Read bariba Hɑbɑkuku 2 Bible Online

Hɑbɑkuku 2 - bariba bible

Hɑbɑkuku 2

¹Adɑmɑ nɛ, Hɑbɑkuku nɑ yɔ̃wɑ ɡbɑ̃rɑru wɔllɔ nɛn kɔ̃su yerɔ nɡe wi u yɔɔru bwɛ̃ɛ, kpɑ n kɑ nɔ ye Gusunɔ u koo mɑn sɔ̃, kɑ nɡe mɛ u koo mɑn wisi nɛn weeweenun sɔ̃.

²Yerɑ Yinni Gusunɔ u mɑn wisɑ u nɛɛ, n ɡɑri yi yoruo yi u mɑn sɔ̃ɔmɔ. N yi yoruo kpɑsɑsɑ kpee bɛsi sɔɔ.

³Yin tɔ̃rɑ kun ɡinɑ turɑ yi kɑ koorɑ. Adɑmɑ yi koo koorɑ yin sɑɑ yɑ̀ n turɑ. Bɑɑ yì n tɛɛmɔ, nɑ n ɡesi yi mɑrɑ. Domi yi koo koorɑwɑ kɑm kɑm.

⁴N yoruo mɑ wi u tii sue u ǹ wɑ̃ɑ swɑɑ ɡeɑ sɔɔ. Adɑmɑ wi u kuɑ ɡemɡii nɑɑnɛ dokebu sɔɔ, u ko n wɑ̃ɑwɑ.

⁵Wi u tii sue, u ku rɑ sinɛ sɛ̃ɛ. U rɑ n sɑ̃ɑwɑ nɡe tɑm nɔro, kpɑ u n nɔɔ wukie nɡe ɡɔribun wɑ̃ɑ yeru. U ku rɑ debu nɡe ɡɔɔ. U rɑ n tii bwesenu ɡɑwemɔwɑ u kɑ ko nin yinni.

⁶Adɑmɑ bwese ni u mwɛɛrɑ mi, nu koo nùn seesi nu nùn ɡɑri sɔ̃ kɑ wɔmɑ kɑ mɔnnu, nu nɛɛ, u kuɑwɑ bɔ̃ruro wi, wi u dukiɑ mɛnnɑmɔ ye yɑ ǹ sɑ̃ɑ wiɡiɑ, mɑ u ɡɑbun yɑ̃nu ɡurɑmɔ u tɔrubɑ yiimɔ. Sere sɑɑ yerɑ̀ u ko n mɔ̀ nɡe mɛ.

⁷Bèn dibu u nɛni, bɑ koo nùn seesi subɑru sɔɔ, kpɑ bu ɡurɑ ye u mɔ.

⁸Nɡe mɛ u tɔn dɑbinu wɔri u nin yɑ̃nu ɡurɑ, nɡe mɛyɑ be bɑ tie, bɑ koo mɑɑ nùn wɔri bu win yɑ̃nu ɡurɑ yèn sɔ̃ u tɔmbun yɛm yɑri, mɑ u tem kɑ mɛn wusu kɑ mɛn tɔmbu dɑm dɔre.

⁹Bɔ̃rurowɑ wi u dukiɑ ɡurɑmɔ ye yɑ ǹ dɛɛre win berusebun mi, kpɑ u wɑ u n wɑ̃ɑ ɑye bɛɛrɛɡiru sɔɔ, mi u ǹ mɑɑ nɔni swɑ̃ɑru wɑsi.

¹⁰Adɑmɑ win yɛnun sekurɑ u sɔɔru kuɑ mi, ye u kɑ bwese dɑbinu ɡo. Win tiin wɑ̃ɑrɑ u kɑri bɔrie.

¹¹Domi bɑɑ kɑ ɡɑniɔ, yi koo wuri ko yi nùn tɑɑrɛ wɛ̃, kpɑ kpɛɛrun yɑri yi wuri wurɑ.

¹²Bɔ̃rurowɑ wi u win wuun kpɛɛkpɛɛku swĩimɔ yɛm wɔllɔ, mɑ u tɔmbu dɑm dɔremɔ.

¹³Ye tɔmbɑ mɔ̀ kpuro, yɑ koo dɔ̃ɔ mwɑɑrɑ. Bɑ tii nɔwiɑ mɔ̀wɑ kɑm sɔɔ. Gusunɔ wɔllu kɑ tem Yinniwɑ u koo ye kpuro kɑm koosiɑ.

¹⁴Sɑɑ ye sɔɔ, Yinni Gusunɔn bɛɛrɛ yɛ̃ru tɑ ko n yibɑwɑ tem sɔɔ nɡe mɛ nim wɔ̃ku ɡɑ rɑ n nim yibɑ.

¹⁵Bɔ̃rurowɑ wi u win beruse tɑm bɔɔbɔm wɛ̃ɛmɔ mu kɑ nùn ɡo nɡe dɛ̃ɛ, u n yɔ̃ tereru, kpɑ u nùn sekuru doke u n mɛɛrɑ.

¹⁶Yɛ̃ro u tii sekuru dokemɔwɑ mi, n ǹ mɔ bɛɛrɛ. Win tii u mu nɔruo kpɑ u tereru yɔ̃rɑ. Yinni Gusunɔ u koo nùn tilɑsi ko u kɑ win mɔrun nɔrɑ nɔ kpuro, kpɑ win bɛɛrɛ ye u rɑɑ mɔ yu ɡɔsiɑ sekuru.

¹⁷Dɑɑ kɔ̃sɑ ye u kuɑ Libɑniɔ, yɑ koo wɔri win wiru wɔllɔ. U yɛɛ ɡo. Adɑmɑ yɛɛ yi, yi koo nùn nɑndɑsiɑ. Yeni kpuro yɑ koo nùn deemɑ yɛm mɛ u yɑrin sɔ̃, kɑ dɑm mɛ u tem mɛ kɑ mɛn wusu kɑ mɛn tɔmbu dɔren sɔ̃.

¹⁸Arufɑɑni yerɑ̀ bwɑ̃ɑrokunu nu mɔ tɔnu u kɑ sinɑ u nu seku. Nu sɑ̃ɑwɑ ni bɑ sekɑ kɑ sisu, mɑ nu derɑ u weesu nɑɑnɛ sɑ̃ɑ. Mbɑn sɔ̃nɑ tɔnu u koo win nɑɑnɛ doke bwɑ̃ɑroku ni u sekɑ sɔɔ, ni, ni nu ǹ kpɛ̃ nu ɡɑri ɡere.

¹⁹Bɔ̃rurowɑ wi u dɑ̃ɑ kuku sɔ̃ɔmɔ u mɔ̀, ɡu seewo, mɑ u kperu sɔ̃ɔmɔ u mɔ̀, tu dom yɑndo. Yen ɡɑɑ yɑ koo kpĩ yu nùn bwisi kɛ̃? Geemɑ, u nu wurɑ kɑ sii ɡeesu pote. Adɑmɑ nu ǹ hunde mɔ, nu n sere wɑ̃ɑru mɔ.

²⁰Yinni Gusunɔ u wɑ̃ɑ win sɑ̃ɑ yee dɛɛrɑrɔ. Tɔmbu kpuro bu nɔɔ mɑrio win wuswɑɑɔ.