛɛrɛ yɑ kpɑ. Annɑ ɑ wɑhɑlɑ bɑkɑ wɑ torɑ ni sɑ kuɑn sɔ̃.

¹⁷Gisɔ sɑ nuki sɑnkire, mɑ sɑ nɔni yĩresu kokumɔ,

¹⁸yèn sɔ̃ ɡuu te bɑ mɔ̀ Siɔni tɑ kuɑ bɑnsu, mɑ tɑ kuɑ ɡbeeku bɔ̃nun wɑ̃ɑ yeru.

¹⁹Adɑmɑ wunɛ Yinni Gusunɔ, ɑ sɑ̃ɑwɑ sunɔ. Kɑɑ n bɑndu diiwɑ sere kɑ bɑɑdommɑɔ.

²⁰Kɑɑ n sun deriwɑ n kɑ tɛ? Mbɑn sɔ̃nɑ kɑɑ n sun duɑri sere kɑ bɑɑdommɑɔ.

²¹Yinni Gusunɔ, ɑ̀ n nɛɛ, su wurɑmɑ wunɛn mi, sɑ ko wurɑmɑ. A de bɛsɛn wɑ̃ɑru tu wurɑmɑ nɡe yellu.

²²Kɑɑ n kɑ sun mɔru bɑkɑ sɑ̃ɑwɑ? Kɑɑ n sun deriwɑ mɑm mɑm?