Read basketo 1 ቆሮ 6 Bible Online

1 ቆሮ 6 - basketo bible

1 ቆሮ 6

¹ዪንታ̇ ጋርታ̇ፖ ፔታ̇ና̈ዲ ኣማ̇ኒዝ ፌ ኢሻ ፔታ̇ናባራ ጎይሊንቴጌይን ኣማ̇ኒኖ ኣሳን ቲ̈ን ሶ̈ሊ ኦይጫ̇ዚን ኣሻ̇̈ር ኣማ̇ናካዮ ኣሳን ቲ̈ን ፊርዳብ ዎዛርፌ̈ን ኢያ ሺ̈ሺ̇̈ራ?

²ኣማ̇ኒኖ ኣሳን ኣማ̇ናካ̇ዮ ኣሳን ጋልዳ ፊርዳዚን ዪንቲ̇ ኤሪባ̈ሳ? ዪዚ ዪንቲ̇ ኣማ̇ናካ̇ዮ ኣሳን ጋልዳ ፊርዲ̈ርኮ ዪኒ̇ፌኖ ጊላ̇ ባዚን ጋልዳ ፊርዳ̇ንዳብ ዎዛርታ̇ር ዪንታ̇ ጋማ̈ራ?

³ኑ̈ኒ ሜላ ኣቲ̇ን ኪ̈ታንቻ̇ን ጋልዳ ቢርት ፊርዳዚን ዪንቲ ኤሪባ̈ሳ? ዓት ዪ̈ዶኮ ዓኒ̇ ኣላሚን ጋልዶ ባዝ ጋልዳ ዎዛርታር ፊርዳ̇ንዳብ ዳንዳኢባ̈ሳ?

⁴ዪዚ ዪንቲ ዪን ባዛንቦ ዎል ዎልኣ ጎይሊንታ̇ሪ ኣማ̇ኒዝ ኣሳን ቲ̈ን ሌቂንቲ̇ኖ ኣማ̇ኒባ̈ሶ ኣሳን ዪንታ̇ ፊርዳምፔ̈ኒ ዎዛርፌ̈ኒ ዪንታ̇ ባዝ ኢንታ̇ ቲ̈ን ሺ̈ሺ̈̇ራ?

⁵ዪና̇ ታ ጌይኖንዳ ዪንታ̇ ዬ̈ሊ̇ንዳብ ጋ̈ር ሶ̈ሊኔ፤ ዓት ዪንታ̇ ጊዳ̇ ጪጛሽ ማ̈ቂ ኣስ ኢጊንዝ ኣሲ ቤንቲ̇ባ̈ሳ?

⁶ዓት ዪ̈ዶኮ ኣማ̇ኒኖ ኣሲ ሜላ ኣማ̇ኒኖ ና̈ሳ ሞ̈ታር ኣማ̇ኒባ̈ሶ ኣሳን ቲ̈ን ፊርዳብ ኤጛንዳብ ኮሺ̇̈ራ?

⁷ዪንቲ̇ ዎል ዎልኣ ሞ̈ቲንታ̇ዚን ኢዛ ፌ̈ብ ዪንታ̇̇ብ ዬ̈ላ፤ ዪኒ̇ፖ̇ ኣሲ ዪንታ̇̇ብ ኢ̈ት ኦ̈ኖኮ ኢ̈ታ? ኣሲ ዪንታ̇ ዳሺቺ̇ኖኮ ኢ̈ታ?

⁸ዎቲናካሬ ዪንቲ̇ ኣማ̇ኒኖ ዪንታ̇ ኢሺንታ̇ን ኢ̈ታ ባዝ ኦ̈ ኢንታ̇ ዳሺቺ̇ ዎቲ̈ርባያ።

⁹ዉጫ ዉጪቲዝ ኣሳን ጾ̈ሳ̇ ካቲቲ̇ን ጋርታ̇ ጌሊባ̈ሶን ዪንቲ ኤሪባ̈ሳ? ዪንቲ̇ ባሊታ̇ፒ̇ቴ ኦሎላ ጋዲ̇ዛን፣ ኤ̈ቃ ጎይኒዛን፣ ፌ ማጪ̇ን ኣሻ̇ሪ ኣሳ ማጭባራ ሱርቂ̇ዛን፣ ኣቲናዶ̈ሪ ኣቲናባር ሱርቂዛን፥

¹⁰ሶ̈ላን፣ ባዚ ዎይ ቴይ ማ̈ቆ ጌይ ጊዥጊዥ ጌይዝ ኣሳን፣ ማሲቲዛን፣ ኣሳ ሱም ይሲ̇ዛን፣ ኣሳ ባዝ ቡሪዛን ጾ̈ሳ̇̇ ካቲ̇ቲን ኤካ̇ንዳብ ዳንዳ̇ኢባ̈ሴ።

