Read bariba Hɑbɑkuku 1 Bible Online

Hɑbɑkuku 1 - bariba bible

Hɑbɑkuku 1

¹Gɑri wee yi Yinni Gusunɔ u win sɔmɔ Hɑbɑkuku sɔ̃ɔwɑ.

²Yinni Gusunɔ, sere sɑɑ yerɑ̀ ko nɑ n nun somiru kɑnɑmɔ. Sere sɑɑ yerɑ̀ kɑɑ n mɑn mɑɑri. Sere sɑɑ yerɑ̀ kɑɑ de nɑ n nun sɔ̃ɔmɔ mɑ tɔmbɑ dɑm dɔrenɑmɔ. Nɡe sere sɑɑ yerɑ̀ kɑɑ nɑ ɑ sun wɔrɑ.

³Mbɑn sɔ̃nɑ ɑ derɑ nɑ kɔ̃sɑ mɛɛrɑ. Mbɑn sɔ̃nɑ kɑɑ n tɔmbu mɛɛrɑ bɑ n ɡem birɑnɑmɔ. Wee, tɔmbɑ dɑm dɔrenɑmɔ bɑ dɑɑ kɔ̃sɑ mɔ̀ bɑɑmɑ kpuro. Sɑnnɔsu yibɑ, mɑ tɔmbɑ siribu sokunɑmɔ bɑɑmɑ kpuro.

⁴Goo sɑri wi u woodɑ mɛm nɔɔwɑmmɛ. Bɑ ku rɑ tɔmbu ben ɡem wɛ̃ nɡe mɛ n weenɛ. Tɔn kɔ̃sowɑ u rɑ ɡemɡii siribu di.

⁵Yinni Gusunɔ u nɛɛ, i bwesenu mɛɛrio i kɑ sikerenɑ. I de biti yu bɛɛ mwɑ. Domi kon ɡɑ̃ɑnu ko bɛɛn nɔni biru ni i ǹ nɑɑnɛ mɔ̀, bɑɑ ɡoo ù n bɛɛ nu tusiɑ.

⁶Wee, kon Bɑbiloniɡibu seeyɑmɑ. Tɔn be, bɑ nuki sum. Bɑ tem kpuro bukiɑnɑmɔ bu wɑ bu kɑ bwesenu ɡɑnun wɑ̃ɑ yenu mwɛɛri.

⁷Bɑ nɑnum mɔ ben dɑm sɑɑbu. Berɑ bɑ rɑ ɡɔsi ye bɑ kĩ.

⁸Ben dumi yi sɑnnɛkunu ǹ kun mɛ ɡbeeku bɔ̃nu dukɑ kere. Sɑɑ tontonden diyɑ yi rɑ yɔ̃, kpɑ yi yibɛrɛ wɔri nɡe kɑsɑ ye yɑ ɡoo buu wɑ.

⁹Be kpurowɑ bɑ wee bu kɑ tɔmbun yɑ̃nu ɡurɑ. Bɑ nɔni ɡirɑriwɑ mi bɑ dɔɔ. Mɑ bɑ yobu mwɛɛrimɔ bɑ mɛnnɑmɔ nɡe yɑni sɛɛri.

¹⁰Bɑ sinɑmbu ɡɛmɑ. Bɑ tem yɛ̃robu yɛ̃ɛmɔ. Bɑ ǹ wusun ɡbɑ̃rɑnu ɡɑrɑ. Domi bɑ rɑ tem turenu kowɑ bu kɑ ɡbɑ̃rɑ ni yɔ kpɑ bu wuu si mwɑ.

¹¹Yen biru kpɑ bu yɑri min di nɡe woo ɡunɑ, kpɑ bu mɑɑ dɑ bu ɡɑm wɔri bu kɔ̃sɑ ko. Ben dɑmɑ bɑ nɑɑnɛ sɑ̃ɑ, mu sɑ̃ɑ nɡe ben bũu.

¹²Sɑɑ yellun di, wunɑ ɑ sɑ̃ɑ Gusunɔ. Wunɑ ɑ sɑ̃ɑ nɛn Yinni. A dɛɛre. Yen sɔ̃, sɑ ǹ ɡbimɔ. Yinni, wunɑ ɑ sɑ̃ɑ nɛn kpee bɑɑ mi nɑ rɑ kuke. Wunɑ ɑ Bɑbiloniɡibu ɡɔsɑ, mɑ ɑ bu dɑm kɑ̃ kpɑ bu kɑ sun sɛɛyɑsiɑ.

¹³Adɑmɑ ɑ ǹ kpɛ̃ ɑ yɔ̃rɑ ɑ n kɔ̃sɑ mɛɛrɑ, domi ɑ dɛɛre too. Ǹ n mɛn nɑ, mbɑn sɔ̃nɑ ɑ mɛɛrɑ ye tɔn kɔ̃sobɑ mɔ̀, mɑ ɑ ǹ ɡɑ̃ɑnu ɡerumɔ. Mbɑn sɔ̃nɑ ɑ mɑɑri tɔn kɔ̃sobu bɑ ɡemɡibu ɡoomɔ.

¹⁴Mbɑn sɔ̃nɑ ɑ tɔmbu kuɑmmɛ nɡe swɛ̃ɛ, ǹ kun mɛ nɡe kɔkɔ ni nu ǹ kpɑro mɔ.

¹⁵Bɑbiloniɡibu bɑ tɔmbu mwɛɛrimɔ nɡe swɛ̃ɛ yi bɑ mwɑ kɑ kɔkɔnu ǹ kun mɛ kɑ yɑ̃ɑkoronu, kpɑ bu bu ɡurɑ bu kɑ doonɑ kɑ nuku dobu.

¹⁶Yen sɔ̃nɑ bɑ rɑ ben yɑ̃ɑkoronu yɑ̃kunu kue, kpɑ bu nu turɑre dɔ̃ɔ dokeɑ. Domi nin sɑɑbuwɑ bɑ koo kɑ kpĩ bu dĩɑ ɡeenu wɑ ni nu do bu di.

¹⁷Dommɑ bɑ koo den ben tɑkobibɑ wesiɑ ben kɑrɑnɔ. Bɑ ko n bwesenu sɑkirimɔwɑ wɔnwɔndu sɑriru sɔɔ sere kɑ bɑɑdommɑɔ?