Read basketo ማ̈ርቆ̈ሳ 10 Bible Online

ማ̈ርቆ̈ሳ 10 - basketo bible

ማ̈ርቆ̈ሳ 10

¹ዬሱ̈ሲ ኢናፖ̇ ዲንዳ̇ሪ ዪሁዳ ጋዳ̇ኬ ዮርዳ̈ኖ̈ስ ዋ̈ንፖ ጌዳ ፊ̈ን ዎ ጋዲን ጋርታ ሉኪ̇ዴ። ዎይሊን ዎርዦ ኢ̈ክ ማ̈ቃ̇ር ዬይን ኢ ሚን ዎታዚንዲፌ̈ኒ ኢንታ ታማ̈ርሲ ኤ̈̇ዴ።

²ፔቲ̇ ፔቲ̇ ፋራሳ̈ዋን ዬሱ̈ሳክ ዬ̈ሪ ኢያ ፋታ̇ናንዳብ ኮያሪ “ኣሲ ፌ ማጪ̇ን ኬሳ̇ር ሚሻንዳ̇ብ ዳንዳኢ̈ራ?” ጌዪ ኦይጪ̇ዴ።

³ኢያር ኢንታኮ “ዪኒ̇ቦ ሙ̈ሶ ዪንታ̇ ዎዛር ጋ̈ር ኪ̈ቲ̇ና?” ጋ̈ር ማሂ ኦይጪ̇ዴ።

⁴ኢንታ̇ሬ “ሙ̈ሶ ‘ኣሲ ፌ ማጪ̇ን ኬሲ̇̈ርዶሪ ፊርማ ኢዝቦ ኢማ̇ር ሚሾጋ̈ቤ’ ጌይኔ” ጌይዴ።

⁵ኢያሬ ኢንታኮ “ሙ̈ሶ ዪ ጌይኖ̈ዲ ዪንታ̇ ቡ̈ዳ ዛቢኖ ቤቃ̇ሪዬ።

⁶ጾ̈ሲ̇ ቲ̈ን ኣስ ኮቺ̇ርዶ̈ሪ ኣቲናኬ ማጫ̇ክ ዎልኣ ኮቺ̇ኔ።

⁷ዪ̈ኮታ̇ቦ ኣሲ ፌ ባ̈ባ̈ባርኬ ፌ ኢንዲባር ዶኣዚን ኣሻ̇ሪ ፌ ማጪ̇ንባር ዎል ፔታ̇ን ማ̈ቃ̇ር ዶኢ̈ሬ።

⁸ናምኣን ዎል ፔቲ̇ ኣይሽ ማ̈ቂ̈ርዶኬ ዪኒፖ̇ ዎሃ ናምኢ ማ̈ቂ̇ባ̈ሴ።

⁹ዪ̈ኮታ̇ቦ ጾ̈ሲ̇ ፔታ̇ን ማሂኖ̈ዳ ኣሲ ፋጋፖ̇ ጋ̈ቤ” ጌይዴ።

¹⁰ኢንቲ̇ ኣ̈ል ማ̈ቂኖፖ ዎሃ ዬሱ̈ሳ ታማ̈ራን ዎዳ ፋራሳ̈ዋን ኦይጪ̇ኖ ኦይቺ̇ን ዬሱ̈ሳ ማሃር ኦይጪ̇ዴ።

¹¹ኢያሬ ኢንታ̇ኮ “ኦ̈ናካር ማ̈ቂ̇ን ፌ ማጪ̇ን ኬሳ̇ሪ ሜላ ማጫ̇ ኤኪ̇ኖ ና̈ሳ ዪ̈ዲ ኦሎላ ጋዲ̇ኔ።

¹²ዪና̇ ኢዝፌ̈ኒ ፌ ኣስና ጋልዳፖ ኬስካ̇ራ ሜላ ኣቲና ኣ̈ል ኢስቲኖ ኣሲንዳ̇ ኢዛር ኦሎላ ጋዲ̇ኔ” ጋ̈ር ማሂዴ።

¹³ዬሱ̈ሲ ኣቂሊ ናኣን ፌ ኩሽ ኢንታ̇ ጋልዳ ጋዳ̇ር ኣንጃ̇ምፔ̈ኒ፥ ኣሳን ኢ̈ክ ኤሄይዴ፤ ዎቲናካር ኢ ታማ̈ራን ናኣን ኤሄይኖ ኣሳን ቆዲ̇ዴ።

