Read basketo ማ̈ቶ̈ሳ 17 Bible Online

ማ̈ቶ̈ሳ 17 - basketo bible

ማ̈ቶ̈ሳ 17

¹ሌሂ ቃማ̇ፖ̇ ዎሃ ዬሱ̈ሲ ጴ̈ጥሮ̈ሳ፣ ዓይቆ̈ባኬ ዓይቆ̈ባ ኢና̇ኣ ዋ̈ኒ̇ሳ ዪን ሙታ̇ ፌባር ኤካ̇ሪ ጴች ኢንዳ̇ ጋልዳ̇ ኬስኪ̇ዴ።

²ኢና ኢንታ̇ ቲ̈ን ኢ ማልካ ላ̈ሚንቲ̇ዴ፤ ኢ ዴ̈ማ̈ባራ ኣዋፍፌ̈ን ፎኢሲዴ፤ ኢ ኣፊላዳሬ ቦ̈ራሪ ፎኢንፌ̈ን ማ̈ቂ̇ዴ።

³ዪና̇ ኢዝባራ ሙ̈ሳኬ ኤ̈ላ̈ሳኬ ዎልኣ ዬሱ̈ሳባር ሶ̈ሊንታ̇ምባር ኢንቲ̇ ቤቂ̇ዴ።

⁴ጴ̈ጥሮ̈ሲ ዬሱ̈ሳኮ “ጎዳ̈ዶ! ኑ ዓንዳ̇ ዶኢ̈ርኮ̇ ኑ̈ብ ኮሼ̇፤ ዪዚ ኔ ዶሳ̈ርኮ̇ ዓይዚ̇ ዉዳ ኔ̈ብ ፔታ̇ኒ፣ ሙ̈ሳብ ፔታ̇̈ኒ፣ ኤ̈ላ̈ሳብ ፔታ̇ን ዉዳስቶ” ጌይዴ።

⁵ጴ̈ጥሮ̈ሲ ቢርት ዪኖ̇ ሶ̈ላምባ̇ራ ቦ̈ርስ ሻ̈ራ ዬ̈ሪ ኢንታ̇ ጌ̈ሚዴ፥ ሻ̈ሪን ጋርታ̇ፖ̇ “ቴ ኢባር ኡፋይቲ̇ዛ፥ ታ ካዝ ቴ ናኣ ዓ̈ ኢያ፤ ዪንቲ̇ ኢ ጋ̈ዚን ሲስኪብቴ” ዪዝ ጌይዝ ጊርሲ̇ ሲስኪ̇ንቲ̇ዴ።

⁶ኢ ታማራን ዪኖ̇ ጊርሲ̇ን ሲስካ̇ሪ ዎይሊን ኢ̈ጫ̇ር ሳ̈ዳ̇ ጉፕ ጋ̈ክ ኬዲ̇ዴ።

⁷ዬሱ̈ሲ ኢንታ̇ክ ዬ̈ሪ ፌ ኩሺምባር ኢንታ̇ ኤ̈̇ ፊታ̇ሪ ኢንታ̇ኮ “ዲንዲ̇ብቴ ኣባካር ባዬ̇ ኢ̈ጫፒቴ!” ጌይዴ።

⁸ኢንታ̇ሬ ሾክ ጋ̈ር ቤቃ̇ምባራ ዬሱ̈ሲ ሙታ̇ ዎዶኬ ሜል ኦ̈ናካር ቤቃካ̇ዬ።

⁹ኢንቲ̇ ኢንዲ̇ን ጋልዳፖ̇ ቶ̈ራ ሶ̈ቢርዶሪ ዬሱ̈ሲ ኢንታ̇ኮ “ታ ኣሳ ናኣ̈ዲ ዓይቃ ጋርታ̇ፖ̇ ዲንዲዝ ዲራ̈ስ ዪንቲ̇ ቤቂ̇ኖን ኦ̈ባካር ሶ̈ላፒ̇ቴ” ጋ̈ር ኢንታ̇ ኪ̈ቲ̇ዴ።

