Read basketo ሃዋ̈ 21 Bible Online

ሃዋ̈ 21 - basketo bible

ሃዋ̈ 21

¹ኑ ኢንታ ጋልዳፖ ፋጊንቲ̇ኖፖ ዓኒ ማርካባ ጋርታ ጌላሪ ቆ̈ስ ጋዝ ዴሴቲን ጋልዳ ዬሊ̇ዴ፤ ኢዝ ዎንን ሩ̈ዳ ጋዝ ዴሴቲን ጋልዳ ዬሊ̇ዴ፤ ኢናፖ ጥራ ጋዝ ካታሚን ጋርታ ሉኪ̇ዴ።

²ኢና ፊንቃ ጋዳ̇ ሉኪ̇ዝ ማርካባ ዲጛር ኢዝ ጋርታ ጌላሪ ጎይን ሉፊ ኤ̈ዴ።

³ቆጲሮ̈ሳ ጋዚ ዴሴቲን ኑ̈ፖ ዓዲርስ ጎይ ኣሻ̇ሪ ሶ̈ራ ጎይባራ ሉካ̇ሪ ኑ ጌሊኖ ማርካቢንዳ ፌ ኤ̈ጚዝ ባዛን ባሃራ ላፍ ዎን ጢሮ̈ሳ ጋዳ ሶ̈ቢሲዛኮታ̇ቦ ኑ̈ናር ኢና ሶ̈ቢዴ።

⁴ኢና ኣማ̇ኒኖ ኣሳን ዲጛሪ ኢንታባር ታብዛ ቃም̇ ዶኢዴ፤ ኢንታ̇ሬ ጌ̈ሻ̈ ኣያ̇ና ኢንታ̇ ቆፊሲን ጳውሎ̈ሳኮ “ኔ̈ኒ ዬሩሳ̈ላም ሉካ̈ፔ” ጋ̈̈ሪ ኢብ ሶ̈ሊዴ።

⁵ኑ ኢና ዶኣዝ ቃሚ̇ን ዉሪን ኢንታካፖ ዲንዳር ዬ ኤ̈ዴ፤ ኣሳን ዎይ ፌ ማጫ̇ንኬ ፌ ናኣንባር ዎልኣ ማ̈ቃ̇ሪ ካታሚንፖ ቡጊድ ዬሊ̇ዝ ዲራስ ኑ̈ና ኣ̈ን ባሃሪን ቡጊዲን ጋልዳ ኑ ዎልኣ ቡቂንታ̇ር ዎ̈ሲ̇ኖፖ ዓኒ ዎል ዎልኣ ሳሪዴ።

⁶ኢናፖ ኑ̈ኒ ማርካባ ጋርታ ጌሊን ኢንቲ ፌ ኣ̈ል ማ̈ቂ̇ዴ።

⁷ኑ̈ኒ ጢሮ̈ሳ ካታሚንፖ ዲንዳ̇ሪ ማርካባባር ጴጣላማይስ ጋ̈ዝ ካታሚን ጋርታ ዬሊ̇ዴ፤ ኢና ኣማ̇ኒኖ ኣሳን ዬላ̇ር ሳሪኖፖ ዓኒ ኢንታ̇ባር ኢና ፔቲ̇ ቃም̇ ኣቂዴ።

⁸ኢዝ ዎንን ኢናፖ ዲንዳ̇ሪ ቂሳ̈ራ ካታሚን ጋርታ ሉኪ̇ዴ ኢና ዎጛላ ሳባ̇ኪዛን ታብዛን ጋርታፖ ፔታ̇ና ፊልጶ̈ሳ ኣ̈ል ጌላሪ ኢባር ዶኢዴ።

⁹ኢ̈ቦ ካ̈ያ ካ̈ዪዝ ኢሚቲ ዎ ኦይዲ ማጫ ናኢ ዎ።

¹⁰ኑ̈ኒ ኢና ዎይሊን ቃም̇ ጋምኢኖፖ ዓኒ ኣጋ̈ቦ̈ሳ ጌይዝ ናባ̈ዲ ዪሁዳ ጋዳ̇ፖ ዬይዴ።

¹¹ዪ ናባ̈ዲ ኑ̈ክ ኡካ̇ር ጳውሎ̈ሳ ቃባቲ̇ን ኤካ̇ሪ ፌ ኩሺንዲኬ ፌ ቶሂን ኢዝባር ቃቻ̇ሪ “ጌ̈ሻ̈ ኣያ̇ናዲ ዓና̇ ቃባቲ̇ን ላ̈ዳ ዬሩሳ̈ላም ጋዶ̇ ኣይሁዳን ዓኒ̇ፌ̈ን ቃቻ̇ሪ ኣይሁድ ባዮ̇ ኣሳንቦ ኣ̈ር ኢሚ̇̈ሬ ጌይሬ” ጌይዴ።

