Read basketo 1 ቆሮ 9 Bible Online

1 ቆሮ 9 - basketo bible

1 ቆሮ 9

¹ታ̈ኒ ናጻና̇ታ ታ̈ብ ዎ ኣስ ጊዳካያ? ታ̈ኒ ሃዋሪ ጊዳካ̇ያ? ታ̈ኒ ኑ ጎዳ ዬሱ̈ሳ ቤቃካ̇ያ? ዪንቲ̇ሼ ጎዳ ሱምባራ ቴ ኦ̈ኖ ኦሳ̇ ኣ̈ፍ ጊዳካ̇ያ?

²ታ̈ኒ ጎዳ ዎልቃባር ሃዋ̈ራ ማ̈ቂ̇ኖን ኤርሲዛን ዪንታ̇ ማ̈ቂ̇ኖኮታ̇ቦ ሜላን ታ̈ና ሃዋ̈ራፌ̈ን ፋይዲባ̈ስካሬ ዪንታ̇̇ቦ ታ̈ኒ ኪንባራ ሃዋ̈ራ።

³“ኔቦ ሃዋ̈ራ ማ̈ቂ̇ዝ ማብታ ባዬ” ጋ̈ሪ ታ ጋልዳ ሶ̈ሊዝ ኣሲ ዎኮ ቴ ኢንታ̇ብ ሶ̈ሊዝ ባዝ ዎ፤ ዪ̈ዳሬ፦

⁴ኑ̈ኒ ሙይዝ ባዝኬ ኡሽኪ̇ዝ ባዝ ዲጛንዳብ ማብታ̇ ኑ̈ብ ባያ̇?

⁵ሜላ ሃዋራታን ጎዳ̈ ኢና̇ኣንኬ ጴ̈ጥሮ̈ስኬ ዎታዚንዲፌ̈ኒ ኑ̈ናር ኣማ̇ኒኖ ማጫ̇ ኑባር ኤካ̇ር ቢሪንታ̇ንዳብ ኑ̈ብ ማብታ̇ ባያ̇?

⁶ዎይ ኦ̈ሳባር ዋ̈ዪ ሙታ̇ ዶኣንዳብ ኮሺ̇ዛን ባርናባ̈ሳኬ ታ̈ናክ ሙታ̇?

⁷ዳሞ̈ዛ ኢ̈ብ ጪጋካ̇ይ ፌ ሚ̈ሽ ጌቲ̇ን ሙዪ ሙታ̇ ዎታ̇ዳራ ማቃር ኦ̈ዛ ኦ̈ኖ? ዎይ ዎይና ቶካ̇ሪ ኣ̈ፊን ሞ̈ባሶ ኦ̈ኖ? ሚ̈ዝ ቆላር ማ̈ ማ̈ ኡሽኪ̇ባ̈ሶ ኦ̈ኖ?

⁸ዪኖ̇ ቴ ሶ̈ላዚንዳ ኣሳ ቆ̈ፊፌ̈ን ሙቲ̇ያ? ሙ̈ሳ ሂጊ̇ንዳ ዪኒ̇ፌ̈ን ጋ̈ባሳ?

⁹“ኡዱማ ጋልዳ ካ ዬ̇ዝ ጌ̈ን ኖ̈ኒን ቃቻፔ” ጋ̈ሪ ሂጋ̇ ማጻ̈ፋ ጋልዳ ጻ̈ፊንቲ̇ኔ፥ ጾ̈ሲ ዪኖ̇ ጌይኖንዳ ጌ̈ንን ባዝ ቆፓ̇ሪያ?

