Read basketo ዋ̈ኒ̇ሳ 5 Bible Online

ዋ̈ኒ̇ሳ 5 - basketo bible

ዋ̈ኒ̇ሳ 5

¹ዪኒ̇ፖ ዎሃ፥ ኣይሁዳንቦ ባ̈ል ማ̈ቂ̇ኖኮታ̇ቦ ዬሱ̈ሲ ዬሩሳ̈ላም ካታማ ጋርታ̇ ሉኪ̇ዴ።

²ዬሩሳ̈ላም ካታሚን ጋርታ ዶራን ካሪን ላፍ ኣይሁድ ኖ̈ናባራ ቤ̈ቴዛ̈ታ[2] ጋ̈ዚን ሳ̈ዳ̇ፖ̇ ኬስካ̇ር ኤልቂ̇ኖ ዋ̈ ፔታ̇ን ዎ። ኢና ኢዝ ቡጊዲምባር ኢዝ ጋልዳ ኣፋ ሺፋ ዎ ጌዳክ ዓኒክ ቢሪንታ̇ንዳብ ማ̈ዲ̇ዝ ኢሺ̇ን ጎይ ዎ።

³[ማዝ ኣሲ ዎይሊን ኢና ጎይማን ጋልዳ ሱርቃ̇ር ዎ። ኢንታ̇ ጋርታ̇ፖ̇ ኣ̈ፊ ዎቢ̇ኖ ኣሲ፣ ቶሂ ዎቢ̇ኖ ኣስኬ ቶሂ ኩሺ ሊ̈ቂኖ ኣሳን ዎዶ̈ን ዪን ዎይ ዋ̈ን ኤንኢዝ ዲራ̈ስ ና̈ጊ ዎ።

⁴ዶኢ ዶኣር ፔታ̇̈ብ ፔታ̇̈ቦ ጾ̈ሳ̇̇ ኪ̈ታንቻ ዋ̈ን ጋርታ ሶ̈ባሪ ዋ̈ን ኤንኢሲ̈ሬ። ዋ̈ን ኤንኣ ማ̈ቂ̇ኖፖ̇ ዓኒ ቲ̈ኒታር ዋ̈ን ጋርታ̇ ጌሊኖ ኣሲ ኦ̈ናካሬ ፌ̈ና ኤ̈̇ኖ ኣ ዓርጋካር ማ̈ቂ̇ን ኢዝ ጋልዳፖ̇ ፋጺ̈ሬ።]

⁵ኢና ዓይዚ̇ ታጶ̇ ላማካይ ላይ ዎይ ማኖ ፔቲ̇ ኣሲ ዎዶኒ፥

⁶ዬሱ̈ሲ ዪ ና̈ሳ ኢና ሱርቂ̇ ዎዶ̈ን ቤቃ̇ሪ፥ ኢ ዓርጋባር ዎይሊን ጋምኢኖን ኤራሪ ኢ̈ኮ “ኣኖ! ኔ ፋጻንዳ̇ብ ኮያ̈ራ?” ጌይዴ።

⁷ና̈ሳ ማዛ̈ዳሬ “ጎዳ̈ዶ! ዋ̈ን ኤንኣዚምባራ ታ̈ና ኢዝ ጋርታ̇ ሚሺዝ ኣሲ ባዬ̇፤ ቴ ኢና ጌላ̈ሬ ጋ̈ዚምባ̇ራ ሜላን ታ̈ፖ̇ ቲ̈ኒታር ኢና ጌሊ̈ሬ” ጌይዴ።

⁸ዬሱ̈ሳር ኢ̈ኮ “ዲንዳ̇ር ኔ ኣርሲን ቶ̈ካ̇ር ሉካ̇ቤ” ጌይዴ።

⁹ና̈ሳ̈ዳር ኤሊ̇ባር ፋጺዴ፤ ኢናፖ̇ ፌ ኣርሲን ቶ̈ካ̇ር ሉኪ̇ዴ። ዪና̇ ና̈ሳ ፋጺኖንዳ̇ ሳምባታ ጋላሴ̇።

¹⁰ዪ̈ኮታ̇ቦ ኣይሁድ ኣላቃን ፋጺኖ ና̈ሳኮ “ዓታ̇ብ ሳ̈ዚ ሳምባታ ማ̈ቂ̇ኖኮታ̇ቦ ሂጋ̇ ኔ̈ና ኔ ኣርሲን ቶ̈ኮ̇ ጋ̈ባሴ” ጌይዴ።

