Read basketo 2 ቆሮ 6 Bible Online

2 ቆሮ 6 - basketo bible

2 ቆሮ 6

¹ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

²ጾ̈ሳ̇̇̈ዲ፦ “ቴ ኮዪኖ ኬል̇ባራ ኔ ጋ̈ዚን ሲስካ̇ዴ! ቴ ኔ̈ና ፋንዳብ ኮዪኖ ኢዝ ቃሚ̇ን ኔ̈ና ማ̈ዳ̇ዴ!” ጌይሬ፤ ዪዚ ጾ̈ሲ ኮዪኖ ቃሚ̇ንዳ ዓቴ̇፤ ፋጻዝ ቃሚ̇ንዳር ዓቴ̇።

³ኑ ኦ̈ሲን ኣሳ ቲ̈ን ኢ̈ት ማ̈ቃር ቤንታ̇ካ̇ይፌ̈ኒ ኣባካር ማ̈ቂ̇ን ኑ̈ኒ ኦ̈ባካር ፊ ማ̈ቂ̇ባዳ።

⁴ዪኒፖ̇ ኑ̈ኒ ሜታ̇ኬ ዋ̈ያኬ ጋርዣር ጾ̈ሳ̇ ኣሽካራፌን ኑ ኑና ዎይ ጎይባር ቤይሲ̈ሬ።

⁵ኑ̈ኒ ጾ̈ሳ̇ ኣሽካራ ማ̈ቂ̇ኖን ቡኪ̇ንቲሙታ̇፣ ቃቺ̇ንቲሙታ̇፣ ኣሲ ኑ ጋል ዉይሲን ዳንዳኢሙታ፣ ኦ̈ሳባር ዳቡሪሙታ̇፣ ሱርቃካ̇ይ ኣቂሙታ̇ኬ ጋፍ ዓይቂ̇ሙታ̇ ቤይሲ̈ሬ።

⁶ማ ጌ̈ሺ̇ቲባራ፣ ኤራባራ፣ ጋርዣባራ፣ ኮሺ̇ቲባራ፣ ጌ̈ሻ̇ ኣያ̇ናባር ቲ̈ንቲ̇ሙታ̇ኬ ኪን ቡ̈ዳባር ካንባራ፥

⁷ኪን ሶ̈ላባርኬ ጾ̈ሳ̇ ዎልቃባራ። ኑ ጻላታ ጋማንዳቦ ማ̈ቂ̇ዝ ኑ ኦላ ማሳ̇̈ሪንዳ ጺሊ̇ቲ።

⁸ኑ̈ኒ ቦንቻ̇ቦ ዎይ ዉርዳታቦ ቆ̈ንታንዳቦ ዎይ ኣንጂ̇ንታ̇ንዳቦ ጊጊ̇ንቲ̇ኖ ኣሴ፤ ኑ̈ኒ ኪን ሶ̈ሊርዶን ኣሳን ኑ̈ና ማቂ̇̈ሬ ጌይዴ።

⁹ኑ̈ኒ ኤሪንቲ̇ኖ ኣስዶኒ ኤሪንታካ̇ዮ ኣስፌ̈ን ማ̈ቂ̇ዴ። ዓይቂ̇ኔ ጋ̈ዚምባ̇ራ ሼምፓባሮ ኣስ ማ̈ቃ̇ር ቤንቲ̇̈ሬ፤ ኑ̈ኒ ቡኪንቲ̇ንዶናር ዓይቃካ̇ዬ።

¹⁰ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

¹¹ዪንቲ̇ ቆሮንቶሳ ካታማ ጋርታ̇ ዶኢዝ ኣሳን! ኑ ዪንታ̇̇ብ ፋል̇ ሶ̈ሊኔ፤ ኑ ዪንታ̇ ካዝ ካንን ኣፌ̈ንኮ ዪንታ̇̇ ቤይሲኔ።

¹²ዪንቲ̇ ኑ̈ና ካዚን ኣሺ̇ዶ̇ኬ ኑ ዪንታ̇ ካዚን ኣሻ̇ካ̇ዬ።

¹³ባ̈ቦ ፌ ናኣንቦ ሶ̈ላዚንዲፌ̈ን ሶ̈ላስቶ̇፥ ኑ ዪንታ̇ ካዝ ካንን ኣፌ̈ንኮ ዪንታ̇ ፋላ̇ ጋልዳ ቤይሲኖንዲፌ̈ን ዪንታ̇̇ር ዪና̇ ኢዝፌ̈ን ዎቲብቴ።

¹⁴ኣማ̇ኒባ̈ሶ ኣሳንባራ ማ̈ቂ̇ባሶ ጎይባር ዎልኣ ዬላፒ̇ቴ፤ ጺሊ̇ቲኬ ናጋራኬ ኣብዚ ዎል ዬሊ̈ራ? ፎኢንኬ ምኬ ዎዛርታር ዎልኣ ዶኣንዳብ ዳንዳኢ̈ራ?

¹⁵ክርስቶ̈ሳኬ ሴ̈ጣናክ ኣብዚ ኢንታ ዎል ዬል̈ራ? ኣማ̇ኒዛ̈ዲኬ ኣማ̇ኒባ̈ሶዲክ ኣብዚ ዎል ዳቢ̇̈̇ራ?

¹⁶ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈።

¹⁷ማ ጎዳ̈ዲ፤ “ኢንታ̇ ጊዳ̇ፖ̇ ዱማ ኬስኪ̇ብቴ ቄ ማ̈ቂ̇ኖ ባዝ ዎ̈ሻፒ̇ቴ ቴ ዪንታ̇ ቴዪ ማሃር ኤካ̇ንዳ፤

¹⁸ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ።