Read basketo ማ̈ቶ̈ሳ 5 Bible Online

ማ̈ቶ̈ሳ 5 - basketo bible

ማ̈ቶ̈ሳ 5

¹ዬሱ̈ሲ ዎይሊን ዎርዣ ሺ̈ቂኖ ቤቃ̇ሪ፥ ኢንዳ̇ ጋልዳ ኬስካ̇ር ዶኢዴ። ኢ ታማ̈ራንር ኢ̈ክ ዬይን፥

²ኢ ኢንታ̇ ዪዝ ጌይ ታማ̈ርሲ ኤ̈̇ዴ።

³ፌ̈ብ ኮሺ̇ዝ ባዝ ዎይ̈ቦ ጾ̈ሳ̇̇̈ባር ኣማ̇ኒንቲ̇ዛን፥ ጾ̈ሳ̇̇ ካ̈ቲቲን ኢንቴይ ማ̈ቂኖኮታ̇ቦ ኢንቲ̇ ኣንጂንቲኖን።

⁴ኣዛ̇ኒዛን ጾ̈ሳ̇̇ ኢንታ̇ ሚን̈ዛኮታ̇ቦ፥ ኢንቲ̇ ኣንጂንቲኖን።

⁵ፌ̈ና ዪርክ ዪርክ ዎቲዛን፥ ሳ̈ዚ ዎይ ኢንቴ̇ይ ማ̈ቂ̇ዛኮታ̇̇̇ቦ ኣንጂንቲ̇ኖን።

⁶ኣሲ ፊ̈ሻብ ጋፍሲንታ̇ዚንዲፌ̈ንኬ ዋ̈ብ ባ̈ርሲንታ̇ዚንዲፌ̈ኒ ጾ̈ሳ̇̇ ቲ̈ን ጺላ̇ ባዝ ኦ̈ንዳ ኮዪዛን፥ ጾ̈ሲ̇ ኢንታ̇ ሚሺ̇ዛኮታ̇ቦ ኢንቲ̇ ኣንጂንቲ̇ኖን፥

⁷ኣስ ማ̈ሪዛን፥ ጾ̈ሳ̇̇ ቲ̈ናፖ̇ ማ̈ሪቲ ዲጚዛኮታ̇ቦ ኢንቲ̇ ኣንጂንቲ̇ኖን።

⁸ቡ̈ዳ ጌ̈ሽ ማ̈ቂ̇ኖን፥ ኢንቲ̇ ጾ̈ሳ̇̇ ቤቂ̇ዛኮታ̇ቦ ኣንጂንቲኖን።

⁹ኣስ ኢጊንዛን፥ ኢንቲ̇ ጾ̈ሳ̇̇ ናኤ ጌዪ ጼይጊንቲ̇ዛኮታ̇ቦ ኣንጂንቲኖን፥

¹⁰ጺሊ̇ቲኮታ̇ቦ ጋ̈ሪ ዳኪንቲ̇ዛን፥ ጾ̈ሳ̇̇ ካ̈ቲቲን ኢንቴ̇ይ ማ̈ቂ̇ኖኮታ̇ቦ ኢንቲ̇ ኣንጂንቲኖን።

¹¹“ቴ ጊሻ̇ቦ ጋ̈ሪ ኣሳን ዪንታ̇ ቆ̈ምባራ ዎይ ዪንታ̇ ዳካ̇ምባራ ኢ̈ታ ባዝ ዎይባራ ማቃባር ዪንታ̇ ሱም ኢ̈ሳ̇ምባራ ዪንቲ̇ ኡፋይቲ̇ብቴ̇።

¹²ኣፋ ጾ̈ሳ̇̇ ቲ̈ን ዪንቲ̇ ኤካ̇ዝ ጋቲን ጴች ማ̈ቂ̇ኖኮታ̇ቦ ጴች ኡፋይቲ̇ብቴ̇። ኣባ ጌይንዶ̇፥ ዪንታ̇ፖ ቲ̈ን ዎ ናባን ዪንታ̇ፌ̈ን ዳኪንቲ̇ ሜታ ኤኪ̇ኔ”

