Read basketo ሃዋ̈ 14 Bible Online

ሃዋ̈ 14 - basketo bible

ሃዋ̈ 14

¹ኢቆ̈ና ካታሚን ጋርታ ጳውሎ̈ሳኬ ባርናባ̈ሳክ ዎልኣ ቲ̈ናፓር ዎታዚንዲፌ̈ኒ ኣይሁዳን ዎ̈ሳ ኬ̈ን ጋርታ ጌሊዴ። ኢና ኢንቲ ኮሺንቺ̇ ታማርሲኖኮታ̇ቦ ኣይሁድ ዜር ጋርታፕኬ ኣይሁድ ዜር ባዮ̇ ኣሳን ጋርታፖ̇ ዎይሊን ኣሲ ዬሱ̈ሳ ኣማ̇ኒዴ።

²ዎቲናካር ኣማ̇ናካ̇ዮ ኣይሁድ ኣሳን ኣይሁድ ባዮ̇ን ዲንሪ ኣማ̇ኒዝ ኣሳን ሺሪንታር ኢጻ̇ምፔ̈ን ዎቲዴ።

³ጳውሎ̈ሳኬ ባርናባ̈ሳክ ጎዳ̈ ዬሱ̈ሳባዝ ኢ̈ጫካ̇ይዶ̈ር ሶ̈ሊሙታ̇ ኢና ዎይሊን ጋምኢዴ፤ ኢንታ̇ር ጾ̈ሳ̇̇ ኮሺ̇ቲን ጎይስ ሶ̈ላዝ ቃ̈ሊን ኪን ማ̈ቂ̇ኖን ኤሪንታ̇ምፔ̈ኒ ታሚ̇ራ̈ታ ማላ̇ኬ ጋራ̇ሚሲዝ ኦ̈ሳ ኦ̈ምፔ̈ን ጎዳዳር ዎልቃ ኢንታ̇ብ ኢሚ̇ዴ።

⁴ካታሚን ጋርታ ዎ ዎርዣ̈ዳር ፋጊንታ̇ሪ ዶካ̇ን ኣይሁዳንባራ ዶካ̇ን ሃዋ̈ራታንባር ማ̈ቂ̇ዴ።

⁵ኣይሁድ ባዮ̇ ኣሳንኬ ኣይሁዳን ፌ ኣላቃንባር ዎልኣ ፔታ̇ን ማ̈ቃ̇ሪ ኢንታ ቢጻ ቤይሳንዳብኬ ሹ̈ችባር ቆጻ̇ንዳብ ዞሪንቲ̇ዴ።

⁶ኢንታሬ ዪኖ̇ ኤሪኖንዲፌ̈ን ሊስጢራኬ ዴርቤ ጌይዛ ሊቃኦ̈ና ጋዳ̇ ዎ ካታማን ጋርታኬ ኢዝ ቡጊዲንባር ዎ ጋዳን ጋርታ ባያር ሉኪ̇ዴ።

