Read basketo ሉቃ̈ሳ 2 Bible Online

ሉቃ̈ሳ 2 - basketo bible

ሉቃ̈ሳ 2

¹ዪና̇ ኢዝ ኬሊ̇ን ጋርታ̇ ሮ̈ማ ጻና ኣቂዝ ጋዳን ጋርታ ዎ ዎርዦ ዎይ ፋይዲንታ̇ምፔ̈ኒ ጋ̈ሪ ጋዲን ኣቂሲዝ ካ̈ታ ቄ̈ሳ̈ር ኣጊስጦ̈ሲ ኪ̈ቲ̇ዴ።

²(ቃራ̈ኖ̈ስ ጌይዝ ና̈ሳ̈ዲ ሶ̈ራ ጋ̈ዝ ጋዲን ኣቂሲዝ ኬሊ̇ን ጋርታ ዎርዦ ፋይቲንቲ̇ኖንዳ ዓና̇ ዎይፖ ማዣማ̇ሮ ፋይዳ።)

³ዪ̈ኮታ̇ቦ ዎይ ኣሲ ፌ ሱም ጻ̈ፊሳንዳ̇ቦ ፌ ዬሊንቲ̇ኖ ጋዳ̇ ሉኪ̇ዴ።

⁴ዮ̈ሴ̈ፋሬ ዳ̈ዊ̈ታ ዜር ማ̈ቂ̇ኖኮታ̇ቦ ጋሊላ ጋርታ̇ ዎ ና̈ዝሬ̈ት ካታሚን ጋርታ̇ፖ̇ ዲንዳ̇ሪ ዪሁዳ ጋዳ̇ ቤቴሌ̈ም ጋ̈ዝ ዳ̈ዊታ ካታሚን ጋርታ̇ ሉኪ̇ዴ።

⁵ኢና ጻ̈ፊንታ̇ንዳ̇ብ ሉኪ̇̈ርዶሪ ዬላንዳ̇ብ ዬሊ̇ኖን ፌ ሳ̈ ማጪ̇ን ማ̈ራሚባር ዎልኣ ሉኪ̇ዴ።

⁶ኢንቲ̇ ኢና ዎዶ̈ን ኢዛ ዬሊዝ ቃሚ̇ን ዬሊ̇ን ፌ ኡስ ናኣ ዬላዴ። ዛቃ̇ን ኣቂዝ ቤስ̇ ጋርታ̇ ቤሲ̇ ኢንታ̇ ዪን ናኣ ጫርቃ̇ባር ቁራራ ሜሃብ ሙይዝ ባዝ ኢሚ̇ዝ ጎጛ ጋርታ̇ ሱርሳ̇ዴ።

⁷

⁸ጋዳ̇ ኢና ቃም̇ ዶሪ ዬ̈ጚሙታ̇ ቡጫ ጋልዳ ኣቂ̇ዝ ጋይጫ ናኣን ዎዶ̈ኒ፥

⁹ጎዳ ኪ̈ታንቻ̇ ዬ̈ር ኢንታ ላፍ ኤቂ̇ን ኢ ቦንቻ̈̈̈̈ዲ ኢንታ ቡጊዳባር ፎ̈ኢሲን ኢንቲ̇ ዎይሊን ኢ̈ጪ̇ዴ።

¹⁰ኪ̈ታንቻ̇ ኢንታ̇ኮ “ኢ̈ጫፒ̇ቴ! ታ̈ኒ ዎርዣ ዎይ̈ቦ ማ̈ቂ̇ዝ ጴች ኡፋይሲዝ ሶ̈ላ ኤካ̇ር ዬይኔ።

¹¹ዓታ̇̈ቦ ዳ̈ዊ̈ታ ካታሚን ጋርታ̇ ኣስ ፋዝ ጋ̈ላ̇ ዪንታ̇ብ ዬሊንቲ̇ኔ፤ ኢያሬ ጎዳ ክርስቶ̈ሳ።

¹²ኣቂሊ ናኢ ጫርቃ̇ባር ቁሪንታ̇ር ሜሃብ ሙይዝ ባዝ ኢሚ̇ዝ ጎጛ ጋርታ̇ ሱርቂ̇ኖ ዪንቲ̇ ዲጚዝዳ፥ ዪና̇ ዪንታ̇ብ ማላ̇ ማ̈ቃ̇ጋ̈ቤ” ጌይዴ።