¹³“ዪንቲ̇ ኣሳቦ ማጺናፌ̈ኔ። ማጺኖ ፌ ቃ̈ን ኣሼጌይን ዎዛ̈ርታ̇ር ኢያ ማሂ ቃ̈ጺሳንዳ̇ ዳንዳኢ̈ራ? ዛ̈ና ቶጚን ኣሳ ቶህባራ ዬንቲ̈ርዶኬ ዎሃ ኣባካባር ማ̈ዲባ̈ሴ።

¹⁴“ዪንቲ̇ ኣሳቦ ፎኢንፌ̈ኔ። ኢንዳ ጋልዳ ዎ ካታሚን ጌ̈ሚታንዳብ ዳንዳኣባሴ።

¹⁵ኣሲ ፎኢን ፎ̈ኢሳሪ ኣ̈ል ዎ ኣሳ̈ብ ዎይ ፎ̈ኣምፔ̈ኒ ሾካ̇ ቤስ̇ ጋልዳ ጋዲ̇̈ርዶኬ ኦት ጋርታ̇ ጋዲባ̈ሴ።

¹⁶ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

¹⁷“ታ̈ኒ ሙ̈ሶ ሂጊ̇ንዲኬ ናባን ቲሚርቲ̇ን ጳይሳ̇ንዳብ ዬይኖ ዪንታ̇ብ ማይጻፖ̇። ቴ ዬይኖንዳ̇ ኢዞ ፎታንዳብዶኬ ይሳ̇ንዳብ ዬ̈ካ̇ዬ።

¹⁸ቴ ዪንታ̇ክ ኪን ጋ̈ሬ፥ ኣፎ ሳ̈ዚንዲኬ ሳ̈ዶ̇ ሳ̈ዚን ዪዝ ዲራ̈ስ ሂጋ̇ ዎይ ፎቲንቲ̇̈ርዶኬ ሂጊ̇ን ጋልዳፖ̇ ፔቲ̇ ቃ̈ላ ዎይ ፔቲ̇ ፊዳላር ዪባ̈ሴ።

¹⁹ዪ̈ኮታ̇ቦ ዪን ሂጋ̇ን ጋርታ̇ፖ̇ ሜላ ኣቲ̇ን ጊሊ̇ምቦ̇ ኪ̈ቲንታ̇ካ̇ይ ኣታ̇ሪ ማ ሜላንር ኪ̈ቲንታ̇ካ̇ይፌ̈ን ታማ̈ርሲዝ ኣሲ ኦ̈ናካር ጾ̈ሳ̇̇ ካ̈ቲቲን ጋርታ̇ ጊላ̇ ኣስ ማ̈ቂ̇̈ሬ። ዪን ሂጋ̇ን ፌ̈ባር ኪ̈ቲንቲ̇ ሜላንር ኪ̈ቲንታ̇ምፔ̈ን ዎቲዝ ኣሲ ኦ̈ናካር ጾ̈ሳ̇̇ ካ̈ቲቲን ጋርታ̇ ጴች ኣስ ጌይንቲ̈ሬ።

²⁰ዪ̈ኮታ̇ቦ ዪንታ̇ ጺሊ̇ቲንዳ̇ ሙ̈ሶ ሂጋ̇ ታማ̈ርሲዛንፕኬ ፋራሳ̈ዋንፖ̇ ሺካ̇ይ ኣቴ̇ጌይንዶ̇ ዪንቲ̇ ጾ̈ሳ̇̇ ካ̈ቲቲን ጋርታ̇ ዉርሲ ጌሊባ̈ሶን ቴ ዪንታ̇ብ ሶ̈ላ̈ሬ።

