Read bariba Tɛsɑlonikɑ II 2 Bible Online

Tɛsɑlonikɑ II 2 - bariba bible

Tɛsɑlonikɑ II 2

¹Nɛɡibu, nɑ bɛɛ kɑnɑmɔ i ku de bɛɛn lɑɑkɑri yu burisinɑ, bɛsɛn Yinni Yesu Kirisin wurɑmɑrun ɡɑrin sɔ̃ kɑ mɑɑ bɛsɛn mɛnnɑbu win mi, i ku mɑɑ de sɔmɔbun ɡɑri ɡɛɛ ǹ kun mɛ wɑɑsu ɡɑɑ ǹ kun mɛ tire te bɑ nɛɛ nɑ yoruɑ, yen ɡɑɑ yu bɛɛ biti ko yɑ̀ n ɡeruɑ mɑ Yinnin tɔ̃rɑ tunumɑ kɔ.

³I ku de bu bɛɛ nɔni wɔ̃ke bɑɑ fiiko. Yinnin tɔ̃ɔ te, tu sere nɑ tɔn dɑbirɑ koo Gusunɔ seesi, yen biru kɔ̃sɑn kowo wi, u koo kurɑmɑ wi u sɑ̃ɑ kɑm kooren bii.

⁴U koo tii suɑ n kpuro kere kpɑ u ye kpuro seesi ye bɑ sokumɔ Yinni kɑ ye bɑ sɑ̃ɑmɔ. U koo mɑm dɑ u sinɑ Gusunɔn sɑ̃ɑ yerɔ kpɑ u tii soku Gusunɔ.

⁵I ǹ yɑɑye mɑ nɑ bɛɛ yeni sɔ̃ɔwɑ sɑnɑm mɛ nɑ wɑ̃ɑ bɛɛn mi?

⁶Tɛ̃, i yɛ̃ sɑ̃ɑ sɑ̃ɑ ye yɑ nùn nɛnusi sere win sɑɑ yu kɑ turi.

⁷Domi kɔ̃sɑ yɑ sɔmburu mɔ̀ kɔ ɑsiri sɔɔ. Adɑmɑ wi u ɡinɑ ye yinɑsiɑmɔ u ko n ye yinɑsiɑmɔwɑ sere bɑ̀ n kɑ nùn doonɑ.

⁸Sɑɑ yerɑ kɔ̃sɑn kowo wi, u koo kurɑmɑ kpɑ Yinni Yesu u nùn wom wure u ɡo, kpɑ u nùn kpeerɑsiɑ kɑ win nɑɑrun yiiko.

⁹Kɔ̃sɑn kowo wi, u koo nɑ kɑ Setɑm dɑm, kpɑ u sɔm mɑɑmɑɑkiɡii bwese bwesekɑ ko ye yɑ sɑ̃ɑ weesuɡiɑ.

¹⁰U koo mɑɑ bu nɔni wɔ̃ke bu kɑ kom kɔ̃sum ko, be bɑ koo kɑm ko yèn sɔ̃ bɑ yinɑ bu ɡem kĩɑ mɛ mu koo bu fɑɑbɑ ko.

¹¹Yenin sɔ̃nɑ Gusunɔ u koo de ɡɑ̃ɑ dɑmɡinu ɡɑnu nu bu torɑsiɑ bu kɑ weesu nɑɑnɛ ko.

¹²Nɡe mɛyɑ, be bɑ ǹ ɡem nɑɑnɛ doke mɑ bɑ kom kɔ̃sum kuɑ kɑ nuku dobu, bɑ koo tɑɑrɛ suɑ.

¹³Nɛɡibu, bɛɛ be Yinni u kĩ, sɑ ǹ ko ko sɑ kun Gusunɔ siɑre bɛɛn sɔ̃ sɑɑ bɑɑyere. Domi Gusunɔ u bɛɛ ɡɔsɑ sɑɑ toren di i kɑ fɑɑbɑ wɑ kɑ Hunde Dɛɛron dɑm wi u bɛɛ kuɑ Gusunɔɡibu, kɑ mɑɑ bɛɛn nɑɑnɛ ye i mɔ ɡem sɔɔ.

¹⁴Yenin sɑɑbuwɑ Gusunɔ u bɛɛ sokɑ kɑ bɛsɛn Lɑbɑɑri ɡeɑn kpɑrɑbu, i n kɑ bɔnu mɔ bɛsɛn Yinni Yesu Kirisin yiiko sɔɔ.

¹⁵Ǹ n mɛn nɑ nɛɡibu, i yɔ̃ro dim dim i n sɔ̃ɔsi ni nɛni ni sɑ bɛɛ sɔ̃ɔsi nɔɔ kɑ nɔɔ kɑ mɑɑ tireru sɔɔ.

¹⁶Gusunɔ bɛsɛn Bɑɑbɑ wi u sun kĩɑ, mɑ win durom sɑɑbu u sun dɑm kɑ̃ mɛ mu kun nɔru mɔ kɑ mɑɑ yĩiyɔ ɡeebu, wi kɑ bɛsɛn Yinni Yesu Kirisin tii

¹⁷bu bɛɛn ɡɔ̃rusu dɑm kɛ̃, kpɑ bu bɛɛ tɑ̃sisiɑ i kɑ sɔm ɡeenu kɑ ɡɑri ɡee kpuro ko.