¹⁴ዬሱ̈ሲ ዪኖ̇ ቤቂ̇ ጎይላሪ ፌ ታማ̈ራንኮ “ኣቂሊ ናኣን ታ̈ክ ዬዮ ጋ̈ቤ ካያፒ̇ቴ፤ ጾ̈ሳ̇̇ ካ̈ቲቲ ዪንፌ̈ኖንዬ።

¹⁵ቴ ዪንታ̇ክ ኪን ጋ̈ሬ፥ ጾ̈ሳ̇̇ ካ̈ቲቲን ናኢ ኣቂሊፌ̈ኒ ማ̈ቃ̇ር ኤኪ̇ባ̈ሶ ኣሲ ዉርሲ ኢና ጌሊባ̈ሴ” ጌይዴ።

¹⁶ኢናፖ̇ ኣቂሊ ናኣን ኢሪጛሪ ፌ ኩሽ ኢንታ ጋልዳ ጋዳ̇ር ኣንጂ̇ዴ።

¹⁷ዬሱ̈ሲ ኢናፖ̇ ዲንዳ̇ሪ ጎይ ዬ̈ ኤ̈̇ዴ። ኢ ሉካ̇ምባራ ፔቲ̇ ኣሲ ዎባር ዬ̈ር ኢ ቲ̈ን ቡቂንታ̇ሪ “ኮሽ ኣስታማ̈ራ̈ዶ! ሜና ሼምፓባር ዶኢን ኤካ̇ንዳቦ ቴ ኣብዝ ዎታንዳ̇ብ ኮሺ̇ራ?” ጌይዴ።

¹⁸ዬሱ̈ሲ ኢ̈ኮ “ኣባብ ኔ ታ̈ና ኮሻ̇̈ዶ ጋ̈ራ? ኮሺ̇ ጾ̈ሳ̇̇ ፔታ̇ና̈ፖ ሜላ ባዬ̇።

¹⁹ኔ̈ኒ ጾ̈ሳ̇̇ ኪ̈ቲን ኤራ̈ሬ፦ ኣስ ዎፔ̇፣ ኦሎላ ጋዳፔ̇፣ ዉ̈ቃፔ̇፣ ዎርዳ ማርኪታ̇ፔ̇፣ ኣስ ዳሺቻ̇ፔ̇፣ ኔ ባ̈ባ̈ኬ ኔ ኢንዲክ ቦንቻ̇ቤ” ጌይዛን።

²⁰ና̈ሳ̈ዳር “ኣስታማ̈ራ̈ዶ! ባዛን ዪን ዎይ ቴ ናኢቲፖ ኤ̈̇ር ና̈ጋ ዎ” ጌይዴ።

²¹ዬሱ̈ሲ ና̈ሳ ቤቃ̇ር ኢያ ካሪ ኢ̈ኮ “ዪ̈ዶኮ ኔ ጋል ፔቲ̇ ባዝ ሙታ̇ ኣቲ̇ኔ። ኔ̈ብ ዎ ባዛን ዎይ ጌዳ ዎ̈ጛራ ሚ̈ሺ̈ን ዎርባያንቦ ኢማ̇ቤ። ኣፎ ኣ̈ል ኔ̈ብ ሺ̈ቂኖ ቆሊን ዲጛ̈ሬ፤ ዪኒ̇ፖ ዓኒ ዬ̈ራ ቴ ዎሂን ዬ̇ቤ” ጌይዴ።

²²ና̈ሳ̈ቦ ዎይሊን ቆሊን ዎኮታ̇ቦ፥ ዪኖ̇ ሲስካ̇ር ዲብሺር ጋ̈ሪ ኣዛ̇ኒ ሙዲዲ ሙታ̇ ሉኪ̇ዴ።

²³ዬሱ̈ሲ ፌ ቡጊድባር ቢሪንቲ̇ ቤቃ̇ሪ ፌ ታማ̈ራንኮ “ዱራን ጾ̈ሳ̇̇ ካ̈ቲቲን ጋርታ̇ ጌላንዳ̇ቦ ኢንታ̇ብ ዎዛርፌ̈ን ዴ̈ጻ̇̈ራ!” ጌይዴ።

²⁴ኢ ታማ̈ራን ኢ ሶ̈ሊንባር ዎይሊን ጋራ̇ሚንቲ̇ን ዬሱ̈ሲ ማ̈ቃ̇ር ኢንታ̇ኮ “ናኣን! ዱራን ጾ̈ሳ̇̇ ካ̈ቲቲን ጋርታ̇ ጌላንዳብ ኢንታብ ዎዛርፌ̈ን ዴ̈ጻ̇̈ራ!