¹³ቆፊንታ̇ካ̇ይዶን ዎይሊን ኣፎ ኪ̈ታንቻ̇ን ቲ̈ን ዬይኖ ኪ̈ታንቻ̇ባር ዎልኣ ቤንታ̇ሪ ጾ̈ሳ̇̇ ጋላቲሙታ̇ዶ̈ሪ፥

¹⁴“ፉዳ ሾክ̇ ጌይኖ ቤስ̇ ጋልዳ̇ ጾ̈ሳ̇̇̈ቦ ቦንች ማ̈ቆ̇፤ ሳ̈ዝ ጋልዳ̇ሬ ጾ̈ሲ̇ ኢንታ̇ ካዝ ኣሳ ናኣንቦ ሳሪቲ ማ̈ቃ̇ጋ̈ቤ” ጌይዴ።

¹⁵ኪ̈ታንቻ̇ን ጋይጫ ናኣን ላፋፖ ፉዳ ኣፋ ሉኪ̇ኖፖ ዓኒ ኢንቲ ዎል ዎልኣ “ጎዳ ኑ̈ና ቤይሲኖ ባዚን ኑ ቤቴሌ̈ም ሉካ̇ር ቤቂ̇ስቶ” ጌይዴ።

¹⁶ኢንታ̇ር ኤሊ̇ር ሉካ̇ሪ ማ̈ራሚኬ ዮ̈ሴ̈ፋክ ቤቂ̇ዴ፤ ናኣ ኣቂላ̈ዳሬ ሜሃብ ሙይዝ ባዝ ኢሚ̇ዝ ጎጛ ጋርታ ሱርቂ̇ንዶ̈ን ዲጚዴ።

¹⁷ኢንታ̇ር ናኣ ኣቂላ ቤቂ̇ኖፖ̇ ዓኒ ኪ̈ታንቻ̇ ኢንታ̇ብ ናኣ ጎይ ሶ̈ሊኖ ባዛን ዎይ ኢንታ̇ብ ሶ̈ሊዴ።

¹⁸ዪኖ̇ ሲስኪ̇ኖ ኣሳን ዎይ ጋይጫ ናኣን ሶ̈ሊኖ ሶ̈ሊንባር ጋራ̇ሚንቲ̇ዴ።

¹⁹ማ̈ራማ ዪን ዎይ ፌ ቡ̈ዳ ጋርታ̇ ጋዳ̇ራ ቆፓ̇̈ሬ።

²⁰ጋይጫ ናኣንሬ ዎይ ባዚ ኢንታ̇ብ ቲ̈ን ሶ̈ሊንቲኖንዲፌ̈ኒ ማ̈ቂ̇ኖኮታ̇ቦ፥ ኢንቲ̇ ፌ ሲስኪ̇ኖምቤኬ ፌ ቤቂ̇ኖ ባዛንቦ ዎይ ጾ̈ሳ̇̇ ቦንቺ̇ ሙታ̇ዶርኬ ጋላቲሙታ̇ ማ̈ቂ̇ ሉኪ̇ዴ።

²¹ላማካይ ቃማ̇ፖ̇ ዓኒ ኣቂሊ ናኣ ጋራዚዝ ጋላሲ̇ን፥ ማ̈ራማ ኢያ ዎዳጻ̇ናፖ̇ ቲ̈ን ኪ̈ታንቻ̇ ኢ̈ብ ኬሲ̇ኖ ሱምንባር ዬሱ̈ሳ ጌዪ ኢያ ጼይጊዴ።

