Read basketo ዋ̈ኒ̇ሳ 18 Bible Online

ዋ̈ኒ̇ሳ 18 - basketo bible

ዋ̈ኒ̇ሳ 18

¹ዬሱ̈ሲ ፌ ዎ̈ሲን ዉርሲኖፖ̇ ዓኒ፥ ፌ ታማ̈ራንባር ዎልኣ ማ̈ቃ̇ሪ ቄ̈ድሮ̈ና ጋ̈ዝ ጊላ̇ ዋ̈ን ፊ̈ጛር ኢና ዎ ኣታ̈ኪልታ ቤሲ̇ን ጋርታ ጌሊዴ።

²ዎይሊን ኬል̇ ዬሱ̈ሲ ፌ ታማ̈ራንባራ ዎልኣ ኢና ሺ̈ቂዛኮታ̇ቦ ኢያ ኣ ኢሚ̇ዛ ዪሁዶ ቤሲ̇ን ኢዞ ኤሪ̈ሬ።

³ዪሁዳሬ ሮም ዎታ̇ዳራን፣ ቄ̈ሳ ኣላቃንኬ ፋራሳ̈ዋን ኪ̈ታ̇ር ሚሺኖ ጾ̈ሳ̇̇ ኬ̈ ና̈ጊዝ ዎታ̇ዳራን ቲ̈ኒሙታ̇ ኣታኪልታ̇ ቤሲ̇ን ዬይዴ። ኢንታ̇ሬ ዣባ̇፣ ፋ̈ኖ̈ሳ፣ ቶ̈ራኬ ጊቲሚ ኤካ̇ሪ ዬይዴ።

⁴ዬሱ̈ሳር ፌ̈ና ዬላ̇ዝ ባዚን ዎይ ኤራሪ ጌዳ ኢንታ̇ክ ሉካ̇ሪ “ዪንቲ̇ ኦ̈ና ኮዪ̈ራ?” ጌይዴ።

⁵ኢንታ̇ሬ ኢ̈ኮ “ኑ ና̈ዝሬ̈ቶ ዬሱ̈ሳ ኮዪ̈ሬ” ጌይዴ። ዬሱ̈ሳሬ “ታ̈ኒሽዋ” ጌይዴ። ኢያ ኣ̈ ኢሚ̇ዛ ዪሁዶ ኢንታ̇ባር ዬዪ ኤቂ̇ኔ።

⁶ዬሱ̈ሳሬ ኢንታ̇ኮ “ታ̈ኒሽዋ” ጌይ ኢንቲ̇ ጋስ ዴጫሪ ሳ̈ዳ̇ ኬዲ̇ዴ።

⁷ኢያር ኢንታ̇ኮ “ዪንቲ̇ ኦ̈ና ኮዪ̈ራ?” ጋ̈ሪ ማሃር ኦይጪ̇ዴ። ኢንታ̇ሬ “ኑ ና̈ዝሬ̈ቶ ዬሱ̈ሳ ኮዪ̈ሬ” ጌይዴ።

⁸ኢያር ኢንታ̇ኮ “ታ̈ኒሽዋ ጋ̈ካ̇! ዪንቲ̇ ኮያዚን ታ̈ናኮ፥ ኣስ ዓን ኣሺ̇ብቴ̇፥ ሉካ̇ጋ̈ቤ” ጌይዴ።

⁹ዪና̇ ማ̈ቂ̇ኖንዳ̇ “ኔ ታ̈ብ ኢሚ̇ኖን ዓን ጋርታ̇ፖ̇ ፔታ̇ናር ቴ ይሳ̇ካ̇ዬ” ጋ̈ሪ ኢ ቲ̈ን ሶ̈ሊኖ ቃ̈ሊን ፎቲንታምፔ̈ኔ።

¹⁰ሲሞ̈ን ጴ̈ጥሮ̈ሲ ማሺ̇ ኤ̈̇ኖኮታ̇ቦ ሾ̈ኪን ጋርታ̇ፖ̇ ማሺ̇ን ጎቻ̇ክ ኬ̈ሳሪ ቄሳ ኣላቃንቦ ኣላቃ ኣሽካራ ዋይን ኡሻቺ̇ን ካራር ቶጚዴ። ዪ ኣሽካ̇ራ ኢ ሱምዲ (ማ̈ልኮ̈ሳ) ጌዪንቲ̈ሬ።

