Read basketo 1 ቆሮ 10 Bible Online

1 ቆሮ 10 - basketo bible

1 ቆሮ 10

¹ቴ ኢሺንታ̇ን! ሙ̈ሳ ኢንታ̇ ቲ̈ኒን ጊብጻ̇ ጋዳ̇ፖ̇ ኬስኪ̇ኖ ኑ ባ̈ቢንታን ዎይን ሻ̈ራ ኢንታ̇ ካጚኖንዲኬ ኢንቲ̇ ዎይን ቃይ ባሃ̈ሪን ፊጚኖን ቴ ዪንታ̇ብ ኤልቅ ዎታንዳ̇ብ ኮያ̈ሬ።

²ኢንቲ̇ ሙ̈ሳ ዎሂን ዬዝ ኣስ ማ̈ቂ̇ኖንኮታ̇ቦ ዎይን ሻ̈ሪንባርኬ ባሃ̈ሪን ጋርታ̇ ጻማ̇ቂንቲ̇ዴ።

³ዎይን ፔቲ̇ ኣይናታ ኣያ̇ና ፊ̈ሽ ሙይዴ።

⁴ዎይን ፔቲ̇ ኣይናታ ኣያ̇ና ኡሽ ኡሽኪ̇ዴ። ኢንቲ̇ ኡሽኪ̇ኖንዳ ኢንቲ ኢ ዎሂን ዬ̇ሙታ̇ ዎ ኣያ̇ና ዛ̈ላ̇ ጋልዳፖ ኬስኪ̇ኔ። ዪ̈ ዛ̈ላ̈̇ዲ ኢ ፌ ቆማ̇ቦ ክርስቶ̈ሳ።

⁵ዪፌ̈ን ማ̈ቂ̇ናካሬ ጾ̈ሳ̇ዲ ኢንታ̇ ጋርታ̇ፖ ዎይሊንን ጎይሊዴ። ኢንቲ̇ ዓይቂ̇ን ኢንታ̇ ኣሂንዳ ባራሃ ጋርታ̇ ኬዳ̇ር ኣቲ̇ኔ።

⁶ኢንቲ̇ ኢታ̇ ባዝ ኢኒ̇ቲኖንዲፌ̈ን ኑ̈ናር ኢ̈ታ ባዝ ኢኒ̇ታካ̇ዮ̈ዲፌ̈ን ዪን ባዛን ኑ̈ቦ ሚሳ̇̈ሊ ማ̈ቂ̇ኔ።

⁷“ኣሳን ሞ̈ንዳብኬ ኡሽካ̇ንዳብ ዶኢዴ፤ ዶ̈ጚ ዬጺ̇ ዎታንዳብ ዲንዲ̇ዴ” ጋ̈ሪ ኢንታ̇ ባዚ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ን፥ ኢንታ ጋርታ̇ፖ̇ ፔታ̇ን ፔታ̇ናን ኤ̈ቃብ ጎይኖንዲፌ̈ን ዪንታ̇ር ኢንቴ̇ፌ̈ን ኤ̈ቃብ ጎይናፒ̇ቴ።

⁸ኢንታ̇ ጋርታፖ̇ ፔታ̇ን ፔታ̇ናን ኦሎላ ጋዳ̇ዚንዲፌ̈ን ኑ̈ኒ ኦሎላ ጋዳ̇ንዳብ ኮሺ̇ባ̈ሴ፤ ኢንቲ̇ ዪኖ̇ ዎቲኖኮታ̇ቦ ኢንታ̇ ጋርታፖ̇ ላምታ̇ም ዓይዚ̇ ሙኩላ ኣሲ ፔቲ̇ ጋላስ ዓይቂ̇ኔ።

⁹ኢንታ̇ ጋርታፖ̇ ፔታ̇ን ፔታ̇ናን ጎዳ ፋ̈ጪ̇ኖኮታ̇ቦ ሾ̈ሺ̇ ኢንታ̇ ቂን ዓይቂኖንዲፌ̈ኒ ኑ̈ኒ ጎዳ ፋ̈ጪ̇ባ̈ዳ።

¹⁰ኢንታ̇ ጋርታፖ̇ ፔታ̇ን ፔታ̇ናን ጾ̈ሳ̇̇ ጋልዳ ጉንዱሚን ዎምፔ̈ን ኪ̈ቲንቲ̇ኖ ኪ̈ታ̇ንቻ̇ ኢንታ̇ ዎ ይሲ̇ኖንዲፌ̈ኒ ዪንቲ̇ ጾ̈ሳ̇̇ ጋልዳ ጉንዱማፒ̇ቴ።