²²ሙ̈ሳ ሂጊ̇ን ኪ̈ታ̇ዚንዲፌ̈ኒ፥ ጌ̈ዥጊዝ ዎጋ ኦ̈ዝ ኬሊ̇ን ዬሊ̇ን ዮ̈ሴ̈ፋኬ ማ̈ራሚክ ዎል ማ̈ቃ̇ሪ ኣቂሊ ናኣ ጾ̈ሳ̇̇̈ቦ ሺ̈ሻ̇ንዳቦ ዬሩሳ̈ላም ኤኪ̇ ሉኪ̇ዴ።

²³ኢንቲ̇ ዪኖ̇ ዎቲኖንዳ ጾ̈ሳ̇̇ ሂጊ̇ን ጋልዳ̇ “ቲ̈ን ዬሊንቲ̇ኖ ኣቲን ናኢ ዎይ ጎዳ̈ብ ማ̈ቂ̇̈ሬ” ጋ̈ር ጻ̈ፊኖንኮታ̇̇ብኬ፥

²⁴ማ “ናምኢ ጎ̈ሪላ̇ ዎይ ኣቴ̇ጌይን ናምኢ ዶላ ናኣን ጾ̈ሳ̇̇̈ቦ ዣ̈ርሻ̇ ሺ̈ሻ̇ቤ” ጌይኖን ፎታንዳቦ።

²⁵ዪና̇ ኢዝ ኬሊ̇ንባር ዬሩሳ̈ላም ጋርታ̇ ፌ̈ና ጾ̈ሳ̇̇̈ብ ኣ̈ ኢሚ̇ኖ ሲሞ̈ና ጌይዛ ፔቲ̇ ጌ̈ሻ̇ ኣሲ ዎዶ̈ሪ፥ ኢ ጾ̈ሲ̇ ኢስሬ̈ል ዎርዣ ሚ̈ንዝ ኬሊ̇ን ና̈ጊሙታ̇ ዎ ኣሴ፤ ጌ̈ሻ̇ ኣያ̇ና̈ዳሬ ኢ ጋልዳ ዎ።

²⁶ኢያሬ ጎዳ ጾ̈ሳ̇̇ ሚሻንዳ ጌይኖ ክርስቶ̈ሳ ቤቃካ̇ይዶ̈ር ዓይቂ̇ባ̈ሶን ጌ̈ሻ̇ ኣያ̇ና ቲ̈ኒታር ኢ̈ብ ሶ̈ሊኔ።

²⁷ዪና̇ ኢዝ ጋላሲ̇ን ጌ̈ሻ̇ ኣያ̇ና ኢያ ዲንን ዲንዳር ጾ̈ሳ̇̇ ኬ̈ ጋርታ̇ ሉኪ̇ዴ፤ ዮ̈ሴ̈ፋኬ ማ̈ራሚክ ጾ̈ሳ̇̇ ሂጊ̇ን ጋ̈ዚን ፎታንዳ̇ቦ ኣቂሊ ናኣ ዬሱ̈ሳ ኤካ̇ር ጾ̈ሳ̇̇ ኬ̈ ጋርታ̇ ጌሊንዶ̈ን፥