²⁵ዱር ኣሲ ጾ̈ሳ̇̇ ካ̈ቲቲን ጋርታ̇ ጌላዚምፖ̇ ጊማሊ ናርፓ̇ ፉላባር ጌላዚን ኢ̈ብ ዴ̈ጻ̇ባሴ” ጌይዴ።

²⁶ኢ ታማ̈ራን ዎይሊን ጋራ̇ሚንታ̇ሪ “ዓት ዪ̈ዶኮ ኦ̈ናፌ̈ኖ ፋጻንዳ̇ብ ዳንዳኢ̈ራ?” ጌዪ ዎልዎልኣ ሶ̈ሊንቲዴ።

²⁷ዬሱ̈ሲ ኢ̈ንታ ቤቃ̇ሪ ኢንታ̇ኮ “ዪ ኪንባራ ኣሳብ ዳንዳኢንቲ̇ባ̈ሶ ባዜ፤ ጾ̈ሳ̇̈̇ ጋሚዝ ባዚ ባዮ̇̈ኮታ̇ቦ ኢ̈ብ ዳንዳኢንቲ̈ሬ” ጌይዴ።

²⁸ጴ̈ጥሮ̈ሲ ኢ̈ኮ “ኑ̈ኒ ዎይ ባዝ ኣሻ̇ሪ ኔ ዎሂን ዬይኔ” ጌይዴ።

²⁹ዬሱ̈ሲ ኢንታ̇ብ ማሂ̈ርዶሪ “ቴ ዪንታ̇ክ ኪን ጋ̈ሬ፥ ቴ ጊሻ̇ብኬ ዎጛላ ጊሻቦ ጋ̈ሪ ፌ ኣ̈ሊንዶ̇፣ ፌ ኢሺንታን፣ ፌ ሚሺንታን፣ ፌ ኢንዲንዶ፣ ፌ ባ̈ባ̈ዳ፣ ፌ ናኣንኬ ፌ ዎት ጋዲን ኣሺ̇ዛ ዎይ፥

³⁰ዓት ዓኒ ኬሊ̇ንባራ ዳስ̇ባር ዎልኣ፥ ኬ̈ሬ፣ ኢሻሬ፣ ሚሻሬ፣ ኢንዳ̇ሬ፣ ናኣሬ፣ ዎት ጋዳሬ፣ ጼ̈ታ ኩሽ ኤኪ̇̈ሬ፤ ቢርት ዬ̈ዝ ኬሊ̇ንባራሬ ሜናብ ሼምፓባር ዶኢ ዴጚ̈ሬ።

³¹ማ̈ቂ̇ናካሬ ቲ̈ኒቲኖ ኣሳን ጋርታ̇ፖ̇ ዎይሊንን ጋስ ማ̈ቂ̈ሬ ጋሲቲኖን ጋርታ̇ፖ̇ ዎይሊንን ቲ̈ኒቲ̈ሬ” ጌይዴ።

³²ዬሱ̈ሳኬ ኢ ታማ̈ራን ዎል ማ̈ቃ̇ሪ ዬሩሳ̈ላም ሉኪ̇ርዶ̈ሪ ጎይም ጋልዳ ዬሱ̈ሲ ኢንታ ቲ̈ን ኣ̈̇ር ዬ ኤ̈̇ዴ። ኢ ታማራን ዪኖ̇ ቤቃ̇ሪ ጋራ̇ሚንቲዴ፤ ኢንታ̇ ዎሂን ዬይዝ ዎርዣ̈ዳሬ ኢ̈ጪ̇̈ዴ። ዬሱ̈ሳር ታጶ̇ ናምኢ ታማ̈ራን ፌ̈ክ ጼይጋሪ ፌ̈ና ዬላ̇ዝ ሜቲን ባዝ ኢንታብ ሶ̈ሊ̈ርዶሪ፥