¹¹ዪ̈ ዎይ ባዝ ኢንታ̇ ጋልዳ ዬሊ̇ኖ̈ዲ ኑ ኑ̈ና ና̈ጋምፔ̈ን ኑ̈ቦ ሚሳ̇̈ሊ ማ̈ቃምፔ̈ኔ፤ ዪን ባዛን ዉርሲ ላይ ጋልዳ ዎን ኑ̈ብ ቲሚርታ̇ ማ̈ቃ̇ምፔ̈ኒ ጻ̈ፊንቲ̇ኔ።

¹²ዪ̈ኮታ̇ቦ ሚ̈ጛር ኤቂ̇ኖ ማይጺ̇ዝ ኣሲ ኬዳካ̇ዮ̈ዲፌ̈ን ፌ̈ና ና̈ጎጋ̈ቤ።

¹³ኣስ ጌይዛ ዎይ ዬሊ̇ዝ ሜታ ዪንታ̇ ዬሊ̇ንዶኬ ዪንታ̇ኮን ዱማ ጊዳካ̇ዬ፤ ጾ̈ሳ̇̈ዲ ኣማ̇ኒንቲ̇ኖ ጾ̈ሴ̇። ዪንታ̇̇ብ ዳንዳኢንቲባ̈ሶ ሜቶ ዪንታ̇ ጋልዳ ዬ̈ምፔ̈ን ዎቲባ̈ሴ፤ ሜታ̇ ዪንታ̇ ዬ̈ላዚምባ̇ራ ዪንቲ̇ ጋርዢዝ ዎልቃ ዪንታ̇̇ብ ኢሚ̇ሙታ̇ዶ̈ሪ ዪንታ̇ ሜቲ̇ን ጋርታፖ̇ ኬስኪ̇ዝ ጎይ ዪንታ̇̇ብ ጊ̈ጊ̇ሲሬ።

¹⁴ዪ̈ዚ ታ ላጋ̇ን! ኤ̈ቃብ ጎይናዚን ጋልዳፖ ጎቲ̇ብቴ̇።

¹⁵ዪንቲ̇ ቆፒ̇ ቢሪንዝ ኣስ ማ̈ቂ̇ኖኮታ̇ቦ ቴ ዪንታ̇̇ብ ሶ̈ላ̈ሬ፤ ዪዚ ቴ ዪንታ̇̇ብ ሶ̈ላዚን ማቃኮ ዎይ ኪንኮ ዪንቲ̇ ፋራ̇ዲብቴ።

¹⁶ኑ̈ኒ ጾ̈ሳ̇ ጋላታ̇ር ኢናፖ̇ ዎልኣ ፋጊንታር ኡሽካ̇ዝ ጺዊንዳ ክርስቶ̈ሳ ሱምባራ ፔቲ̇ቲ ኢዝቦ ዎ ጊዳካ̇ያ? ኑ ዎልኣ ሞ̈ዝ ሶ̈ሊ̇ንዳሬ ክርስቶ̈ሳ ኣይሺ̇ምባር ፔቲ̇ቲ ኢዝቦ ዎ ጊዳካ̇ያ?

¹⁷ኑ ሞ̈ዝ ሶ̈ሊንዳ ፔታ̇ን ማ̈ቂ̇ኖኮታ̇ቦ ኑ̈ናር ዪና̇ ፔቲ̇ ሶ̈ሊን ዎልኣ ፋጊንታዚንኮታ̇ቦ ኑ ዎይሊን ማ̈ቂ̇ናካሬ ኑ ዎልኣ ፔታ̇ኔ።

¹⁸ዪንቲ̇ ኢስሬ̈ላ ዎርዣን ባዚን ቆፒ̇ብቴ̇፤ ዣ̈ርሺኖን ሙይዛን ዣርሻ ቤሲ̇ን ጋልዳ ጾ̈ሳ̇̈̇ብ ሺ̈ቂዝ ዣ̈ርሺን ዎልኣ ፋጊንቲ̈ርባያ?

¹⁹ዪዚ ታ ዓት ዪኖ̇ ጋዚንዳ ኤ̈ቃብ ዣ̈ርሺንቲ̇ኖ ባዚን ዎይ ኤ̈ቃ ኢ ቆሚ̇ንዳር ማ̈ቂ̇ን ኣባክ ማ̈ዲ̇ዝ ባዜ ጌንታ̇?