²¹“ሚኖ ኣሳንቦ ‘ኣስ ዎፒ̇ቴ፥ ኣስ ዎኖ ኣሲ ፊርዲንቲ̇̈ሬ’ ጌይኖን ዪንቲ̇ ሲስኪ̇ኔ።

²²ቴ ዪንታ̇ክ ጋ̈ዚንዳ̇፥ ፌ ኢሻ [ሜላ̇] ጎይሊዝ ኣሲ ዎይ ፊርዲንቲ̇̈ሬ፥ ማ ፌ ኢሻ̈ኮ “ዓ ፋባ̈ሶ̈ዲ” ጌዪ ቆ̈ዛ̈ዲ ኣሳ ቲ̈ን ፊርዳብ ሺ̈ቂ̇̈ሬ፥ ማ ፌ ኢሻኮ “ዓ ዱላ̇̇ዲ” ጌይዝ ኣሲ ሜናብ ቴይቂ̇ባ̈ሶ ታማ ጋርታ̇ ጌሊ̈ሬ።

²³“ዪ̈ኮታ̇ቦ፥ ኔ̈ኒ ጾ̈ሳ̇̇̈ቦ ዣ̈ርሽ ኢማ̇ርዶራ ኣሲ ኔ ጋል ሺን̇ ጌይኖ ባዝ ኔ̈ክ ኤልቅ ጌዬጌይንዶ̇፥

²⁴ኔ ዣ̈ርሺን ዣ̈ርሻ ቤሲ̇ን ጋልዳ ኢና ታክ̇ ኣሻ̇ ሉካ̇ራ ቲ̈ን ና̈ሳባር ኢጊንታ̇ቤ፥ ኢናፖ̇ ማ̈ቃ̇ ዬ̈ራ ኔ ዣ̈ርሺ̇ን ኢማ̇ቤ።

²⁵“ጻላ̈ታ ኔ̈ና ሞ̈ታር ፊርዳ ኣ̈ል ኤኪ̇ ሉካ̇ምባራ ኔ ጎይም ጋልዳ̇ዶ̈ራ ቲ̈ኒታር ኢባር ኢጊንታ̇ቤ። ኔ ዪኖ̇ ዎታ̇ካ̇ይ ኣቴ̇ጌይንዶ̇ ና̈ሳ ኔ̈ና ዳይናብ ኣ̈̈ሬ፥ ዳይና̈ዲ ኔ̈ና ፖ̈ሊሳብ ኣ̈ ኢሚ̇̈ሬ፥ ኢያር ኔ̈ና ቃሺ ኣ̈ል ጌሊሲ̈ሬ።

²⁶ቴ ኔ̈ክ ኪን ጋ̈ሬ፥ ዳይና ኔ̈ና ጪጎ̇ ጌይ ፊርዲኖን ፔቲ̇ ባካ̇ናር ኣታ̇ካይ ዎይ ጪጋ̇ ዉርሲዝ ዲራ̈ስ ኔ ኢናፖ̇ ኬስካ̇ባሴ።

²⁷“ ‘ኦሎላ ጋዳፒ̇ቴ’ ጌይኖን ዪንቲ̇ ሲስኪ̇ኔ።

²⁸ቴ ዪንታ̇ክ ጋ̈ዚንዳ፥ ማጫ̇ ቤቃ̇ሪ ኢኒ̇ቲኖ ኣሲ ዎይ ፌ ቡ̈ዳባራ ኢዝባራ ሱርቂ̇ኔ።

²⁹ኔ ኣ̈ፍ ኡሻቺ̇ን ኔ̈ና ናጋራ ኦ̈ሳ̈ርኮ፥ ኔ ኢዞ ዎ̈ጫ ኬሳ̇ ፋይቤ። ኔ ኣሲቲን ዎይ ሜናብ ቴይቂ̇ባ̈ሶ ታማ ጋርታ̇ ጌላናፖ̇ ኔ ጋሊ̇ን ጋልዳፖ̇ ፔታ̇ኒንዳ̇ ያዚን ኔ̈ብ ኮሼ̇።