¹¹ኢ ማ̈ቃ̇ር ጌይርዶሪ “ታ̈ና ፋኖ ና̈ሳዲ ታ̈ና ‘ኔ ኣርሲን ቶ̈ካ̇ር ሉካ̇ቤ’ ጋ̈ሼ” ጋ̈ሪ ኢንታ̇ብ ማሂዴ።

¹²ኢንታ̇ር ኢ̈ኮ “ ‘ኔ ኣርሲን ቶ̈ካ̇ር ሉካ̇ቤ’ ጌይኖ ኢ ኦ̈ኖ?” ጋ̈ር ኦይጪ̇ዴ።

¹³ዬሱ̈ሲ ጌዳ ዎርዣ ጊዳ̇ ጌሊኖኮታ̇ቦ ና̈ሳዲ ኦ ኢያ ፋኖኮ ኤራካ̇ዬ።

¹⁴ዪኒ̇ፖ ዓኒ ዬሱ̈ሲ ዪ ና̈ሳ ጾ̈ሳ̇̇ ኬ̈ ጋርታ̇ ዲጛሪ “ዓ̈ዲሼ ኔ ዪዚ ፋጺኔ፥ ዓኒ̇ፖ̇ ሺ ኢ̈ታ ባዝ ኔ̈ና ዬላ̇ካ̇ይፌ̈ኒ ዓ̈ኒ̇ፖ̇ ዎሃ ናጋራ ኦ̈ፔ̇” ጌይዴ።

¹⁵ና̈ሳ̈ዳር ፌ̈ና ፋኖ ዬሱ̈ሳ ማ̈ቂ̇ኖን ሉካ̇ሪ ኣይሁድ ኣላቃንቦ ሶ̈ሊዴ።

¹⁶ዬሱ̈ሲ ዪኖ̇ ሳምባታ ጋላስ ኦ̈ኖኮታ̇ቦ ኣይሁድ ኣላቃን ኢያ ዳስ̇ ኤ̈̇ዴ።

¹⁷ዬሱ̈ሳር ኢንታኮ “ቴ ባ̈ባ̈ዲ ዓኖ̇ ዬሊ̇ዝ ዲራ̈ስ ኦ̈ ሙታ̇ ዎ ማ ታ̈ናር ኦ̈ሬ” ጋ̈ር ማሂዴ።

¹⁸ዪዚ ኣይሁዳን ዬሱ̈ሳ ዎንዳ̇ብ ኮዪኖንዳ ኢ ሳምባታ ቦንቺ̇ባ̈ሶ ጊሽ ሙታ̇ ጊዳካ̇ይዶ̈ን “ጾ̈ሳ̇̇̈ዲ ታ ባ̈ባ̈” ጌዪ ጾ̈ሳ̇̇ባር ፌ̈ና ካሚሲኖኮታ̇ቦ ቲ̈ኖምፖ̇ ሺ ኢያ ኮዪ ኤ̈̇ዴ።

¹⁹ዬሱ̈ሳሬ “ቴ ዪንታ̇ክ ኪን ጋ̈ሬ፥ ባ̈ባ ኦ̈ምባራ ቤቂ̇ኖ ባዛን ሙታ̇ዶኬ ናኣ ፌ ጋልዳፖ̇ ኣባካር ኦ̈ንዳብ ዳንዳኢባ̈ሴ። ባ̈ባ ኦ̈ዝ ባዛን ዎይ ማ ናኣ̈ዳር ኦ̈ሬ።

²⁰ባ̈ባ ፌ ናኣ ካዛኮታ̇ቦ ፌ ኦ̈ዝ ባዛን ዎይ ኢያ ቤይሲ̈ሬ። ማ ዪንቲ̇ ጋራ̇ሚንታ̇ምፔ̈ኒ ዪንፓ̇ር ሺኖ ኦ̈ሳር ኢያ ቤይሲ̈ሬ።

²¹ባ̈ባ̈ ዓይቂ̇ኖን ዓይቃ ጋርታ̇ፖ̇ ዲንሪ ሼምፓ ኢማ̇ዚንዲፌ̈ኒ፥ ማ ናኣ̈ዳሬ ፌ ኮዪኖንቦ ዎይ ሼምፓ ኢሚ̇̈ሬ።

²²ባ̈ባ̈ ኦ ጋልዳ̇ካሬ ፊርዲባ̈ሴ፥ ፊርዳዝ ሲልጣ̈ኒን ዎይ ናኣ̈ብ ኢሚ̇ኔ።

²³ኢ ዪኖ̇ ዎቲኖንዳ̇ ኣሲ ዎይ ባ̈ባ ቦንቻ̇ዚንዲፌ̈ኒ ናኣ̈ዳር ቦንቻ̇ምፔ̇̈ኒዬ። ናኣ ቦንቺ̇ባ̈ሶ ኣሲ ኢያ ኪ̈ቲ̇ ሚሺኖ ባ̈ባ ቦንቺ̇ባ̈ሴ።