¹²ኑ̈ኒ ዪኖ̇ ሲስካ̇ሪ ኑ̈ናኬ ኢና ዎ ኣሳን ዎልኣ ማ̈ቃ̇ሪ ጳውሎ̈ሲ ዬሩሳ̈ላም ሉካ̈ካይፌ̈ን ኢያ ጌሺዴ።

¹³ዎቲናካሬ ጳውሎ̈ሲ ኢንታ̇ኮ “ዪንቲ ዓ̈ፌ̈ን ዬ̈ኪ̇ሙታ̇ ታ̈ና ኣባብ ኣዛን̈ራ? ታ̈ኒ ጎዳ ዬሱ̈ሳ ጊሻ̇ቦ ዬሩሳ̈ላም ጋዳ̇ ቃቺንቲ̇ዛ ሙታ̇ ጊዳካ̇ይዶን ዓይቃ̇ንዳብ ጊ̈ጊንቲ̇ኔ” ጋ̈ሪ ማሂዴ።

¹⁴ኑ ዞ̈ሪን ኢ ኤካብዳ ጌዪ ኢጺን “ዪዚ ዪዶኮ ጎዳ ጌዪኖ ባዝ ማ̈ቆ̇” ጋ̈ሪ ኣሺ̇ዴ።

¹⁵ኢና ጊላ̇ ቃም̇ ጋምኢኖፖ ዓኒ ኑ ኢቃን ጊ̈ጊሳሪ ዬሩሳ̈ላም ሉኪ̇ዴ።

¹⁶ቂሳ̈ራ ጋዳ̇ ዎ ኣማ̇ኒኖ ፔቲ̇ ፔቲ̇ ኣሳን ኑባር ዬይዴ፤ ኢንቲ ኑ̈ና ሚናሶ̈ና ጌይዝ ና̈ሳ ኣ̈ል ሼምፖ ጋ̈ሪ ኢ ኣ̈ል ኤ̈ጚዴ፤ ዪ ናሳ̈ዲ ቆጲሮ̈ሳ ጋዶ̇ ኣስዶሪ ቲ̈ናፓር ኣማ̇ናባር ሚ̈ጚ ዎ ኣሴ።

¹⁷ኑ̈ኒ ዬሩሳ̈ላም ዬሊ̇ን ኣማ̇ኒኖ ኣሳን ኑ̈ና ኡፋይስባር ሞኪ̇ ኤኪ̇ዴ።

¹⁸ኢዝ ዎንን ጳውሎ̈ሳኬ ኑ̈ናኬ ዎልኣ ዓይቆ̈ባ ኦይጫ̇ንዳብ ሉኪ̇ዴ፤ ኑ ሉካ̇ምባራ ዎሳ ኬ̈ ጪጛሻን ዎይ ኢና ዎ።

¹⁹ጳውሎ̈ሲ ኢንታ ዎይን ሳሮ ጌይኖፖ ዓኒ ጾ̈ሲ̇ ኢ ጎይባር ኣይሁድ ባዮ̇ ኣሳን ጊዳ̇ ኦ̈ኖ ባዛን ዎይ ፔታ̇ናር ኣሻካ̇ይዶር ሶ̈ሊዴ።

²⁰ኢንታ̇ር ዪኖ̇ ሲስካ̇ሪ ዎይን ጾ̈ሳ̇̈ ጋላቲዴ፤ ጳውሎ̈ሳኮ “ኑ ኢሻ̈ዶ! ዎይሊን ሙኩላ ማ̈ቂ̇ዝ ኣይሁዳን ጊዳ̇ፖ ኣማ̇ኒኖንዲኬ ማ ዎይን ሙ̈ሳ ሂጊ̇ን ሚ̈ን ና̈ጊዝ ኣስ ማ̈ቂ̇̇ኖን ኔ ኤራ̈ሬ።

²¹ኔ̈ኒ ኣይሁድ ባዮ̇ ኣሳን ጊዳ̇ ዶኢዝ ኣይሁዳን ዎይንኮ ‘ዪንታ ናኣን ጋራዛፒ̇ቴ ዎይ ቲ̈ኖ ዎጊን ፎታፒ̇ቴ’ ጌያ ታማ̈ርሳ ኢንቲ ሙ̈ሳ ሂጊ̇ን ኣሻምፔ̈ን ዎታ̈ሬ ጌዪ ሶ̈ሊንታ̇ዚን ኢንቲ ሲስኪ̇ኔ።

²²ኔ ዬ̈ዚን ኢንቲ ሲስኪ ኣቲባ̈ስዶን፤ ዪዚ ኑ ኣብዝ ዎታንዳብ ኮሺራ?

