Read basketo 2 ቆሮ 10 Bible Online

2 ቆሮ 10 - basketo bible

2 ቆሮ 10

¹ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

²ቴ ዪንታ̇̇ክ ዬ̈ራ ኑ̈ና “ዓኒ̇ ኣላሚን ጋልዶ ኣሳንፌ̈ን ዶኢሬ” ጌዪ ፋይዲዝ ኣሳን ቲ̈ን ኢ̈ችባይ ሶ̈ላንዳብ ኮያ̈ሬ፤ ዎቲናካር ቴ ዪንታ̇ ዪና̇ ኢዝፌ̈ን ኢ̈ችባይ ሶ̈ላምፔን ዎታካ̇ይፌ̈ኒ ቴ ዪንታ̇ ጌሻ̈ሬ።

³ኑ ዶኣዚንዳ ዓኒ̇ ኣላሚን ጋልዳ ማ̈ቂ̇ኔካሬ ኑ ኦሊ̇ንታዚንዳ ዓኒ̇ ኣላሚን ጋልዶ ኦሊንዲፌ̈ን ጊዳካዬ።

⁴ማ ኑ ኦሊ̇ንታዝ ኦላ ማሳ̇̈ሪንዳሬ ጻላ̈ታ ዎልቃ ይሳ̇ንዳቦ ዳንዳኢዝ ዎልቃ ዎ ጾ̈ሳ̇ ማሳ̈̇ራዶኬ ዓኒ̇ ኣላሚን ጋልዶ ማሳ̇̈ራፌ̈ን ጊዳካ̇ዬ።

⁵ኣሲ ጾ̈ሳ̇ ኤራካ̇ይፌ̈ኒ ዎቲዝ ኦቲራባር ዲንዲዝ ዋች̇ኬ ፋባ̈ሶ ላ̈ፋ ቆፊ ዎይ ኑ̈ኒ ላ̇̈ሊ̇̈ሬ፤ ኣሳ ቆፊ ዎይ ካ̈ታ̇ር ክርስቶ̈ሳብ ኪቲ̇ንታምፔን ዎቲ̈ሬ።

⁶ዪንቲ̇ ኪቲ̇ንታዚን ፎቲ̇ንታ ዉሬጌይን ኪቲ̇ንቲባሶን ዎይ ቃጣኣንዳቦ ኑ̈ኒ ጊጊ̇ንቲኔ።

⁷ዪንቲ̇ ቤቃ̇ዚንዳ ዛ̈ና ኣሳብ ቤንታ̇ዝ ባዚን ሙታ̇፤ ኣሲ ኦ̈ናካር ቴ ክርስቶ̈ሴዬ ጋ̈ሪ ኣማ̇ኒንቴጌዪን ኑ̈ናር ማ̈ቂ̇ን ኢ̈ኮንዲፌ̈ኒ ክርስቶ̈ሴይ ማ̈ቂ̇ኖን ኤራጋ̈ቤ።

⁸ጎዳ ኑ̈ብ ኢሚ̇ኖ ሲልጣ̈ኒምቦ ዎይሊን ኬርፌጌይናሬ ታ̈ና ዬ̈ሊ̇ባሴ፤ ዪና̇ ሲልጣ̈ኒንዳ ኑ̈ብ ኢሚ̇ንቲ̇ኖንዳ ዪንታ̇ ሚ̈ንንዳብዶኬ ዪንታ̇ ላ̈ላ̇ንዳብ ጊዳካ̇ዬ።