¹¹ዬሱ̈ሲ ጴ̈ጥሮ̈ሳኮ “ማሺ̇ን ሾ̈ኪን ጋርታ̇ ማሃ ሚሻቤ! ቴ ባ̈ባ̈ ታ̈ብ ኢሚ̇ኖ ሜታ ጺዊ̇ን ቴ ኡሽካ̇ንዳብ ኮሻባሳ?” ጌይዴ።

¹²ዪኒ̇ፖ ዎሃ ሮም ዎታ̇ዳ̇ራንኬ ኢንታ ኣላቃ̈ዲ ማ ጾ̈ሳ̇̇ ኬ̈ ና̈ጊዝ ዛባን ዎልኣ ማቃ̇ር ዬሱ̈ሳ ኤ̈̇ ቃቺ̇ዴ።

¹³ቲ̈ኒታሪ ኢያ ቃያ̈ፋ ባይሳ ኣ̈ና̇ ጌይዛኮ ኤ̈ጚዴ። ቃያ̈ፋሬ ላይን ኢዝ ጋርታ̇ ቄ̈ሳ ኣላቃንቦ ኣላቃ።

¹⁴ቃያ̈ፋሬ ዓኒ̇ፖ̇ ቲ̈ን “ዎርዣ ጊሽ ፔቲ̇ ኣሲ ዓይቂኖኮ ኮሼ̇” ጋ̈ሪ ኣይሁድ ኣላቃን ዞሪኖ̈ዳ።

¹⁵ሲሞ̈ን ጴ̈ጥሮ̈ሳኬ ሜላ ፔታ̇ን ዬሱ̈ስ ታማ̈ሪኬ ዎልማ̈ቃ̇ሪ ዬሱ̈ሳ ዎሂን ሉኪ̇ዴ። ዪ ኢ ታማ̈ራ̈ዲ ቄ̈ሳንቦ ኣላቃ̈ባር ኤሪንቲ̇ኖ ኣስ ማ̈ቂ̇ኖኮታ̇ቦ፥ ኢ ዬሱ̈ሳባር ዎልኣ ኢ ጊቢ̇ን ጋርታ̇ ጌሊዴ።

¹⁶ጴ̈ጥሮ̈ሲ ዛ̈ና ጌላዝ ካሪን ላፍ ኤቂ̇ዴ። ዓታር ቲ̈ን ጌሊኖ ዬሱ̈ስ ታማ̈ራ ዬ̈ሪ ካራ ና̈ጋዝ ናኢምቦ̇ ሶ̈ላሪ ጴ̈ጥሮ̈ሳ ጊቢ̇ን ጋርታ̇ ጌልሲ̇ዴ።

¹⁷ካሪን ና̈ጋዝ ናኢንዳ̇ ጴ̈ጥሮ̈ሳኮ “ኣ̈ኖ ኔ̈ኒ ና̈ሳ ዓ̈ ታማ̈ራን ጋርታ̇ፖ̇ ፔታ̇ና̈ዳባያ?” ጋ̈ዴ። ኢያሬ ኢዝኮ̇ “ዋኣኬ! ታ̈ኒ ኢ ታማ̈ሪ ጊዳካዬ” ጌይዴ።

¹⁸ኢዝ ቃሚ̇ን ሳ̈ዚን ዛ̈ካ̇̈ርዶን ኣሽካራንኬ ዛባ ኣላቃን ታማ ኤይ ካሽኪ̇̈ርዶ̈ን፤ ጴ̈ጥሮ̈ሳር ኢንታ̇ባር ኤቃ̇ር ታማ ካሽኪ̇̈ሬ።

¹⁹ዪና̇ ኢዝባራ ቄ̈ሳንቦ ኣላቃ̈ዲ ዬሱ̈ሳ ኢ ታማራን ጎይኬ ኢ ታማ̈ርሳዝ ቲሚርቲ̇ን ጎይ ኦይጪ̇ዴ።

²⁰ዬሱ̈ሳር ኢ̈ኮ “ታ̈ኒ ኣስ ዎይቦ ፋል̇ ሶ̈ሊኔ፤ ኣይሁዳን ሺ̈ቂዝ ኢንታ̇ ዎ̈ሳ ኬ̈ ጋርታ̇ኬ ጾ̈ሳ̇̇ ኬ̈ ጋርታ̇ሬ ዎይ ጋላስ ታማ̈ርሲኔ፤ ቴ ጌ̈ማ ሶ̈ሊኖ ፔቲ̇ ባዚ ባዬ።