¹⁰ኢ ታማ̈ራንሬ ኢ̈ኮ “ዪ̈ዶኮ ሙ̈ሳ ሂጋ̇ ታማ̈ርሲዛን ኤ̈ላ̈ሲ ቲ̈ኒታር ዬ̈ንዳብ ኮሺ̇̈ሬ ጋ̈ዚንዳ ኣብዛባ?” ጋ̈ሪ ኦይጪ̇ዴ።

¹¹ኢያር ኢንታ̇ኮ “ኤ̈ላ̈ሲ ኪንባር ዬይሬ፥ ኢ ዬ̈ሪ ዎይ ባዝ ኮሺንቺ̇̈ሬ።

¹²ቴ ዪንታ̇ክ ጋ̈ዚንዳ ኤ̈ላ̈ሲ ቲ̈ኒታር ዬይንዶኒ፥ ኣሳን ፌ ኮዪኖ ባዝ ኢ ጋልዳ ኦ̈ዶኬ ኢያ ኤራካ̇ዬ። ዪኒ̇ፌ̈ን ማ ታ̈ ኣሳ ናኣ ጋልዳ̇ር ሜታ ዬል̈ሬ” ጌይዴ።

¹³ዪኒ̇ባራ ኢ ኢንታ̇ብ ጻማ̇ቂዛ ዋ̈ኒ̇ሳባዝ ሶ̈ሊኖን ኢንቲ̇ ኤሪዴ።

¹⁴ዬሱ̈ሳኬ ኢ ታማራንኬ ዓይዛ̇ን ዎልኣ ዎርዣንኮ ማ̈ቂ̇ ዬይኖፖ̇ ዓኒ ፔቲ̇ ና̈ሲዶ̈ር ዬሱ̈ሳክ ዬ̈ር ኢ ቲ̈ን ቡቂንታ̇ሪ ኢ̈ኮ፥

¹⁵“ጎዳ̈ዶ! ዋ̈ዴ ቴ ናኣ̈ብ ሚጪንታ̇ራ ኔ ኢያ ፋሼ፤ ሚዥሚዣ ዓርጎ ኢያ ኤ̈̇ራ ዎይሊን ጋላስ ታማ ጋርታ̇ር ማ ዋ̈ ጋርታ̇ሬ ቡካ̇ ቶጛሙታ̇ ዎይሊን ኢያ ዋ̈ይ̈ሬ።

¹⁶ታ̈ኒ ኔ ታማ̈ራንካር ኢያ ኤካ̇ ዬይንዶ̈ን ኢንቲ̇ ኢያ ፋንዳብ ዳንዳኣካ̇ዬ” ጌይዴ።

¹⁷ዬሱ̈ሳሬ ኢ̈ኮ “ኣማ̇ኒ ዪንታ̇ብ ባዮ̇ ኢ̈ት ዬሊቲን! ዪንቲ̇ ታ̈ና ኣማ̇ናካ̇ይሙታ̇ ኣ̈ፊን ቃም ቴ ዪንታ̇ባር ዶኣ̈ራ? ዪኖ̇ ኣ̈ንታ̇ ዬሊ̇ዝ ዲራ̈ስ ቴ ዳንዳኣኖ? ዎይዲት ና̈ራ ታ̈ብ ዓይ ኤሄብቴ!” ጌይዴ።

¹⁸ኢናፖ̇ ዬሱ̈ሲ ኢ̈ታ ኣያ̇ና ቆዲ̇ዴ፤ ኢ̈ታ ኣያ̇ና̈ዳሬ ና̈ራ ኣሻ̇ር ኬስኪ̇ዴ፤ ኢያር ዪና̇ ኢዝባራ ፋጺዴ።

¹⁹ዪኒ̇ፖ ዎሃ ኢ ታማ̈ራን ፌ̈ብዶ̈ር ኢ̈ክ ዬ̈ሪ “ኑ̈ኒ ኢ̈ታ ኣያ̇ና ዓ̈ ኬሳ̇ንዳብ ዳንዳኣካ̇ዮን ኣብዛቢያ” ጋ̈ሪ ኢያ ኦይጪ̇ዴ።

