Read basketo ማ̈ርቆ̈ሳ 11 Bible Online

ማ̈ርቆ̈ሳ 11 - basketo bible

ማ̈ርቆ̈ሳ 11

¹ዬሱ̈ሳኬ ኢ ታማ̈ራን ዬሩሳ̈ላም ዬላ̇ንዳብ ኡካ̇ሪ ዳብራዛይታ ኢንዲ̇ን ላፍ ዎ ቤ̈ታፋ̈ጋኬ ቢታ̈ና ጌይዝ ቤሳ̇ን ዬሊ̇ዲ፤ ኢናፖ ኢ ፌ ታማ̈ራን ጋርታፖ ናምኣንኮ፥

²“ዪንታ̇ ቲ̈ን ዎ ካታሚን ጋርታ ሉኪ̇ብቴ፤ ኢና ዬሊ̇ኖንዲፌ̈ኒ ኦ̈ናካር ቶጋካ̇ዮ ቃቺንታ̇ር ዎ ዬራ ናኢ ዪንቲ ዴጚ̈ሬ፤ ኢዞ ቢላ̇ር ታ̈ብ ዓይ ኤካ̇ር ዬብቴ።

³ኦ̈ናክ ዪንታ̇ኮ ‘ዬራ ናኢን ዪንቲ ኣባብ ቢሊ̇̈ራ?’ ዪዝ ጋር ኦይጬ̇ጌንዶ ‘ጎዳ ኢዞ ኮዪኔ፤ ኤሊ̇ ዪንታ̇ብ ማሂ ሚሺ̈ሬ’ ” ጌብቴ ጋ̈ር ኪ̈ቲ̇ዴ።

⁴ኢንታ̇ር ሉካ̇ሪ ዬራ ናኢን ጎይ ቡጊድ ኣሳ ኣ̈ል ካራ ጋልዳ ቃቺንታ̇ር ዎዶ̈ን ዲጛር ቢሊ̇ዴ።

⁵ኢና ኤቂ̇ኖን ጋርታፖ ፔቲ̇ ፔቲ̇ ኣሳን “ዬራ ናኢን ኣውታንዳብ ቢሊ̇̈ራ?” ጌዪ ኦይጪ̇ዴ።

⁶ኢ ታማ̈ራንር ኢ ጌይኖን ኢንታብ ሶ̈ሊን ኣሳን ኢንታ̇ ኣሺ̇ዴ።

⁷ኢንታ̇ር ዬራ ናኢን ዬሱ̈ሳክ ኤሄ̈ሪ ፌ ኣፊላ ኢዝ ኡንኪ̇ን ጋልዳ ጋዲ̇ን ዬሱ̈ሲ ኢዝ ጋልዳ ቶጊ̇ዴ።

⁸ዎይሊን ኣሲ ፌ ኣፊላ ጎይም ጋል ዪጺ̇ን፥ ዶካ̇ንር ፋሻ ሜይሲ̇ ሜይሳ̇ሪ ጎይሚን ጋል ዪ̈ጺ̇ዴ።

⁹ቲ̈ን ኣ̈̇ኖንኬ ኢ ዎሂን ዬይዛን ዎይ “ሆሳ̈ና![11] ጎዳ ሱምባር ዬይዛ ኣንጂንቲኖ̈ዳ፤

¹⁰ቢርት ዬ̈ዚን ኑ ባ̈ባ ዳ̈ዊታ ካ̈ቲቲን ኣንጂንቲኖንዶ፥ ዎይፖ ሾክ ጌይኖ ቤስ̇ ጋል ኣፋ ዎ ጾ̈ሳ̇̇ ጋላቲንቶ!” ዪዝ ጌዪ ዉይሳ ኤ̈̇ዴ።

¹¹ዬሱ̈ሲ ዬሩሳ̈ላም ዬላ̇ር ጾ̈ሳ̇̇ ኬ̈ ጋርታ̇ ጌላሪ ኢና ዎ ባዝ ዎይ ቢሪንቲ̇ ቤቂ̇ዴ። ሳ̈ዚ ቃሚ̇ኖኮታ̇ቦ ፌ ታማ̈ራን ታጶ ናምኣንባር ዎል ማ̈ቃ̇ሪ ዬሩሳ̈ላማፖ̇ ኬስካ̇ር ቢታ̈ና ጌይዝ ቤስ̇ ሉኪ̇̈ዴ።

