Read basketo ማ̈ቶ̈ሳ 28 Bible Online

ማ̈ቶ̈ሳ 28 - basketo bible

ማ̈ቶ̈ሳ 28

¹ዎጊ̇ ጋላስ ጌ̈ሽ ጌላፋ ማ̈ራማ ማግዳሎንዲኬ ማ ሜላ ኣሲን ማ̈ራሚባር ዎልኣ ዱ̈ፊን ቤቃ̇ንዳብ ሉኪ̇ዴ።

²ጎዳ ኪ̈ታ̇ንቻ̇ ኣፋፖ̇ ሶ̈ቢኖኮታ̇ቦ ሳ̈ዚን ኤንኣዴ። ዪ ኪ̈ታ̇ንቻ̇̈ዲ ዬ̈ሪ ዱ̈ፊን ካሪን ጋልዶ ሹቺ̇ን ጴቺ̇ን ፊርሳክ ሚሻር ኢዝ ጋልዳ ዶኢዴ።

³ዪ ኪ̈ታንቻ̇ ኣ̈ፋ̈ባር ዜ̈ሊንፌ̈ን ፎ̈ኢ̈ሬ፥ ኢ ኣፊላዳር ሻችፌ̈ን ቦ̈ርሴ።

⁴ና̈ጊዝ ዎታ̇ዳራን ኪ̈ታንቻ̇̈ቦ ኢ̈ጪ̇ኖኮታ̇ቦ ኢንታ̇ ጋሊ̇ን ጋንዳ̇ራ ዓይቂ̇ኖ ኣስፌ̈ን ማ̈ቂ̇ዴ።

⁵ኪ̈ታንቻ̇̈ዲ ማጫ̇ንኮ “ዪንቲ̇ ኢ̈ጫፒ̇ቴ! ዪንቲ̇ ኣሳን ኢያ ማስቃ̇ላ ጋልዳ ሶቲ̇ኖ ዬሱ̈ሳ ኮያዚን ቴ ኤራ̈ሬ።

⁶ኢ ዓይዲ ባዬ፥ ቲ̈ን ፌ ሶ̈ሊኖንዲፌ̈ን ዲንዲ̇ኔ። ዪንቲ̇ ዓይ ዬ̈ሪ ኢ ዱ̈ኪንቲ̇ኖ ቤሲ̇ን ቤቂ̇ብቴ።

⁷ዪዚ ዪንቲ̇ ኤሊ̇ባር ሉካ̇ሪ ኢ ታማ̈ራንቦ ‘ኢ ዓይቃ ጋርታ̇ፖ̇ ዲንዲ̇ኔ። ማ ዪንታ̇ፖ̇ ቲ̈ኒታር ጋሊላ ሉኪ̇̈ሬ፤ ዪንቲ̇ ኢና ኢያ ዲጚ̈ሬ!’ ጋ̈ሪ ኢንታ̇ብ ሶ̈ሊብቴ፤ ቴ ዪንታ̇ብ ዪኖ̇ ሶ̈ሊኔ!”

⁸ዪኒ̇ፖ ዓኒ ማጫ̇ን ኢ̈ች̇ባርኬ̇ ዎይሊን ኡፋይስባራ ዱ̈ፊምፖ̇ ኤሊ̇ባር ኬስካ̇ሪ ኢ ታማ̈ራንቦ ሶ̈ላንዳ̇ብ ዎባር ሉኪ̇ዴ።

⁹ዬሱ̈ሲ ኢንታ̇ ጎይም ጋልዳ ዬላ̇ሪ ኢንታ̇ኮ “ሳሮ!” ጌይዴ። ኢንታ̇ር ኢ̈ክ ኡካ̇ሪ ኢ ቶሂን ኤ̈̇ ኢ̈ብ ሞ̈ኪንቲ̇ዴ።

¹⁰ዪና̇ ኢዝባራ ዬሱ̈ሲ ኢንታ̇ኮ “ኢ̈ጫፒ̇ቴ! ሉካ̇ሪ ታ ታማ̈ራን ጋሊላ ሉካ̇ምፔ̇̈ን ኢንታ̇ብ ሶ̈ሊብቴ፥ ኢንቲ̇ ታ̈ና ኢና ዲጚ̈ሬ” ጌይዴ።

