Read basketo ሃዋ̈ 2 Bible Online

ሃዋ̈ 2 - basketo bible

ሃዋ̈ 2

¹ጴ̈ንጤቆ̈ስጣ[3] ጌይዝ ባ̈ላ ጋላስ ዬሱ̈ስ ታማራን ዎይ ዎል ፔታ̇ን ፔቲ̇ ቤስ̇ ሺ̈ቃር ዎዶ̈ን፥

²ኢንቲ̇ ቆፓካይዶ̈ን ጴች ዉርጊ ጊርቂዛ̈ዲፌ̈ን ጊርሲ ኣፋፖ̇ ዬ̈ሪ ኢንቲ̇ ዎ ኬ̈ምባር ኩሚዴ።

³ታማ ላ ማይጺዝባዝ ኢንታ̇ብ ቤንቲ̇ዴ፤ ዪና̇ ታማ ላ ማይጻዚን ፋጊንታ̇ ፋጊንታ̇ር ዎይን ጋልዳ ሉካ̇ር ሶ̈ባዴ።

⁴ኢናፖ ዎይን ጌ̈ሻ̇ ኣያ̇ናባራ ኩሚዴ፤ ጌ̈ሻ̇ ኣያ̇ና̈ዲ ኢንቲ̇ ሶ̈ላምፔ̈ን ኢንታ̇ብ ኢሚ̇ኖንዲፌ̈ኒ ዱማ ዱማ ኖ̈ናባር ሶ̈ሊ ኤ̈̇ዴ።

⁵ኣላማ ጋልዳ ዎ ጋዳን ዎይን ጋርታ̇ፖ̇ ዬይኖ ዎይ ጋላስ ጾ̈ሳ̇̇̈ቦ ጎሽቲዝ ኣይሁድ ዜርን ዬሩሳ̈ላም ጋርታ ዎዶን፤

⁶ኢንቲ̇ ዪና̇ ጊርሲን ሲስካ̇ሪ ዎይሊን ኣስ ማ̈ቃ̇ር ኢና ሺ̈ቂዴ፤ ዎይን ኢንታ̇ ኖ̈ኒንባር ሶ̈ሊን ሲስካ̇ሪ ጋራ̇ሚንቲ̇ዴ።

⁷ኢንታር ዎይሊን ጋራ̇ሚንታ̇ሪ “ዓን ዓ̈ፌ̈ን ሶ̈ሊዛን ዎይ ኢንቲ̇ ጋሊላ ጋዶ̇ ኣስ ባያ?

⁸ኢንቲ̇ ኑ ዎይን ኖ̈ኒንባር ሶ̈ሊን ኑ ሲስካ̇ዚን ዓና̇ ዎዛራ?

⁹ኑ̈ኒ ጳሪጣፖ፣ ሜ̈ዳፖ፣ ኤ̈ላማፖ፣ ሜሶጶጣማፖ፣ ዪሁዳፖ፣ ቄጴዶቃፖ፣ ጳ̈ንጦሳፔኬ ኢ̈ሳፖ፣

¹⁰ፊርጋፖ፥ ጲንፊላፖ፣ ጊብጻፖ፣ ቄሬ̈ና ላፍ ዎን ሊ̈ባ ጋዳ̇ ዶኢዛን፤ ማ ሮማ ጋዳ̇ፖ̇ ዬ̈ይኖ ኣይሁዳንኬ ዎሃ ኣይሁድ ኣማ̇ና ጋርታ̇ ጌሊኖንር ዎ።

¹¹ማ ቄርጤ̈ሳፕኬ ኣራባፖ̇ ዬይኖ ኣሳንር ዎ። ዪዚ ዪን ኑ ዎይ ጾ̈ሳ̇ ኦ̈ኖ ጴቻ̇ ኦ̈ሲን ኣሳን ኑ ኖ̈ኒንባር ሶ̈ላዚን ዓ̈ዲሼ ኑ ሲስኪ̈ሬ።

¹²ዪዚ ዎይን ጋራ̇ሚንታርኬ ኢንታ̇ ጌይዝ ባዚ ዪን “ዓፌ̈ኖ ባዝ ኣብዝዶኔ” ጋ̈ሪ ዎል ዎልኣ ኦይጪ̇ዴ።

¹³ፔታ̇ን ፔታ̇ናን “ዓን ዎይና ዣ ኡሽካ̇ር ማሲቲኔ” ጌዪ ኢንታ̇ ጋልዳ ሚ̈ጪ̇ዴ።

¹⁴ኢናፖ ጴ̈ጥሮ̈ሲ ታጶ̇ ፔቲ̇ ሃዋ̈ራታንባር ዎልኣ ኤቃ̇ር ፌ ቆ̈ን ሾክ̇ ዎታሪ ዎርዣ̈ኮ “ዪንቲ̇ ዪሁዳ ጋዶ̇ ኣሳንኬ ዬሩሳ̈ላም ዶኢዝ ኣሳን ዎይ፥ ዓና̇ ኢዛ ኣብዝኮ ኤራንዳ̇ቦ ታ ሶ̈ላዚን ዋይሳር ሲስኪ̇ብቴ።