²³ዪዚ ኑ ኔ̈ክ ጋ̈ዝ ባዚን ኔ̈ኒ ኦ̈ቤ፤ ኑ ጊዳ̇ ቃ̈ጚ ኢንታ̇ብ ዎ ኦይዲ̇ ኣሳን ዎ፤

²⁴ኣሳን ዪን ኤካ̇ራ ኢንታ̇ባር ዎልኣ ማ̈ቃ̇ራ ኔ ኔና ጌ̈ሻ̈ቤ፤ ጾ̈ሳ̇̈ ኬ̈̈ብ ኢማ̇ዝ ማባ ሚ̈ሺ̇̇ን ኢንቲ ፌ ቆሚ̇ን ሜ̈ዳምፔ̈ን ኢንታ̇ብ ኢማ̇ቤ፤ ኔ ዪኖ̇ ዎቴጌይንዶ ቲ̈ን ኔ ጋልዳ ሶ̈ሊንቲ̇ኖ ባዚ ዎይ ሜላ̇ ዓሪ ማ̈ቂ̇ኖንዲኬ ኔ̈ኒ ሂጊ̇ምቦ ኪ̈ቲንቲ̇ዝ ኣስ ማ̈ቂ̇ኖን ዎይን ኤሪ̈ሬ።

²⁵ኣይሁድ ዜር ጊዳ̇ካይዶሪ ኣማ̇ኒኖ ኣሳን ጻላሃብ ዣሪሺኖ ፊ̈ሺ፤ ሱ̈ኬ ጋ̈ዲ ኤ̈ን ዓይቂ̇ኖ ሜሃ ኣይሽ ሞ̈ካ̇ዮዲፌ̈ኒ ማ ኦሎላ ጋዳ̇ዚን ጋልዳፖ ፌ̈ና ና̈ጋምፔ̈ን ጋ̈ሪ ኑ ኢንታ̇ብ ጻፊ ሚሺኔ” ጌይዴ።

²⁶ጳውሎ̈ሲ ኢዝ ዎንን ኣሳን ኤካ̇ሪ ኢንታባር ዎልኣ ፌ̈ና ጌ̈ሺ̇ዴ፤ ኢናፖ ፌ̈ና ጌ̈ሻ̈ዝ ቃማ̇ን ኣ̈ንታ ዉራ̈ርኮ ማ ኢንቲ ፌ ቆሚ̇ን ቆሚ̇ን ማባ ሚ̈ሺ̇̇ን ኢማ̇ዚን ኣ̈ንታኮ ኤርሳንዳ̇ቦ ጾ̈ሳ̇̈ ኬ̈ ጋርታ ጌሊዴ።

²⁷ታብዛ ቃሚ̇ን ዉራንዳ̇ብ ኡኪ̇ንዶን ኢ̈ሳ ጋዳ̇ፖ ዬይኖ ኣይሁዳን ጾ̈ሳ̇̈ ኬ̈ ጋርታ ጳውሎ̈ሳ ቤቃ̇ሪ ዎርዣ ዎይ ዲንሪ ኢያ ኤ̈ዴ።

²⁸“ኢስሬ̈ላ ጋዶ̇ ኣሳን! ኑ̈ና ማ̈ዲ̇ብቴ! ና̈ሳ ዓ̈ዲ ኑ ዎርዣ̈ዲኬ ኑ ሂጊ̇ንዶ ዓና̇ ቤሲ̇ንዳር ቆ̈ሙታ̇ ዱማ ዱማ ጋዳ̇ ዎ ዎርዣ ዎይ ታማ̈ርሲዛ ኢያ፤ ዪ ሙታ̇ ጊዳካ̇ይዶን ኣይሁድ ባዮ̇ ኣሳን ጾ̈ሳ̇̈ ኬ̈ ጋርታ ጌልሳሪ ዓና̇ ጌ̈ሽ ማ̈ቂ̇ኖ ቤሲ̇ንዶ ቄኔ!” ጌዪሙታ̇ ዉይሲዴ።

²⁹ዪኖ̇ ኢንቲ ጌይኖንዳ ዓኒ̇ፖ ቲ̈ን ኤፍሶ̈ና ጋርታ ና̈ሳ̈ ጦርፎሞ̈ሳ ኢባር ካታማ ጋርታ ዬ̈ምባር ቤቂ̇ኖኮታ̇ቦ ኢያ ጳውሎ̈ሲ ኤካ̇ሪ ጾ̈ሳ̇̈ ኬ̈ ጋርታ ጌሊኖ ኢንታ̇ክ ማይጺኔ።

³⁰ካታሚን ዎይ ማ̈ንታ̇ዴ፤ ዎርዣ ዎይ ዎባር ዎል ፔታ̇ን ዬ̈ሪ ጳውሎ̈ሳ ኤ̈ሪ ጎ̈ቺ̇ሙታ̇ዶሪ ጾ̈ሳ̇̈ ኬ̈ ጋርታፖ ኬሲ̇ዴ፤ ጾ̈ሳ̇̈ ኬ̈ ካራ̈ዳር ዎይ ኤሊባር ዪብጺ̇ዴ።