²⁸ሲሞ̈ኒ ናኣ ኤኪ̇ ኢሪጛር ጾ̈ሳ̇̇ ጋላቲሙታ̇ዶ̈ሪ፥

²⁹“ጎዳ̈ዶ! ኔ ታ̈ብ ሶ̈ሊኖ ቃ̈ሊን ፎቲንታ̇ዴ፤ ዪዚ ዓት ኮሽባር ታ̈ና ኔ̈ክ ኤካ̇ቤ።

³⁰ቴ ኣ̈ፊንዳ̇፥ ኔ̈ኒ ኣሳ ዎይ ቲ̈ን ጊ̈ጊሲኖን፥

³¹ኣስ ፋዝ ኣቂሊ ናኣ ቤቂ̇ኔ።

³²ዪ̈ዳሬ ኣይሁድ ባዮ̇ንቦ ኔ ኪንን ቤይሲዝ ፎኢን፥ ኔ ዎርዣ ኢስሬ̈ላቦ ቦንቼ̇” ጌይዴ።

³³ናኣ ጎይን ሶ̈ሊንቲ̇ኖን ሲስካ̇ሪ ባ̈ባዲኬ ኢንዲንዲክ ዎይሊን ጋራ̇ሚንቲ̇ዴ።

³⁴ሲሞ̈ናር ኢንታ̇ ኣንጂዴ። ኢናፖ̇ ዓኒ ኢንዲ̇ን ማ̈ራሚኮ “ናኣ ኣቂላ ዓ̈ዲ ኢስሬ̈ል ጋዲን ጋርታ̇ ዎይሊን ፋጻምፔ̈ኒ፥ ዎይሊንን ያምፔ̈ኒ ዪኒ̇ቦ ጾ̈ሲ ኢያ ማራ̇ጺኔ፤ ማ ኣሲ ዎይ ኢ̈ታባዝ ኢ ጋልዳ ሶ̈ሊዝ ማላ̇ ማ̈ቂ̈̇ሬ።

³⁵ዎይሊንን ቡ̈ዳ ጋርታ̇ ኣ̈ቺንቲ̇ ዎ ቆፋ ፋላ̇ ጋልዳ ኬስኪ̇̈ሬ። ማ ሙርማ ኔ ሼምፒ̇ን ማሺ̇ ጫዳ̇ፌ̈ን ጫዲ̇̈ሬ” ጌይዴ

³⁶ማ ኣሴ̈ር ዜር ማ̈ቂ̇ኖ ፋ̈ኖ̈ላ ናኢን ሃ̈ና̇ ጋ̈ዝ ናቢንዳ̇ር ኢና ዎ። ኢዛር ዎይሊን ጪጚኖ ኣስዶ̈ራ ዉዲርባር ኢስቲኖ ፌ ኣስናባር ታብዛ ላይ ሙታ̇ ዶኢኖ ኣሴ።

³⁷ኢናፖ̇ ኢዝቦ ላማካይ ታጶ̇ ኦይዲ̇ ላይ ማ̈ቂ̇ዝ ዲራ̈ስ ኣስኒ ባዮ̇ ኣስ ማ̈ቃ̇ ዶኣዴ። ኢዛሬ ጋላሳ̇ር ቃማ̇ር ዎይ ጾ̈ሳ̇̇ ኬ̈ ጋርታ̇ፖ̇ ሺርት ጋ̈ካ̇ይዶ̈ር ጾ̈ማ ዎ̈ሳ̇ ጾ̈ሳ̇̇̈ቦ ጎሽታሙታ̇ዶ̈ር ዶኢኖ ኣሴ።

³⁸ኢዛ ዪና̇ ኢዝባራ ዮ̈ሴ̈ፋኬ ማ̈ራ̈ማባሮ̈ኮ ዬ̈ራ ጾ̈ሳ̇̇ ጋላታራ ጾ̈ሲ̇ ዬሩሳ̈ላም ናጻ ኬሳ̇ዝ ጋላሲ̇ን ና̈ጊዝ ኣሳንቦ ዎይ ናኣ ኣቂላ ባዚን ሶ̈ላዴ።

³⁹ዮ̈ሴ̈ፋኬ ማ̈ራሚክ ጎዳ ሂጊ̇ን ጋ̈ዚን ፎቲኖፖ̇ ዓኒ ጋሊላ ጋዳ̇ ዎ ፌ ዶኣዚን ና̈ዝሬ̈ት ካታሚን ጋርታ̇ ማ̈ቂ̇ ሉኪ̇ዴ።

