Read basketo ኢብ 3 Bible Online

ኢብ 3 - basketo bible

ኢብ 3

¹ዪ̈ኮታ̇ቦ ጾ̈ሲ ዪንታ̇ ጼይጊኖ ቴ ኢሺንታ̇ን! ኑ ሶ̈ላዝ ኣማ̇ኒንቦ ጾ̈ሲ̇ ኢያ ኪ̈ታ̇ር ሚሺኖ ቄ̈ሳ̈ን ኣላቃ̈ ዬ̈ሱ̈ሳ ቆፒ̇ብቴ።

²ሙ̈̈ሶ ጾ̈ሳ̇̇ ኬ̈ ጋርታ ፌ ኦ̈ሳ ዎይባር ኣማ̇ኒንቲኖንዲፌ̈ኒ ዬሱ̈ሳር ፌ̈ና ሹ̈ሚኖ ጾ̈ሳ̇̇̈ቦ ኣማ̇ኒንቲ̇ኔ።

³ኬ̈ ኬ̈ጺ̇ዝ ና̈ሳ̈ዲ ኢ ኬ̈ጺ̇ኖ ኬ̈ንፖ ሺ ቦንቺ̈ ኢብ ዎንዲፌ̈ኒ ዬሱ̈ሳባሬ ሙ̈ሳፖ ሺ ቦንቺ̈ ዶኣንዳብ ኮሺ̇ዛ ማ̈ቃ̇ር ቤንቲ̇ኔ።

⁴ኬ̈ ጌይዛን ዎይ ኬ̈ጺዝ ኣሲ ዎ፤ ዎቲ̈ናካሬ ዎይ ባዝ ኮቺ̇ኖ̈ዲ ጾ̈ሴ̇።

⁵ሙ̈ሶ̈ ጊዳክ ሶ̈ሊንቲ̈ዝ ባዛንቦ ማ̈ርኪቲሙ̈ታዶሪ ጾ̈ሳ̇̈ ኣ̈ሊን ጋርታ ዎይ ኣማ̈ኒንቲ̇ኖ ኣይላ ማ̈ቂ̇ኔ።

⁶ክርስቶ̈ሲ ዎቲናካር ጾ̈ሳ̇ ኬ̈ሳ̇ ጋርታ ኣማ̈ኒንቲኖዲ ጾ̈ሳ̇̈ቦ ናኢፌ̈ን ማ̈ቃ̈ሪዬ፤ ኑ̈ናሬ ኑ ኣማ̇ኒንታ̇ዚንዲኬ ኑ ኬርፋዝ ኑ ታስፊንዶ ሚ̈ንክ ኤጌይንዶ ኑ ኢ̈ብ ኬ̈።

⁷ዪዚ ጌ̈ሻ̈ ኣያ̈ና ጋ̈ዚንዲፌን፤ “ዪንቲ̈ ኢ ጋ̈ዚን ዓታ̇̈ብ ሲስኪ̇̈ርኮ፥

⁸ዚቃንታ̇ ባራሃ ጋርታ ዪንቲ̇ ታ̈ና ፋታ̇ኒኖባራ፤ ዪንቲ̈ ዉጫባር ኦ̈ኖንዲፌ̈ን፤ ዓት ዪንታ̇ ቡ̈ዲን ዛብሳፒ̇ቴ።

⁹ኢና ዪንታ̇̈ ባ̈ቢንታን ታ̈ና ፋታ̈ኒዴ፤ ታባር ኦሊንቲ̈ዴ፤ ኦይዲ ታጳ ላይ ቴ ኦ̈ኖን ኢንቲ ቤቂ̈ዴ” ጌይሬ ጾ̈ሳ̇̈ዲ።

¹⁰“ዪዚ ዪን ዓቴ̇ቤሮ ናኣን ቴ ጎይላዴ፤ ‘ኢንታ̈ ቡዲን ዎይ ጋላስ ባሊ̇ታ̈̇ሬ፤ ቴ ጎይሚንዳሬ ኢንቲ ኤራካ̇ዬ’ ጋ̈ዴ።”

¹¹ዪኮታ̈ቦ፥ “ ‘ታ̈ኒ ኢንታ̇ብ ኢማዝ ሼምፓ ቤሲን፤ ዉርሲ ኢንቲ ጌሊባ̈ሴ!’ ጋ̈ራ ቴ ጎይሊምባ̇ር ጫ̈ቂ̈ኔ።”

¹²ታ ላጋ̇ን! ዪንታ̇ ጊዳ̇ ኦ̈ናካሬ ሜናብ ዶኢዝ ጾ̈ሳ̇̈ ጋልዳፖ ጎቲሲ ፋጊዛ̈ዳ ኢ̈ት ኣማ̈ኒባሶ ቡ̈ዳ̈ ዶኣካዮዲፌ̈ን ና̈ጊንቲ̇ብቴ።

¹³ዎቲናካሬ ዪንታ̇̈ ጋርታ ኦ̈ናካሬ ናጋራባር ባሊታ̇ሪ ኪ̈ቲንታካ̇ይ ኣታካ̇ዮ̈ዲፌ̈ን ዓታ̇ቦ ጊያ̈ቦ ጋ̈ካ̇ይዶ̈ር ዎይ ጋላስ ዎል ዎልኣ ሚ̈ንብቴ።

¹⁴ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።

¹⁵ዪ̈ዳሬ ጌ̈ሻ̈ ማጻ̈ፋ ጋልዳ፤ “ዪንቲ̈ ኢ ጋ̈ዚን፤ ዓታብ ሲስኪ̈ርኮ፤ ዪና̇ ኢዝባራ ዪንቲ̇ ዉጫባር ኦ̈ኖንዲፌ̈ኒ፤ ዪንታ̇ ቡዲን ዛቢሳፒቴ” ጋ̈ር ሶ̈ሊንቲ̇ኖንዲፌ̈ኔ።

¹⁶ዪን ኢንቲ ቃ̈ሊን ሲስኪኖፖ ዓኒ ዉጪቲኖን ኢንቲ ኦናዶኔ? ኢንቲ ሙ̈ሶ ኢንታ ቲ̈ኒሙታ̇ ጊብጻፖ ኬስኪ̇ኖንባያ?

¹⁷ጾ̈ሳ̇̈ዳ ኦይዲ ታ̈ጳ̈ ላ̈ይ ኩም ጎይሊሲሙታ ጋምኢኖን ኢንቲ ኦ̈ናዶኔ? ኢንቲ ናጋራ ኦ̈ኖን ኢንታ ኣሂን ባራሃ ጋርታ ኬዳ̇ር ኣቲ̈ኖንባያ?

¹⁸ማ̈ ዪን ኪቲ̈ንታብዳ ጌዪ ኢጺ̇ኖንፖ ሜላ “ቴ ሼምፒ̇ዝ ቤሲ̇ን ጌሊባ̈ሴ” ጋ̈ሪ ጫ̈ቂ̇ኖን ኦ̈ባዶኔ?

¹⁹ዪዚ ጌላንዳ̇ብ ዳንዳኣካ̇ዮን ኢንቲ ኣማ̇ናካይ ኣቲ̇ኖኮታ̇ቦ ማ̈ቂ̈ኖን ኑ ቤቂ̈̇ሬ።