Read basketo ሃዋ̈ 15 Bible Online

ሃዋ̈ 15 - basketo bible

ሃዋ̈ 15

¹ፔቲ̇ ፔቲ̇ ኣሳን ዪሁዳ ጋዳ̇ፖ̇ ቶ̈ራ ኣንጾ̈ካ ዬ̈ሪ “ዪንቲ̇ ሙ̈ሳ ሂጊ̇ን ጋልዳ̇ ጻ̈ፊንቲ̇ኖዲፌ̈ኒ ጋራ̇ዚንታ̇ካ̇ይ ኣቴ̇ጌይንዶ ፋቲ ዲጛንዳብ ዳንዳኢባ̈ሴ” ጌዪ ኣማ̇ኒኖ ኣሳን ታማ̈ርሲ ኤ̈̇ዴ።

²ጳውሎ̈ሳኬ ባርናባ̈ሳኬ ባዝ ዪኒ̇ኮታ̇ቦ ኣሳን ዪንባር ዎይሊን ኢ̈ት ዋች ጋርታ ጌሊዴ፤ ዪ̈ኮታ̇ቦ ጳውሎ̈ሳኬ ባርናባ̈ሳ ኣንጾ̈ካ ዎ ፔቲ̇ ፔቲ̇ ኣማኒ̇ዝ ኣሳንባር ዎልኣ ማ̈ቃ̇ሪ ዬሩሳ̈ላም ሉካ̇ር ባዝ ዪኒ̇ኮንዶ ሃዋ̈ራታንባርኬ ዎ̈ሳ ኬ̈ ጪጛሻንባር ሶ̈ሊንታ̇ምፔ̈ኒ ኢንታ̇ ኪ̈ቲ̇ ሚሺዴ።

³ዎ̈ሳ ኬ̈ንዳሬ ኢንታ̇ ኪ̈ታ̇ ሚሺን ኢንታ̇ር ፊንቃኬ ሳማ̈ራ ጎይባራ ኣ̈̇̈ርዶሪ ኣይሁድ ዜር ባዮ̇ ኣሳን ጎዳ ኣማ̇ኒኖን ሶ̈ሊዴ። ኢና ዎ ኣማ̇ኒኖ ኣሳን ዪኖ̇ ሲስካ̇ሪ ዎይሊን ኡፋይቲ̇ዴ።

⁴ኢንቲ̇ ዬሩሳ̈ላም ዬሊ̇ን ዎ̈ሳ ኬ̈ንዳ፣ ሃዋ̈ራታንኬ ዎ̈ሳ ኬ̈ ጪጛሻን ኢንታ̇ ሞኪ̇ ኤኪ̇ዴ። ዪን ኪ̈ቲንታ̇ር ሉኪ̇ኖ ኣሳንሬ ጾ̈ሲ̇ ኢንታ̇ባር ማ̈ቃ̇ር ኦ̈ኖ ባዛን ዎይ ኢንታ̇ብ ሶ̈ሊዴ።

⁵ማ ፋራሳ̈ዋን ጋርታ̇ፖ ኣማ̇ኒኖ ፔቲ̇ ፔቲ̇ ኣሳን ዲንዳሪ “ኣይሁድ ዜር ባዮ̇ ኣሳን ጋራ̇ዚንታ̇ምፔ̈ንኬ ሙ̈ሶ ኢሚ̇ኖ ሂጊ̇ን ና̈ጋንዳብ ኮሺ̇̈ሬ” ጌይዴ።

⁶ሃዋ̇ራ̈ታንስኬ ዎ̈ሳ ኬ̈ ጪጛሻን ባዝ ዪኒ̇ኮን ዎል ዎልኣ ሶ̈ሊንታ̇ንዳብ ሺ̈ቂዴ።

⁷ኢንቲ̇ ዎልዎልኣ ዎይሊን ዋጪኖፖ̇ ዓኒ ጴ̈ጥሮ̈ሲ ዲንዳሪ ኢንታ̇ኮ “ቴ ዳባ̇ን! ኣይሁድ ማ̈ቃ̇ካ̇ዮ ኣሳን ቴ ጎይባራ ዎጛላ ሲስካ̇ሪ ጎዳ ኣማ̇ናምፔ̈ኒ ዓኒ̇ፖ̇ ቲ̈ን ዪንታ̇ ጊዳ̇ፖ ጾ̈ሲ̇ ታ̈ና ማራ̇ጺኖን ዪንቲ̇ ኤሪ̈ሬ።