²¹ዪዚ ኔ ታ̈ና ኣባብ ኦይጫ̇̈ራ? ቴ ሶ̈ላምባ̇ር ሲስኪ̇ኖ ኣሳን ኦይጫ̇ቤ፤ ቴ ኣብዝ ሶ̈ሊኖኮ ኢንቲ̇ ኤሪ̈ሬ፤ ኢንታ̇ ኦይጫ̇ቤ” ጌይዴ።

²²ዬሱ̈ሲ ዪኖ̇ ሶ̈ላምባ̇ራ ኢ ላፍ ኤቃ̇ር ዎ ዛባን ጋርታ̇ፖ̇ ፔታ̇ና̈ዲ “ኔ̈ኒ ቄ̈ሳን ኣላቃ̈ቦ ዎዛርፌ̈ን ዓ̈ ፌ̈ኖ ማልሳ ኢማ̇̈ራ? ጋ̈ሪ ኢያ ባቂ̇ዴ።

²³ዬሱ̈ሳሬ ኢ̈ኮ፥ ቴ ኢ̈ት ሶ̈ሊኖኮ ቴ ሶ̈ሊኖ ኢ̈ት ባዚን ኣብዝኮ ማርኪ̇ታቤ፤ ቴ ኪን ሶ̈ሊኖኮ ኣባብ ታ̈ና ባቃ̇̈ራ?” ጌይዴ።

²⁴ኣ̈ና̇ሬ ዬሱ̈ሲ ቃቺንቲ̇ኖ ቃሺን ኢዝባራ ቄ̈ሳን ኣላቃ ቃያፋክ ሚሺዴ።

²⁵ሲሞ̈ን ጴ̈ጥሮ̈ሳሬ ኤቃ̇ር ታማ ካሽካ̇ምባራ ኣሳን ኢ̈ኮ “ኣኖ! ኢ ታማራን ጋርታ̇ፖ̇ ፔታ̇ና ኔ̈ና ባያ?” ጌይን፥ ኢያሬ “ዋኣኬ ታ̈ና ባዬ” ጌይዴ።

²⁶ጴ̈ጥሮ̈ሲ ኢ ዋይን ቃጺ̇ኖ ና̈ሳብ ዳባ̇ ማ̈ቂ̇ኖ፥ ቄ̈ሳንቦ ኣላቃ ኣሽካራ̈ዲ ኢ̈ኮ “ኣን ኔ ኣታ̈ኪልቲ̇ን ቤስ̇ ኢባር ዎዶ̈ን ቴ ኔ̈ና ቤኣካ̇ያ?” ጋ̈ሪ ኦይጪ̇ዴ።

²⁷ጴ̈ጥሮ̈ሳር ዓታ̇ር ማ̈ቃር “ቴ ኢያ ኤራባሴ” ጋዚን ጋርታ ኢና ኩቶ ኦ̈ሊ̇̈ዴ።

²⁸ኣይሁዳንሬ ዬሱ̈ሳ ቃያ̈ፋ ኣ̈ላፖ̇ ሮም ካ̈ታ ኣ̈ል ኤኪ̇ ሉኪ̇ዴ። ዪና̇ሬ ጌ̈ሽ ጌላፋዶ̈ን ኣይሁዳን ፋ̈ሲጋ ባ̈ላብ ሹኪ̇ዝ ዶራ ሞ̈ንዳ̇ብ ዳንዳኣምፔ̈ኒ ፌ̈ና ቄካ̇ዮዲፌ̈ኒ ኢ̈ጫ̇ር ካ̈ታ ኣ̈ል ጊባ̇ ጋርታ̇ ጌላካ̇ዬ።

²⁹ዪ̈ኮታ̇ቦ ጲላ̈ጦ̈ሲ ኢንታ̇ክ ኬስካ̇ር “ዪንቲ̇ ና̈ሳ ዓ̈ ሞ̈ታንዳቦ ኢ ጋልዳ ሺ̈ሺ̇ኖ ሞ̈ቲን ኣብዛ?” ጋ̈ሪ ኢንታ̇ ኦይጪ̇ዴ።

³⁰ኢንታ̇ሬ “ዓ ና̈ሳ ኢ̈ት ባዝ ኦካይኮ ኑ ዎን ኔ ቲ̈ን ኢያ ኤሄይራ?” ጋ̈ሪ ኢ̈ብ ማሂዴ።

³¹ጲላ̈ጦ̈ሳሬ “ዪንቲ̇ ዪንታ̇ ቆማ̇ብ ኢያ ኤ̈ጛሪ ዪንታ̇ ሂጊ̇ንዲፌ̈ን ኢ ጋልዳ ፊርዲ̇ብቴ̇” ጌይን ኢንታ̇ሬ “ኦ ጋልዳካር ዓይቃ ፊርዳ ፊርዶ ኑ̈ና ጋካ̇ዬ” ጌይዴ።

