Read basketo ሮሜ 14 Bible Online

ሮሜ 14 - basketo bible

ሮሜ 14

¹ኢ ኣማ̇ኒን ሊ̈ቅ ማ̈ቂ̇ኖ ና̈ሳ ዪንታ̇ ጋርታ̇ ኢያ ኤኪ̇ብትዶኬ ኢ “ዓና̇ ኮሼ፥ ዓና̇ ኢ̈ቴ” ጌዪ ቆፓ̇ዝ ቆፊን ጋልዳ ዋች ዲንፒ̇ቴ።

²“ዎይ ባዝ ሙ̈ይን ኣባክ ባዬ” ጌዪ ኣማ̇ኒዝ ኣሲ ዎ፤ ኢ ኣማ̇ኒን ሊ̈ቅ ማ̈ቂ̇ኖ ኣሲ ኣይሽ ሞ̈ንዳብ ኢ̈ጪ̇̈ሬ።

³ዎይ ባ̈ዝ ሙ̈ይዝ ና̈ሳ̈ዲ ዎይ ባዝ ሞ̈ባሶ̈ዳ ሌቃ̇ፖጋቤ፤ ዎይ ባዝ ሞ̈ባሶ̈ዲ ዎይ ባዝ ሙይዛ ና̈ሳ ጋልዳ ፊርዳፖ̇ጋ̈ቤ፤ ኣባ ጌይን “ዎይ ባዝ ሙይን ኣባክ ባዬ̇” ጌይዝ ና̈ሳ̈ዳር ማ̈ቂ̇ን ጾ̈ሲ̇ ኢያ ኢጺ̇ባ̈ሴ።

⁴ኣሳ ኣሽካራ ጋልዳ ፊርዲ̇ዛ ኔ ኦ̈ኖ? ኢ ኤቂ̇ናሬ ኬዲ̇ናሬ ፌ ላ̈ቦ። ጾ̈ሲ̇ ኢያ ኤሳ̇ንዳቦ ዳንዳኢዛኮታቦ ሚ̈ጛር ኤቂ̈̇ሬ።

⁵ዪና̇ ኢዝፌ̈ኒ “ፔቲ ቃሚ̇ንዳ ሜላ ቃሚ̇ንፖ̇ ሺ ቦንቺንቲ̇ኖ ቃሜ̇” ጌዪ ቆፒ̇ዝ ኣሲ ዶኢ̈ሬ፤ ማ ሜላ̈ዲ “ቃሚ̇ ዎይ ዎልፌ̈ንዶኬ ቃ̈ማን ጊዳ̇ ዱማ ማ̈ቂ̇ኖ ቃሚ̇ ባዬ” ጌዪ ቆፒ̈ሬ። ዪዚ ኣሲ ፌ ቡ̈ዳ ጋርታ̇ ዎንዲፌ̈ኒ ኦ̈ጋ̈ቤ።

⁶ፔቲ ቃ̈ሚን ሜላ ቃማ̇ንፖ ሺ ማሃሪ ቦንቺ̈̇ርኮ ኢ ኢዞ ፌ ጎዳ ቦንቻ̈̇ንዳቦ ጋ̈ሪ ዎቲ̈ሬ፤ ፊ̈ሽ ጌዪዛ ዎይ ሙይዛድ ኢ ኢዞ ሞ̈ሪ ጾ̈ሳ̇ ጋላቲዛኮታ̇ቦ ፌ ጎዳ ቦንቻ̇ብ ሙይሬ፤ ዎይ ፊሽ ሞ̈ባሶ̈ዳሬ ፌ ጎዳ ቦንቻ̇ቦ ጋ̈ሪ ሞ̈ባሴ፤ ዪኒ̇ቦ ኢ ጾ̈ሳ̇ ጋ̈ላቲ̈ሬ።

⁷ኑ ጋ̈ርታፖ ኦ̈ናካር ማ̈ቂ̇ን ሼምፓባራ ዶኣዚንዳር ማ̈ቂ̇ን ዓይቃ̇ዚን ኢያይ ጊዳካ̇ዬ።

⁸ኑ̈ኒ ሼምፓባራ ዶኤጌይንዶ ጎዳ̈ብ ዶኢ̈ሬ፤ ዓይቄ̇ጌይንዳሬ ጎዳ̈ብ ዓይቂ̇̈ሬ፤ ዪ̈ኮታ̇ቦ ኑ̈ኒ ሼምፓባራ ዶኢናሬ ዓይቂ̇ናሬ ኑ̈ኒ ጎዳ̇̈ዬ።

⁹ክርስቶ̈ሲ ዓይቃ̇ር ዓይቃ ጋርታ̇ፖ ዲንዲ̇ኖ̈ዲ ሼምፓባራ ዎ̈ንብኬ ዓይቂ̇ኖንቦ ዎይ ጎድ ማ̈ቃ̇ንዳቦ።

¹⁰ዪዚ ዪ̈ዶኮ ኔ̈ኒ ኔ ኢሻ ጋልዳ ኣባቦ ፊርዳ̈ራ? ዎይ ኣባቦ ኔ ኔ ኢሻ ሌቃ̇ራ? ጾ̈ሳ̇ ፊርዲዝ ቃም ኑ ዎይን ቢርት ኢ ቲ̈ን ሺ̈ቂ̈ሬ።