³⁰ኔ ኩሽ ኡሻቺ̇ን ኔ̈ና ናጋራ ኦ̈ሳ̈ርኮ፥ ኔ ኢዞ ቃጻ̇ር ቶጛቤ። ኔ ኣሲቲን ዎይ ሜናብ ቴይቂ̇ባ̈ሶ ታማ ጋርታ̇ ጌላናፖ̇ ኔ ጋሊ̇ን ጋልዳፖ̇ ፔታ̇ኒንዳ̇ ያዚን ኔ̈ብ ኮሼ̇።

³¹“ ‘ፌ ማጪ̇ን ኬሲ̇ዝ ኣሲ ዎይ ኢ ኢዞ ኣሺ̇ኖን ኤርሲዝ ፊርማ ኢዝቦ ኢሞ̇ጋ̈ቤ’ ጌይኖን ዪንቲ̇ ሲስኪ̇ኔ።

³²ቴ ዪንታ̇ክ ጋ̈ዚንዳ ፌ ማጪ̇ን ኢዛ ኣሳባር ሱርቃ̈ካ̇ይዶ̈ን ሜላ̇ ዓሪ ኢዞ ኬሲ̇ዝ ኣሲ ዎይ ኣሲንዶ̇ ኦሎላ ጋዲ̇ዝ ኣስ ማሂ̈ሬ፥ ማ ኢዞ ኤኪ̇ዝ ኣሲ ዎይ ኦሎላ ጋዲ̇ኖ ማ̈ቂ̇̈ሬ።

³³“ማ ሚኖ ኣሳንኮ ‘ዎርዳ ጫ̈ቃፔ፥ ማ ጾ̈ሳ̇̇̈ቦ ጫ̈ቂ̇ኖ ጫ̈ቂን ፎታካ̇ይ ኣሻፔ̇’ ጌይኖን ሲስኪ̇ኔ።

³⁴ቴ ዪንታ̇ክ ጋ̈ዚንዳ፥ ዪንቲ̇ ዉርሲ ጫ̈ቃፒ̇ቴ፤ ኣፎ ጪሊንዳ̇ ጾ̈ሳ̇̇ ዶኢዝ ዙፋና ማቂኖኮታ̇ቦ ጭሊ̇ምባር ጫ̈ቃፒ̇ቴ፥

³⁵ሳ̈ዶ ሳ̈ዚንባራር ማ̈ቂ̇ን ጫ̈ቃፒ̇ቴ፥ ሳ̈ዶ̇ ሳ̈ዚንዳ̇ ጾ̈ሳ̇̇ ቶሂን ሼምፒ̇ዝ ቤሴ̇። ዬሩሳ̈ላም ካታሚንባራር ማ̈ቂ̇ን ጫ̈ቃፒ̇ቴ፥ ዬሩሳ̈ላም ካታሚንዳ̇ ጴቻ̇ ካ̈ታ ካታማ።

³⁶ዪንቲ̇ ዪንታ̇ ቆሚ̇ን ኢሲንን ጋርታ̇ፖ̇ ፔታ̇ኒን ቦ̈ርሲን ካር፥ ካርን ቦ̈ርስ ዎታንዳብ ዳንዳኢባ̈ሶኮታ̇ቦ ዪንታ̇ ቆሚ̇ንባራር ማ̈ቂ̇ን ጫ̈ቃፒ̇ቴ።

³⁷ዪ̈ኮታ̇ቦ ዪንታ ሶ̈ሊንዳ̇፥ ኣዓ ጌይርኮ̇ ‘ኣዓ’ ዎይ ኣቴ̇ጌይን ‘ዋኣኬ’ ጌይርኮ̇ ‘ዋኣኬ’ ጌብቴ። ዪኒ̇ፖ ኣቲ̇ኖ ሶ̈ሊን ዎይ ሴ̈ጣናፖ ዬይዝ ሶ̈ላ።