¹⁰ጾ̈ሲ ዪኖ ጌዪኖንዳ ኑ ባዝ ቆፓ̇ሪዬ። ዓና ጻ̈ፊንቲ̇ኖንዳ ኪን ኑ̈ቦ፤ ኣባ ጌይን ዎይን ፌ̈ና ዬሊ̇ዝ ባዚ ዎን ኤሪሙታዶ̈ሪ ኦ̈ዝ ና̈ሳ̈ዳሬ ኡፋይስባር ኦ̈ምፔ̈ኒ ካ ቡኪ̇ዛ̈ዳሬ ኡፋይስባር ቡካ̇ምፔ̈ኔ።

¹¹ኑ̈ኒ ዪንታ̇ ጊዳ̇ ኣያ̇̈ና ባ̈ዝ ዜርቃሪ ማ ዪንታ̇ ጋልዳፖ̇ ኑ ኣይሺምቦ ማ̈ቂ̇ዝ ባ̈ዝ ዲጜጌይን ዪ̈ና ጴች ባዛ?

¹²ሜላን ዪ̈ኒፌ̈ኖ ባዝ ዪንታ̇ ጋልዳፖ̇ ዲጛንዳብ ማብታ̇ ኢንታ̇ብ ዎኮ ኑ̈ቦ ዪፖ̇ ሺ ማብታ̇ ዎዛርፌ̈ን ዶኢባሳ? ኑ̈ኒ ዎቲናካሬ ኑ ማብቲ̇ንባር ጻቃ̇ሚንታ̇ካ̇ዬ፤ ኑ̈ኒ ዪኖ̇ ዎቲኖንዳ ክርስቶ̇̈ሳ ዎጛሊን ዳልጋ ሉካ̇ዚን ጋልዳፖ̇ ኣታ̇ካዮዲፌ̈ኒ ጌዪ ቆፓ̇ሪ ዎይ ባዝባር ጋርዢ ዳንዳኢስቶ ጋ̈ሪዬ።

¹³ጾ̈ሳ̇ ኬ̈ ጋርታ̇ ኦ̈ዝ ኣሳን ፌ ሞ̈ዝ ፊ̈ሺን ጾ̈ሳ̇ ኬ̈ን ጋርታፖ̇ ዲጛዚንዶ ማ ዣ̈ርሻ ቤሳ ጋልዳ ዣ̈ርሻ ሺ̈ሺ̇ዛንኬ ኢና ኦ̈ ማ̈ዲ̇ዛን ዣ̈ርሻብ ሺ̈ቂኖን ጋልዳፖ̇ ፋጊንታ̇ር ሞ̈ዚን ዪንቲ̇ ኤሪ̈ርባያ?

¹⁴ዪና̇ ኢዝፌ̈ኒ ዎጛላ ታማ̈ርሲዝ ኣሳን ፌ̈ብ ዶኢብ ኮሺ̇ዝ ባዚን ዎጛላ ኦ̈ሲን ጋርታ̇ፖ̇ ዲጛምፔ̈ን ጾ̈ሲ̇ ኪ̈ቲ̇ኔ።

¹⁵ማ̈ቂ̇ናካሬ ታ̈ኒ ዪን ማብታ̇ን ጋርታ̇ ሜላ ኣቲ̇ን ፔታ̇ኒንዳር ጻቃ̇ሚንታ̇ካ̇ዬ። ማ ቴ ዪንታ̇̇ብ ዓና ጻፊኖንዳሬ ዪን ባዛን ታ̈ብ ዓት ኦ̈ንቶ ጋ̈ር ጊዳካ̇ዬ። ኣሲ ቴ ኬራፊን ሜላ̇ ኣሺሻናፖ ታ̈ብ ዓይቃ ኮሼ̇።

¹⁶ዎጛላ ሳባ̇ካምፔን ዶሲ̇ን ኢጺን ታ̈ና ኪቲ̇ኖኮታ̇ቦ ታ̈ና ኦቲ̇ርሲዝ ባዚ ባዬ፤ ታ̈ኒ ዎጛላ ሳ̈ባካካይ ኣቴ̇ጌዪን ታ ባዚ ኣዬ̇!