³²ዪ ማ̈ቂ̇ኖዲ ዬሱ̈ሲ ዎዛርፌ̈ኖ ዓይቃ ዓይቂ̇ርኮ ሶ̈ሊኖ ቃ̈ሊን ፎቲንታ̇ምፔ̈ኔ።

³³ጲላ̈ጦ̈ሳሬ ጌዳ ኬ̈ ማ̈ቂ̇ ጌሊዴ፤ ኢናፖ̇ ዬሱ̈ሳ ጼይጊሳሪ “ኣይሁዳንቦ ካ̈ታ ኔ̈ና?” ጋ̈ሪ ኢያ ኦይጪ̇ዴ።

³⁴ዬሱ̈ሳሬ “ዪና̇ ኔ ኔ ጋልዳፖ̇ ኬሳ̇ር ታ̈ና ኦይጫ̈ርቤ፥ ሜላን ቴ ባዝ ኔ̈ብ ሶ̈ሊና?” ጌይዴ።

³⁵ጲላ̈ጦ̈ሳሬ ኢ̈ኮ ፥“ቴ ዎን ኣይሁድ ጋዶ̇ ኣሳ? ኔ̈ና ታ̈ብ ኣ̈ ኢሚ̇ኖን ኔ ዳባ̇ንኬ ቄ̈ሳ ኣላቃን ባያ? ኔ ኣብዝ ዎ̈ቲና?” ጌይዴ።

³⁶ዬሱ̈ሳር ኢ̈ኮ “ቴ ካ̈ቲቲንዳ ዓይዲ ሳ̈ዝ ጋልዶ̇ ካ̈ቲቲፌ̈ን ጊዳካ̇ዬ፤ ዓይዲ ሳ̈ዝ ጋልዶ̇ ካ̈ቲቲኮ ዎኒ ኣይሁድ ኣላቃን ታ̈ና ኤ̈ካ̇ይፌ̈ን ቴ ኣሽካራን ታኮታ̇ብ ኦላሪ ታ̈ና ቡ̈ቲሲርዶን፥ ቴ ካ̈ቲቲንዳ̇ ዓና̇ ሳ̈ዝ ጋልዶ̇ ካ̈ቲቲ ጊዳካ̇ዬ” ጌይዴ።

³⁷ጲላ̈ጦ̈ሳሬ ኢ̈ኮ “ዪ̈ዶኮ ኔ ዓት ካ̈ትካ!” ጌይዴ። ዬሱ̈ሳሬ “ኣ̈! ኔ ታ̈ና ካ̈ቴ ጌይኖንዳ̇ ኪን። ቴ ዓና̇ ኣላሚን ጋልዳ ዬይኖንዲክ ዬሊንቲ̇ኖንዲ̇ኬ ኪን ቃ̈ሊን ማርኪ̇ታንዳ̇ቦ። ዪ̈ኮታ̇ቦ ኪን ባዝ ዶሲዛን ዎይ ታ̈ኮን ሲስኪሬ” ጌይዴ።

³⁸ጲላ̈ጦ̈ሳሬ ኢ̈ኮ “ኪን ጋ̈ዚን ኢዛ ኣብዛ?” ጌይዴ። ዪኖ̇ ሶ̈ሊኖፖ̇ ዓኒ ዛ̈ና ኬስካ̇ሪ ኣይሁዳንኮ ፥“ኢ ጋልዳ ፊርዲሲዝ ባዝ ኣባክ ቴ ዲጛካ̇ዬ።

³⁹ዎቲናካሬ ዪንቲ̇ ፋ̈ሲጋ ባ̈ልባራ ዎይ ጋላስ ቃቺንቲ̇ኖ ኣስ ፔታ̇ን ቴ ዪንታ̇ብ ቢሊ̇ዝ ሊማዳ ታ̈ብ ዎ፤ ዪ̈ኮታ̇ቦ ቴ ዪንታ̇ብ ኣይሁዳን ካ̈ታ ቢላ̇ምፔ̈ን ዪንቲ ኮዪ̈ራ?” ጌይዴ።

⁴⁰ኢንታ̇ር ዉይሳባራ “ዋኣኬ! ኢያ ኣሻ̇ር ኑ̈ቦ ባርባ̈ና ቢላ̇ቤ! ጌይዴ። (ባርባ̈ና ጌይዝ ና̈ሳ̈ዲ ፋ̈ና̇።)