¹¹“ ‘ታ̈ኒ ሼምፓባሮ̈ዳ፤ ኣሲ ዎይሲ ቴ ቲ̈ን ቡቂንቲ̇̈ሬ፤ ቴ ጾ̈ስ ማ̈ቂ̇ኖን ፌ ኖ̈ናባር ማርኪቲ̈ሬ’ ጌይሬ ጾ̈ሲ̇” ጋ̈ር ጻ̈ፊንቲ̇ኔ።

¹²ዪዚ ኑ̈ኒ ኑ ቆሚ̇ን ቆሚ̇ን ኑ ኦ̈ኖ ባዚምቦ ጾ̈ሳ̇̇ ቲ̈ን ሺ̈ቃር ማልሳ ኢሚ̈̇ሬ።

¹³ዪኒ̇ኮታ̇ቦ ኑ̈ኒ ዓኒ̇ፖ ጌዳ ፔታ̇ና ፔታ̇ና ጋልዳ ፊርዳ̇ዚን ኣሺ̇ስቶ̇። ኦ̈ናካር ማ̈ቂ̇ን ሜላ̈ ና̈ሳቦ ፊ ማ̈ቂ̇ዝ ባዝ ኦ̈ፖጋ̈ቤ።

¹⁴“ባዝ ዓና̇ ኣስ ቄሬ” ጌዪ ቆፒ̇ዝ ና̈ሳ̈ቦ ባዝ ኢዛ ኢያ ቄ̈ርዶኬ ፊ̈ሺ ፌ ቆማ̇ቦ ቄ ጊዳካ̇ዮን ታ̈ኒ ጎዳ ዬሱ̈ሳይ ማ̈ቂ̇ኖኮታ̇ቦ ዪኖ̇ ኮሺንቻ̇ ኤሪኔ።

¹⁵ኔ ሞ̈ዝ ፊ̈ሺን ኔ ኢሻ̈ብ ፊ ማ̈ቃ̇̈ርኮ ኔ̈ኒ ካ̈ንባራ ዶ̈ኣካዬ፤ ክሪሲቶ̈ሲ ኢ̈ቦ ዓይቂ̇ኖ ኔ ኢሻ ፊ̈ሻኮታ ያምፔ̈ን ዎታፔ̇።

¹⁶ዪዚ ኔ̈ኒ ኮሼ̇ ጋ̈ራ ኦ̈ዝ ባዚንዳ ሜላን ኢዞ ሺሪንታ̇ንፔ̈ን ዎታፒ̇ቴ።

¹⁷ጾ̈ሳ̇ ካ̈ቲቲንዳ ጌ̈ሻ ኣያ̈ናባራ ቤንቲ̇ዝ ጺሊ̇ቲባዝ፥ ሳሪቲ ባዝኬ ኡፋይስባዝዶ̈ኬ ሙ̈ንትባዝኬ ኡሽ̇ ባዝ ጊዳካ̇ዬ።

¹⁸ዪኒፌ̈ኖ ጎይባራ ክርስቶ̈ሳብ ኦ̈ዝ ኣሲ ጾ̈ሳ̇ ኡፋይሲ̈̇ሬ፤ ኣሳ ቲ̈ናር ቦንቺ̈ንቲ̇̈ሬ።

¹⁹ዪዚ ኑ̈ቦ ሳሪቲ ቤ̈ንቲዝ ጎ̈ይንዲኬ ኑ ዎል ዎልኣ ኑ ኣማ̇ኒን ሚንዝ ጎ̈ይ ሚ̈ጛር ኮዪስቶ̇።

²⁰ፊ̈ሺ ጊሽ ጾ̈ሳ̇ ኦ̈ሲን ኢ̈ስባ̈ዳ። ፊ̈ሺ ዎይ ጌ̈ሼ̇፤ ዎቲ̈ናካር ሜላ ና̈ሳ ኢ ኣማ̇ኒን ጋልዳፖ ኢያ ቶጚዝ ፊ̈ሺ ሞ̈ዚንዳ ኮ̈ሽ ጊዳካ̇ዬ።

²¹ኔ ኢሻ ፌ ኣማ̇ኒን ጋልዳፖ ኬ̈ዳካዮዲፌ̈ን ኡሽ̇ኬ ሙንትኬ ኣሻንዳብኬ ዎይ ሜላር ኢ ኬዳ̇ምፔ̈ን ዎቲዝ ባዝ ዎይ ኦ̈ዚን ኣሻ̇ንዳብ ኮሺ̈ሬ።

²²ኔ̈ኒ “ባዝ ዪና̇ ኮሼ፤ ባዝ ዪና ኢ̈ቴ” ጋ̈ራ ኤ̈ዝ ባዚንዶ̇ ኔ̈ናኬ ኔ ጾ̈ሳ̇̈ዲክ ሙታ̇ ኤሪዛ ማ̈ቆ̇፤ “ታ̈ኒ ባዝ ዓኖ̇ ኦ̈ን ኮሼ̇” ጌዪ ኣማ̈ናር ኦ̈ዝ ባዚምባራ ኢ ቡ̈ዲን ኢ ጋልዳ ፊርዳባሶ ና̈ሳዲ ኢ ኣንጂ̇ንቲ̇ኖ ኣሴ።

²³ኤ̈ዝጊሙታ̇ ሙ̈ይዝ ኣሲ ኣማ̇ኒቤዪ ሙይዛኮታ̇ቦ ፊርዲንቲ̈ሬ፤ ኣማ̇ናካይዶ̈ር ኦ̈ዝ ባዚ ዎይ ናጋራ።