Read basketo ኤፍ 2 Bible Online

ኤፍ 2 - basketo bible

ኤፍ 2

¹ዪንቲ̇ ዓኒ̇ፖ ቲ̈ን ዪንታ̇ ባዢንባርኬ ዪንታ̇ ናጋሪንባራ ዓይቂ̇ኖን።

²ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ።

³ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

⁴ዎቲናካሬ ጾ̈ሳ̇ ማ̈ሪቲ̈ዲ ዎይሊን ማ̈ቂ̇ኖኮታ̇ብኬ ማ ኢ ኑ̈ና ዎይሊን ካኖኮታ̇ቦ፥

⁵ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ።

⁶ጾ̈ሲ ክርስቶ̈ሳባር ኑ̈ብ ዎ ፔቲ̇ቲንኮታ̇ቦ ዓይቃ ጋርታፖ̇ ኑ̈ና ዲንሪ ክርስቶ̈ሳባር ዎልኣ ኣፋ ኑ̈ና ዶይሲ̇ዴ።

⁷ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ።

⁸ኣባ ጌይን ዪንቲ̇ ኣማ̇ና ጎይባራ ኢ ካንባር ፋጺኔ፤ ዪ̈ዳሬ ጾ̈ሳ̇ ኢሚ̇ኖ ኢሚ̇ቲዶኬ ዪንታ̇ ኦ̈ሳባር ቤንቲ̇ኖ ባዝ ጊዳካዬ።

⁹ኦ̈ናካር ኣሲ ኬርፋካይፌ̈ኒ ፋቲ ቤንቲ̇ኖ̈ዲ ኣሳ ኦ̈ሳባር ጊዳካ̇ዬ።

¹⁰ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

¹¹ዪ̈ኮታ̇ቦ ዪንቲ̇ ዓኒ̇ፖ ቲ̈ን ዪንታ̇ ዬሊቲንዳ ኣይሁድ ጊዳካ̇ዮ ኣሳን፥ ኣይሁዳን ኣሳ ኩሽባር ጋራ̇ዚንቲ̇ኖኮታ̇ቦ ኬርፊሙታ̇ ዪንታ̇ኮ “ዪንቲ ጋራ̇ዚንታካዮን” ጌዪሙታ̇ ዪንታ̇ ቆ̈ዚን ዪንቲ ቆ̈ፒብቴ።

¹²ዪና̇ ኢዝ ኬ̈ሊ̇ምባራ ዪንቲ̇ ክርስቶ̈ሳ ጋልዳፓ ፋጊንቲ፥ ማ ኢስሬ̈ላ ዜርንባራ ፔቲ̇ቲ ዪንታ̇ብ ባዮ̇ ኣስ ማ̈ቂ፥ ጾ̈ሳ̇ ኢስሬ̈ላንቦ ኢሚ̇ኖ ታስፋ ቃ̈ሊን ኤሪባ̈ሶ ዛቃ̇ ኣስ ማ̈ቃ̇ሪ፥ ማ ዓኒ̇ ኣላሚን ጋልዳ̇ሬ ታስፋ ዪንታ̇ብ ባዮ̇ ኣስ ማ̈ቃ̇ር ዎን ዪንቲ̇ ቆፒ̇ብቴ።

¹³ዎቲናካሬ ዪንቲ̇ ዓኒፖ̇ ቲ̈ን ጾ̈ሳ̇̇ ጋልዳፖ̇ ጎቲ̇ኖኒ ዓት ዬሱ̈ስ ክርስቶ̈ሳባር ማ̈ቃ̇ሪ ኢ ሱ̈ባራ ኡኪ̇ኔ።

¹⁴ኑ ዎል ዬላ̇ካይ ባኢን ማ̈ቃ̇ር ኣታ̇ምፔ̈ኒ ኑ̈ና ፋጋር ኑ ጊዳ̇ ኤቂ̇ኖ ኢንዲን ዎዲ̇ሳሪ ኣይሁዳንኬ ኣይሁድ ባዮ̇ ኣሳን ዎል ፔታ̇ን ማ̈ሃር ሳሪቲ ኑ̈ብ ኢሚ̇ኖ ክርስቶ̈ሳ።

¹⁵ዪን ናምኢ ዜርን ጋርታፖ̇ ኦራ ዎርዣ ኬሳ̇ንዳቦ ጋ̈ሪ ኣይሁዳን ሂጊ̇ንዲኬ ሂጊ̇ን ኪ̈ታዚን ዎይ ፌ ዓይቂንባራ ይሳ̇ሪ ሳሪቲ ኤሄይዴ።

¹⁶ኢ ፌ ቆ̈ሚን ማስቃ̇ላ ጋልዳ ሶቲንቲ̇ ዓይቃ̇ሪ ፌ ዓይቂምባራ ኢንታ ጊዳ̇ ዎ ጎይሊን ይሳ̇ሪ ናምኣን ዎልኣ ፔታ̇ን ማ̈ሃሪ ጾ̈ሳ̇ባር ኢጊ̇ንዴ።

¹⁷ኢናፖ ዬ̈ሪ ዪንቲ ጾ̈ሳ̇ ጋልዳፖ ጎታ̇ር ኣቲ̇ኖንብኬ ማ ጾ̈ሳ̇ባር ኡካ̇ር ዎን ኢንታ̇ቦ ሳሪቲ ኢሚ̇ዛ ጾ̈ሳ̇ ቃ̈ላ ሳባኪዴ።

¹⁸ኣባ ጌይን ኢ ጎይባራ ኑ ዎይን ፔቲ̇ ጾ̈ሳ̇ ኣያናባር ጾ̈ሳ̇ ባ̈ባ̈ኮ ኡኪ̈̇ሬ።

¹⁹ዪ̈ኮታ̇ቦ ዪንቲ̇ ጾ̈ሳ̇ ዎርዣ̈ባር ዎልኣ ፔቲ̇ ጋዶ̇ ኣስኬ ፔቲ̇ ኣ̈ል ኣስዶኬ ዓኒፖ̇ ጌዳ ዪንቲ̇ ዛቃ̇ኬ ቤት ጊዳካ̇ዬ።

²⁰ዪንቲ̇ ሃዋ̈ራታንኬ ናባን ጋ̈ጪ ቢ̈ቢንኖን ጋልዳ ኬ̈ጺንቲ̇ኔ፤ ኬ̈ን ሚ̈ን ኤሲ̇ዝ ዋ̈ና ሹቻ̇̈ዲ ዬሱ̈ስ ክርስቶ̈ሳ።

²¹ኬ̈ን ዎይ ዬሱ̈ስ ክርስቶ̈ሳባር ዎልዎልኣ ኤ̈ንታ̇ራ ጎዳ̈ባራ ጌ̈ሽ ጾ̈ሳ̇ ኬ̈ ማ̈ቃ̇ንዳብ ዲጫ̇̈ሬ።

²²ዪንቲ̇ ጾ̈ሳ̇ ፌ ኣያ̇ናባር ዪንታ̇ ጋርታ ኣቂዝ ኬ̈ ማ̈ቃ̇ምፔ̈ኒ ኢባር ዎልኣ ኬ̈ጺንቲሙታ ዎ።