²⁴“ቴ ዪንታ̇ክ ኪን ጋ̈ሬ፥ ታ ቃ̈ሊን ሲስኪ̇ዛ̈ዲኬ ታ̈ና ኪ̈ታ̇ር ሚሺኖ ጾ̈ሳ̇̇ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ። ኢ ዓይቃ ጋርታ̇ፖ̇ ኬስ̇ካር ጌዳ ሼምፓባር ዶኢ̈ርዶኬ ፊርዳ ኢ ጋልዳ ዬ̈ባሴ።

²⁵ቴ ዪንታ̇ክ ኪን ጋ̈ሬ፥ ዓይቂ̇ኖ ኣሳን ጾ̈ሳ̇̇ ናኣ ቆ̈ን ሲስኪ̇ዝ ኬሊ̇ ዬይሬ፤ ኬሊ̇ኒንዳ̇ር ዓና̇ ኢዞ፤ ዪና̇ ሲስካ̇ር ኪ̈ቲንቲ̇ዛን ሼምፓባር ዶኢ̈ሬ።

²⁶ባ̈ባ̈ዲ ኣሳብ ሼምፓ ኢማ̇ንዳብ ዳንዳኣዚንዲፌ̈ኒ ናኣ̈ዳር ኣሳብ ሼምፓ ኢማ̇ምፔ̈ን ሲልጣ̈ና ኢ̈ብ ኢሚ̇ኔ።

²⁷ናኣ̈ዲ ኣሳ ጋርታ̇ፖ̇ ዬሊንቲ̇ኖ ማ̈ቂ̇ኖኮታ̇ቦ ባ̈ባ̈ዲ ኢ̈ቦ ፊርዲዝ ሲልጣ̈ና ኢሚ̇ኔ።

²⁸“ዪንቲ̇ ዓኒ̇ባር ጋራ̇ሚንታ̇ፒ̇ቴ፥ ቢርት ዱ̈ፊ ጋርታ̇ ዎን ዎይ ኢ ቆ̈ን ሲስካ̇ር ዱ̈ፊ ጋርታ̇ፖ̇ ኬስኪ̇ዝ ኬሊ̇ ዬይሬ።

²⁹ኮሽ ኦ̈ኖን ሜናብ ሼምፓባር ዶኢ ኤካ̇ንዳቦ ዲንዲ̇̈ሬ፥ ኢ̈ት ኦ̈ኖን ፊርዳ ኤካ̇ንዳብ ዲንዲ̇̈ሬ።

³⁰“ታ̈ኒ ቴ ሲልጣ̈ናባራ ኣባካር ኦ̈ንዳብ ዳንዳኣባሴ፤ ታ̈ኒ ቴ ባ̈ባ̈ ጋልዳፖ̇ ሲስኪ̇ኖንዶ̇ ሙታ̇ ፊርዳ̈ሬ፤ ታ̈ና ኪ̈ቲ̇ ሚሺኖ̈ኮን ኦ̈ርዶኬ ቴ ኮዪኖንዲፌ̈ን ኦ̈ባሶኮታ̇ቦ ቴ ፊርዲዝ ፊርዳ̈ዲ ኪን።

