Read basketo 1 ቆሮ 1 Bible Online

1 ቆሮ 1 - basketo bible

1 ቆሮ 1

¹ጾ̈ሳ̇̇̈ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቃ̇ምፔ̈ን ጼይጊንቲ̇ኖ ታ ጳውሎ̈ሳፔኬ ኑ ኢሻ ሶ̈ስቲና̈ሳፖ̈ ጻ̈ፊ ሚሺኖ ኪ̈ታ፤

²ቆሮንቶ̈ሳ ካታማ ጋርታ ዎ ጾ̈ሳ̇̇ ዎ̈ሳ ኬ̈ንቦ፥ ዬሱ̈ስ ክርስቶ̈ሳባር ዎል ፔታ̇ን ማ̈ቃ̇ምፔ̈ኒ ጾ̈ሲ̇ ዪንታ̇ ቆሪ ኬሲ̇ኖንኬ ጺላ̇ ማ̈ቃምፔ̈ን ጼይጊኖንቦ፥ ማ ዪና̇ ኢዝፌ̈ን ዱማ ዱማ ቤሳ̇ ጋል̇ዳ ኢንታ̇ብኬ ኑ̈ቦ ጎድ ማ̈ቂ̇̈ኖ ኑ ጎዳ ዬሱ̈ስ ክሪስቶ̇̈ሳ ሱምን ጼይጊዛን ዎይንቦ፥

³ጾ̈ሳ̇̇ ኑ ባ̈ባ̈ፔኬ ኑ ጎዳ ዬሱ̈ስ ክርስቶ̈ሳ ጋልዳፖ ኢ ኮሺቲንዲኬ ሳሪቲን ዪንታ̇̇ብ ማ̈ቆ̇።

⁴ጾ̈ሳ̇ዲ ዬሱ̈ስ ክርስቶ̈ሳ ጎዪባራ ዪንታ̇̇ብ ኢሚ̇ኖ ኣያ̇ና ኪልሲንኮታ̇ቦ ታ̈ኒ ዎይ ጋላስ ጾ̈ሳ̇̇ ጋላታ̈ሬ።

⁵ኑ̈ኒ ክርስቶ̈ሳ ባዝ ዪንታ̇̇ብ ማርኪ̇ቲኖንዳ ዪንታ̇ ጋርታ̇ ሚ̈ጚኖኮታ̇ቦ ዪንቲ̇ ዎይ ባዝባራ ሶ̈ላባር ማ̈ቂን ኤሪቲ̇ባራሬ ክርስቶ̈ሳ ጎይባራ ዱር ማ̈ቂ̇ኔ።

⁷ዪዚ ዪንቲ̇ ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚን ና̈ጊ ሙታ̇ ዶኣምባራ ጌሻ̇ ኣያና ኢሚ̇ዝ ኪልሲ̇ን ጋርታፖ ፔቲ̇ ባዛር ዪንታ̇̇ብ ዲሪጚባ̈ሴ።

⁸ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

⁹ጾ̈ሳ̇̇ ናኣ ኑ ጎዳ̇ ዬሱ̈ስ ክሪስቶ̇̈ሳባር ፔቲ̇ቲ ዪንታ̇ብ ዶኣምፔ̈ን ዪንታ̇ ጼይጊኖ ጾ̈ሳ̇̇̈ዲ ኣማ̇ኒንቲ̇ኖ̈ዳ።

¹⁰ቴ ኢሺንታ̇ን! “ፋጊቲ ዪንታ̇ ጊዳ̇ ዶኣፖ̇፤ ዪንቲ̇ ዎይን ዎልኣ ፔቲ̇ ቡ̈ዳባርኬ ፔቲ̇ ቆፊባር ሚጛር ዶኢብቴ” ጋ̈ራ ኑ ጎዳ̇ ዬሱ̈ስ ክርስቶ̈ሳ ሱምምባር ቴ ዪንታ̇ ጌሻ̈ሬ።

¹¹ቴ ኢሺንታ̇ን! ዪንታ̇ ጊዳ̇ ጎይሊ ዎን ታ̈ኒ ቃሎ̈ኣ ኣ̈ሎ ኣሳን ጋልዳፖ ሲስኪ̇ኔ።

¹²ዪና̇ሬ ዪንታ̇ ጊዳ ፔታ̇ና̈ዲ “ታ̈ኒ ጳውሎ̈ሴዬ” ጌይን፤ ሜላ̈ዲ “ታ̈ኒ ኣጵሎ̈ሴዬ” ጌይን፤ ሜላ̈ዲ “ታ̈ኒ ጴ̈ጥሮ̈ሴዬ” ጌይን፤ ማ ሜላ̈ዲ “ታ̈ኒ ክርስቶ̈ሴዬ” ጌይሬ።