¹⁵ሳ̈ዚ ዎንቲ̇ኖፖ̇ ቢርት ዓይዚ̇ ሳኣ̈ታ። ዪንቲ̇ ቆፒኖንዲፌ̈ኒ ዓን ኣሳን ማሲቲኖ ኣስ ጊዳካ̇ዬ።

¹⁶ዓና̇ ማ̈ቂ̇ኖንዳ̇ ሚን ናባ ዩኤ̈ሊ ሶ̈ሊ̈ርዶሪ፥

¹⁷“ ‘ጊዳን ዉርሲ ቃምባራ፥ ታ̈ኒ ታ ኣያ̇ና ኣስ ዎይ ጋልዳ ሶ̈ቢሳንዳ፤ ዪንታ̇ ናኣን ኣቲናንኬ ማጫ̇ ናኣን ካያ ካ̈ዪዝዳ፤ ኤርዳንሬ ሳጻ ቤቂ̇ዝዳ፤ ጪጛሻንሬ ኣይባ ቤቂ̇ዝዳ።

¹⁸ማ ዪን ቃማ̇ን ጋርታ̇፥ ኣቲናእኬ ማጫናእ ታ ኣይላን ጋልዳ ታ ኣያ̇ና ሶ̈ቢሳንዳ፤ ኢንታ̇ሬ ካ̈ያ ካ̈ዪዝዳ።

¹⁹ፉዳ ኣፋ ጋራ̇ሚሲዝ ባዚ፥ ቶ̈ራ ሳ̈ዳ̇ር ታ̈ሚ̇ራ̈ታ ቤይሳንዳ፤ ሱ̈ኬ ታማኬ ጩ̈ይዥ ቃይቃያ ቤንቲ̈̇ሬ።

²⁰ጎዳ ዬ̈ዝ ጴችኬ ጋራ̇ምሳዝ ቃሚ̇ን ዬላናፖ̇ ቲ̈ን፥ ኣዋ̈ፊን ̈ማ̇̈ሬ፤ ኣጋኒንዳር ዞቃ̇ር ሱ̈ ማይጻ̈ሬ።

²¹ጎዳ ሱምን ጼይጊዝ ኣሲ ዎይ ፋጺ̈ሬ’ ጌይሬ።

²²“ኢስሬ̈ላ ጋዶ̇ ኣሳን! ዓና̇ ቃ̈ሊን ሲስኪ̇ብቴ፤ ዪንቲ̇ ኤራዚንዲፌ̈ን ጎዳ ዬሱ̈ሲ ጾ̈ሲ̇ ዪንታ̇ ጊዳ̇ ኢባር ማ̈ቃ̇ር ኦ̈ኖ ታ̈ሚ̇ራ̈ታንባራ፣ ጋራ̇ሚሲዝ ባዛንባርኬ ማላ̇ንባራ ኢ ኦ̈ናኮ ኢ̈ብ ማርኪ̇ቲኖ ኣሴ።

²³ዪ̈ ና̈ሳ̈ዲ ጾ̈ሳ̇̇ ቲ̈ንታር ቆፒ̇ኖንዲፌ̈ኒኬ ኤሪኖንዲፌ̈ኒ ኣሳን ኢያ ዪንታ̇ ኩሽታ ኣ̈ ኢሚ̇ዴ፤ ዪንታ̇̇ር ማ ኢ ዉ̈ጫ̇ ኣሳን ኩሽባር ሶ̈ቲንቲ̇ ዓይቃ̇ምፔ̈ን ዎቲዴ።

²⁴ዎቲናካሬ ጾ̈ሲ̇ ኢ ጋልዳፖ̇ ዓይቃ ዎልቂ̇ን ፋይሪ ዓይቃ ጋርታ̇ፖ̇ ኢያ ዲንዴ፤ ኣባ ጌይን ዓይቆ ኢያ ጋማንዳብ ዳንዳኢባ̈ሶኮታ̇ቦ።

