Read basketo ሳጻ 9 Bible Online

ሳጻ 9 - basketo bible

ሳጻ 9

¹ኢሺቻ ኪ̈ታንቻ̇̈ዲ ፌ ኤ̈ኖ ሞ̈ይዚን ፉጊ̇ዴ፤ ኢናፖ̇፥ ኣፋፖ ቶ̈ራ ሳ̈ዳ̇ ኬዲ̇ኖ ፔቲ̇ ቤ̈ርስ ቴ ቤቃ̇ዴ፤ ቶ̈ራ ዎሳሊ ባዮ̇ ዶ̈ቺ̇ን ፊርቂዝ ቁልፋ ኢ̈ብ ኢሚ̇ንቲዴ።

²ኢያር ዪኖ̇ ዶ̈ቺ̇ን ፊርቂ̇ዴ፤ ጴች ሞ̈ላ̇ ጋርታፖ ኬስኪ̇ዝ ጩይዝፌ̈ኖ ጩይዢ ዓና̇ ቶራ ዎሳሊ ባዮ̇ ዶ̈ቺ̇ን ጋርታ̇ፖ ኬስኪ̇ዴ፤ ዶ̈ቺን ጋርታፖ ኬስኪ̇ኖ ጩይዢንጊሽ ኣዋ̈ፊንዲ̇ኬ ሳ̈ዚን ሚ̇ዴ።

³ጩይዢን ጋርታፖ ቦ̈ላ ሳ̈ዝ ጋልዳ ኬስኪ̇ዴ፤ ቦ̈ላንቦ ዓጛርጫብ ዎ ዎልቃፌ̈ኖ ዎልቃ ኢንታ̇ብ ኢሚ̇ንቲ̇ዴ፤

⁴“ሳ̈ዝ ጋልዳ ማ̈ታ̇ር ማ̈ቆ ጫ̈ላ̇ ባዚ ዎይ ዎይ ሚር ማ̈ቂ̇ን ጎዳኣፒ̇ቴ፤ ኢንታ ዴ̈ሚን ጋልዳ ጾ̈ሳ̇̈ ማይታማ ባዮ ኣሳን ሙታ̇ ጎዳኢብቴ” ጋ̈ር ኢንታ̇ብ ሶ̈ሊዴ።

⁵ኢንታ ዴ̈ሚን ጋልዳ ጾ̈ሳ̇ ማይታማ ባዮ̇ንር ማ̈ቂን ኢሺ̇ን ኣጋን ቢጻ ቤይሲ̈ርዶኬ ዎምፔ̈ን ጌዪ ሲልጣ̈ና ኢንታ̇ብ ኢሚ̇ንታካ̇ዬ፤ ቦ̈ላን ኢንታ̇ ጋልዳ ዬልዝ ቢጺንዳ ዓጛርጫ ኣስ ዱኪ̇ን ዛ̈ማ̈ዚንዲፌ̈ኒዬ።

⁶ዪን ቃማ̇ንባራ ኣሳን ዓይቃ ኮዪ̈ሬ፤ ዎቲናካሬ ዓይቃ̇ንዳብ ዳንዳኢባ̈ሴ፤ ዓይቃ̇ንዳ̇ብ ኢኒ̇ቲ̈ሬ፤ ዎቲናካሬ ዓይቆ ኢንታ ጋልዳፖ̇ ጎቲ̇̈ሬ።

⁷ቦ̈ላን ኦላብ ጊ̈ጊንቲ̇ኖ ፋራ ማይጺ̈ሬ፤ ኢንታ ቆማ̇ ጋልዳ ዎርቃ ኣኪሊላ ማይጺዝ ባዚ ዎ፤ ኢንታ ሲሊ̇ምፖ ፉዳ ኢንታ ቆሚ̇ንዳ ኣሳ ቆም̇ ማይጻ̈ሬ፤

⁸ማጫ̇ ቆም ኢሲን ማይጺዝ ቆም̇ ኢሲን ኢንታ̇ብ ዎ፤ ኢንታ ኣቻ̇̈ዳሬ ዞብ̇ ኣች̇ ማይጺ̈ሬ፤

⁹ሲላባር ኮቺ̇ኖ ኦላ ኣፊላ ማይጺዝባዝ ኢንታ ቲራ ጋልዳ ዎ፤ ኢንታ ካ̈ፒ̇ን ጊርቃ̇ዝ ጊርሲንዳ ኦላብ ኬስኪ̇ኖ ዎይሊን ፋራኬ ፋራባር ጎ̈ቺንቲዝ ጋ̈ሪ ጊርቂዛ̈ዲፌ̈ን ጊርቂ̇̈ሬ።

¹⁰ዓጛርጫፌ̈ኒ ጎልስኬ ዱኪ̇ዝ ዪሺ̇ ኢንታ̇ብ ዎ፤ ኢንታ ጎልሲን ጋርታ ኢሺ̇ን ኣጋን ኣስ ጎዳ̇ኢዝ ዎልቃ ኢንታ̇ብ ዎ።

¹¹ኢንታ̇ብ ካ̈ታር ዎ፤ ኢያሬ ቶ̈ራ ዎሳሊ ባዮ̇ ዶ̈ቻ̇ ጋርቶ ኪ̈ታንቻ፤ ኢ ሱምዳሬ ኢብራዪስጣ ኖ̈ናባራ ኣባዶ̈ና[7] ጌዪንቲ̇̈ሬ፤

¹²“ሳ̈ዝ ጋልዳ ዎ ኣሳንቦ ኣዬ̇” ጌይኖን ቲ̈ኖን ኣኔ፥ ዓኒፖ ዎሃ ሜላ ናምኢ ኣዬ! ጌይዝ ባዚ ጋስ ዬይሬ።

¹³ሌሂ ኪ̈ታንቻ̇̈ዲ ፌ ኤ̈ኖ ሞይዚን ፉጊ̇ዴ፤ ኢናፖ ጾ̈ሳ̇̈ ቲ̈ን ዎ ዎርቃባር ኦ̈ንቲኖ ዣርሻ ቤሲ̇ን ጋልዶ ኡሺንቺ̇̈ን ጋርታፖ ጊርሲ̇ ኬስኪ̇ን ