Read basketo ማ̈ቶ̈ሳ 10 Bible Online

ማ̈ቶ̈ሳ 10 - basketo bible

ማ̈ቶ̈ሳ 10

¹ዬሱ̈ሲ ፌ ታማ̈ራን ታጶ̇ ናምኣን ጼይጋሪ፥ ኢ̈ታ ኣያ̇ናን ኬሳ̇ምፔ̈ኒ፥ ዱማ ዱማ ዓርጋባር ማዛን ፋምፔ̈ኒ ኢንታ̇ብ ሲልጣ̈ና ኢሚ̇ዴ።

²ታጶ̇ ናምኢ ሃዋ̈ራታን ሱምንዳ̇፦ ቲ̈ኖ̈ዲ ጴ̈ጥሮ̈ሳ ጌዪ ጼይጊንቲ̇ኖ ሲሞ̈ናኬ ኢ ኢሻ ኢንድራ̈ሳ፣ ዛብዶ̈ሳ ናኣ ዓይቆ̈ባኬ ኢ ኢሻ ዋ̈ኒ̇ሳ፣

³ፊልጶ̈ሳኬ ባርታሎሞ̈ሳ፣ ቶ̈ማ̈ሳኬ ቃራጻ ቃጺሲዛ ማ̈ቶ̈ሳ፣ ኢልፎ̈ሳ ናኣ ኣይቆ̈ባኬ ታ̈ዶ̈ሳ፣

⁴ፌ ጋዲምቦ̇ ሚጪንቲ̇ዛ ሲሞ̈ናኬ ዎሃ ዬሱ̈ሳ ኢ ጻላ̈ታንቦ ኣ̈ ኢሚ̇ዛ ዪሁዳ ኣስቆሮ̈ቶ̈ዳ።

⁵ዬሱ̈ሲ ዪን ታጶ̇ ናምኣን ኪ̈ቲ̇ ሚሺ̈ርዶሪ “ዪንቲ̇ ኣይሁድ ዜር ማ̈ቃ̇ካ̇ዮ ኣሳንኮ ሉካፒ̇ቴ፤ ማ ሳማ̈ራ ካታማ ጋርታ̇ ጌላፒ̇ቴ።

⁶ዪ̈ፖ̇ ዶሪፌ̈ን ዪኖ ኢስሬ̈ል ዎርዣ̈ኮ ሉኪ̇ብቴ̇።

⁷ሉካ̇ሪ “ጾ̈ሳ̇̇ ካ̈ቲቲን ኡኪ̇ኔ!” ጌዪሙታ̇ ሳባ̇ኪብቴ̇።

⁸ማኖን ፋብቴ̇፤ ዓይቂ̇ኖን ዓይቃ ጋርታ̇ፖ̇ ዲንብቴ̇፤ ሹያ ዓርጋባራ ኤ̈ንቲ̇ኖ ኣሳን ፋብቴ̇፤ ኢ̈ታ ኣያ̇ናን ኣሳ ጋልዳፖ̇ ኬሲ̇ብቴ̇፤ ዪኖ̇ ዪንቲ̇ ሜላ̇ ኤኪ̇ኖኮታ̇ቦ ኣሳብ ሜላ̇ ኢሚ̇ብቴ̇።

⁹ኣባካር ሚ̈ሺ̇ ዪንታ̇ ኪ̈ሳ ጋርታ̇ ኤ̈ፒ̇ቴ።

¹⁰ኦ̈ሳ ኦ̈ዝ ና̈ሳ̈ቦ ኢ ሞ̈ዚን ኢማ̇ንዳብ ኮሺ̈ዛኮታ̇ቦ፥ ዪንቲ̇ ሉኪ̇̈ርዶሪ ጎይቦ ጋ̈ሪ ቃርጺሪ̈ታ፣ ኣፊላ ናምኢ፣ ጫ̈ማ̇ ናምኢ፣ ጉፋር ማ̈ቂ̇ን ዪንታ̇ ኩሽታ̇ ኤ̈ፒ̇ቴ።

¹¹ዪንቲ̇ ፔቲ̇ ካታማ ጌላምባ̇ራ ዪንታ̇ ሞካ̇ንዳብ ዶሲዝ ኣሲ ዎኮ ኮያሪ ኢ ኣ̈ል ጌላሪ ካታሚን ኢዞ ኣሻ̇ር ሉኪ̇ዝ ዲራ̈ስ ኢና ዶኢብቴ̇።

