Read basketo ኢብ 9 Bible Online

ኢብ 9 - basketo bible

ኢብ 9

¹ቲ̈ኖ ጫ̈ቂንቦ ጾ̈ሳ̇ ጎሽታ̇ዝ ዎጋኬ ኣሳ ኩሽባር ኬ̈ጺንቲ̇ኖ ጾ̈ሳ̇ ኬ̈ ዎ፤

²ናምኢ ኪፊላ ዎ ፔቲ̇ ዱንካ̈ና ቶሊንቲ̇ኔ። ፔቲ̇ ኪፊሊን ጋርታ ፎኢን ጋዲ̇ዝ ባዝኬ ጻርጴዛኬ፤ ማ ጾ̈ሳ̇̇̈ብ ዣ̈ርሻ ኢሚ̇ዝ ቂጻ̇ ዎ፤ ቤሲ̇ን ኢዛ “ጌሻ̇ ቤስ̇” ጌይንታ̇̈ሬ።

³ናምኢ ማጋራጂንፖ ኡንካ ዎ ጋርቶ ኪፊሊንዳ “ዎይፖ ሺ ጌ̈ሺ̇ንዶ” ጌይንታ̈ሬ።

⁴ዪና ኪፊሊን ጋርታ ዎርቃባር ኦ̈ንቲ̇ኖ ኢጻ̈̈ና ጩይሺ̇ዝ ቄንዳላኬ ኢዝ ጋሊ̇ን ዎርቃባር ሜ̈ሺኖ ጫ̈ቃ ታ̈ቦ̈ቲንዲክ ዎ፤ ዪና ታ̈ቦቲን ጋርታ ማና̇[2] ዎ ዎርቃ̇ባር ኮቺ̇ኖ ሌ̈ማታ ዎ፤ ማ ፉርቲ̇ኖ ኣ̈ሮና ጉፊንዶ፤ ጾ̈ሳ̇ ሂጊ̇ን ኢዝ ጋልዳ ጻ̈ፊንቲ̇ኖ ናምኢ ሹቻ̇ን ኢና ዎ።

⁵ዪና̇ ታ̈ቦቲን ጋልዳ ኣፋ ዎን ናጋራ ኣቶ̇ ጌዪንታ̇ዝ ቤሲ̇ን ጋልዳ ዎ ኢቂን ካሚንዶ ፌ ካ̈ፒንባር ጌ̈ሚዝ ቦንቺንቲ̇ኖ ኪሩቤ̈ላ ጌይዛን ዎ፤ ዎቲናካሬ፥ ባዛን ዓንኮን ዎይ ኑኒ ዓት ሶ̈ላንዳብ ዳንዳኢባ̈ሴ።

⁶ዎይ ባዚ ዪኒ̇ፌ̈ን ጊ̈ጊንቲኖፖ ዓኒ ቄ̈ሳን ፌ ኦ̈ሲን ኦ̈ንዳቦ ዱንካኒን ጋርታ ቲ̈ን ዎ ኪፊሊን ጋርታ ዎይ ጋላስ ጌሊ̈ሬ።

⁷ጋርቶ ኪፊሊን ጋርታ ጌላንዳብ ዳንዳኢዛ̈ዲ ቄ̈ሳንቦ ኣላቃ ሙታ̇። ኢያር ኢና ጌሊዛ̈ዲ ላይባር ፔቲ̇ ቶህ ሙታ፤ ዪና ኢዝባራ ኢ ፌ ናጋሪምቤኬ ዎርዣዲ ኤራካይዶር ኦ̈ኖ ናጋራ̈ቦ ዣሪሺዝ ሱ̈ ኤካካይዶር ጌሊባ̈ሴ።

⁸ቲ̈ኖ ዱንካኒን ዎምባራ ዎይፖ ሺ ጌ̈ሻ̇ ቤሲ̇ንኮ ኤ̈ጛዝ ጎይን ቢርት ቤንታካ̇ዮ ማ̈ቂ̇ኖን ጌ̈ሻ̈ ኣያ̇ና ዪኒ̇ባር ቤይሲኔ።

⁹ዪ̈ዲ ዓቶ̇ ኬላቦ ሚሳ̇̈̃ሊዬ፤ ዪ̈ፌ̈ኖ ጎይባር ሺ̈ቂዝ ማባኬ ዣርሾ፥ ሺ̈ሺ̇ዝ ና̈ሳ ቆ̈ፊን ጌ̈ሻ̇ንዳብ ዳንዳኢባ̈ሴ።

¹⁰ዪን ባዛን ኦራ ዎጋ ዬይዝ ዲራስ ኦ̈ሳ ጋልዳ ፌሽኪ̇ዝ ሙንት ባዝኬ ኡሽ̇ ባዝ፤ ማ ዱማ ዱማ ኣሲ ፌ̈ና ጌ̈ሺ̇ዝ ዎጋ ሙታ̇።