¹²ኢዝ ዎንን ኢንቲ ቢታ̈ናፖ ማ̈ቃዚምባ̇ራ ዬሱ̈ሳ ጋፊ ዎዴ።

¹³ኢ ጎትዶ̈ሪ ባላሳ ጋ̈ዝ ሚን ቤቃ̇ሪ ኢዝ ዋይን ኮሽ ጫ̈ልቂኖኮታ̇ቦ “ኣ̈ፊ ኢዝ ጋልዳ ዶኣንዶ̈ኔ” ጋ̈ሪ ኢዝኮ ሉኪ̇ዴ። ኢ ሚንኮ ዬላ̇ር ቤቃ̇ምባራ፥ ባላሲ ካጺ̇ዝ ኬል̇ ጊዳካ̇ዮኮታ̇ቦ ዋይ ሙታ̇ዶኬ ኣባካር ኣ̈ፊ ኢዝ ጋልዳ ባዬ̇።

¹⁴ዪ̈ኮታ̇ቦ ዬሱ̈ሲ ሚንኮ “ዓኒፖ̇ ጌዳ ኦ̈ናካር ኣ̈ፍ ኔ ጋልዳ̇ፖ ዲጚ ሞ̈ፖ̇” ዪዝ ጋ̈ር ባ̈ዲ̇ዴ። ኢ ዪኖ̇ ጋ̈ምባ̇ር ኢ ታማ̈ራን ሲስኪዴ።

¹⁵ኢንቲ̇ ዬሩሳ̈ላም ዬዪ ዬል̇ኖፖ̇ ዓኒ ዬሱ̈ሲ ጾ̈ሳ̇̇ ኬ̈ ጋርታ̇ ጌላሪ ኢና ዛላ ዛልኢዛን ዎይ ዳካ̇ር ኬሲ̇ዴ። ሚ̈ሺ̇ ኦ̈ሂዝ ኣሳን ጻርጴ̈ዛንኬ ዶላ ዛልኢዝ ኣሳን ኩልሚን ዳርጊዴ።

¹⁶ኦ̈ናካር ማ̈ቂ̇ን ኣባክ ቶ̈ካ̇ር ጾ̈ሳ̇̇ ኬ̈ን ጋሲን ጋርሲ̇ንባር ኣ̈ካ̇ይፌ̈ን ካዪዴ።

¹⁷ኢናፖ̇ ኢንታ ታማ̈ርሲርዶ̈ሪ “ጾ̈ሳ̇̇ ቃ̈ላ ጋልዳ ‘ታ ኣ̈ሊንዳ̇ ዎርዣ ዎይ̈ቦ ዎ̈ሳ ኬ̈’ ዪዝ ጋ̈ር ጻ̈ፊንታ̇ካ̇ያ? ዪንቲ̇ ኢዞ ሶላ ባዪዝ ጋዊ ማሂዴ” ጌይዴ።

¹⁸ቄ̈ሳ ኣላቃንኬ ሙ̈ሳ ሂጋ ታማ̈ርሲዛን ኢ ዪኖ̇ ሶ̈ላምባር ሲስኪ̇ዴ፤ ዎርዣ ዎይ ኢ ታማ̈ርሳዝ ቲሚርቲንባራ ጋራ̇ሚንቲዛኮታ̇ቦ ኢንቲ̇ ኢ̈ጪ̇ዴ፥ ዪ̈ኮታ̇ቦ “ኑ ና̈ሳ ዓ̈ ዎዛ̈ርታር ይሳ̇ኔ” ዪዝ ጋ̈ሪ ኢያ ዎዝ ጎይ ኮዪ ኤ̈̇ዴ።

¹⁹ሳ̈ዚ ቃሚ̇ን ኢ ፌ ታማ̈ራንባር ዎል ማ̈ቃ̇ር ካታሚን ጋርታፖ ኬስኪ̇ ሉኪ̇ዴ።

²⁰ኢዝ ዎንን ጌ̈ሽ ዲንዳሪ ኢንቲ ጎይምባር ኣ̈̇ምባራ ዬሱ̈ሲ ባ̈ዲ̇ኖ ባላስ ሚን ጻጲንባር ሜሊንዶ̈ን ቤቂ̇ዴ።

²¹ዬሱ̈ሲ ሚን ባ̈ዲ̇ኖን ጴ̈ጥሮ̈ሳክ ኤልቅ ጌይን “ኣስታማ̈ራ̈ዶ! ኔ ባ̈ዲ̇ኖ ሚን ፌ̈ብ ሜሊናባያ!” ጌይዴ።

²²ዬሱ̈ሲ ኢንታኮ “ዪንቲ̇ ጾ̈ሳ̇̇ባር ኣማ̇ኒንቲ̇ብቴ፤

²³ቴ ዪንታ̇ክ ኪን ጋ̈ሬ፥ ኦ̈ናካር ኢ ጌይኖን ኢ̈ብ ማ̈ቃ̇ምፔ̈ኒ ፌ ቡ̈ዳባራ ሲካ̇ይዶር ኣማ̇ናባራ ኢንዲ̇ን ዓኖ̇ ‘ሚዲንታ̇ር ባሃ̈ራ ጋርታ̇ ኬዳ̇ቤ’ ጌዬጌይን ኢ̈ብ ማ̈ቃ̇̈ሬ።