¹¹ማጫ̇ን ጎይም ጋልዳ ዬ ጋልዳ ዎዶን ዎታ̇ዳራን ጋርታ̇ፖ̇ ፔታ̇ን ፔታ̇ናን ካታማ ሉካ̇ሪ ኦ̈ንቲ̇ኖ ባዛን ዎይ ቄ̈ሳ ኣላቃንቦ ሶ̈ሊዴ።

¹²ቄ̈ሳ ኣላቃን፥ ጋድ ጪጛሻንባር ሺ̈ቃሪ ዎል ዎልኣ ዞሪንታ̇ሪ ዎታ̇ዳራንቦ ዎይሊን ሚ̈ሺ̇ ኢማ̇ሪ ኢንታ̇ኮ፥

¹³“ ‘ኑ ሱርቂ̇ን ኢ ታማ̈ራን ቃም ዬ̈ሪ ዉ̈ቃ̇ር ኤኪ̇ ሉኪ̇ዴ’ ጋ̈ር ዎርዣ̈ቦ ሶ̈ሊብቴ̇ ጌይዴ።

¹⁴ዪና̇ ሶ̈ሊን ጋድ ኣቂሲዛ ሲስካምፔ̈ን ዎቴጌይን ኑ ኢ̈ብ ሶ̈ሊ ኢያ ኣማ̇ንር ዪንታ̇ ጋልዳ ሜታ ዬልካ̇ይፌ̈ን ዎታንዳ̇” ጌይዴ።

¹⁵ኢናፖ̇ ዎታ̇ዳራን ሚ̈ሺ̇ን ኤካ̇ሪ ኢንታ̇ብ ሶ̈ሊኖንዲፌን ዎቲ̇ዴ። ባዝ ዪናሬ ዓኖ ዬ̈ላር ኣይሁዳን ጊዳ̇ ሶ̈ሊንታ̇ሙታ̇ ዎ።

¹⁶ዬሱ̈ሳ ታማ̈ራን ታጶ̇ ፔታ̇ናን ኢ ኢንቲ̇ ሉካ̇ምፔ̈ን ኪ̈ቲ̇ኖ ቤሲ̇ን ጋሊላ ጋዶ̇ ኢንዲን ጋልዳ̇ ሉኪ̇ዴ።

¹⁷ኢያ ቤቃ̇ር ኢ̈ብ ሞ̈ኪንቲ̇ዴ፤ ፔታ̇ን ፔታ̇ናን “ኢያ ባይዶኔ?” ጌይ ቆፒ̇ዴ።

¹⁸ዬሱ̈ሲ ኢንታ̇ክ ዬ̈ዪ ኡካ̇ሪ “ሲልጣ̈ና ዎይ ኣ̈ፋር ማ̈ቂ̇ን ሳ̈ዳ̇ሬ ታ̈ብ ኢሚንቲ̇ኔ።

¹⁹ዪዚ ዪንቲ̇ ሳ̈ዝ ጋልዳ ዎ ዎርዣ ዎይ̈ኮ ሉ̈ኪ̇ብቴ። ሉካ̇ር ባ̈ባ፣ ናኣ፣ ጌ̈ሻ̇ ኣያ̇ና ሱምባራ ኢንታ ጻማቂሙታ̇፥ ቴ ዪንታ̇ ኪቲ̇ኖ ባዛን ዎይ ፎታ̇ምፔን ኢንታ̇ ታማ̈ርሲሙታ̇፥ ታ̈ብ ታማ̈ሪ ማሂብቴ̇። ታ̈ናሬ ኣላሚን ዉርሲን ዬሊ̇ዝ ዲራ̈ስ ዎይ ጋላስ ዪንታ̇ባር ዎ” ጌይዴ።