²⁵ዳ̈ዊቲ ኢ ባዝ ሶ̈ሊ̈ርዶሪ፥ “ ‘ታ̈ኒ ጎዳ ዎይ ጋላስ ቴ ቲ̈ኒን ጋርታ ቤቃ̇̈ሬ። ኢ ታ̈ብ ኡሻች ጎይ ዎኮታ̇ቦ ታ ኣባካር ኢ̈ጫ̇ባሴ።

²⁶ዪዚ ዪ̈ኮታ̇ቦ ታ ቡ̈ዲንዳር ኡፋይስባር ኩማዴ፤ ታ ኖ̈ኒንዳር ጋላታባር ኩማዴ፤ ታ̈ናር ታስፋባር ዶኣ̈ሬ።

²⁷ኣባ ጌይን ኔ ታ̈ና ዱ̈ፊ ጋርታ̇ ኣሻ̇ባሴ፤ ኔ ጌ̈ሽ ኣሳ̈ዳ ዶ̈ቻ̇ ጋርታ ዎ̈ቂ̇ ኣታምፔ̈ን ዎታባሴ።

²⁸ኔ ታ̈ና ሼምፓ ጎይን ኤርሳዴ፤ ኔ ታባር ዎኮታ̇ቦ ታ̈ብ ዎ ኡፋይሳ̇̈ዳሬ ፎቲ ማ̈ቂ̇̈ሬ’ ጌይኔ።

²⁹“ቴ ኢሺንታ̇ን! ቲ̈ኖ ኑ ባ̈ቢንታን ጋርታፖ̇ ፔታ̇ና ዳ̈ዊቲ ዓይቂ̇ኖንዶ፣ ዱ̈ኪንቲ̇ኖንዶ፣ ኢ ዱ̈ፊንዳ̇ር ዓኖ̇ ዬሊ̇ዝ ዲራስ ኑ ጊዳ̇ ዎን ቴ ዪንታ̇̇ብ ፋል̇ ሶ̈ላ̈ሬ።

³⁰ኢ ዪኖ̇ ሶ̈ሊኖንዳ̇ ኢ ና̈ቢ ማ̈ቂ̇ኖኮታ̇ብኬ ጾ̈ሲ̇ ኢ̈ኮ ‘ታ̈ኒ ኔ ዜር ጋርታ̇ፖ̇ ፔታ̇ን ኔ ዙ̈ፋኒን ጋልዳ̇ ጋዳ̇ንዳ̇’ ጋ̈ሪ ጫ̈ቃባር ኢ̈ብ ቃ̈ላ ጌሊኖን ኤሪዛኮታ̇ቦ።

³¹ክርስቶ̈ሲ ዱ̈ፋ ጋርታ ኣቲ̇ባሶንዲኬ ኢ ኣይሺ̇ን ዎ̈ቃ̇ር ኣታ̇ባሶን ቲ̈ኒታር ቤቃ̇ሪ ኢ ዲንዲ̇ን ጎይ ሶ̈ሊኔ።

³²ጾ̈ሲ̇ ዬሱ̈ሳ ዓይቃ ጋርታ̇ፖ̇ ዲንኔ፤ ኑ ዎይን ዪኒ̇ቦ ማርካ̇።

³³ኢ ጾ̈ሳ̇̇ ላፍ ሾክ ሾክ ጌይኖፖ̇ ዓኒ ጌ̈ሻ̇ ኣያ̇ና ታስፋ ጾ̈ሳ̇̇ ጋልዳፖ̇ ኤካ̇ር ዓት ዪንቲ̇ ቤቃ̇ዚንዲኬ ሲስካ̇ዚን ኣሳ̈ብ ኢሚ̇ዴ።

³⁴ዪዚ ዳ̈ዊቲ ፌ ቆሚ̇ን ኣፋ ሉካካ̇ዬ። ዎቲናካሬ ኢ ፌ ቆሚ̇ን፤ “ ‘ጎዳ̈ዲ ቴ ጎዳ̈ኮ ጌይርዶሪ፥ “ኔ ጻላ̈ታን ቴ ኔ ሲልጣኒን ጻና ኣ̈ዝ ዲራስ፥ ዓንዳ ታ ኡሻች ጎይ ዶኣቤ” ጌይዴ’ ጌይኔ።

³⁵

³⁶“ዪዚ ዪ ዪንቲ̇ ሶቲ̇ኖ ዬሱ̈ሲ፥ ጾ̈ሲ̇ ኢያ ጎድኬ ክርስቶ̈ሳ ማሂኖን ኢስሬ̈ላ ዎርዣ ዎይ ኤሮጋ̈ቤ” ጌዪ ሶ̈ሊዴ።

³⁷ዎርዣ̈ዳሬ ዪኖ̇ ሲስካ̇ሪ ኢንቲ̇ ሲስኪ̇ኖ ባዚን ኢንታ ጋርሲን ሚቺ̇ን ጴ̈ጥሮ̈ሳኬ ሜላን ሃዋራታንኮ “ኑ ኢሺንታ̇! ኑ ዓት ኣብዝ ዎታኔ” ጌይዴ።

