Read basketo ኢብ 8 Bible Online

ኢብ 8 - basketo bible

ኢብ 8

¹ዪዚ ኑ̈ኒ ሶ̈ሊንታ̇ንዳቦ ኮሺ̇ዝ ባዛን ጋርታፖ ዋ̈ና ባዚንዳ ዓኖ̇፤ ኢዛሬ ኣፋ ዎይፖ ሾክ̇ ጌይኖ ጾ̈ሳ̇ቦ ኡሻች ጎይ ዶኢኖ ዓ̈ፌ̈ኖ ቄ̈ሳ ኣላቃ ኑ̈ብ ዎ።

²ኢ ጌ̈ሻ ቤሲ̇ን ጋርታ ቄ̈ሳ ኣላቃ ማ̈ቃ̇ሪ ኪን ዱንካ̈ኒን ጋርታ̇ ኦ̈̈ሬ፤ ዪና̇ ዱንካ̈ኒን ቶሊንቲ̇ኖንዳ ኣሳ ኩሽባር ጊዳካይዶን ጾ̈ሲ ቶ̈ሊኔ።

³ቄ̈ሳ ኣላቃን ዎይ ሹሚንታ̇ዚንዳ ጾ̈ሳ̇ብ ኢሚንቲዝ ባዛንኬ ሜሃ ዣ̈ርሻን ኢ̈ቦ ሺ̈ሻ̇ንዳቦ፤ ዪ̈ኮታ̇ቦ ቄ̈ሳ ዪ̈ዳሬ ሺ̈ሺ̇ዛ ፔቲ̇ ባዚ ኢ̈ብ ዶኣንዳብ ኮሺ̇̈ሬ።

⁴ኢ ዎን ሳ̈ዝ ጋልዳ ዎኮ ውርሲ ቄ̈ሳ ማ̈ቂ̇ባስዶን፤ ኣባ ጌይን ሂጊ̇ን ኪ̈ታ̇ዚንዲፌ̈ኒ ጾ̈ሳ̇̇̈ብ ኢሚ̇ዝ ባዛን ኢ̈ብ ሺ̈ሺ̇ዝ ኣሳን ዎ።

⁵ዪን ቄ̈ሳን ኢዝ ጋርታ ኦ̈ዝ ዱንካኒ̈ንዳ ኣፎ̈ምቦ ሚሳ̇̈ሊኬ ኤሻ̇ፌ̈ን ሙታ̇ ማ̈ቃ̇ር ማ̈ዳ̇̈ሬ፤ ዪና̇ ማ̈ቂ̇ኖንዳ ሙ̈ሶ ዱንካኒ̈ን ኦ̈ዝ ኬል̇ባራ ጾ̈ሲ ኢ̈ኮ “ቴ ኔ̈ና ኢንዲን ጋልዳ[1] ቤይሲኖንዲፌ̈ን ዎይ ባዝ ና̈ጊንታ̇ር ኦ̈ቤ” ጋ̈ሪ ኢያ ኪ̈ቲ̇ኖንዲፌ̈ኔ።

⁶ዎቲናካሬ ዬሱ̈ሲ ጾ̈ሳ̇̇̈ብኬ ኣሳብኬ ጊዳ̇ ጪጛሽ ማ̈ቃ̇ር ኦ̈ዝ ጫ̈ቂንዳ ቲ̈ኖ ጫ̈ቂንፖ ሺዚንዲፌ̈ኒ ኢ̈ብ ኢሚ̇ንቲ̇ኖ ኦ̈ሲንዳ ሜላ ቄ̈ሳንቦ ኢሚ̇ንቲ̇ኖ ኦ̈ሲንፖ ሺሬ፤ ኣባ ጌይን ኦራ ጫ̈ቂ̇ንዳ ሚኖንፖ ሺዝ ታስፋ ጋልዳ ኤቂ̇ኔ።

⁷ዎን ቲ̈ኖ ጫ̈ቂን ጋልዳ ማዛ ባዪኮ ናምኢ ጫ̈ቂ ኮሺ̇ባ̈ስዶን።

⁸ጾ̈ሳ̇ዲ ዎርዣ ጋልዳ ኢ̈ታ ኦ̈ሳ ዎን ቤይሳንዳ̇ቦ ዪዝ ጌይኔ፤ “ታ̈ኒ ኢስሬ̈ላ ዎርዣፖኬ ዪሁዳ ጋዶ̇ ዎርዣንባራ ኦራ ጫ̈ቃ ጫ̈ቂ̇ዝ ኬሊ̇ ዬይሬ” ጌይሬ ጎዳ̈ዲ።

⁹“ዪና̇ር ጫ̈ቂንዳ ቴ ኢንታ ጊብጻ ጋዳ̇ፖ ኬሳ̇ንዳቦ ኢንታ ኩሺን ኤ̈ኖ ኬል̇ባራ፥ ቲ̈ኖ ኢንታ ባ̈ቢንታንባር ጫ̈ቂ̇ኖ ጫ̈ቂንዲፌ̈ን ጊዳካ̇ዬ፤ ኢንቲ ታ ጫቂን̇ባር ሚ̈ጛር ኤቃካ̇ዬ፤ ታ̈ናር ኢንታ ታክ̇ ኣሻ̇ዴ” ጌይሬ ጎዳ̈ዲ።

¹⁰“ዪና̇ ኢዝ ኬሊ̇ምፖ ዓኒ ታ̈ኒ ኢስሬ̈ላ ዎርዣባር ጌላዝ ጫ̈ቂን ዓኖ̇፤ ታ̈ኒ ቴ ሂጊ̇ን ኢን̇ታ ጋርታ ጋዳ̇ንዳ ኢንታ ቡ̈ዲን ጋርታ ጻ̈ፋንዳ፤ ታ̈ኒ ኢንታብ ጾ̈ስ ማ̈ቃንዳ፤ ኢንታር ቴ ዎርዣ ማ̈ቂ̇̈ሬ።

¹¹ዓኒ̇ፖ ጌዳ ኦ̈ናካር ማ̈ቂ̇ን ፌ ዶ̈ ማ̈ቆ̇ ፌ ኢሻ ‘ኔ̈ኒ ጎዳ ኤራቤ’ ጋ̈ር ታማ̈ሪሲዝ ኣሲ ዶኢባ̈ሴ፤ ጊላ̈̇ዳር ጴቻ̇̈ዳር ዎይ ታ̈ና ኤሪ̈ሬ፤

¹²ቴ ኢንታ ባሊን ኢንታ̇ብ ኣቶ̈ ጋ̈ንዳ፥ ኢንታ ናጋሪን ዓኒፖ ጌዳ ቆፓ̇ንዳባዬ” ጌይሬ።

¹³ዪዚ “ኦራ ጫ̈ቂ” ጌይኖንዳ ቲ̈ኖ ጫ̈ቂን ሲላ ማ̈ቃ̇ር ኣታ̇ምፔ̈ን ዎታ̈ሬ ጌንቴ፤ ዪ̈ኮታ̇ቦ ጪጚኖዲኬ ሲላ ባዚ ዎይ ዪዝ ኬሊ̇ ኡኪ̇ኔ።