Read basketo ሃዋ̈ 17 Bible Online

ሃዋ̈ 17 - basketo bible

ሃዋ̈ 17

¹ጳውሎ̈ሳኬ ሲላ̇̈ሳኬ ዎል ማ̈ቃ̇ሪ ኣምፊጶ̈ላኬ̈ ኣጲሎ̈ና ጌይዝ ካታማን ኣ̈̇ሪ ታሳሎንቃ ካታማ ጋርታ ሉኪ̇ዴ። ኢና ኣይሁዳን ዎ̈ሳ ኬ ዎዶ̈ኒ፥

²ጳ̈ውሎ̈ሳ̈ሬ ኢ ሚን ዎታዚንዲፌ̈ኒ ኣይሁዳን ዎ̈ሳ ኬ̈ ጋርታ̇ ጌላሪ ዓይዚ̇ ሳምባ̇ታ ዎይ ጌ̈ሻ̇ ማጻ̈ፋ ጋልዳ̇ፖ̇̈ ናባ̇ቢ ዎርዣ̈ ታማ̈ርሲሙታ̇፥

³ክርስቶ̈ሲ ሜታ ኤካ̇ንዳብኬ ዓይቃ̇ር ዓይቃ ጋርታ̇ፖ ዲንዳ̇ንዳብ ኮሻ̇ዚንዶ̇ ኢንታ̇ብ ኮሺንቺ̇ ሶ̈ሊሙታ̇ዶ̈ሪ “ዓ̈ ቴ ዪንታ̇ ሳባ̇ኪዛ ዬሱ̈ሲ ኢ ክርስቶ̈ሳ” ጌዪሙታ̇̇ ሶ̈ሊዴ።

⁴ኣይሁዳን ጋርታ̇ፖ̇ ፔታ̇ን ፔታ̇ን ጳውሎ̈ሲ ታማ̈ርሲኖን ኤካ̇ሪ ኢንታ̇ር ጳውሎ̈ስባሮባር ዎል ፔ̈ታ̇ን ማ̈ቂ̇ዴ። ማ ጾ̈ሳ̇̇̈ ኢ̈ጪ̇ዝ ዎይሊን ግሪ̈ክ ጋዶ̇̈ ኣሳንኬ ዎይሊን ኤሪንቲኖ̈ ማጫ̇ን ኢ ታማ̈ርሲኖን ኤካ̇ሪ ኢንታ̇ር ጎዳ ኣማ̇ኒዴ።

⁵ዎቲናካሬ ኣይሁዳን ቂና̈ታ ኢንታ ኤ̈̇ን ኦ̈ሲ ባዪ ሜላ̇ ዬዝ ቦ̈ዛን ጎይ ቡጊዳፖ ሺ̈ሻ̇ር ዎርዣ̈ ዲንሪ ካታሚን ጋርታ̇ ዋች̇ ኬሲ̇ዴ። ጳውሎ̈ሳኬ ሲላ̇̈ሳኬ ኤ̈ ዎርዣ̈ ቲ̈ን ኤሄ̈ንዳቦ ጋ̈ሪ ዎባር ያ̈ሶ̈ና ኣ̈ሊን ቡጊዲንባር ቂርጽ ጌይዴ።

⁶ዎቲናካሬ̈ ኢንታ ዲጛንዳ̇ብ ዳንዳኣካ̇ዮ̈ኮታ̇ቦ ያሶ̈ናኬ ሜላ ኣማ̇ኒኖ ኣሳን ኤ̈̇ሪ ጎ̈ቺ̇ሙታ̇ ኢና ካታሚን ኣቂሲዝ ኣሳን ቲ̈ን ሺ̈ሻ̇ንዳብ ኤ̈ጚዴ፤ ማ ዉይሲሙታ̇ “ጋድ ኤ̈ሺ̇ን ዎይ ኣራባ̇ሺ ሙታ̇ ጋሚኖ ኣሳን ዓት̇ ዓይ ዬይኔ፤

⁷ያሶ̈ናሬ̈ ኢንታ̇ ፌ ኣ̈ል ሞኪ̇ኔ̈። ዓን ኣሳን ዎይ ዬሱ̈ሳ ጌይዝ ሜላ ካ̈ቲ ኬስኪ̇ኔ̈ ጋ̈ሪ ቄ̈ሳ̈ራ ሂጊ̇ን ኢጺ̇̈ሬ” ጌይዴ።