³¹ኣሳን ጳውሎ̈ሳ ዎንዳ̇ብ ኮዪን “ዬሩሳ̈ላማ ካታሚን ዎይ ማ̈ንቲ̇ኔ” ዪዝ ጌይዝ ኪ̈ቶ ሻ̈ላቃ ዬሊ̇ዴ።

³²ዪ̈ኮታ̇ቦ ኢ ዎታ̈̇ዳራንኬ ማታላቃን ፌ ዎሂን ኤካ̇ሪ ኤሊ̇ር ዎባር ኣሳንኮ ሉኪ̇ዴ፤ ኣሳንሬ ሻላቃ̈ዲኬ ዎታ̈̇ዳራን ቤቃ̇ሪ ጳውሎ̈ሳ ቡካ̇ዚን ኣሺ̇ዴ።

³³ሻላቃ̈ዳር ዬዪ ኢ̈ክ ሺ̈ቃር ጳውሎ̈ሳ ኤ̈ሪ ናምኢ ሳንላታባር ቃቺንታምፔ̈ን ኪ̈ቲ̇ዴ። ኢና̈ፖ ኢ ኦ̈ናኮ ማ ኢ ኣብዝ ዎቲኖኮ ኤራንዳብ ኮያሪ ኦይጪ̇ዴ።

³⁴ዎርዣ̈ዳሬ ፔታ̇ን ፔታ̇ናን ፔቲ̇ ባዝ ጌዬጌይን ሜላን ሜላ ባዝ ጌይሬ፤ ሻ̈ላቃ̈ዲ ዎርዣ ዉይሲዛኮታ̇ቦ ኪን ባዚን ኤራንዳ̇ቦ ዳንዳኣካ̇ዮኮታ̇ቦ ጳውሎ̈ሳ ዎታ̇̈ዳራን ዶኢዝ ቤሲ̇ንኮ ኤ̈ጛምፔ̈ን ኪ̈ቲ̇ዴ።

³⁵ዎርዣ ዎይ ሚን ጎይልባር ዲንዳሪ ኢ ጋልዳ ሜታ ዬልንዳብ ኮይኖኮታ̇ቦ ጳውሎ̈ሲ ፉዳ ቤሲ̇ን ጋልዳ ኬስካ̇ር ዬሊ̇ን ዎታዳራን ኢያ ቶካ̇ር ኤኪ ሉኪ̇ዴ።

³⁶ዎርዣ̈ዳሬ “ኢያ ዎብቴ” ጌዪሙታ̇ ዉይስባር ኢ ዎሂን ዬዴ።

³⁷ዎታ̇ዳራን ጳውሎ̈ሳ ቃሺ ኣ̈ል ጌልሳንዳብ ዎታምባራ ጳውሎ̈ሲ ዎታ̇̈ዳራን ኣላቃ̈ኮ “ታ̈ኒ ፔቲ̇ ባዝ ኔ̈ብ ሶ̈ላስቶ” ጌይን ዎታ̇̈ዳራን ኣላቃ̈ዲ ማ ኢ̈ኮ “ኔ ፌ̈ብ ግሪ̈ክ ኖ̈ና ኤራ̈ራ?” ጌይዴ።

³⁸“ኔ̈ኒ ዓኒ̇ፖ ቲ̈ን ዋች̇ ዲንራ ኣስ ዎኖ ኦይዲ ሙኩላ ኣሳን ኤካ̇ር ባራሃ ጋርታ ዎጻ̇ር ጌሊኖ ጊቢጻ ጋዶ̇ ና̈ሳ ዓ ኔ̈ና ባያ?” ጌይዴ።

³⁹ጳውሎ̈ሳሬ “ታ̈ኒ ኪልቃ ጋዳ̇ ኤሪንታ̇ር ዎ ካታሚን ጤርሴሳ ጋርታ ዬሊንቲ̇ኖ ኣይሁድ ዜር፤ ዋ̈ዴ ዎርዣቦ ቴ ፔቲ̇ ባዝ ሶ̈ላምፔ̈ን ታ̈ብ ፋቃ̇ዲሼ” ጌይዴ።

⁴⁰ኢ ሶ̈ላምፔ̈ን ኢብ ፋቃ̇ዲን ጳውሎ̈ሲ ፉዳ ሾክ̇ ጌይኖ ቤሲ̇ን ጋልዳ ኤቃ̇ሪ ዎርዣ ዚም ዶኣምፔ̈ኒ ፌ ኩሽባር ማላ̇ ቤይሲዴ፤ ዎርዣ ዎይ ዚክ ጌይን ኢብራይስጣ ኖና̈ባራ ሶ̈ሊ ኤ̈ዴ።