Read basketo ሳጻ 21 Bible Online

ሳጻ 21 - basketo bible

ሳጻ 21

¹ኢናፖ̇ ኦራ ኣፎ ሳ̈ዝኬ ኦራ ሳ̈ዶ̇ ሳ̈ዝ ቴ ቤቃ̇ዴ፤ ቲ̈ኖ ኣፎ ሳ̈ዚንዲኬ ቲ̈ኖ ሳ̈ዶ ሳ̈ዚን ዪኔ፤ ባሃ̈ራር ዓኒፖ ጌዳ ዶኢባ̈ሴ።

²ጌ̈ሻ̇̈ ካታሚንዳ፥ ኦራን ዬሩሳ̈ላማ ፌ ኣስና̈ቦ ፌ̈ና ጌ̈ዚንር ዬ̈ዝ ኢሲንዲፌ̈ን ጊ̈ጊንታ̇ራ ኣፋ ጾ̈ሳ̇ ቲ̈ናፖ ቶ̈ራ ሶ̈ባምባ̇ር ቴ ቤቃ̇ዴ፤

³ኢናፖ ዙፋ̈ኒን ጋርታ̇ፖ “ጾ̈ሳ̇̈ ዶኣዚንዳ ኣሳ ጊዳ̇ ማ̈ቂ̇ኔ፥ ኢ ኢንታ̇ባር ዶኢ̈ሬ፥ ኢንታ̇ሬ ኢ ዎርዣ ማ̈ቂ̇̈ሬ፤ ጾ̈ሳ̇ ፌ ቆሚ̇ን ኢንታ̇ባር ማ̈ቂ̇̈ሬ ማ ኢንታ ጾ̈ስ ማ̈ቂ̇̈ሬ፤

⁴ኢንታ ኣብን ዎይ ኢንታ ኣ̈ፊን ጋልዳፖ ቁቺ̇̈ሬ፤ ቲ̈ኖ ዎጋ ዎይ ኣ̈ኖኮታ̇ቦ ዓይቃ ዎይ ኣዛና ዎይ ዬ̈ፊ ዎይ ቢጻ ዓኒፖ̇ ጌዳ ዶኢባ̈ሴ” ጋ̈ሪ ሾክ̇ ጌይኖ ቆ̈ባራ ሶ̈ላምባር ሲስካ̇ዴ።

⁵ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ።

⁶ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

⁷ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤

⁸ዎቲናካሬ ኢ̈ጪ̇ዛን፣ ኣማ̇ና ባዮን፣ ቄጺ̇ኖን፣ ኣስ ዎዛን፣ ኦሎላ ጋዲ̇ዛን፣ ቢታን፣ ኣሳ ኩሽባር ኦ̈ንቲ̇ኖ ባዛብ ጎሽቲ̇ዛን፣ ማቃ ማቂ̇ዛን ዎይ ኢንታ ዉርሲንዳ ዲ̈ናባር ሚጫ̇ዝ ታማ ባሃ̈ሪን ጋርታ ማ̈ቃ̇̈ሬ፤ ዪ̈ዳሬ ናምኢ ዓይቃ።

⁹ዉርሲ ታብዛ ሜታን ኢዝ ጋርታ̇ ኩሚኖ ታብዛ ዋ̈ንጫን ኤ̈ኖ ታብዛ ኪ̈ታንቻን ጋርታፖ̇ ፔታ̇ና ዬሪ ታ̈ኮ “ዓዬ̇̈ቤ! ዶራ ማጪ̇ን ኢሲ̇ን ቴ ኔ̈ና ቤይሳስቶ” ጌይዴ።

¹⁰ታ̈ኒ ጌ̈ሻ ኣያ̇ናባር ኦ̈ሂንታ̇ር ዎዶን ኪ̈ታንቻዲ ታ̈ና ጴች ጳሪን ኢንዳ ጋልዳ ኤጛ̈ሪ ጌ̈ሻ ካታሚን ዬሩሳላማ ኣፋ ጾ̈ሳ̇ ቲ̈ናፖ ሶ̈ባምባ̇ር ቤይሲዴ።

¹¹ኢዛ ጾ̈ሳ̇ ቦንቻ̇̈ባር ፎ̈ኣ̈ርዶን፤ ኢዝ ቦልቂንዳሬ ዎይሊን ቦንቺንቲኖ ሹች ኢያስጵድፌ̈ኒ ማስቶታፌ̈ን ጌዥጊ̇ኔ።

¹²ኢዝቦ ታጶ ናምኢ ካራ ዎ ሹችባር ኣጺሪንቲ̇ኖ ጴችኬ ጳሪን ኣጺራ ዎ፤ ታጶ ናምኢ ካራን ጋልዳ ታጶ ናምኢ ኪ̈ታንቻ̇̈ን ኤቃ̇ር ና̈ጊ̈ሬ፤ ማ ዪን ካራን ጋልዳ ኢስሬ̈ላ ዜርን ታጶ ናምኣን ሱ̈ምን ጻ̈ፊንቲ̇ኔ።