⁸ዎርዣ̈ዲኬ ካታሚን ኣቂሲዝ ኣሳን ዪና̇ ሲስካ̇ሪ ዎይ ሼንእ ሼንእ ጌይዴ።

⁹ዪኒ̇ፖ ዎሃ̈ ያሶ̈ናኬ ኣስ ሜላን ዋ̈ሳ ጼይጊሳር ኣ̈ል ኢንታ̇ ሚሺዴ።

¹⁰ኣማ̇ኒኖ̈ ኣሳን፥ ኤሊባራ̈ ጳውሎ̈ሳኬ̈ ሲላ̇ሳኬ̈ ቃሚ̇ኖ ቃሚ̇ን ኢዝባራ ቤ̈ራ ካታማ ሚሺዴ። ኢንታ̇ር ኢና ዬሊ̇ኖንዲፌ̈ኒ ኣይሁዳን ዎ̈ሳ ኬ̈ ጋርታ̇ ጌሊዴ።

¹¹ቤ̈ራ ጋዶ̇ ኣሳን ታሶሎንቃ̇ ዎ̈ ኣሳንፖ̇ ኮሽ̇ ቆፒ̇ዝ ቡ̈ዳባሮ ኣሴ። ኣባ ጌይን ባዝ “ዪና̇ ኪንዶ̈ኔ” ጋ̈ሪ ጾ̈ሳ̇̇ ቃ̈ላ ጻ̈ፊንቲ̇ኖ ማጻ̈ፋ ዎይ ጋላስ ናባ̇ቢሙታ̇ ቃ̈ሊንዳሬ ጴች ኡፋይስባር ኤኪ̇ዴ።

¹²ዪ̈ኮታ̇ቦ ኢንታ ጋርታ̇ፖ ዎይሊን ኣይሁድ ኣሳን ጎዳ ኣማ̇ኒዴ። ማ ኢንታ̇ባር ዎይሊን ግሪ̈ክ ጋዶ̇ ኤሪንቲ̇ኖ ማጫ̇ንኬ ግሪ̈ክ ኣቲናንሬ ጎዳ ኣማ̇ኒዴ።

¹³ዎቲናካር ታሳሎንቃ ዎ ኣይሁድ ኣሳንሬ፥ ጳውሎ̈ሲ ጾ̈ሳ̇̇ ቃ̈ላ ቤ̈ራ ጋዳ̇ ሳባ̇ኪኖን ሲስካ̇ሪ ኢና ሉ̈ካ̇ሪ ዎርዣ̈ ኢንታ̇ጋልዳ̇ ዲንዴ።

¹⁴ዪና̇ ኢዝባራ ኣማ̇ኒዝ ኣሳን ጳውሎ̈ሳ ኤኢሪ ባሃ̈ሪን ቡጊድ ሉካ̇ምፔ̈ን ዎቲዴ። ሲላ̇̈ሳኬ ጢማ̈ቶ̈ሳ ኢና ኣቲ̇ዴ።

¹⁵ጳውሎ̈ሳ ኣ̈ንዳብ ኤኪ̇ ሉኪ̇ኖ ኣሳን ኣቴ̈ና ካታማ ኢያ ኤ̈ጚ ዬልሪ ኢናፖ̇̈ ሲላ̇̈ሳኬ ጢማ̈ቶ̈ስኬ ኤሊ̇ባር ፌ̈ክ ዬ̈ምፔ̈ን ዪዝ ጌይዝ ኪ̈ታ ጳውሎ̈ሳ ጋልዳ̇ፖ̇ ኤካ̇ሪ ቤ̈ራ ካታማ ማ̈ቂ̇ዴ።

¹⁶ጳውሎ̈ሲ ኣቴ̈ናዶ̈ሪ ሲላ̇̈ሳኬ ጢማ̈ቶ̈ሳ ና̈ጋምባራ ካታሚን ጋርታ̇ ዎይሊን ኤ̈ቃ ዎን ቤቃ̇ሪ ኢ ዎይሊን ሺን̇ ጌይዴ።

¹⁷ዪ̈ኮታ̇ቦ ኢ ኣይሁድ ዎ̈ሳ ኬ̈ ጋርታ̇ዶ̈ሪ ኣይሁዳንባርኬ ጾ̈ሳ̇̇ ጎሽቲ̇ዝ ግሪ̈ክ ኣሳንባራ ማ ጋቢ ጋልባራ ፌ̈ና ዬሊ̇ዝ ኣሳንባራ ዎይ ጋላስ ፋላሚዴ።