²⁰ጊዳካ̇ዬ! ጾ̈ሳ̇ ኤሪባ̈ሶ ኣሳን ካ̈ሽካዚንዳ ጾ̈ሳ̇ቦ ጊዳካይዶ̈ን ኢ̈ታ ኣያ̇ናቦ፤ ኢ̈ታ ኣያ̇ናባራ ዪንታ̇̇ብ ፔቲ̇ቲ ዶኣምፔ̈ን ቴ ኮያባሴ።

²¹ዪንቲ̇ ጎዳ ጺዊ̇ን ኡሽኪ̇ሙታ̇ዶ̈ሪ ማ ኢ̈ታ ኣያ̇ና ጺዋ̇ ኡሽካ̇ንዳብ ዳንዳኢባሴ፤ ጎዳ ሌ̈ማቲን ጋልዳፖ ሙይዝ ኣስ ማ̈ቃ̇ር ማ ኢ̈ታ ኣያ̇ና ሌ̈ማቲን ጋልዳፖ ሙይዝ ኣስ ማ̈ቃ̇ንዳብ ዳንዳኢባ̈ሴ።

²²ዪዚ ኑ̈ኒ ዪ̈ፌ̈ኖ ባዝ ዎቲሙታ̇ ኑ ጎዳ ቃና̇ኢሳኔ? ኑ̈ኒ ሚ̈ንባር ኢ̈ፖ̇ ሺ̈ራ?

²³“ኮዪኖ ባዝ ኦ̈ንዳብ ካዪዝ ባዚ ባዬ” ዎቲናካሬ ዎይ ባዚ ማ̈ዲ̇ዝ ባዝ ጊዳካ̇ዬ፤ ዎይ ባዝ ኦንዳብ ካዪዝ ባዚ ባዬ፤ ዎቲናካር ዎይ ባዚ ሚ̈ንዝ ባዝ ጊዳካ̇ዬ።

²⁴ኣሲ ኦ̈ናካር ማ̈ቂ̇ን ኣሳብ ኮሺ̇ዝ ባዝ ቆፓ̇ጋብዶኬ ፌ̈ና ሙታ̇ ማ̈ዲዝ ባዝ ቆፓፖ̇ጋ̈ቤ።

²⁵ዪንታ̇ቡ̈ዳባር ኤ̈ዝጋካ̇ይዶር ጋቢ ጋልዳ ዎጚንቲዝ ኣይሽ ዚምዶኣር ሙብቴ̇።

²⁶ኣባ ጌይን “ዓና̇ ሳ̈ዚንዲኬ ኢዝ ጋልዳ ዎ ባዚ ዎይ ጎዳ̇ዴዬ።”

²⁷ኣማ̇ናካዮ ኣሲ ዪንታ̇ ፌ ኣ̈ል ዎሴ̇ጌይን ኢ ኣ̈ል ሉካ̇ሪ ዪንታ̇ ቲ̈ን ኣ̈ኖ ፊሺን ዪንታ̇ ቡ̈ዳባር ሲካይዶር ዚምዶኣር ሙብቴ̇።

²⁸ዎቲናካሬ ፔቲ̇ ኣሲ “ዪና̇ ኤ̈ቃብ ሹኪ̇ኖ ኣይሼ” ጋ̈ሪ ሶ̈ሌጌይንዶ ዪንቲ̇ ና̈ሳ ጊሻ̇ቦ ኢ ቆፊን ኢ̈ታካ̇ይፌ̈ኒ ዪና̇ ኣይሺን ሞ̈ፒ̇ቴ።

²⁹ዪና̇ ታ̈ኒ ጌይኖንዳ ና̈ሳ ጊሻ̇ብዶኬ ዪንታ̇ ጊሽ̇ ጊዳካ̇ዬ። ታ̈ኒ ኣሳ ጊሻ̇ቦ ጋ̈ራ ታ̈ብ ዎ ማብቲ̇ን ኣብዛብ ኣታ̇̈ራ?

³⁰ታ̈ኒ ጾ̈ሳ̇ ጋላታ̇ር ሙዬጌዪን ቴ ጾ̈ሳ̇ ጋላታ̇ር ሙዪኖ ፊሺምቦ ኢ̈ታ ባዝ ኦ̈ኖ ኣስፌ̈ን ታ̈ና ኣባብ ቦሪ̈ራ?

³¹ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ።

³²ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ።

³³ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።