Read basketo 2 ዋ̈ኒ̇ 1 Bible Online

2 ዋ̈ኒ̇ 1 - basketo bible

2 ዋ̈ኒ̇ 1

¹ታ ሙታ̇ ጊዳካ̇ይዶን ኪንን ኤሪዛን ዎይ ኢንታ ካዛን ማራ̇ጺንቲ̇ኖ ጎዳቲ̇ንዲኬ ኢዝ ናኣንቦ ታ ዶምዛ ጻ̈ፋ ሚሺኖ ኪ̈ታ፦

²ዪና̇ ኪንንዳ ኑ ጊዳ̇ ዎ ማ ሜናባሬ ኑባር ዶኣ̈ሬ።

³ጾ̈ሳ̇ ባ̈ባ̈ፔኬ ናኣ ዬሱ̈ስ ክርስቶ̈ሳ ኮሺቲን፥ ኢ ማ̈ሪቲ̇ንዲኬ ሳሪቲ̇ንዳ ኪንባርኬ ካንባራ ኑባር ማ̈ቆ̇።

⁴ኔ ናኣን ጋርታፖ ፔታ̇ን ፔታ̇ናን ጾ̈ሳ̇ ኑ̈ና ኪ̈ቲ̇ኖንዲፌ̈ኒ ኪን ጎይንባር ዬሙታ ዎኮታ̇ቦ ታ̈ና ች ኡፋይሲ̇ኔ።

⁵ዓታ̇ር ጎዳቲ̇ንዴ! ሚናፖ ዎንዲዶኬ ቴ ኔ̈ቦ ኦራ ኪ̈ታ ጻ̈ፋባሴ፥ ቴ ኔ̈ብ ጻ̈ፋዚንዳ “ኑ ዎልዎልኣ ካንቲ̇ስቶ” ጋ̈ዚን ሚናፖ ኑ ጊዳ ዎ ኪ̈ቲንዶ።

⁶ኪን ካን ጋ̈ዚንዳ ጾ̈ሳ̇ ኪ̈ቲን ፎታዚንዶ፤ ዪና̇ ኪ̈ቲንዳሬ ዪንቲ̇ ቲ̈ናፖ ሲስኪ̇ኖንዲፌ̈ኒ “ዎል ዎልኣ ካንባር ዶኢብቴ” ጋ̈ዚንዶ።

⁷ዬሱ̈ስ ክርስቶ̈ስ ኣስ ማ̈ቃ̇ር ሳ̈ዚን ዓኒ̇ ጋልዳ ዬይኖንዶ ኣማ̇ኒባ̈ሶ ዎይሊን ኣስ ባሊዝ ኣሳን ዲንዲ̇ኔ። ዪ̈ዲፌ̈ኖ ና̈ሳ̈ዲ ኣስ ባሊዝ ኣስኬ ክርስቶ̈ሳ ኢጺ̇ዝ ኣሴ።

⁸ዎቲናካሬ ዪንቲ̇ ዪንታ̇ብ ጊ̈ጊንቲ̇ኖ ጋቲን ኩም ኤካ̇ንዳቦ ሚ̈ጚብቴ፤ ዪንቲ ኦ̈ኖ ኦ̈ሲን ዪንታ̇ ጋልዳፖ̇ ያካ̇ዮ̈ዲፌ̈ኒ ጌ̈ዚንር ና̈ጊብቴ።

⁹ክርስቶ̈ሳ ቲሚርቲ̇ንባራ ሚ̈ጛር ዶኢባ̈ሶ ፌ ኮዪኖ ጎይ ዬዝ ኣሲ ጾ̈ሲ ኢባር ባዬ̇፤ ክርስቶ̈ሳ ቲሚርቲንባር ዶኢዛ̈ዲ ጾ̈ሳ̇ ባ̈ባ̈ዴኬ ና̈ኣዳሬ ኢባር ዶኢ̈ሬ።

¹⁰ዪና̇ ቲሚርቲ̇ን ኣሻ̈ር ሜላ ባዝ ዪንታ̇ክ ኤካ̇ር ዬይዝ ኣሲ ዎኮ ዪንቲ̇ ዪንታ ኣ̈ል ኢያ ሞኪ̇ ኤካፒ̇ቴ፤ ዪፌ̈ኖ ኣሲ ሜላ ኣቲ̇ን ሳራ̈ር ኢያ ጋ̈ፒ̇ቴ።

¹¹ዪፌ̈ኖ ኣስ ሳሮ ጌ̈ይዝ ኣሲ ኢ ኢ̈ታ ኦሲን ኮሼ̇ ጌይ ኤኪ̇̈ሬ።

¹²ቴ ዪንታ̇̈ብ ጻ̈ፊዝ ባዚ ዎይሊን ዎዶን ዎይን ዳብዳቢ̇ባር ጻ̈ፋንዳብ ኮያባሴ፤ ዪኒ̇ፖ ኑ ኡፋይሲን ዎይላምፔ̈ኒ ቴ ዪንታ̇ኮ ሉካ̇ራ ዪንታ̇ብ ኖ̈ናባር ሶ̈ላንዳብ ታስፋ ጋዲ̇ኔ።

¹³ማራ̇ጺንቲ̇ኖ ኔ ሚ̇ሺን ናኣን ኔ̈ና ሳሮ ጌይኔ።