²⁰ኢያር ኢንታ̇ኮ “ዪንታ̇ብ ኣማ̇ና ባዮ̇ኮታ̇ቦ፤ ቴ ዪንታ̇ክ ኪን ጋ̈ሬ ጊላ̇ ማይጽ ኣ̈ፍ ፌ̈ኖ ኣማ̇ኖ ዪንታ̇ብ ዎኮ ዓና̇ ኢንዲንዶ ‘ዓንዳ̇ፖ̇ ዲንዳ̇ራ ዬታንዳ ሉካ̇ቤ!’ ጌዬጌይን ሉካ̇ሬ፤ ዪንታ̇ ጋሚዝ ባዚ ኣባካር ባዬ̇።

²¹[ማ̈ቂ̇ናካሬ ዪ̈ፌ̈ኖ ኢ̈ታ ኣያ̇ና ዎ̈ሳባርኬ ጾ̈ማባርዶኬ ሜላ̇ ኬስኪባ̈ሴ” ጌይዴ።]

²²ኢ ታማ̈ራን ጋሊላ ጋዳ̇ ዎልኣ ሺ̈ቃሪ ዎዶ̈ን ዬሱ̈ሲ ኢንታ̇ኮ “ኣሳን ታ̈ና ኣሳ ናኣ̈ዳ ኣሳን ኩሽታ̇ ኣ̈ ኢሚ̇̈ሬ።

²³ኢንታ̇ር ታ̈ና ዎ̈ሬ፤ ታ̈ናር ዓይዚ̇ ቃምባራ ዓይቃ ጋርታ̇ፖ̇ ዲንዳ̈ሬ” ጌይዴ። ኢ ታማ̈ራን̈ር ዪኒ̇ባራ ዎይሊን ሞርኢዴ።

²⁴ዬሱ̈ሳኬ ኢ ታማራን ዎልኣ ቂፊርና̈ሆ̈ማ ዬሊ̇ኖፖ̇ ዓኒ ጾ̈ሳ̇̇ ኬ̈̈ቦ ጊ̈ራ ጊ̈ሪሲዝ ኣሳን ጴ̈ጥሮ̈ሳክ ዬ̈ሪ “ዪንታ̇ ኣስታማ̈ራ̈ዲ ጾ̈ሳ̇̇ ኬ̈ንኮ̇ን ጊ̈ሪን ጊ̈ሪባ̈ሳ?” ጌይዴ።

²⁵ኢያር ኢንታ̇ኮ “ጊ̈ሪ̈ሬ” ጌይዴ። ጴ̈ጥሮ̈ሲ ኬ̈ ጌሊኖንዲፌ̈ኒ ዬሱ̈ሲ ቲ̈ኒታሪ ኢ̈ኮ “ሲሞ̈ን ጴ̈ጥሮ̈ሶ! ዓና̇ ኣላሚን ጋልዶ ካ̈ቲንታ̇ን ጊ̈ራኬ ቃራጻ ኤካ̇ዚንዳ ፌ ጋዶ̇ ኣሳን ጋልዳፔቤ ኣሳ ጋዶ̇ ኣሳን ጋልዳፒ̇ያ?” ጌይዴ።

²⁶ኢያር ኢ̈ኮ “ኢንቲ̇ ኤኪ̇ዛ̈ዲ ኣሳ ጋዶ̇ ኣሳን ጋልዳፖ̇” ጌይን፥ ዬሱ̈ሳር ኢ̈ኮ “ዪ̈ዶኮ ጋዶ̇ ዎርዣን ጊ̈ራ ጊ̈ራንዳቦ ኮሺባ̈ሴ ጌንቴ̇” ጌይዴ።

²⁷“ማ̈ቂ̇ናካሬ ኑ ኢንታ̇ብ ፊ ማ̈ቃ̇ካ̇ይፌ̈ኒ ኔ ሉካ̇ራ ኔ ማንጻቂን ባሃ̈ሪን ጋርታ̇ ሚሻቤ፤ ቲ̈ኒታር ኤ̈̇ኖ ሞሊን ኖ̈ኒን ዓ̈ኪሳቤ፥ ኔ ኢናፖ̇ ሚ̈ሺ̇ ዲጛ̈ሬ። ኢዞ ኤካ̇ራ ታ̈ብኬ ኔ̈ባክ ጪጋ̇ቤ” ጌይዴ።