¹¹ዎቲናካሬ ክርስቶ̈ሲ ዓት ዎ ኮሽ̇ ባዛንቦ ቄ̈ሳ ኣላቃ ማ̈ቃ̇ሪ ቤንቲ̇ኔ፤ ኢ ጌሊኖ ዱንካኒንዳ ጴቼ፤ ማ ኢዝ ጋርታ ኣባክ ማዛ ባዬ̇፤ ዪና ዱንካኒንዳ ኣሳ ኩሽባር ኦ̈ንታካ̇ዬ፤ ማ ዓና̇ ኣላሚን ጋልዶ ኮቺንት ጊዳካ̇ዬ።

¹²ኢ ዎይፖ ሺ ጌ̈ሽ ጋ̈ዝ ቤሲ̇ን ናምኢ ማ̈ቃ̇ር ጌላንዳብ ኮሺ̇ባ̈ሶ ጎይባራ ፔቲ̇ ቶህ ፌ ሱ̈ን ኤካ̇ር ጌሊንዶኬ ዴይሺ ሱ̈ኬ ኦ̈ጋና ሱ̈ ኤካ̇ር ጌላካ̇ዬ፤ ዪፌ̈ን ዎታሪ ሜናብ ፋቲን ኑ̈ብ ኢሚ̇ዴ።

¹³ዴይሺ ሱ̈ኬ ኦ̈ጋና ሱ̈ ማ ኦኪ̇ ሚቻ̇ሪ ኢዝ ቡዲን ቄጺ̇ኖ ኣሳን ጋልዳ ፉ̈ኪ̇ን ዪን ኣሳን ፌ ቄጺ̇ኖን ጋርታፖ ጌ̈ዥጊ̈ርፌ̈ንኮ፤

¹⁴ጌ̈ሻ ኣያ̇ና ጎይባራ ሜናብ ፌ̈ና ማዛ ባዮ̇ ዣርሻ ማሃር ጾ̈ሳ̇ቦ ሺ̈ሺ̇ኖ ክርስቶ̈ሳ ሱ̈ን ኑ̈ኒ ሜናብ ዶኢዝ ጾ̈ሳ̇ቦ ኦ̈ምፔን ኑ ቆፊንዶ ማ̈ዲባ̈ሶ ዎጋን ጋርታፖ ዎዛርፌ̈ን ሺ ጌ̈ሻ̇ንዳዶ̈ኔ!

¹⁵ዪ̈ኮታ̇ቦ ዪን ጼይጊንቲ̇ኖን ጾ̈ሲ ታስፋባር ኢሚ̇ኖ ሜናብ ዶኢዝ ኢርስቲን ኤካ̇ምፔ̈ን ክርስቶ̈ሲ ኦራ ጫ̈ቂንቦ ጊዳ̇ ጌላሪ ኢጊንዛ ማ̈ቂ̇ኔ፤ ዪና̇ ማ̈ቂ̇ኖንዳ ኣሳን ቲ̈ኖ ጫ̈ቂንባር ዎዶሪ ኦ̈ኖ ናጋሪን ጋርታፖ ኢንታ ኬሳ̇ንዳቦ ኢ ዓይቂ̇ኖኮታ̇ቦ።

¹⁶ኬ̈ሂ ባዚ ዶኤጌይን ኬ̈ሂኖ ናሳ ዓይቂ̇ኖን ኮሺንቺ ኤራንዳ̇ብ ኮሺ̈ሬ።

¹⁷ኬ̈ሂ ባዚ ኬ̈ሂንቲ̇ኖ ና̈ሳ̈ብ ዬላ̇ዚንዳ ኬ̈ሂኖ ና̈ሳ ዓይቄ̇ጌይንዶ፤ ኢ ሼምፓባር ዶኤጌይን ኢ ኬ̈ሂን ኣባካር ማ̈ዳ̇ባሴ።