¹²ዪንቲ̇ ኣሳ ኣ̈ል ጌሊ̈ርዶሪ ሳ̈ሮ ጋ̈ር ግርሊብቴ̇፤

¹³ኢና ኣ̈ሎ ኣሳ ዪንታ̇ ሞኪ̇ ኤኪ̇ዶኮ፥ ዪንታ̇ ሳሪቲን ኢንታ̇ ዬሎ̇ ጋ̈ቤ፤ ሞኪ̇ ኤካካ̇ይ ኣቴ̇ጌይንዶ ጾ̈ሲ̇ ኣ̈ሊን ኢዞ ኣንጂባ̈ሴ።

¹⁴ኦ̈ናካር ዪንታ̇ ሞኪ̇ ኤካ̇ንዳብ ኢጼ̇ጌይንዶ ዎይ ዪንቲ̇ ሶ̈ላዚን ሲስካ̇ብዳ ጌዬጌይንዶ̇፥ ዪንቲ̇ ኣ̈ሊን ኢዝፖ ዎይ ካታሚን ኢዝ ጋርታ̇ፖ̇ ኬስካ̇ምባራ ዪንታ̇ ቶሂን ጋልዶ̇ ቡልኢን ኢና ፊታ̇ሪ ኬስኪ̇ብቴ̇።

¹⁵ቴ ዪንታ̇ክ ኪን ጋ̈ሬ፥ ጾ̈ሳ̇̇ ፊርዲዝ ጋላሲ̇ ሶዶ̈ማኬ ጎሞ̈ራ ካታማን ጋልዳ ዬ̈ዝ ፊርዲን ጋልዳፖ̇ ዪና̇ ካታሚን ጋልዳ̇ ዬ̈ዝ ጎይሊን ሺ̈ሬ።

¹⁶“ቴ ዪንታ̇ ዶራንፌ̈ኒ ዬያን ጊዳ̇ ሚሻ̈ሬ፥ ዪ̈ኮታ̇ቦ ዪንቲ̇ ሾ̈ሽፌ̈ኒ ኤጫ ዶላፌ̈ኒ ኣሽካ ማ̈ቂ̇ብቴ̇።

¹⁷ኣሳን ዪንታ̇ ኤ̈̇ሪ ፊርዳ ኣ̈ላብ ኣ̈ ኢሚ̇̈ሬ፥ ፌ ዎ̈ሳ ኬ̈ ጋርታ̇ሬ ዪንታ̇ ቡኪ̇̈ሬ፤ ዪ̈ኮታ̇ቦ ዪንቲ̇ ኢንታ̇ ጋልዳፖ̇ ና̈ጊንቲ̇ብቴ።

¹⁸ቴኮታ̇ቦ ኣሳን ዪንታ̇ ጋዣን ቲ̈ንኬ ካ̈ቲንታ̇ን ቲ̈ን ፊርዳብ ሺ̈ሺ̈ሬ። ዪኒ̇ባራ ዪንቲ̇ ኢንታ̇ ቲ̈ንኬ ኣይሁዳ ማ̈ቃካ̇ዮ ኣሳን ቲ̈ን ዎይ ታባዝ ማርኪ̇ቲ̈ሬ።

¹⁹ዪንቲ̇ ኤ̈ንቲ̇ኖ ጋላሲ̇ “ኑ ኣብዝ ጋ̈ር ሶ̈ላኔ? ኣብዝ ጋ̈ር ማሃኔ?” ጋ̈ሪ ቲ̈ራፒ̇ቴ፤ ዪና̇ ኢዝ ጋላሲ̇ን ዪንቲ̇ ሶ̈ላንዳ̇ብ ኮሻ̇ዚን ዪንታ̇ብ ኢሚ̇ንታ̇ሬ፥

²⁰ዪንታ̇ባር ማ̈ቃ̇ር ሶ̈ሊዛ̈ዲ ኣፎ ዪንታ̇ ባ̈ባ̈ ኣያ̇ና̈ዲዶኬ ዪንቲ̇ ጊዳካ̇ዬ።

²¹ኢሻ̈ዳኬ ጌ̈ዳ̈ዳክ ዎልዎልኣ ዓይቃብ ኣ̈ ኢሚ̇̈ሬ፤ ባ̈ባ̈ ፌ ናኣ ዓይቃብ ኣ̈ ኢሚ̇̈ሬ፤ ናኣንሬ ፌ ባ̈ባ̈ ጋልዳኬ ፌ ኢንዲ̇ ጋልዳ̇ ዉጪቲ̈ሬ፥ ማ ኢንታ̇ ዎሲ̈ሬ።