⁸ኣሳ ቡ̈ዳ ኤሪዝ ጾ̈ሳ̇̇̈ዲ ኑ̈ብ ጌ̈ሻ̇ ኣያ̇ና ኢሚ̇ኖ̈ዲፌ̈ኒ ኣይሁድ ዜር ባዮ̇ንባር ዪና̇ ኢዝፌ̈ኒ ጌ̈ሻ̇ ኣያ̇ና ኢማ̇ሪ ኢንታ̇ር ኢያይ ማ̈ቂ̇ኖን ኤርሲኔ።

⁹ኢ ኢንታ̇ ቡ̈ዲን ኣማ̇ና ጎይስባራ ጌ̈ሺ̇ኖኮታ̇ቦ ኑ̈ናኬ ኢንታ̇ኬ ዎል ፔታ̇ን ቤቂ̇ኔ።

¹⁰ዓት ዪ̈ዶኮ፥ ሚን ኑ ባ̈ቢንታ̇ንር ማ̈ቂ̇ን ኑ̈ናር ማ̈ቂ̇ን ቶ̈ካ̇ንዳብ ዳንዳኣካ̇ዮ ቶ̈ፊን ኣማ̇ኒዝ ኣሳንስ ቶ̈ሲ̇ ሙታ̇ ዪንቲ̇ ኣባብ ጾ̈ሳ̇̇ ፋ̈ጪ̇̈ራ?

¹¹ኑ̈ናር ማ̈ቂ̇ን ፋቲ ዲጛንዚንዳ ኢንታ̇ኮንዲፌ̈ኒ ጎዳ ዬሱ̈ሳ ኮሺ̇ቲባራ ማ̈ቂ̇ኖን ኑ ኣማ̇ኒ̈ሬ” ጌይዴ።

¹²ጳ̈ውሎ̈ሳውኬ ባርናባ̈ሳ ጾ̈ሳ̇̇ ኢንታ̇ባር ማ̈ቃ̇ር ኣይሁድ ባዮ̇ ኣሳንስ ጊዳ̇ ኦ̈ሲ̇ኖ ታ̈ሚ̇ራ̈ታ ማላ̇ ሶ̈ላምባ̇ራ ሺ̈ቂኖ ኣሳ ዎይሲ ዚክ ጋ̈ር ሲስ̇ ኤ̈̇ዴ።

¹³ኢንቲ̇ ሶ̈ሊ ዉርሲ̇ኖፖ̇ ዓኒ ዓይቆ̈ቢ ኢንታ̇ኮ “ቴ ዳባ̇ን! ቴ ጋ̈ዚን ሲስኪ̇ብቴ̇!

¹⁴ጾ̈ሲ̇ ኣይሁድ ባዮ̇ ኣሳንቦ ቆፒ̇ኖን ቤይሳንዳቦ ቲ̈ኒታሪ ኢንታ ጋርታ̇ፖ̇ ፌ̈ብ ማ̈ቂ̇ዝ ዎርዦ ማራ̇ጺኖን ኑ ኢሻ ሲሞ̈ኒ ኑ̈ብ ዓታር ሶ̈ሊኔ።

¹⁵ዪዚ ጾ̈ሳ̇̇ ናባንባር ሶ̈ሊኖ ቃ̈ሊንዳ̇ ዪና̇ ሲሞ̈ኒ ዓታር ጌይኖ ቆፊምባር ዎል ኤ̈̇̈ሬ። ዪ̈ዳሬ ናባን ማጻ̈ፋ ጋልዳ̇፦

¹⁶“ዓኒ̇ፖ ዎሃ ታ̈ኒ ማ̈ቃ̇ራ ዳ̈ዊታ ኬ̈ን[8] ዪርዲኖን ማሃ ኬጻ̇ንዳ̇። ዪርዳር ኬዲ̇ኖን ኤሳ̇ራ ማሃ ኬ̈ጻ̇ንዳ።

¹⁷ቴ ዪኖ̇ ዎታዚንዳ̇ ሜላን ቴ ኢንታ ጼይጊኖ ኣይሁድ ባዮ̇ ኣሳን ዎይ ታ̈ና ኮያምፔ̈ኒዬ፥

¹⁸ሚናፖ̇ ኤ̈̇ር ዓን ዎይ ኤርሲኖ ጾ̈ሳ̇̇̈ ታ̈ኒ ዓኖ ጋ̈ሬ” ጌይኔ።

¹⁹“ዪዚ ቴ ጋ̈ዚንዳ̇ ጾ̈ሳ̇̇ ኣማ̇ኒዛን ኣይሁድ ዜር ባዮ̇ ኣሳን ኑ ዋ̈ዪካ̇ይ ኣቲ̇ኖክ ኮሼ̇።

²⁰ዪ̈ኒፖ ‘ጻላሃብ ዣ̈ርሺ̇ኖ ፊ̈ሺ ሞ̈ፒ̇ቴ፣ ኦሎላ ጋዳፒ̇ቴ፣ ጋ̈ዲ ኤ̈̇ን ዓይቂ̇ኖ ሜሃ ሞ̈ፒቴ፣ ሱ̈ር ሞ̈ፒ̇ቴ’ ጋ̈ር ኢንታ̇ብ ጻ̈ፊስቶ።