²⁴ዪ̈ኮታ̇ቦ ቴ ዪንታ̇ክ ጋ̈ዚንዳ፥ ዎ̈ሳባር ዪንቲ ጌሺኖ ባዛን ዎይ ኤኪ̇ኖ̈ዲፌ̈ን ኣማ̇ኒብቴ̇ ዪንታ̇ብ ማ̈ቂ̇̈ሬ።

²⁵ዎ̈ሳብ ዲንዲ̈ርዶ̈ሪ፥ ዪንታ̇ ባ̈ባ ኣፎ̈ዲ ዪንታ̇ ናጋሪን ዪንታ̇ብ ኣቶ̇ ጋ̈ምፔ̇ኒ ዪንታ̇ሬ ኣሳ ጋል ሺን̇ ጌይኖ ባዝ ዎኮ ኢ̈ብ ኣቶ̇ ጌብቴ።

²⁶ዪንቲ̇ ኣቶ̇ ጋካ̇ይ ኣቴ̇ጌይንዶ፥ ዪንታ̇ ባ̈ባ̈ ኣፎ ዪንታ̇ ናጋሪ̈ን ዪንታ̇ብ ኣቶ̇ ጋ̈ባሴ” ጌይዴ።

²⁷ኢንቲ̇ ማ̈ቃ̇ር ዬሩሳ̈ላም ሉኪ̇ዴ። ዬሱ̈ሲ ጾ̈ሳ̇̇ ኬ̈ ጋርታ ዬ̇ ቢሪንታ̇ዚምባራ፥ ቄ̈ሳ ኣላቃን፣ ሙ̈ሳ ሂጋ̇ ታማ̈ርሲዛንኬ ጋዳ ጪጛሻን ኢ̈ክ ዬ̈ሪ፥

²⁸“ኔ ዪን ዎቲዝ ባዛን ዎይ ኣ ሲልጣ̈ናባር ኦ̈̈ራ? ዪ̈ዲፌ̈ኖ ሲልጣ̈ና ኔ̈ብ ኢሚ̇ኖ ኦ̈ኖ?” ጋ̈ር ኦይጪ̇ዴ።

²⁹ዬሱ̈ሲ ኢንታኮ “ቴ ዪንታ̇ ፔቲ̇ ባዝ ኦይጫ̇ስቶ፥ ዪንቲ ኢዞ ታ̈ብ ማሄ̈ጌይንዶ̇ ቴ ዪን ኦ̈ምፔ̈ን ሲልጣ̈ን ታ̈ብ ኢሚ̇ኖ ኦ̈ናኮ ቴ ዪንታ̇ብ ሶ̈ላንዳ።

³⁰ዋ̈ኒ̇ሲ ኣስ ጻማ̇ቃምፔ̈ን ኢያ ኪ̈ቲኖ ኦ̈ኖ? ጾ̈ስቤ ኣሳ? ታ̈ብ ማሂብቴ” ጌይዴ።

³¹ኢንታ̇ሬ ዎልዎልኣ ጌይርዶሪ “ኑ ኣብዝ ጋ̈ር ኢ̈ብ ማሃኔ ‘ጾ̈ሴ̇’ ጌዬጌይንዶ ‘ዓት ዪ̈ዲኮ ኣባብ ዪንቲ ኢ̈ኮን ሲስካ̇ካይ ኣቲ̇ቴ’ ጌይዝዳ፤

³²‘ኣሲ ኪ̈ቲኔ’ ጋ̈ኔ?” ዪና̇ ጋ̈ካ̇ይፌ̈ኒ ዎርዣ ዎይ ዋ̈ኒ̇ሳ ኪንባር ኢ ናቢዬ ጌይዛኮታ̇ቦ ዎርዣ̈ብ ኢ̈ጪ̇ዴ።

³³ዪ̈ኮታ̇ቦ “ኑ ኤርባ̈ሴ” ጌዪ ኢ̈ብ ማሂዴ። ኢያሬ “ዪ̈ዶኮ ታ̈ናር ኦ ሲልጣ̈ናባር ዓኖ̇ ኦ̈ርኮ ዪንታ̇ብ ሶ̈ላብዳ̇” ጌይዴ።