³⁸ጴ̈ጥሮ̈ሳር ኢንታ̇ኮ “ማ̈ሪቲ ጌሊብቴ፤ ዪንታ̇ ናጋራ ዪንታ̇ብ ኣቶ̇ ጌዪንታ̇ምፔ̈ን ዪንቲ̇ ዎይን ዬሱ̈ስ ክርስቶ̈ሳ ሱምባር ጻማ̇ቂንቲ̇ብቴ̇፤ ጾ̈ሲ̇ ዪንታ̇ብ ጌ̈ሻ ኣያ̇ና ኢሚ̇̈ሬ።

³⁹ጾ̈ሲ̇ ኢሚ̇ሬ ጌዪ ሶ̈ሊኖ ታስፋ ቃ̈ሊንዳ ዪንታ̇̇ቦ፣ ዪንታ̇ ናኣንብኬ ጎዳ ጾ̈ሳ̇̇ዲ ፌ̈ክ ጼይጊዛን ጎት ዎ ኣሳንባር ዎይዬ።

⁴⁰ሜላር ዎይሊን ቃ̈ላ ኢንታ̇ብ ሶ̈ሊ ሙታ̇ “ኢንታ̇ ቡ̈ዳ ጋርታ̇ ኢ̈ታ ባዝ ኩሚኖ ዓታ̇ባሮ ኣሳ ዓ̈ ጋልዳ ዬ̈ይዝ ጎይላ ጋልዳፖ̇ ቡ̈ቲ̇ብቴ” ጋ̈ሪ ኢንታ̇ ዞሪዴ።

⁴¹ጴ̈ጥሮ̈ሲ ሶ̈ሊኖ ቃ̈ሊን ሲስኪ̇ ኤኪ̇ኖን ጻማ̇ቂ̇ንቲ̇ዴ፤ ዪና̇ ኢዝ ጋላሲ̇ን ዓይዚ̇ ሙኩላ ኣስ ማ̈ቃ̇ምፔ̈ኖ ኢንታ̇ ጋልዳ ጉጂንቲ̇ዴ።

⁴²ኢንታሬ ሃዋ̈ራታን ቲሚርታ ሲስኪ̇ሙታ፣ ዎልኣ ፔታ̇ን ማ̈ቃር ዶኢ፣ ሞ̈ዝ ፊሺንዳር ዎልኣ ሙዪ ማ ዎ̈ሳባራር ዎይ ዎልኣ ሚጛር ዎ̈ሲ̈ሬ።

⁴³ጾ̈ሲ̇ ሃዋ̈ራታንባራ ዎይሊን ጋራሚሲዝ ባዝኬ ታ̈ሚ̇̈ራታ ኦ̈ኖኮታ̇ቦ ኣሲ ዎይ ኢ̈ች ኤ̈ዴ።

⁴⁴ኣማ̇ኒኖ ኣሳን ዎይ ዎልኣ ፔታ̇ን ማ̈ቃ̇ር ዶኢዴ፤ ፌ̈ብ ዎ ባዝ ዎይ ዎልኣ ፔታ̇ን ማሂዴ።

⁴⁵ፌ ሳ̈ዚንዲክ ፌ̈ብ ዎ ቆሊንንስ ጋርታ̇ፖ̇ ዎ̈ጚሙታ̇ ፔቲ̇ ኣሳብ ቆሚ̇ን ቆሚ̇ን ኢንታ̇ብ ኮሻ̇ዚንዲፌ̈ኒ ኢሚ̇̈ዴ።

⁴⁶ዎይ ጋላስ ጾ̈ሳ̇̇ ኬ̈ ጋርታ̇ ዎልኣ ፔታ̇ን ሺ̈ቂ̈ሬ፥ ማ ፌ ኣ̈ላሬ ፊ̈ሽ ሙይርዶር ኡፋይሳ̇ባርኬ ኮሽ ቡ̈ዳባራ ዎልኣ ሙይሬ፤

⁴⁷ጾ̈ሳ̇̇̈ዳር ጋላቲ̈ሬ፤ ኣሲ ዎይ ኢንታ ቦንቺ̈ሬ፤ ማ ጎዳ̈ዲ ኢያ ኣማ̇ኒዝ ኣሳን ዎይ ጋላስ ኢንታ̇ ጋልዳ ጉጂ̇̈ሬ።