Read bariba Osee 6 Bible Online

Osee 6 - bariba bible

Osee 6

¹Isirelibɑ bɑ sɔ̃ɔnɑ bɑ nɛɛ, i nɑ su ɡɔsirɑ Yinni Gusunɔn mi. Wee u sun so u mɛɛrɑ kuɑ. Adɑmɑ u koo bɛsɛn mɛɛrɑ ye nɔɔri u sun bɛkiɑ.

²N ǹ mɑɑ tɛɛmɔ u kɑ sun wɑ̃ɑru wɛ̃, kpɑ sɑ n wɑ̃ɑ win wuswɑɑɔ.

³I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

⁴Yinni Gusunɔ u nɛɛ, bɛɛ Yudɑbɑ kɑ Isirelibɑ, mbɑ kon bɛɛ kuɑ. Wee bɛɛn kĩru nɛn sɔ̃ tɑ sɑ̃ɑwɑ nɡe bururun kɑkoru ǹ kun mɛ nɡe dirum mɛ mu rɑ yɑrinɛ fuuku.

⁵Yen sɔ̃nɑ kon bɛɛ nɛn sɔmɔbu ɡɔriɑmɑ bu bɛɛ sɔ̃ mɑ kon bɛɛ sɛɛyɑsiɑ. Kpɑ bu mɑɑ bɛɛ sɔ̃ mɑ kon bɛɛ ɡo. Nɛn siribu bu koo sɔ̃ɔsirɑ nɡe yɑm bururɑm.

⁶Domi wɔnwɔndɑ nɑ kĩ, n ǹ mɔ yɑ̃kuru. Mɛyɑ nɑ mɑɑ kĩ nɛn tɔmbu bu mɑn ɡiɑ n kere bu mɑn yɑ̃ku dɔ̃ɔ mwɑɑrɑruɡinu kuɑ.

⁷Bɑ nɛn ɑrukɑwɑni kusiɑ nɡe mɛ tɔmbu bɑ rɑ n kuɑnɑmmɛ. Wee bɑ mɑn tɔnu kɑndu kuɑ.

⁸Gɑlɑdiɡibu bɑ sɑ̃ɑwɑ tɔn kɔ̃sobu mɑ bɑ yɛm yɑri bɑɑmɑ.

⁹Nɡe mɛ swɑɑ diobu bɑ rɑ n swɑɑ mɑrɑ, nɡe mɛyɑ yɑ̃ku kowobun wuuru tɑ wɑ̃ɑ Sikɛmun swɑɑɔ tɑ tɔmbu ɡoomɔ.

¹⁰Nɑ ɡɑ̃ɑ kɔ̃sunu wɑ Isireliɔ, niyɑ bɑ bũnu ɡɑsirimɔ, bɑ tii disi dokemɔ nɡe sɑkɑrɑ kowo.

¹¹Sɑɑ yɑ sisi yè sɔɔ kon mɑɑ bɛɛ Yudɑbɑ sɛɛyɑsiɑ. Yinni Gusunɔ u nɛɛ, sɑnɑm mɛ nɑ kĩ nɛn tɔmbu Isirelibɑ bu wurɑmɑ yorun di,