¹⁷ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇።

¹⁸ዓት ዪ̈ዶኮ፥ ታ ዳ̈ቡርሲን ጋቲን ኣብዛ? ታ̈ኒ ዎጛሊን ሳባ̇ካ̈ርዶራ ታ̈ብ ዎ ማብቲ̇ን ኣሻ̇ራ ዳሞ̈ዛ ታ̈ብ ጪጊንታ̇ካይዶ̈ን ሜላ̇ ዎጛላ ታማርሴጌይንዶ ታ̈ብ ጋቲን ኢዞ።

¹⁹ታ̈ኒ ኦ̈ባካር ኣይላ ጊዳካ̇ዬ፤ ዎቲናካሬ ታ̈ብ ዳንዳኢንቲ̇ኖንዲፌ̈ን ዎይሊንን ክርስቶ̈ሳክ ማ̈ሳንዳቦ ጋ̈ራ ዎይ̈ንቦ ኣይላ ማ̈ቃ̇ዴ።

²⁰ኣይሁዳን ማ̈ሳንዳቦ ጋ̈ራ ኢንታ̇ባር ኢንታ̇ፌ̈ን ማ̈ቃ̇ዴ፤ ታ̈ኒ ሂጋ̇ፖ̇ ጻና ባ̈ይዶራ ሂጋ̇ፖ̇ ጻ̈ና ዎን ማ̈ሳንዳቦ ጋ̈ራ ሂጋ̇ፖ̇ ጻ̈ና ዎ ኣሳንፌ̈ን ማ̈ቃ̇ዴ።

²¹ታ̈ኒ ጾ̈ሳ̇ ሂጊ̇ንፖ ጎቲ̇ኖ ኣስ ጊዳካ̇ይዶር ማ ክርስቶ̈ሳ ሂጊ̇ምፖ ጻ̈ና ኣቂዝ ኣስዶራ፥ ሂጊ̇ ኢንታ̇ብ ባዮ̇ ኣሳን ማ̈ሳንዳቦ ጋ̈ራ ሂጋ̇ ባዮ̇ ኣስፌ̈ን ማ̈ቃ̇ዴ።

²²ዳ̈ቡሪኖ ኣሳን ማ̈ሳንዳቦ ጋ̈ራ ታ̈ናር ኢንታ̇ፌ̈ን ዳ̈ቡሪኖ ኣስ ማ̈ቃ̇ዴ። ታ̈ብ ዳንዳኢንቲ̇ኖንዲፌ̈ኒ ፔታ̇ን ፔታ̇ናን ማ̈ሳንዳቦ ጋራ ዎይ ኣሳንባር ታ̈ኒ ማ̈ቃካ̇ዮ ባዚ ባዬ̇።

²³ታ̈ኒ ዎጛላ ኣንጃ ፋጊንታ̇ ኤካ̇ንዳቦ ጋ̈ራ ዎጛላ ጊሻ̇ብ ዪ ዎይ ዎቲኔ።

²⁴ዎ ጋርታ̇ ዎይን ዎጺ̇̈ርዶኒ ኢንታ̇ ጋርታፖ̇ ፔታ̇ኒ ሙታ̇ ሺሊ̇ማ̈ታ ኤካ̇ዚን ዪንቲ̇ ኤሪ̈ርባያ? ዪ̈ኮታ̇ቦ ዪንታ̇̇ሬ ሺሊ̇ማታ̇ ኤካ̇ንዳብ ዎጺ̇ብቴ̇።

²⁵ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ።

²⁶ታ̈ኒ ዣ̈ሾትፌ̈ን ቴ ሉካ̇ዝ ቤሲ̇ን ኤራካ̇ይዶር ዎጻ̇ባሴ̇፤ ኣባክ ባዮ̇ ቤስ̇ ጋልዳ ሜላ̇ ኣይጊ ቡኪ̇ዝ ኣስፌ̈ኒ ሜላ̇ ዓሪ ኦሊንታ̇ባሴ።

²⁷ታ̈ኒ ሜላን ሳባ̇ካ ዎንቦ ጼይጋራ ቴ ቆሚ̇ን ዎን ጋርታ̇ፖ̇ ኬስካካ̇ዮ̈ዲፌ̈ን ቴ ታ̈ና ና̈ጋራ ታ ጋሊ̇ን ታ̈ብ ኪ̈ቲንታምፔ̈ን ዎታ̈ሬ።