¹³ዓይዚ ካራን ኣዋፍ ኬሲ ጎይ፣ ዓይዚ ካራን ሲጛል ጎይ፣ ዓይዚ ካራን ኦፓ ጎይ፣ ማ ዓይዚ ካራን ኣዋፍ ጌላ ጎይ።

¹⁴ካታሚንቦ ቡጊዲምባር ሹችባር ኣጺሪኖ ኣጺሪምቦ ታጶ ናምኢ ማሳራታ ዎ፤ ዪን ማሳራታን ጋልዳ ዶራ̈ ሃዋራታን ታጶ ናምኣን ሱ̈ምን ጻ̈ፊንቲ̇ኔ።

¹⁵ታባር ሶ̈ሊንቲሙታ̇ ዎ ኪ̈ታንቻ̇̈ቦ ካታሚንዲኬ ኢዝ ካራን፥ ማ ሹችባር ኣጺሪኖ ኣጺሪን ዋ̈ዝ ዎርቃ ጉፋ ዎ።

¹⁶ዪና ካታሚንዳ ኢዝ ጳሪንቲንዲኬ ኢዝ ዳልጊቲን ኦይዲ ኣቅጣጫንባር ዎይ ዎልፌ̈ኒዬ። ኪ̈ታንቻ̇̈ዲ ካታሚን ፌ ጉፊንባር ዋምባራ ናምኢ ሙኩላኬ ኦይዲ ጼ̈ታ ኪላ ሜ̈ቲራ ማ̈ቃ̇ዴ፤ ኢዝ ሻኪቲንዲኬ ኢ ሾኪ̇ቲንዳር ኢዝፌ̈ኔ።

¹⁷ኪ̈ታንቻ̇̈ዲ ኣጺሪን ዋዴ፤ ኣሲ ዋዝ ዋባር ኪ̈ታንቻ ዋንባራ ፔቲ̇ ጼ̈ታኬ ኦይዲ ታጶ ኦይዲ ዋ̈ ማ̈ቃ̇̈ዴ፤

¹⁸ካታሚን ቡጊዲምባሮ ኣጺሪን ኦ̈ንቲኖንዳ ኢያስጲድ ጌይዝ ሹችባራ፤ ካታሚንዳ ማስቶ̈ታፌ̈ን ጌዥጊኖ ኮሽ ዎርቃባር ኦ̈ንቲ̇ኔ።

¹⁹ካታሚን ቡጊዲምባሮ ኣጺሪን ኤሳ̇ንዳቦ ሳ̈ዳ̇ ዱማ ዱማ ቦንቺንቲኖ ቆይሲዝ ሹች ዪ̈ጺ̇ኔ፤ ዪ̈ጺ̇ኖ ሹቻን ፔታ̇ኒንዳ ኢያስጲድ፣ ናምኢንዳ ሴንፔር፣ ዓይዚንዳ ካልቃዶና፣ ኦይዲንዳ ማርጊድ፣

²⁰ኢሺቺ̇ንዳ ሴርዶንኪሳ፣ ሌሂንዳ ሴርዶ̈ና፣ ታብዚንዳ ክርስቲሎ̈ባ፣ ላሚንዳ ቢሪላ̇፣ ሳኪልንዳ ዎርዎራ፣ ታጲንዳ ክርስጲራሲሳ፣ ታጶ ፔቲንዳ ያኪንት፣ ታጶ ናምኢንዳ ኣማታስጢኖ̈ሳ ጌይዝ ቦንቺ̇ንቲ̇ኖ ሹቻ̇ን።

²¹ታጶ ናምኢ ካራን ታጶ ናምኢ ኢንቁባር ኦ̈ንቲ̇ኔ፤ ታጶ ናምኢ ካራን ፌ ቆሚ̇ን ቆሚ̇ን ፔቲ̇ ኢንቁባር ኦ̈ንቲኔ፤ ካታሚን ጋርቶ ጴች ዬዝ ጎይንሬ ማስቶ̈ታፌ̈ን ጌዥጊ̇ኖ ኮሽ ዎርቃባር ኦ̈ንቲኔ።

²²ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ።

²³ካታሚንቦ ጾ̈ሳ̇ ቦንቻ ፎኢሲዛኮታብኬ ዶራዲ ኢዝቦ ፎኢን ማ̈ቂ̇ኖኮታ̇ቦ ኣዋ̈ፍኬ ኣጋን ፎኢን ኢዝቦ ኮሺ̇ባ̈ሴ።

²⁴ዎርዣን ኢዝ ፎኢን ጋርታ ዬሬ፤ ሳ̈ዝ ጋልዶ ካ̈ቲንታንሬ ፌ ቦንቺን ኢዝኮ ኤሄይሬ።

²⁵ዪና̇ ኢዝ ካታሚን ጋርታ ቃሚ̇ ባዮ̇ኮታቦ ኢዝ ካራዲ ዎይ ጋላስ ዪብጺንቲ̇ባ̈ሴ።

²⁶ዱማ ዱማ ዎርዣን ፌ ጴቺቲንዲኬ ፌ ቦንቺ̇ን ኢዝኮ ኤኪ ጌሊ̈ሬ፤

²⁷ቄ̈ ማ̈ቂ̇ኖ ባዚ ዉርሲ ኢዝ ጋርታ ጌሊባ̈ሴ፤ ቄ ባዝ ኦ̈ዝ ኣስኬ ማቃ ሶ̈ሊዝ ኣሲ ዉርሲ ኢና ጌሊባ̈ሴ፤ ኢዝ ጋርታ ጌሊዛን ኢንታ ሱ̈ምን ዶራ̈ኮ ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖን ሙታ̇።