³³“ኑ̈ኒ ዓት ዬሩሳ̈ላም ሉኪ̇̈ሬ ታ̈ና ኣሳ ናኣ ኣሳን ቄ̈ሳ ኣላቃንብኬ ሙ̈ሳ ሂጋ̇ ታማ̈ርሲዛንቦ ኣ̈ ኢሚ̇ሬ። ኢንታ̇ሬ ታ ጋልዳ ዓይቃ ፊርዳ ፊርዲ̈ሬ። ታ̈ና ኣይሁድ ዜር ማ̈ቃካ̇ዮ ኣሳንቦ ኣ̈ ኢሚ̇̈ሬ።

³⁴ኢንታ̇ሬ ታ ጋልዳ ቃልዲ፣ ጩቲ̇፣ ታ̈ና ቡኪ̇፣ ዎ ዎቲ̈ሬ፤ ማ̈ቂ̇ናካሬ ታ̈ኒ ዓይዚ̇ ቃማ̇ፖ ዎሃ ዓይቃ ጋርታ̇ፖ̇ ዲንዳ̈ሬ” ጌይዴ።

³⁵ዛብዶ̈ሳ ናኣን ዓይቆ̇̈ባኬ ዋ̈ኒ̇ሳክ ዬሱ̈ሳክ ዬ̈ሪ “ኣስታማ̈ራ̈ዶ! ኑ ኔ̈ና ጌሻዝ ባዚን ኑ̈ብ ዎቲሼ” ጌይዴ።

³⁶ኢያር ኢንታክ ጋ̈ሪ “ታ ኣብዝ ዪንታ̇ብ ዎታምፔ̇̈ኒ ዪንቲ ኮዪ̈ራ?” ጌይዴ።

³⁷ኢንታ̇ሬ “ኔ ቦንቻ ካ̈ቲቲን ጋልዳ ዶኣ̈ርዶራ ኑ ጋርታፖ ፔታ̇ና̈ዳ ኡሻች ጎይ ፔታ̇ና̈ዳ ዓዲርስ ጎይ ዶኣምፔ̈ን ዎቲሼ” ጌይዴ።

³⁸ኢ ኢንታክ ጋ̈ሪ “ኣብዝ ጌሺሙታ̇ ዎኮ ዪንቲ ኤራካ̇ዬ። ቴ ኤካ̇ዝ ሜታ ጺዊ̇ን ዪንቲ̇ ኤካ̇ንዳብ ዳንዳኢ̈ራ? ታ ጻማ̇ቂንታዝ ሜታ ጺንቃ̇ቲን ዪንቲ̇ ጻማ̇ቂንታ̇ንዳብ ዳንዳኢ̈ራ?” ጌይዴ።

³⁹ኢንታ̇ር ኢ̈ኮ “ኣ̈ ኑ ዳንዳኢ̈ሬ” ጌይዴ። ኢያሬ “ዪ ጺላ̇ ቴ ኤካ̇ዝ ሜታ ጺዊ̇ን ዪንቲ ኤካ̇ንዳብ ዳንዳኢ̈ሬ፥ ቴ ጻማ̇ቂንታዝ ሜታ ጺንቃቲንዳ̇ር ጻማ̇ቂንታንዳብ ዳንዳኢ̈ርዶ̈ን፥

⁴⁰ታ ላፍ ጋልዳ ኡሻች ጎይኬ ዓዲርስ ጎይ ዶኣምፔ̈ን ዎቲዛ ታ̈ና ጊዳካ̇ዬ። ዪ̈ዲ ጾ̈ሳ̇̇ ኢንታ̇ብ ጋ̈ሪ ጊጊሲ ጋዲ̇ኖ ኣሳንቦ ሙታ̇ ኢሚንቲ̈ሬ” ጌይዴ።

⁴¹ኣቲ̇ኖ ታጳ̇ ታማ̈ራን ዪኖ̇ ሲስካ̇ሪ ዓይቆባኬ ዋ̈ኒ̇ሳ ጎይሊዴ።

⁴²ዬሱ̈ሲ ዎይን ፌ̈ክ ጼይጋሪ ኢንታኮ “ዓና̇ ኣላሚን ጋልዳ ዎ ፌ̈ና ‘ላ̈’ ጌዪ ጼይጊዝ ኣሳን ፌ ዎርዣ ጋልዳ̇ ጎዳ ማ̈ቃ̇ዚንዲኬ፥ ማ ሹ̈ሚንቲ̇ኖ ኣሳንሬ ዎርዣ ዎልቃባር ኣቂሳዚን ዪንቲ̇ ኤሪ̈ሬ።