⁷ኢናሬ ዎጛላ ሳ̈ባኪዴ።

⁸ሊስጢራ ካታሚን ጋርታ̇ ቶ̈ሂ ዎቢ̇ኖ ፔቲ̇ ኣሲ ዎ። ዪ̈ ና̈ሳ ዬሊንቲኖፖ̇ ኤ̈̇ር ዎቢ̇ኖኮታ̇ቦ ቶህባር ዬ̇ ቤቃካ̇ዬ።

⁹ዪ̈ ና̈ሳ̈ዲ ጳውሎ̈ሲ ሶ̈ላዚምባራ ዶኣር ሲስኪ̈ሬ። ጳውሎ̈ሳሬ ኢያ ኮሺንቺ̇ ቤቃ̇ሪ ኢ ፋጻንዳብ ኣማ̇ኖ ኢ̈ብ ዎን ኤራሪ፥

¹⁰ፌ ቆ̈ን ሾክ ዎታር ኢ̈ኮ “ኔ ቶሂምባር ጺት̇ ኤቃ̇ቤ!” ጌይዴ። ዪኒ̇ባራ ናሳ ፉክ ጋ̈ክ ዲንዳ̇ሪ ዬ ኤ̈̇ዴ።

¹¹ዎርዣ̈ዳሬ ጳውሎ̈ሲ ዎቲኖን ቤቃ̇ር ሊቃኦ̈ና ኖ̈ናባር “ጾ̈ሳ̇ን ኣስ ማይጻር ኑ̈ክ ሶ̈ቢኔ!” ጋ̈ር ዉይሲዴ።

¹²ኣሳን ባርናባ̈ሳ “ዲያ” ጌዪ ጼይጊዴ፤ ዋ̈ና̇ ሶ̈ሊዛ ጳውሎ̈ሳ ማ̈ቂኖኮታ̇ቦ ኢያ “ሄርማ̈ና” ጌዪ ጼይጊዴ።

¹³ካታ̇ሚንፖ ቡጊድ ዎን ዲያ ጌይዝ ጾ̈ሳ̇ ዛቢ̇ን ጋርታ ኦ̈ዝ ቄ̈ሳ̈ዲ ቆጺንታ̇ካ̇ዮ ጌ̈ንንኬ ቡን ኤካ̇ሪ ኣሳንባር ዎልኣ ማቃ̇ር ካታ̇ሚን ጋርታ ጌልሳዝ ካሪንኮ̇[6] ጳ̈ውሎ̈ሳብኬ ባርናባ̈ሳብ ዣ̈ርሻ̇ንዳብ ኤሄይዴ።

¹⁴ባርናባ̈ሳኬ ጳ̈ዉሎ̈ሳኬ ዪኖ̇ ሲስካ̇ር ፌ ኣፊላ ዳርሳር[7] ዎርዣ ጋርታ ዎ̈ጺ̇ ሉካ̇ር ፌ ቆ̈ ሾ̈ክ ዎታር ኢንታ̇ኮ፥

¹⁵“ኣሳን ዓን! ዪንቲ̇ ዪዲፌ̈ን ኣብዛብ ዎቲራ? ኑ̈ናር ዪንታ̇ፌ̈ኖ ኣሲሽዋ፤ ኑ ዓንዳ ዬይኖንዳ ዪንቲ̇ ዓ̈ፌ̈ኖ ፋባ̈ሶ ባዝ ኣሻ̇ሪ ኣፋ ጪሊንዲኬ ሳ̈ዶ ሳ̈ዚንዶ፣ ባሃ̈ሪንዲ̇ኬ ኢዝ ጋርታ̇ ዎን ዎይ ኮ̈ቺ̇ኖ ኪን ጾ̈ሳ̇̇̈ክ ማ̈ቃ̇ምፔ̈ን ዪንታ̇ብ ዎጛላ ሳባ̇ካ̇ንዳቦ።

¹⁶ጾ̈ሳ̇̇̈ዲ ኣ̈ኖ ላይን ጋርታ̇ ኣሳ ዜር ዎይ ፌ ኮዪኖባዝ ዎታምፔ̈ን ኢንታ ኣሺ̇ኔ።

¹⁷ዪ̈ፌን ማ̈ቂ̇ኔካሬ ኢ ፌ̈ና ማርኪ ቤይ ኣሻካ̇ዬ። ኢ ዎዛርፌ̈ን ኮሽ ጾ̈ስ ማ̈ቂ̇ኖን ኤሪሳንዳ̇ቦ ኣፋፖ̇ ዪንታ̇ብ ኢር ኬርሲዴ፤ ካ ካጺ̇ዝ ኬል̇ ዪንታ̇ብ ኢሚ̇ዴ፤ ማ ሙይዝ ባዝ ዪንታ̇ብ ዎይሊሳሪ ዪንታ̇ ኡፋይሲ̇ዴ” ጌይዴ።