⁴⁰ናኣ ኣቂላ̈ዳሬ ዲጪ̇ሙታ̇ኬ ሚ̈ጚሙታ̇ ዬይዴ፤ ኤራባራር ኩሚዴ፤ ጾ̈ሳ̇̇ ኣንጃ̈ዳሬ ኢ ጋልዳ ዎ።

⁴¹ናኣ ባ̈ባ̈ዲክ ኢንዲንዲኬ ላይ ላይ ፋ̈ሲጋ ባ̈ል ቦንቻ̇ንዳቦ ዬሩሳ̈ላም ሉኪ̇̈ርዶን፥

⁴²ኢ̈ብ ታጶ̇ ናምኢ ላይ ማ̈ቂ̇ ኢንቲ̇ ሚናፖ ዎታዚንዲ̇ፌ̈ኒ ኢባር ዎልኣ ባ̈ል ቦንቻ̇ንዳብ ሉኪ̇ዴ።

⁴³ኢንቲ̇ ባ̈ሊን ኣ̈ኖፖ̇ ዓኒ ባ̈ባ̈ዲኬ ኢንዲ̇ንዲክ ማ̈ቃ̇ር ኣ̈ል ዬ̈ዚምባራ ዬሱ̈ሲ ኢና ዬሩሳ̈ላም ኣቲ̇ዴ። ኢ ኢና ኣቲ̇ኖን ኢንቲ ኤራካ̇ዬ።

⁴⁴ኢ ኢንታ̇ባር ዎ ማይጺን ፔቲ̇ ቃም̇ ዬሲዝ ጎይ ሉኪ̇ኖፖ̇ ዓኒ ኢ ኢንታ̇ባር ባዮ̇ን ኤራሪ ፌ ዳባ̇ንኬ ፌ ላጋ̇ን ጊዳ ኢያ ኮዪ ኤ̈̇ዴ።

⁴⁵ኢያ ኮዪ ዲጛካ̇ይ ኣታ̇ሪ ኮዪ ሙታ̇ ዬሩሳ̈ላም ማ̈ቂ̇ ሉኪ̇ዴ።

⁴⁶ዓይዚ̇ ቃማ̇ፖ̇ ዎሃ፥ ኢ ጾ̈ሳ̇̇ ኬ̈ ጋርታ̇ ኣስታማ̈ራን ጊዳ̇ ዶኣሪ ኢንቲ ሶ̈ላዚን ሲስኪ ማ̈ቂ̇ ኢንታ̇ ኦይጪ̇ ዪዝ ዎታዚምባራ ኢንቲ̇ ኢያ ዲጚዴ።

⁴⁷ኢ ጋ̈ዚን ሲስኪ̇ኖ ኣሳን ኢ ማሃዝ ማልሲንባርኬ ኢ̈ብ ዎ ኤሪንባር ዎይሊን ጋራ̇ሚንቲ̇ዴ።

⁴⁸ባ̈ባ̈ዲክ ኢንዲ̇ንዲክ ኢያ ቤቃ̇ር ጋራ̇ሚንታ̇ሪ ኢንዲ̇ንዳ ኢ̈ኮ “ታ ናኣ̈ዶ! ዓ̈ዲፌ̈ን ኔ ኣባብ ኑ̈ና ዋዪራ? ኔ ባ̈ባ̈ዲክ ታ̈ኒክ ቲ̈ሪስባር ዓይቃ̇ሪ ኔ̈ና ኮይባር ዎይሊን ዳ̈ቡሪኒሽዋ” ጋ̈ዴ።

⁴⁹ኢያር ኢንታ̇ኮ “ዪንቲ̇ ታ̈ና ኣባብ ኮዪቴ? ታ̈ኒ ቴ ባ̈ባ ኣ̈ሊን ጋርታ̇ ዶኣንዳ̇ብ ኮሻ̇ዚን ዪንቲ̇ ኤራካ̇ያ?” ጌይዴ።

⁵⁰ዎቲናካር ኢ ሶ̈ሊኖ ሶ̈ሊን ኢንታ̇ብ ጌላ̇ይ ኣታ̇ዴ።

⁵¹ኢናፖ̇ ኢ ኢንታ̇ባር ዎልኣ ና̈ዝሬ̈ት ሉኪ̇ዴ፤ ኢንታ̇ቦ ኪ̈ቲንቲ̇̈ሬ። ማ̈ራማር ዪ ዎይ ባዛ ፌ ቡ̈ዳ ጋርታ̇ ኤ̈ሬ።

⁵²ኢያር ጾ̈ሳ̇̇ ቲ̈ንኬ ኣሳ ቲ̈ን ካንቲ̇ኖ ማ̈ቂ̇ዴ፤ ማ ኤራባሮ ኣስ ማ̈ቃ̇ር ቡ̈ዳ ኤሪ ዲጪ̇ዴ።