¹⁸ዪኒ̇ኮታ̇ቦ ቲ̈ኖ ጫ̈ቂንዳር ማ̈ቂ̇ን ሱ̈ ውሊንታካ̇ ኣቴጌይን ሚ̈ጛባሴ።

¹⁹ቲ̈ን ሙ̈ሶ ጾሳ ሂጊ̇ን ጋርታ ጻ̈ፊንቲ̇ኖ ኪ̈ታን ዎርዣ ዎይቦ ሶ̈ሊዴ፤ ኢናፖ ዎሃ ጌ̈ን ሱ̈ኬ ዴይሻ ሱ̈ ዋ̈ባር ቡሻሪ ሂጋ̇ ማጻ̈ፊንዲኬ ዎርዣ ዎይ ሂሶጳ ጋ̈ዝ ሚን ዋይንባርኬ ዞቃ ዶሪ ኢሲን ኤካ̇ሪ ኢንታ ጋልዳ ውርጺዴ።

²⁰ኢያሬ “ዪንቲ ኢዝቦ ኪ̈ቲንታ̇ምፔ̈ኒ ጋ̈ሪ ጾ̈ሲ ዪንታ̇ብ ኢሚ̇ኖ ጫ̈ቃ ቃ̈ሊን ሚ̈ንዝ ሱ̈ን ዓኖ̇” ዪዝ ጋ̈ር ኢንታ ጋልዳ ውርጺዴ።

²¹ዪኒፌ̈ኒ ዱንካኒን ጋልዳኬ ኢዝ ጋርታ ዎ ኢቃን ጋልዳ ዎይ ሱ̈ን ውርጺዴ።

²²ኪንባራ ሙ̈ሳ ሂጊ̇ንዲፌ̈ን ሙቃ̇ ባዛ ኣቲ̇̈ርዶኬ ዎይ ባዚ ሱ̈ባር ጌ̈ዥጊ̇̈ሬ፤ ሱ ውሊንታካይ ኣቴጌዪን ናጋራ ኣቶ ጌዪንቲባ̈ሴ።

²³ዪዚ ዪን ኣፎ ባዛንቦ ምሳ̇̈ሊ ማ̈ቂ̇ኖን ዎይ ዪኒ̇ፌ̈ኖ ዎጋባራ ጌ̈ዥጋንዳ̇ብ ኮሺ̇ኔ፤ ኣፎ ባዛን ዎቲናካሬ ዪ̈ፖ ሺ ማ̈ቂ̇ኖ ዣ̈ርሻባር ጌዥጋንዳብ ኮሺ̇̈ሬ።

²⁴ክርስቶ̈ሲ ኪን ጌ̈ሻ ቤሲ̇ምቦ ሚሳ̇̈ሊ ማ̈ቂ̇ኖምቤኬ ኣሳ ኩሽባር ኦ̈ንቲኖ ዎይፖ ሺ ጌ̈ሻ̇ ቤሲ̇ን ጋርታ ጌላካ̇ዬ፤ ኢ ዓት ኑ ጊሻ̇ቦ ጾ̈ሳ̇ ቲ̇ን ቤንታ̇ንዳቦ ኣፋ ዎን ኢዝ ጋርታ ጌሊዴ።

²⁵ቄ̈ሳ ኣላቃ̈ዲ ላይ ላይ ዎይፖ ሺ ጌ̈ሻ̇ ኬ̈ን ጋርታ ጌሊ̇̈ርዶሪ ሜሃ ሱ̈ ኤካ̇ር ጌሊ̇̈ሬ፤ ዎቲናካሬ ክርስቶ̈ሲ ፌ̈ና ዣሪሻ ማሃር ሺ̈ሻንዳቦ ማ̈ቃ̇ር ማ̈ቃ̇ር ጌላካ̇ዬ።

²⁶ዎን ዪ̈ፌ̈ን ማቂኔኮ ኣላሚን ኮቺንቲ̇ኖፖ ኤ̈ሪ ክርስቶ̈ሲ ዎይሊን ሜታ ኤካ̇ንዳብ ኮሺ̈ርዶን፤ ዓት ዎቲናካሬ ዉርሲ ኬል̇ ጋልዳ ናጋራ ይሳንዳቦ ናምኢ ኮሺባ̈ሶ ማሃሪ ፌ̈ና ፔቲ̇ ቶህ ዣርሻ ማሃሪ ቤንቲ̇ኔ።

²⁷ዪ̈ዳሬ ኣሲ ዓይቃ ፔቲ̇ ቶህ ዓይቂ̇̈ሬ ኢናፖ ፊርዳብ ሺ̈ቃ̈ምፔ̈ን ዎሳ̇ኒኖንዲፌ̈ኒዬ።

²⁸ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።