³¹“ታ̈ኒ ታ ባዝ ሶ̈ላ ማርኪቴጌይን ታ ማርኪቲንዶ ኤኪ̇ዝ ኣሲ ባዬ̇።

³²ታ ባዝ ሶ̈ሊ ማርኪቲዝ ኣሲ ሜላ ዎ፤ ኢ ታ ባዝ ማርኪታዝ ማርኪቲንዳ ኪን ማ̈ቂ̇ኖን ቴ ኤራ̈ሬ።

³³ዪንቲ̇ ዋ̈ኒ̇ሳክ ኣስ ኪ̈ቲ ሚሺን፥ ኢ ኪንን ማርኪ̇ቲኔ።

³⁴ቴ ዪኖ̇ ዪንታ̇ብ ሶ̈ሊኖንዳ̇ ዪንቲ̇ ፋጻምፔ̈ንዶኬ፥ ታ̈ኒ ኣሲ ታ̈ብ ማርኪቲዛ ኤካ̇ባሴ።

³⁵ዋ̈ኒ̇ሲ ፎኢዝ ፎኢንፌ̈ኔ፤ ዪንታ̇ሬ ኢ ፎኢንንባራ ጊላ̇ ጊዛብ ኡፋይታ̇ንዳብ ኮዪዴ።

³⁶“ዎቲናካሬ ታ̈ቦ ዋ̈ኒ̇ሲ ማርኪቲኖምፖ̇ ሺዝ ማርካ ዎ። ዪ̈ዳሬ ቴ ኦ̈ ፎታምፔ̈ን ታ ባ̈ባ̈ ታ̈ብ ኢሚ̇ኖ ኦ̈ሳ̈ዳ። ቴ ዪኖ̇ ኦ̈ዝ ኦ̈ሲንዳ ታ ባ̈ባ ታ̈ና ኪ̈ታ̇ር ሚሺኖን ማርኪታ̈ሬ።

³⁷ታ̈ና ኪ̈ቲ̇ ሚሺኖ ታ ባ̈ባ ኢ ፌ ቆሚ̇ን ታ ባዝ ማርኪቲኔ። ዪንቲ̇ ኢ ሶ̈ላዚምባ̇ር ሲስካካ̇ዬ፤ ማ ኢ ኣ ማይጺ̈ርካር ዪንቲ̇ ቤቃካ̇ዬ።

³⁸ኢ ኪ̈ታ̇ር ሚሺኖ̈ዳ ዪንቲ̇ ኣማ̇ናካ̇ዮኮታ̇ቦ ኢ ቃ̈ሊንዳ̇ ዪንታ̇ ቡ̈ዳ ጋርታ̇ ዶኣባሴ።

³⁹ጌ̈ሻ̇ ማጻ̈ፋን ጋልዳፖ̇ ሜናብ ሼምፓባር ዶኢ ዲጚዛ ዪንታ̇ክ ማይጺን ዪንቲ̇ ዎይ ጋላስ ኢዞ ሚ̈ንር ናባ̇ቢ̈ሬ።

⁴⁰ዎቲናካሬ ዪንቲ̇ ሼምፓ ዲጛንዳ̇ቦ ታ̈ና ኣማ̇ናንዳ̇ብ ኮዪባ̈ሴ።

⁴¹“ታ̈ኒ ኣሳ ጋልዳፖ̇ ቦንች ኮያባሴ።

⁴²ዪንቲ̇ ጾ̈ሳ̇̇ ዪንታ̇ ቡ̈ዳ ጋርታ̇ፖ̇ ካባ̈ሶን ቴ ኤራ̈ሬ።

⁴³ታ̈ኒ ታ ባ̈ባ ታ̈ና ኪ̈ቲ̇ን ዬይንዶን ዪንቲ̇ ታ̈ና ኣማ̇ናካ̇ይ ኣቲ̇ዴ። ሜላ̈ዲ ፌ ሲልጣ̈ናባራ ዬዬጌይን ዪንቲ̇ ኢያ ኣማ̇ኒ̈ሬ።

⁴⁴ዪንቲ̇ ዎልዎልኣ ቦንች ኮዪዛን ጾ̈ሳ̇̇ ፔታ̇ና ጋልዳፖ̇ ቤንቲ̇ዝ ቦንቺ̇ን ኮዪባ̈ሶን፥ ዪንቲ̇ ዎዛ̈ርታ̇ር ታ̈ና ኣማ̇ናንዳብ̇ ዳንዳኢ̈ራ?

⁴⁵ቴ ዪንታ̇ ታ ባ̈ባ ቲ̈ን ሞ̈ቲዛ ዪንታ̇ብ ማይጻፖ̇ጋ̈ቤ፥ ዪንታ̇ ሞ̈ቲዛ̈ዲ ዪንቲ̇ ኑ̈ና ማ̈ዲ̇ዛዳ ጌዪ ና̈ጊዛ̈ዲ ሙ̈ሳ ኢያ።

⁴⁶ዪንቲ̇ ዎን ሙ̈ሳ ኣማ̇ኒኖኮ፥ ኢ ታ ባዝ ጻ̈ፊኖኮታ̇ቦ ዪንቲ̇ ታ̈ናር ኣማ̇ኒ̈ርዶን።

⁴⁷ዪንቲ̇ ኢ ጻ̈ፊኖ ማጻ̈ፋን ኣማ̇ናካ̇ይ ኣቴ̇ጌይንዶ̇ ታ ሶ̈ላዚን ዎዛርታ̇ር ኣማ̇ኒ̈ራ?” ጌይዴ።