¹³ናኢቶ ክርስቶ̈ሲ ዪኒፌን ፋጊንቲ̇ና? ጳውሎ̈ሲ ዪንታ̇ ጊሻ̇ብ ሶቲ̇ንቲ̇ና? ዎይ ዪንቲ̇ ጻማ̇ቂንቲ̇ኖ̈ዲ ጳውሎ̈ሳ ሱምባሪያ?

¹⁴ታ̈ኒ ቄርስጶሳኬ ጋ̈ዮ̈ሳ ጻማ̇ቂንዶኬ ዪንታ̇ ጋርታፖ ሜላ̇ ኣስ ኦ̈ናካር ጻማቃካዮኮታ̇ቦ ቴ ጾ̈ሳ̇̇ ጋላታ̈ሬ።

¹⁵ዪዚ “ታ̈ኒ ጳውሎ̈ሳ ሱምባራ ጻማ̇ቂን̇ቲኔ” ጋ̈ሪ ሶ̈ላ̇ንዳብ ዳንዳ̇ኢዝ ኣሲ ባዬ̇።

¹⁶(ታ̈ኒ ኢስጣፋ̈ኖ̈ሳ ኣ̈ሎ ኣሳን ጻማ̇ቂኖንዳ ኪን፤ ዪንፖ ሜላ ታ̈ኒ ጻማ̇ቂኖ ኣሲ ዎን ታ̈ብ ኤልቅ ጋ̈ባሴ።)

¹⁷ክርስቶ̈ሲ ታ̈ና ኪ̈ታ̇ር ሚሺኖንዳ ዎጛላ ሳባካኒፌ̈ንዶኬ ቴ ኣስ ጻማ̇ቃምፔ̈ን ጊዳካ̇ዬ፤ ክርስቶ̈ሲ ማስቃላ ጋልዳ ዓይቂ̇ኖንዳ ሜላ̇ ኣታ̇ካይፌ̈ኒ ታ̈ኒ ጾ̈ሳ̇ ቃ̈ሊን ታማ̈ርሳ̇ዚንዳ ታ ኣሳ ጋልዳፖ ዬይኖ ኤራባር ጊዳካ̇ዬ።

¹⁸“ክርስቶ̈ሲ ማስቃ̈ላ ጋ̈ልዳ ዓይቂ̇ኔ” ጋ̈ዝ ሶ̈ሊንዳ ዪዝ ኣሳንቦ ቦ̈ዛ ባዝፌ̈ን ፋይዲንታ̈ሬ፤ ዎቲናካር ኑ̈ቦ ፋጺዛንቦ ጾ̈ሳ̇ ዎልቃ።

¹⁹“ታ̈ኒ ኤጫን ኤጪቲን ይሳ̇ንዳ፤ ዎይሊን ኤራ ኢንታ̇ብ ዎ ኣሳን ኤሪን ኢንታ ጋልዳፖ ዲንሳ̇ንዳ” ጋ̈ሪ ጌ̈ሻ ማጻ̈ፋ ጋልዳ ጻ̈ፊንቲ̇ኔ።

²⁰ኤራ ጌይንቲ̇ዝ ኣሲ ዎይዲ ዎ̈? ታማ̈ራር ኤሪኖ ኣሳን ዎይዲ ዎ? ዓና̇ ኣላሚን ጋልዶ ባዝ ዎይ ኤራንዳብ ዋ̈ዪዛን ዎይዲ ዎ? ጾ̈ሲ ዓና̇ ኣላሚን ጋልዶ ኤሪን ዳሻ ማቃምፔን ዎታካ̇ያ?