⁹ታ̈ኒ ቴ ጻ̈ፊኖ ኪ̈ታንንባራ ዪንታ̇ ኢ̈ሺቻ̇ንዳ ዎቲዛ ዪንታ̇̇ብ ማይጻፖ̇ጋ̈ቤ።

¹⁰ፔቲ̇ ፔቲ̇ ኣሳን “ጳውሎ̈ሲ ጻ̈ፊኖ ኪታ̇ን ዴ̈ጺ ዋ̈ይሬ፤ ኢ ፌ ቆሚ̇ን ኑባር ዎዶሪ ሊ̈ቄ፤ ኢ ሶ̈ላዳሬ ፋባሴ” ጌይሬ።

¹¹ዪና̇ ጌይዝ ኣሳን ኑ ጎት̇ዶር ጻ̈ፋዝ ኪ̈ቲንባራር ማ̈ቂ̇ን ኡክ ዪንታ̇ባርዶራር ኦ̈ዝ ኦ̈ሲንባራ ፔ̈ታን ማ̈ቂ̇ኖን ኤራጋ̈ቤ።

¹²ማ̈ቂኔካሬ ፌ̈ብ ፌ̈ና ቤርኢሲዝ ፔቲ̇ ፔቲ̇ ኣሳንባር ኑ ኑ̈ና ካሚሲባ̈ሴ ዎይ ኑ ኑ̈ና ኢንታ̇ባር ዎልፌን ማሂባ̈ሴ። ዎቲናካሬ ኢንቲ̇ ፌ̈ና ፌባር ካሚሲ̈ሬ፤ ፌ̈ና ፌባር ዎልፌ̈ን ማሃር ቤቂ̈ሬ፤ ዪ̈ዲ ቦ̈ዚቲ።

¹³ኑ̈ኒ ዎቲናካሬ ጾ̈ሲ ኑ̈ብ ኢሚ̇ኖ ዪንታ̇ክ ዬሊ̇ኖ ኑ ኦ̈ሲምባር ኦቲርቂ̈ርዶኬ ኦቲርቃ̇ንዳብ ኮሻ̇ዚምፖ ኣ̈ር ኦቲርቂ̇ባ̈ሴ።

¹⁴ዪንታ̇̇ር ዎንዳ ኑ ኦ̈ሳ ቤሳ̇ ጋርታ ማ̈ቂ̇ኖኮታ̇ቦ ክርስቶ̈ሳ ዎጛሊን ታማ̈ርሳ̇ንዳቦ ኑ ዪንታ̇̇ክ ዬይኖ ኬ̈ልባራ ዪኒ̇ ቤሲምፖ̇ ኑ ኣ̈ካዬ።

¹⁵ዪ̈ኮታ̇ቦ ጾ̈ሲ ኑ̈ቦ ጌይኖ ኦ̈ሳ ቤሲ̇ምፖ̇ ኣ̈ሪ ሜላ ኣሳ ኦ̈ሳባራ ኑ ዎይሊን ኦቲርቂባ̈ሴ። ዪንታ̇ ኣማ̇ኒን ዲጫ̇ሙታ̇ ሉካ̇ምባራ ዪንታ̇ ጊዳ̇ ዎ ኑ ኦ̈ሳ ቤሲ̇ንዳ ሺ ሻካ̇ሙታ̇ ሉካ̇̈ሬ ጌዪ ኑ ታስፋ ጋዲ̇̈ሬ።

¹⁶ኢናፖ̇ ዪንታ̇̇ፖ̇ ኣ̈ር ጌዳ ዎ ጋዳን ጋርታ ሉካ̇ሪ ጾ̈ሳ̇ ዎጛሊን ሶ̈ላንዳብ ዳንዳኢ̈ሬ፤ ኑ̈ኒ ሜላ ኣሳ ኦ̈ሳ ቤስ̇ ጋርታ ጌላሪ ቲ̈ን ኦ̈ሲንቲ̇ኖ ኦ̈ሳባር ኬርፋንዳ̇ብ ኮዪባ̈ሴ።

¹⁷“ኬርፋንዳብ ኮዪዝ ኣሲ ጎዳባር ኬርፋጋቤ።”

¹⁸ኣሲ ኣንጂንቲ̇ዛ̈ዲ ጎዳ̈ዲ “ኔ ኮሽ ኦ̈ኔ” ጋ̈ሪ ኣንጄጌይንዶዶኬ ፌ̈ብ ፌ̈ና ኣንጄጌይንዶ ጊዳካ̇ዬ።