²¹ሚናፖ̇ ኤ̈̇ሪ ሳምባታ ሳምባታ ጋላስ ኣይሁዳን ዎ̈ሳ ኬ̈ ጋርታ ሙ̈ሳ ሂጋ̇ ናባ̇ቢንቲ̈ሬ፥ ካታማ ጋርታ̇ር ዎይ ሙ̈ሳ ሂጋ̇ዲ ሳባ̇ኪንቲ̇̈ሬ” ጌይዴ።

²²ዪኒ̇ፖ ዓኒ ሃዋ̈ራታንኬ ዎ̈ሳ ኬ̈ ጪጛሻን ዎ̈ሳ ኬ̈ ኣሳባር ዎይ ማ̈ቃ̇ር ኢንታ ሺ̈ቂኖ ኣሳ ጊዳፖ̇ ሙቃ̇ ኣስ ማራ̇ጻሪ ጳውሎ̈ሳባርኬ ባርና̈ባስባር ዎልኣ ኣንጾ̈ካ ሚሻንዳብ ቆፒ̇ዴ። ኢናፖ̇ ኢንታ̇ ጊዳ̇ ቦንቺ̇ንቲ̇ኖ ናምኢ ኣስ ባርሳባሳ ጌዪ ጼይጊንቲ̇ኖ ይሁዳኬ ሲላ̇ሳክ ዎልኣ ማራ̇ጺዴ።

²³ጻ̈ፊኖ ዳብዳቢን ኢንታ̇ባር ሚሺዴ፤ ዳብዳቢ̇ን ጋርታ̇ ጻ̈ፊኖንዳ̇፦ “ኑ̈ኒ ሃ̈ዋ̈ርታንኬ ዎ̈ሳ ኬ̈ ጪጛሻን፥ ኣንጾ̈ካ ካታማ፣ ሶ̈ራ ጋዳ̇ኬ ኪልቃ ጋዳ̇ ዎ ኣይሁድ ባዮ̇ ኑ ኢሺንታ̇ን! ዪንቲ̇ ዎዛራ ሳሮ ጌይሬ፤

²⁴ኑ ጊዳፖ̇ ፔቲ̇ ፔቲ̇ ኣሳን ኑ ኢንታ ኪ̈ታካ̇ይዶን ዪንታ̇ክ ሉካ̇ሪ፥ ዪንታ̇ ታማ̈ርሲኖ ቲሚርቲ̇ንባር ዪንታ ዋ̈ዪኖን ኑ ሲስኪ̇ኔ።

²⁵ዪ̈ኮታ̇ቦ ኑ ዎል ፔታ̇ን ሺ̈ቃር ሶ̈ሊንቲ̇ኖፖ̇ ዓኒ ኑ ጊዳ̇ፖ̇ ኑ ካዝ ኑ ኢሺንታ̇ን ጳውሎ̈ሳኬ ባርናባ̈ሳባር ዎልኣ ዪንታ̇ክ ሚሻንዳብ ቆፒ̇ዴ።

²⁶ባርናባ̈ስኬ ጳ̈ውሎ̈ሲ ጎዳ ዬሱ̈ስ ክርስቶ̈ሳ ጊሻ̇ብ ፌ̈ና ኣ̈ ኢሚ̇ኖ ኣሴ።

²⁷ኑ ዪንታ̇ብ ጻ̈ፊኖን ጋልዳ ኖ̈ናባራር ጉጃ̇ር ዪንታ̇ብ ሶ̈ላምፔ̈ኒ ዪሁዳኬ ሲላ̇̈ሳ ዪንታ̇ብ ሚሺኔ።

²⁸ኑ ዓኒ̇ፖ̇ ቶ̈ራ ዪንታ̇ብ ሶ̈ሊዝ ኪ̈ታንፖ̇ ኣቲ̇ን ሜላ ዴ̈ጺ̇ዝ ባዝ ኣባካር ዪንታ ቶ̈ሳ̇ንዳብ ኮሻ̇ባሶን ጌ̈ሻ̇ ኣያ̇ና̈ብኬ ኑ̈ቦ ኮሽ̇ ማ̈ይጻር ቤንቲ̇ኔ፤

²⁹ጻላሃብ ዣ̈ርሺኖ ፊ̈ሺ ሞ̈ፒቴ፤ ሱ̈ስ ሞ̈ፒ̇ቴ፤ ጋ̈ዲ ኤ̈ን ዓይቂ̇ኖ ሜሃ ኣይሽ ሞ̈ፒ̇ቴ፤ ኦሎላ ጋዳፒ̇ቴ፤ ዪን ኦ̈ዚን ጋልዳፖ̇ ዪንታ̇ ና̈ጌጌይንዶ̇ ዪንቲ̇ ኮሽ̇ ባዝ ኦ̈ኔ። ዪዚ ሳራ ዶኢብቴ” ጌይሬ።