⁴³ዪንቲ̇ ዪዚ ዪ̈ፌ̈ን ማ̈ቃ̇ንዳብ ኮሺ̇ባ̈ሴ። ዪንታ̇ ጋርታ̇ፖ̇ ጴች ማ̈ቃ̇ንዳብ ኮዪዝ ኣሲ ዎይ፥ ዎይ̈ቦ ኣሽካ̇ራ ማ̈ቆ̇ ጋ̈ቤ።

⁴⁴ዎይ̈ፖ̇ ሺ ማ̈ቃ̇ንዳ̇ብ ኮዪዝ ኣሲ ዎይንቦ ኣይላ ማ̈ቆ̇ ጋ̈ቤ።

⁴⁵ቴ ኣሳ ናኣ̈ዲ ኣስ ማ̈ዳ̇ንዳብኬ ቴ ሼምፒ̇ን ዎይሊን ኣሳንቦ ኣ̈ር ኢማ̇ንዳቦ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ዬ̈ካ̇̈ዬ” ጌይዴ።

⁴⁶ዪኒ̇ፖ ዓኒ ዬሱ̈ሳኬ ኢ ታማ̈ራን ዎልኣ ያ̈ሪኮ ጌይዝ ካታማ ዬይዴ። ኢንቲ̇ ዎይሊን ዎርዣባር ዎል ማ̈ቃ̇ር ኢናፖ̇ ኬስካ̇ምባራ፥ ጢሞ̈ሳ ናኣ ባርጣሞ̈ሳ ጌይዝ ኣ̈ፍ ዎብ ኣስዶ̈ሪ ጌሺ ሙታ̇ ጎይ ቡጊድ ጋልዳ ዶኢኔ።

⁴⁷ዪኒ̇ባራ ኣሳ̈ዲ “ዓኒ̇ባር ኣ̈̇ ና̈ዝሬ̈ት ዬሱ̈ሲሽዋ” ጋ̈ዚን ሲስካ̇ሪ ዎባ̇ዲ “ዳ̈ዊታ ናኣ ዬሱ̈ሶ! ታ̈ና ማ̈ራቤ” ዪዝ ጋር ዉይስ ኤ̈̇ዴ።

⁴⁸ዎይሊን ኣሲ ፥“ኣን ዚም ዶኣቤ!” ጋ̈ር ኢያ ቆዳ̇ምባ̇ራ ኢ “ዳ̈ዊቲ ናኣ̈ዶ ዋ̈ዴ ታ̈ና ማ̈ራቤ” ጋ̈ር ኤስኤሳ ዉይሲዴ።

⁴⁹ዬሱ̈ሲ ኤቃ̇ሪ “ኢያ ዓይ ጼይጊብቴ̇” ጌይን ኢንቲ̇ ና̈ሳ ኣ̈ፍ ዎባ̇̈ኮ “ኣ̈ኖ ዓይዞ! ዲንዳ̇ቤ ዬሱ̈ሲ ኔ̈ና ጼይጊ̈ሬ” ጌይዴ።

⁵⁰ኢያሬ ፌ ኣፊሊን ቶጛር ፉክ ጋ̈ር ዲንዳሪ ዬሱ̈ሳክ ዬይዴ።

⁵¹ዬሱ̈ሲ ና̈ሳኮ “ቴ ኔ̈ብ ኣብዝ ዎታምፔ̇ን ኮያ̈ራ?” ጋር ኦይጪ̇ን፥ ኣ̈ፍ ዎባ̇ዳሬ “ኣስታማ̈ራ̈ዶ! ቴ ኣ̈ፊን ፋምፔ̈ን ኮያ̈ሬ” ጌይዴ።

⁵²ዬሱ̈ሳር ኢ̈ኮ “ዪዚ ሉካ̇ቤ፤ ኔ ኣማ̇ኒን ኔ̈ና ፋኔ” ጌይን ኤሊ̇ባር ኢ ኣ̈ፊን ፊርቂ̇ንታ̇ዴ፤ ኢናፖ ኢባር ኢ ዎሂን ሉኪ̇ዴ።