¹⁸ኤፋቅሮ̈ስ ጌይዝ ና̈ሳ ዎሂን ዬ̇ዝ ኣሳንኬ ኢስጦ̈ካ ጌዪንቲ̇ኖ ኤራን ጋርታ̇ፖ ፔቲ̇ ፔቲ̇ ኣሳን ኢ̈ክ ዬ̈ሪ ኢባር ፋላሚ ኤ̈̇ዴ። ፔቲ̇ ፔቲ̇ ኣሳን “ዓ̈ ና̈ሳ ሊሻ ኖ̈ና ኣብዝ ጋ̈ንዳ̇ብ ኮዪና̈?” ጌይን ዶካ̇ን፥ ማ ዬሱ̈ሳባዝኬ ኢ ዓይቃ ጋርታ̇ፖ ዲንዲ̇ዝ ጎይ ሳባ̇ኪኖን ሲስካ̇ሪ “ሜላ ኦራ ኤ̈ቃ ጎይ ሶ̈ሊዛ ማይጺ̈ሬ” ጌይዴ።

¹⁹ኢያ ኤ̈̇ሪ ኣሮስፋ̈ጎስ ጌይዝ ቤስ̇ ሺ̈ቃ ቤስ̇ ኤ̈ጛሪ ኢ̈ኮ “ኔ ታማ̈ርሳዝ ኦራ ቲሚርቲ̇ን ዓና̇̈ ኢዛ ኣብዝኮ ኑ ኤራንዳብ ኮዪ̈ሬ።

²⁰ማ ኔ ሶ̈ላዚን ኑ ሲስኪ̇ ኤራካ̇ዮ ኦራባዝ ማ̈ቂኖ̈ኮታ̇ቦ ኢዛ ኣብዝ ጋ̈ርኮ ኑ ኢዛ ኤራንዳ̇ብ ኮዪኔ” ጌይዴ።

²¹ኣቴ̈ና ዎ̈ ኣሳን ዎይ ማ ኢና ዶኢዛን ሜላ ጋዶ̇̈ ኣሳንሬ ሜላ ባዝ ኦ̈ዚምፖ̇ ሺ ዎይ ጋላስ ኦራባዝ ሶ̈ሊንቲ̇ሙታ̇ኬ ሲስኪ̇ሙታ̇ ሜላ̇ ፌ̈ሽካዚን ዶሲ̈ሬ።

²²ኢናፖ ጳውሎ̈ሲ ኣራስፋ̈ጎስ ሺ̈ቂኖ ዎርዣ ቲ̈ን ኤቃ̇ሪ ኢንታኮ̈ “ኣቴ̈ና ካታማ ኣሳን! ዪንቲ̇ ዎይ ጎይባራ ሃይማኖ̈ታ ካዝ ኣስ ማ̈ቂ̇ኖን ቴ ኤራ̈ሬ።

²³ቴ ዪንታ ካታሚን ጋርታ ዬ̇ ቢሪንታ ዪንቲ̇ ጎሽቲ̇ዝ ባዛን ቤቃ̇ዚምባ̇ራ ‘ኤሪንቲ̇ባ̈ሶ ጾ̈ሳ̇̇ቦ’ ጌይዝ ጺፋታ ዎ̈ ዣ̈ርሻ̇ ቤስ̇ ቤቂ̇ንዶ̈ን፥ ዪዚ ዪ ዪንቲ̇ ኤራካ̇ይዶር ጎይኒዛ ኢያ ቴ ዪንታ̇ብ ሶ̈ላንዳ።

²⁴“ዓና̇ ኣላሚንዲኬ ኢዝ ጋርታ ዎ̈ ባዛን ዎይ ኮቺ̇ኖ ጾ̈ሳ̇̈ ኢ ኣፎ ጪሊምቤኬ ሳ̈ዳ̇ ሳ̈ዚምቦ ጎዳ̈ ኢያ። ዪ̈ኮታ̇ቦ ኢ ኣሳ ኩሽባር ኬ̈ጺንቲ̇ኖ ኬ̈ ጋርታ̇ ዶኢባ̈ሴ።