³⁰ኪ̈ቲንቲ̇ኖ ኣሳንር ኬስካ̇ር ኣንጾ̈ካ ሉኪ̇ዴ፤ ኣማኒ̇ኖ ኣሳን ሺ̈ሻ̇ር ዳብዳቢ̇ን ኢንታ̇ብ ኢሚ̇ዴ።

³¹ኣማ̇ኒኖ ኣሳንሬ ዳብዳቢ̇ን ናባ̇ቢ ቤቃ̇ሪ ኢዝ ጋርታ̇ ጻ̈ፊንቲ̇ኖ ሚ̈ንዝ ኪ̈ቲንባር ኡፋይቲ̇ዴ።

³²ዪሁዳኬ ሲላ̇ሲ ናቢ ማ̈ቂ̇ኖኮታ̇ቦ ኣማ̇ኒኖ ኣሳን ዎይሊንስ ቃ̈ላባር ዞሪ ሚ̈ንዴ።

³³ኢንቲ̇ ጊላ̇ ቃም̇ ኢና ዶኢኖፖ ዓኒ ኢንታ ሳሪሪ ፌ̈ና ኪ̈ቲ ሚሺኖ ኣሳንኮ ማ̈ቂ̇ ሉኪ̇ዴ።

³⁴[ዎቲናካር ሲላ̇ሲ ኢና ኣታ̇ንዳብ ኮዪዴ።]

³⁵ጳውሎ̈ሳኬ ባርና̈ባ̈ሳኬ ሜላን ኣማ̇ኒዛን ዎይሊን ኣስባር ማ̈ቃ̇ሪ ጎዳ ቃ̈ሊን ታማ̈ርሲሙታ̇ኬ ሳባ̇ኪ ሙታ̇ ሙቃ̇ ቃም ኣንጾ̈ካ ካታማ ዶኢዴ።

³⁶ኢንቲ ጊላ̇ ቃም̇ ኢና ጋምኢኖፖ̇ ዓኒ ጳውሎ̈ሲ ባርናባ̈ሳኮ “ኑ ማ̈ቃ̇ሪ ዓኒ̇ፖ̇ ቲ̈ን ጎዳ ቃ̈ሊን ሳባ̇ኪኖ ካታማንስ ጋርታ̇ ዎይ ዎ ኣማ̇ኒኖ ኣሳን ዎዛርፌ̈ን ዎኮ ሉካ̇ር ቤቂ̇ስቶ” ጌይዴ።

³⁷ባርናባ̈ሲ ማ̈ርቆ̈ሳ ጌዪ ጼይጊንቲ̇ኖ ዋ̈ኒ̇ሳ ኢንታ̇ባር ዎልኣ ሉካ̇ምፔ̈ኒ ኮዪዴ።

³⁸ኢንቲ̇ ኦ̈ሳብ ሉካ̇ምባራ ማ̈ርቆ̈ሲ ኢጻ̇ር ኢንታባር ሉካ̇ብዳ ጌዪ ኢና ጲንፊላ ኣቲ̇ኖኮታ̇ቦ ጳውሎ̈ሲ ኢያ ፌባር ኤኪ̇ ሉካ̇ንዳብ ኮያካ̇ዬ።

³⁹ዪ̈ኮታ̇ቦ ጳውሎ̈ሳኬ ባርናባ̈ሳክ ጊዳ̇ ዎይሊን ዋቺ̇ ዲንዲን ኢንቲ̇ ዎልዎልኣ ፋጊንቲ̇ዴ፤ ባርናባ̈ሲ ማ̈ርቆ̈ሳ ኤካ̇ር ማርካባ ጋርታ̇ ጌላሪ ቆጵሮስ ጋዳ̇ ሉኪ̇ዴ።

⁴⁰ጳውሎ̈ሲ ሲላ̇̈ሳ ፌባር ኤኪ̇ ሉካ̇ንዳብ ማራ̇ጺዴ፤ ኣማ̇ኒኖ ኣሳንሬ ጳውሎ̈ሲ ጎዳ ኢባር ማ̈ቃ̇ም̇ፔ̈ኒ ዎ̈ሲ̇ኖፖ̇ ዓኒ ኢ ሉኪ̇ዴ።

⁴¹ኢያር ዎ̈ሳ ኬ̈ን ሚ̈ንሙታ̇ ሶ̈ራኬ ኪልቃ ጎይባር ኣ̈̇ዴ።