²²ዪንቲ̇ ታ̈ና ኣማ̇ናዚንኮታ̇ ኣሲ ዎይ ዪንታ̇ ኢጺ̇̈ሬ፤ ዎቲናካሬ ዉርሲ ዬሊ̇ዝ ዲራ̈ስ ሚ̈ጛር ኤቂ̇ዝ ኣሲ ኢ ፋጺ̈ሬ።

²³ዪንታ̇ ፔቲ̇ ካታማ ጋርታፖ ዳካ̇ምባራ ሜላ ካታማ ጋርታ̇ ሉኪ̇ብቴ። ቴ ዪንታ̇ክ ኪን ጋ̈ሬ፥ ቴ ኣሳ ናኣ̈ዲ ማ̈ቃ̇ ዬ̈ዝ ዲራ̈ስ ዪንቲ̇ ኢስሬ̈ላ ጋዶ̇ ካታማን ቢሪንቲ̇ ዉርሲባ̈ሴ።

²⁴ታማ̈ሪዛ̈ዲ ፌ ኣስታማ̈ራፖ̇ ሺባ̈ሴ፤ ኣሽካ̇ራ̈ዲ ፌ ላ̈ፖ̇ ሺባ̈ሴ።

²⁵ታማ̈ራ̈ዲ ፌ ኣስታማራ̈ፌ̈ኒ፥ ኣሽካራ̈ዲ ፌ ላ̈̈ዲፌ̈ኒ ማ̈ቄ̇ጌይንዶ̇ ጊዲ̈ሬ። ኣ̈ል ባ̈ባ “ቡኤ̈ልዜቡ̈ላ” ጌይዶኮ፥ ኢ ኣ̈ሎ ኣሳን ዎዛርፌ̈ኒ ዪ̈ፖ̇ ኢ̈ቲኖ ሱምባር ጼይጊባ̈ሳ!

²⁶“ዪ̈ኮታ̇ቦ ኢንታ̇ብ ኢ̈ጫፒ̇ቴ፤ ካጚንቲ̇ኖ ባዚ ቃ̈ሪንታ̇ካ̇ይ ኣቲ̇ባ̈ሴ፤ ኣ̈ቺንቲ̇ኖ ባዚ ፋላ̇ ጋልዳ̇ ኬስካካ̇ይ ኣቲ̇ባ̈ሴ።

²⁷ቴ ዪንታ̇ብ ም ጋርታ̇ ሶ̈ሊኖንዶ̇ ዪንቲ̇ ፎኢን ጋልዳ̇ ሶ̈ሊብቴ̇፤ ቴ ዪንታ̇ብ ሳ̈ሲጛር ሶ̈ሊኖንዶ̇ ዪንቲ̇ ሾካ̇ ቤስ̇ ጋል ኤቃ̇ሪ ጴች ሶ̈ሊብቴ̇።

²⁸ኣሳብ ኢ̈ጫፒ̇ቴ። ዎ̈ርኮ ዪንታ̇ ኣይሺ̇ን ዎ̈ርዶኬ ዪንታ̇ ሼምፒ̇ን ዎንዳ̇ብ ዳንዳኢባ̈ሴ፤ ዪንቲ̇ ኢ̈ጫንዳ̇ብ ኮሻ̇ዚንዳ ዎሪ ሼምፒ̇ን ጋ̈ና̇ማ ሚሻንዳ̇ብ ዳንዳኢዛ ጾ̈ሳ̇̇ ሙታ̇።

²⁹ናምኢ ሱ̈ና̇ን ፔቲ̇ ባካ̇ናብ ዎ̈ጚንቲ̇̈ርባያ? ማ̈ቂ̇ናካሬ ኣፋ ዎ ዪንታ̇ ባ̈ባ̈ ጋ̈ካ̇ይ ኣቴ̇ጌይን ሜላ ኣቲ̇ን ኢንታ̇ ጋርታ̇ፖ̇ ፔታ̇ኒንዳ̇ ሜላ̇ ሳ̈ዳ̇ ቶጚንታ̇ ኣታ̇ባሴ።