²⁵ኢ ኣሳ ዎይ̈ቦ ሼምፓኬ̈ ካሳትኬ ማ ሜላ ባዛር ዎይ ኢሚ̇ዛ ኢያ ጋሚዝ ባዚ ባዮ̇ኮታ̇ቦ ኣሳ ማ̈ዲ ኢ̈ብ ኮዪሲባ̈ሴ።

²⁶ኢ ኣሳ ዜር ዎይ ፔቲ̇ ኣሳፖ ኮቻ̇ሪ ሳ̈ዝ ዎይ ጋልዳ ዶኣምፔ̈ን ዎቲዴ። ኢንቲ̇ ዶኣዝ ላይንዲኬ ዶኣዝ ቤሲ̇ን ኢንታ̇ብ ዎሳ̇ኒ ኢሚ̇ዴ።

²⁷ዪ̈ዳሬ ኣሳን ጾ̈ሳ̇̇ ኮዪ ኮያሪ ዲጛምፔ̈ንዶኔ ጋ̈ሪ ዎቲኔ። ማ̈ቂናካሬ ኢ ኑ̈ ዎይ̈ንፖ ጎት̇ ዎ̈ ጌንት ጊዳካ̇ዬ።

²⁸‘ኣባ ጌይን ኑ ሼምፓባር ዎንዲኬ̈ ኑ ዬ̇ዚንዳ̇̈፥ ኑ ዶኢንዳር ዎይ ኢባራ’ ዪንታ̇ ጋርታ̇ፖ ፔቲ̇ ፔቲ̇ ኤራ ኣሳን ጌይኖንዲፌ̈ኒ ‘ኑ̈ናር ማ ኢ̈ብ ናኤ̈።’

²⁹“ዪዚ ኑ ጾ̈ሳ̇̇ ናኢ ማ̈ቄ̇̈ጌንዶ̇̈፥ ጾ̈ሲ̇ ኣሳ ቆፊባርኬ ኣሳ ኤራባራ ኦ̈ሲንቲ̇ኖ̈ ዎርቃ ዎይ ቢራ̈ ዎይ ሹች ማይጺ̈ሬ ጋ̈ሪ ቆፓ̇ንዳ̇ብ ኮሺባ̈ሴ።

³⁰ዓኒ̇ፖ̇ ቲ̈ን ‘ኣሳን ዪንፌ̈ኖ ባዛን ኤራካ̇ይዶ̈ር ዎቲኔ̈’ ጋ̈ሪ ጾ̈ሲ̇ ዪ ዎይ ኣሻ̇ር ኣ̈̇ኔ። ዓት̇ ዎይ̈ ቤስ̇ ዎ̈ ኣሲ ዎይ ማ̈ሪቲ ጌላምፔ̇̈ኒ ኪ̈ቲ̇̈ሬ።

³¹ኢ ፌ ማራ̇ጺኖ ና̈ሳ ጎይባራ ኣላማ ጋልዳ̇ ጺላ̇ ፋራ̇ዲዝ ቃሚ̇ን ኣ̈ንታ̇ኮ ዎሳ̇ኒኔ። ጾ̈ሲ̇ ዪኖ̇ ኣሳ ዎይ̈ቦ̈ ኤርሲኖ̈ዲ ኢያ ዓይቃ ጋርታ̇ፖ̇ ዲንኖ̈ ጎይባራ” ጌይዴ።

³²ኢንታ̇ሬ “ኣሲ ዓይቃ ጋርታ̇ፖ̇ ዲንዲ̈ሬ” ጋ̈ዚን ሲስካ̇ሪ̈ ፔታ̇ን ፔታ̇ናን ኢ ጋልዳ̇ ሚ̈ጪ̇ዴ። ሜላን ማ “ባዝ ዪኒ̇ኮን ኑ ኔ̈ፖ ዓታ̇ር ማሂ ሲስካ̇ንዳብ ኮዪ̈ሬ̈” ጌይዴ።

³³ዪኒ̇ባራ̈ ኢ ኢንታ ጋርታ̇ፖ ኬስኪ̇ ሉኪ̇ዴ።

³⁴ፔቲ̇ ፔቲ̇ ኣሳን ጳውሎ̈ሲ ጌይኖን ሲስካ̇ሪ̈ ጎዳ ኣማ̇ኒዴ፤ ኢባሮ ኣስ ማ̈ቂ̇ዴ። ዪን ኣማ̇ኒኖ ኣሳን ጋርታ̇ፖ ኣሮስፋ̈ጎስ ፊርድ ኣ̈ሎ ኣስ ዳይኖሲሳ ጌይዛ̈ዳ፣ ዴማ̈ሪስ ጋ̈ዝ ማጪ̇ንዲኬ ማ ሜላንር ዎ̈።