²¹ኣሲ ፌ ኤራባር ጾ̈ሳ̇ ኤራንዳብ ዳንዳኣካይፌ̈ኒ ጾ̈ሲ ፌ ኤራባር ዎቲዴ። ዎቲናካሬ ኣሲ ቦ̈ዛ ባዝፌ̈ን ፋይዲኖ ኑ ሳባ̇ኪኖ ቃ̈ሊምባ̇ራ ኣማ̇ኒዝ ኣሳን ፋንዳቦ ጾ̈ሲ̇ ዶሲዴ።

²²ኣይሁዳን ታ̈ሚ̇ራታ ቤቃ̇ዳብ ኮዪ̈ሬ፤ ግሪ̈ካ ጋዶ̇ ኣሳን ማ ኤራ ኮዪ̈ሬ።

²³ኑ̈ኒ ዎቲናካሬ ክርስቶ̈ሲ ኑ ጊሻ̇ብ ሶቲንቲ̇ኖን ሳባ̇ኪ̈ሬ። ዪና̇ሬ ኣይሁዳንቦ ኣማ̇ናካይፌ̈ን ዎቲዝ ፊዬ ማ ግሪ̈ካ ኣሳንቦ ዳሺቲ።

²⁴ዎቲናካር ጾ̈ሲ ፌ̈ክ ጼይጊኖ ኣይሁዳር ማ̈ቆ̇ ግሪክ ኣሳር ማ̈ቆ̇፥ ዪንቦ ክርስቶ̈ሲ ጾ̈ሳ̇ ኤራኬ ጾ̈ሳ̇ ዎልቃ̇።

²⁵ጾ̈ሲ̇ ዳሻባዝ ኦ̈ኖ ማይጻዚንዳ ኣሳ ኤራፖ ሺ̈ሬ፤ ጾ̈ሳ̇̇ ኦ̈ሳ ጋርታ̇ፖ ጊላ̇ ማይጻር ቤንታ̇ዚንዳ ኣሳ ጴች̇ ዎልቃ ጋ̈ዚምፖ̇ ሺ̈ሬ።

²⁶ቴ ኢሺንታን! ጾ̈ሲ ዪንታ̇ ጼይጋምባ̇ራ ዪንቲ̇ ኣፌ̈ኖ ኣስኮ ቆፒ̇ብቴ፤ ኣሳ ቆፊ̈ፌ̈ኒ ዪንታ̇ ጋርታ̇ፖ ዎይሊንን ኤጫ ጊዳካ̇ዬ፤ ዎይሊንን ዎልቃባሮ ሚንን ጊዳካ̇ዬ፤ ዎይ ካ̈ቲንት ዜር ጋርታ̇ፖ ዬሊንቲ̇ኖን ጊዳካ̇ዬ።

²⁷ጾ̈ሲ ኤጫ ኣሳን ዬ̈ሊ̇ንዳቦ ጋ̈ሪ ዓኒ ኣላሚን ጋልዳ ዳሻ ጌዪ ፋይዲንቲ̇ዝ ኣሳን ማራ̇ጺዴ፤ ዎልቃባሮን ዬ̈ሊ̇ንዳቦ ጋ̈ሪ ዓኒ ኣላሚን ጋልዳ ላ̈ፋን ማራ̇ጺዴ።

²⁸ጾ̈ሲ ዓኒ ኣላሚን ጋልዳ ዎ ጌዪ ኤሪንቲ̇ኖ ባዮ̇̈ዲፌ̈ን ማሃንዳ̇ቦ ኣላሚን ጋልዳ ኣሳ ኣፊታ ቤንታ̇ካዮ ዬ̈ልቃ̇ርኬ ሌቂንታ̇ር ዎ ኣሳን ማራ̇ጺዴ።

²⁹ዪኖ ኢ ዎቲኖንዳ ኣሲ ኦ̈ናካር ጾ̈ሳ̇̇̈ ቲ̈ን ጋርታ ኬርፋካ̇ዮ̈ዲፌ̈ኒዬ።

³⁰ጾ̈ሲ ዎቲናካር ዪንታ̇ ዬሱ̈ስ ክርስቶ̈ሳባር ፔታ̇ን ማ̈ቃ̇ር ዶኣምፔ̈ን ዎቲዴ። ጾ̈ሲ ዬሱ̈ስ ክርስቶ̈ሳ ኑ̈ቦ ኤሪቲ፣ ጺሊ̇ቲ፣ ጌ̈ሺ̇ቲኬ፣ ኑ̈ና ፌ ሱ̈ባር ዎዚዛ ማ̈ሲዴ።

³¹ዪዚ ጌ̈ሻ̇ ማጻ̈ፋ ጋልዳ ጻ̈ፊንቲ̇ኖ̈ዲፌ̈ኒ “ኬርፊዝ ኣሲ ጾ̈ሳ̇̇̈ባር ኬርፋጋ̈ቤ።”