³⁰ዪንታ̇ ቆሚ̇ን ኢሲንንዳሬ ሜላ ኣቲ̇ን ፔታ̇ን ኣታ̇ካ̇ይዶር ፋይዲንቲ̇ኔ።

³¹ዪ̈ኮታ̇ቦ ዪንቲ̇ ኢ̈ጫፒ̇ቴ፤ ዎይሊን ሱ̈ናንፖ̇ ዪንቲ̇ ሺ̈ሬ።

³²ኣሳ ቲን “ቴ ዬሱ̈ሳዬ” ጋ̈ሪ ማርኪ̇ቲዛ̈ቦ ታ̈ናሬ ኣፋ ዎ ቴ ባ̈ባ̈ ቲ̈ን “ኢ ቴዬ̇” ጋ̈ራ ማርኪታ̈ሬ።

³³ኣሳ ቲ̈ን “ቴ ኢያ ኤራባሴ” ጌይዛ ታ̈ናር ኣፋ ዎ ቴ ባ̈ባ̈ ቲ̈ን “ቴ ኢያ ኤራባሴ” ጋ̈ሬ።

³⁴“ቴ ዬይኖንዳ ሳ̈ዝ ጋልዳ ሳሪቲ ኤሄ̈ንዳ̇ብ ጊዳካ̇ዬ ኦል ኤሄ̈ንዳ̇ብዶኬ ሳራቲ ሶ̈ቢሳንዳብ ዬ̈ካ̇ዬ።

³⁵ቴ ዬይኖንዳ “ናኣ ፌ ባ̈ባ̈ ጋልዳፖ፣ ናኢን ፌ ኢንዲ̇ን ጋልዳፖ፣ ማጪ̇ንዶ̇ ኣስና ኢንዲ̈ን ጋልዳፖ̇ ፋጋንዳ̇ቦ።

³⁶ኣሳብ ጻላ̈ቶ ኣ̈ሎ ዳባ̇ ጌ̈ታን ማ̈ቂ̇̈ሬ።

³⁷ታ̈ፖ̇ ሺ ፌ ኢንዲንዶ ዎይ ፌ ባ̈ባ̈ ካዝ ኣሲ ታ̈ብ ማ̈ቃ̇ንዳብ ኮሺ̇ባ̈ሴ፤ ታ̈ፖ̇ ሺ ፌ ናኣ̈ዳ ዎይ ፌ ናኢንዶ ካዝ ኣሲ ታ̈ብ ማ̈ቃ̇ንዳብ ኮሺ̇ባ̈ሴ።

³⁸ታ̈ና ኣማ̇ኒኖኮታ̇ቦ ኢያ ዬሊ̇ዝ ሜታን ቶ̈ካ̇ንዳብ ኮዪባ̈ሶ ኣሲ ቴዪ ማ̈ቃ̇ንዳብ ኮሺ̇ባ̈ሴ።

³⁹ፌ ሼምፒ̇ን ፋንዳብ ኮዪዛ̈ዲ ኢዞ ይሲ̈ሬ፤ ቴ ኮታ̇ብ ፌ ሼምፒ̇ን ኣ̈ ኢሚ̇ዛ̈ዲ ኢዞ ዲጚ̈ሬ።

⁴⁰“ዪንታ̇ ሞኪ̇ዝ ኣሲ ታ̈ና ሞኪ̇̈ሬ፤ ታ̈ና ሞኪ̇ዝ ኣሲ ማ ታ̈ና ኪታ̇ር ሚሺኖ ታ ባ̈ባ̈ ሞኪ̇̈ሬ።

⁴¹ናባ̈ዲ ጾ̈ሳ̇̇ ቃ̈ላ ሶ̈ሊዝ ኣስ ማ̈ቂ̇ኖኮታ̇ቦ ኢያ ሞኪ̇ዝ ኣሲ ጾ̈ሳ̇̇̈ዲ ናባ̈ቦ ጪጋ̇ዝ ዋ̈ጊን ኢ̈ባር ጪጊ̇̈ሬ። ና̈ሳ ጺላ̇̈ዳ ኢ ጾ̈ሳ̇̇ ኣስ ማ̈ቂ̇ኖኮታ̇ቦ ኢያ ፌ ኣ̈ል ሞኪ̇ዝ ኣሳቦ ጾ̈ሲ̇ ና̈ሳ ጺላ̇ቦ ጪጋ̇ዝ ዋ̈ጊን ኢ̈ባር ጭጊ̇̈ሬ።

⁴²ዪ̈ኮታ̇ቦ ቴ ዪንታ̇ክ ኪን ጋ̈ሬ ኦ̈ና̈ካር ኣሲ ዓን ቴ ታማ̈ራን ጊላ̇ን ጋርታ̇ፖ̇ ፔታ̇ና̈ቦ ኢ ቴ ታማ̈ሪ ማ̈ቂ̇ኖኮታ̇ቦ ሜላ ኣቲ̇ን ፔቲ̇ ቡርጩ̇ካ̇ ኢርጻ ዋ̈ ኡሺ̇ኖ ኣሳቦ ጾ̈ሲ̇ ኢ ዋጊን ኢ̈ብ ኢማ̇ካ̇ይ ኣቲ̇ባ̈ሴ።