³⁸“ ‘ኣሳ ኣ̈ፍ ኬ̈ሲኖ ና̈ሳቦ ኢ ኣ̈ፊን ኬሶ̇፥ ና̈ሳ ኣች ኬ̈ርሲኖ̈ቦ ኢ ኣቺ̇ን ኬ̈ርሶ’ ጌይኖን ዪንቲ̇ ሲስኪ̇ኔ።

³⁹ዎቲናካር ቴ ዪንታ̇ክ ጋ̈ዚንዳ፥ ዪንታ̇ብ ኢ̈ት ኦ̈ኖ ኣሳቦ ኢ̈ት ኦ̈ ማሃፒ̇ቴ̇፥ ኔ ቢዢን ኡሻቺ̇ን ባቂ̇ኖቦ ጉጃር ዓዲ̇ርሲን ቢሪንር ቤይሳቤ።

⁴⁰ፔቲ̇ ኣሲ ኔ ሻሚዢን ኤካ̇ንዳብ ኮያሪ ኔ̈ና ሞ̈ቴጌዪን ኔ ኮ̈ቲን ጉጃር ኢ̈ብ ኢማ̇ቤ።

⁴¹ፔቲ̇ ኣሲ ኔ̈ኮ ‘ታባር ኡክ ጎይ ዬ̇ሼ’ ጋ̈ር ኔ̈ና ዋይጌዪን ኔ̈ኒ ኢ ጌይኖምፖ̇ ናምኢ ኩሽ ኣ̈ር ኢባር ሉካ̇ቤ።

⁴²ኔ ጋልዳፖ̇ ጌሺዛቦ ኢማ̇ቤ፥ ኔ ጋልዳፖ̇ ታልቃ̇ንዳብ ኮይዛዳ ካያፔ̇” ጌይዴ።

⁴³ኢናፖ̇ ዬሱ̈ሲ ኢንታ̇ኮ “ ‘ኔ ላ̈ጋ̇ ካቤ፥ ኔ ጻላ̈ታ ኢጻ̇ቤ’ ጌይኖን ዪንቲ̇ ሲስኪኔ።

⁴⁴ቴ ዪንታ̇ኮ፥ ዪንታ̇ ጻ̈ላታን ካብቴ ዪንታ̇ ባ̈ዲ̇ዛን ኣንጂብቴ̇፤ ዪንታ̇ ኢጺ̇ዛንቦ ኮሽ ባዝ ኦ̈ብቴ̇፤ ዪንታ̇ብ ኢ̈ት ኦዛንብኬ ዪንታ̇ ዳኪ̇ዛንቦ ዎ̈ሲ̇ብቴ ጋ̈ሬ።

⁴⁵ዪኖ̇ ዪንቲ̇ ዎቴጌይንዶ ኣፋ ዎ ዪንታ̇ ባ̈ባ̈ቦ ዪንቲ̇ ናኢ ማ̈ቂ̇̈ሬ። ኢ ኢ̈ታንብኬ ኮሻ̇ንቦ ፌ ኣዋ ኬሲ̇̈ሬ፥ ማ ጺላ̇ንብኬ ናጋራንቻ̇ንቦ ፌ ኢሪን ኬርሲ̈ሬ።

⁴⁶ዪንታ̇ ካዝ ኣሳን ሙታ̇ ዪንቲ̇ ካጌዪን ዪንታ̇ ኣ ማ̈ዳ̇̈ራ? ናጋራንቻ̇ንር ዪኖ̇ ዎቲ̈ርባያ?

⁴⁷ዪንታ̇ ኢሺንታ̇ን ሙታ̇ ዪንቲ̇ ሳሮ ጌይዝ ባዝ ማ̈ቄ̇ጌይን ዪንቲ̇ ሜላንፖ̇ ኣብዝ ሺዝ ባዝ ኦ̈ቴ? ጾ̈ሳ ኤሪባ̈ሶ ኣሳንር ዪኖ̇ ዎቲ̈ርባያ?

⁴⁸ዪ̈ኮታ̇ቦ ኣፎ ዪንታ̇ ባ̈ባ̈ዲ ዉርሲ ማዛ ኢ ጋልዳ ባዮ̇ንዲፌ̈ኒ፥ ዪንታ̇ሬ ዉርሲ ዪንታ ̇ጋልዳ ማዛ ባዮ̇ ኣስ ማ̈ቂ̇ብቴ።