¹⁸ዪዲፌ̈ን ዎይ ኢንታብ ሶ̈ሊናካር ዎርዣ̈ዲ ኢንታ̇ብ ዣ̈ርሻ ሺ̈ሻ̇ካይፌ̈ን ኣሺሺኖ̈ዲ ዎይሊን ሜታባራ።

¹⁹ኢናፖ ፔቲ̇ ፔቲ̇ ኣይሁዳን ኣንጾ̈ካፕኬ ኢቆ̈ናፖ ዬ̈ሪ ዎርዣ ዲንር ጳውሎ̈ሳ ሹ̈ች̇ባር ቡኪ̇ኖፖ̇ ዓኒ ኢ ዓይቂ̇ኖ ኢንታክ ማይጺን ጎ̈ቺ ካታ̇ሚን ጋርታፖ̇ ቡጊዴ ኬሲ̇ዴ።

²⁰ማ̈ቂ̇ናካሬ ኣማ̇ኒኖ ኣሳን ዬ̈ሪ ኢ ቡጊዲንባር ኤቂ̇ን ኢ ዲንዳር ካታ̇ሚን ጋርታ ጌሊዴ፤ ኢዝ ዎንን ዲንዳ̇ር ባርናባ̈ሳባር ዎልኣ ዳርባ ካታማ ጋርታ̇ ሉኪ̇ዴ

²¹ጳውሎ̈ሳኬ ባርናባ̈ሳክ ዳርባ ካታ̇ሚን ጋርታ ዎጛላ ሳባ̇ካር ዎይሊን ኣስ ኣማ̇ንዴ። ኢናፖ̇ ሊስጢራ፣ ኢቆ̈ናኬ ኣንጾ̈ካ ካታማን ጋርታ ማ̈ቂ̇ ሉኪ̇ዴ።

²²ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

²³ኢናፖ̇ ዎ̈ሳ ኬ̈ን ዎይን ጋርታ̇ ጪጛሽ ማራ̇ጺኖፖ ዓኒ ጾ̈ማባርኬ ዎ̈ሳባራ ኢንቲ ኣማ̇ኒኖ ጎዳ̈ቦ ኣ ዓዳራ ኢሚ̇ዴ።

²⁴ኢንቲ ጲሲዳ ጋዲን ኣ̈̇ሪ ጲንፊላ ጌይዝ ቤስ̇ ሉኪ̇ዴ።

²⁵ኢንቲ ጴርጋ ካታ̇ሚን ጋርታ ጾ̈ሳ̇ ቃ̈ሊን ሳባ̇ኪኖፖ ዓኒ ቶ̈ራ ኣጣ̈ላ ካታማ ሉኪ̇ዴ።

²⁶ኢናፖ ማርካባ ጋርታ ጌላሪ ኣንጾ̈ካ ካታሚን ጋርታ ማ̈ቂ̇ዴ። ኣንጾ̈ካ ካታሚንዳ ኢንቲ ዓት ኦ̈ ዉርሲኖ ኦ̈ሲምቦ̇ ዚቃንታ̇ ኣሳን ኢንታ̇ ጾ̈ሲ̇ ኢንታ̇ባር ማ̈ቃ̇ምፔ̈ኒ ኢ̈ብ ዓዳራ ኢሚ̇ኖ ቤሴ̇።

²⁷ኢንቲ ኢና ዬላ̇ሪ ኣማ̇ኒዝ ኣሳን ዎልኣ ፔታ̇ን ሺ̈ሻ̇ር ጾ̈ሲ ኢንታ̇ባር ማ̈ቃ̇ር ኦ̈ኖ ኦ̈ሳ ዎይ፤ ማ ኣይሁድ ዜር ባዮ̇ ኣሳን ዬሱ̈ሳ ኣማ̇ናምፔ̈ኒ ጾ̈ሲ̇ ኢንታ̇ብ ጎይ ፊርቂ̇ኖን ኢንታ̇ብ ሶ̈ሊዴ።

²⁸ኢና ኣማ̇ኒኖ ኣሳንባር ዎልኣ ዎይሊን ቃም̇ ዶኢዴ።