¹¹ዪንታ̇ ጋርታፓ̇ር ፔታ̇ን ፔታ̇ናኒ ሚን ዪንፌ̈ኖ ባዛን ዎቲኔ። ዎቲናካር ዓት ዪንቲ̇ ጎዳ ዬሱ̈ስ ክርስቶ̈ሳ ሱምባርኬ ኑ ጾ̈ሳ̇ ኣያ̇ናባራ ናጋራ ጋርታ̇ፖ ሜ̈ጪንቲ̇ኔ፤ ዪንቲ̇ ጾ̈ሳ̇̇̈ቦ ጌዪ ቆሪንቲ̇ኖ ጌ̈ሽ̇ ዎርዣ ማ̈ቂኔ፤ ማ ጺላ̇ ኣስ ማ̈ቂ̇ኔ።

¹²“ቴ ኮዪኖ ባዝ ኦ̈ንዳብ ታ̈ና ካዪዝ ባዚ ባዬ” ዎቲናካሬ ዎይ ባዚ ታ̈ና ማ̈ዲ̇̈ሬ ጌንት ጊዳካዬ፤ ዎይ ባዝ ኦ̈ንዳብ ታ̈ና ካዪዝ ባዚ ባዪዶ̈ን፥ ዪን ጋርታ̇ፖ ሜል ኣቲ̇ን ፔታ̇ኒምቦ ታ̈ኒ ኣይላ ማ̈ቃ̇ራ ዎ̈ጚንታባሴ።

¹³ዪንቲ̇ “ፊሺ̈ ሚላ̇ቦ፥ ሚላ̈ር ፊሻብ ዎ” ጌይሬ ዪዚ ጾ̈ሲ ፊ̈ሻር ሚላ̇ር ዎይ ይሲ̇̈ሬ፤ ዎቲናካሬ ኑ ኣሲቲንዳ ኦሎላብ ጊዳካ̇ይዶን ጎዳ̈ብ ኦ̈ንዳብ ዎ፤ ጎዳ̈ዳሬ ኑ ኣሲቲምቦ ኮሺ̇ዝ ባዝ ኦ̈ሬ።

¹⁴ጾ̈ሳ̇ዲ ጎዳ ዬሱ̈ሳ ዓይቃ ጋርታ̇ፖ̇ ዲንኔ፥ ኑ̈ናር ፌ ዎልቂምባራ ዓይቃ ጋርታ̇ፖ̇ ዲንሬ።

¹⁵ዪንታ̇ ኣሲቲንዳ ክርስቶ̈ሳ ኣሲቲንባር ዎል ፔታ̇ን ማ̈ቂ̇ኖን ዪንቲ̇ ኤሪባ̈ሳ? ዪዚ ዪዶኮ ታ̈ኒ ክርስቶ̈ሳ ኣሲቲን ኤካ̇ራ ኦሎላ ጋዲ̇ዝ ኣሲን ኣሲቲንባራ ዎል ፔታ̇ን ማ̈ሳንዳብ ኮሺ̇̈ራ? ዉርሲ ኮሺ̇̈ባሴ!

¹⁶ኦሎላ ጋዳ̇ዝ ኣሲንባራ ሱርቂ̇ኖ ኣሲ ኢዝባር ዎልኣ ፔቲ̇ ጋል̇ ማ̈ቃ̇ዚን ዪንቲ̇ ኤሪባ̈ሳ? “ኢንቲ ናምኣን ዎልኣ ፔቲ̇ ጋል̇ ማ̈ቂ̇̈ሬ” ጋ̈ሪ ጻ̈ፊንቲ̇ኔ።

¹⁷ጎዳ ዬሱ̈ሳባር ዎልኣ ፔታ̇ን ማ̈ቂ̇ዝ ኣሲ ኢባራ ኣያ̇ናባር ዎልኣ ፔታ̇ን ማ̈ቂ̈̃ሬ።

¹⁸ዪ̈ኮታ̇ቦ ዪንቲ ኦሎላ ጋዳ̇ዚን ጋልዳፖ̇ ጎቲ̇ብቴ̇። ኣሲ ኦ̈ዝ ሜላ ናጋራ ዎይ ኣሳ ጋ̈ሊምፖ̇ ዛ̈ና ዎ ባዜ፤ ኦሎ̇ላ ጋዲ̇ዝ ኣሲ ፌ ጋል̇ ጌ̈ቲን ጋልዳ ናጋራ ኦ̈ኔ።

¹⁹ዪንታ̇ ጋሊ̇ንዳ ጾ̈ሲ ዪንታ̇̇ብ ኢሚ̇ኖ ዪንታ̇ ጋርታ̇ ዶኢዛ ጌ̈ሻ̇ ኣያ̇ና ኢዝ ጋርታ̇ ዶኢዝ ኬ̈ ማ̈ቂ̇ኖን ዪንቲ̇ ኤሪባ̈ሳ? ዪዚ ዪንቲ ጾ̈ሳ̇̇̈ይዶኬ ዪንቲ ዪንቴ̇ይ ጊዳካ̇ዬ።

²⁰ኢ ዪንታ̇ ዋጋ ጪጋ̇ሪ ዎጚኔ፤ ዪ̈ኮታ̇ቦ ዪንታ̇ ኣሲቲንባራ ጾ̈ሳ̇ ቦንቺ̇ብቴ።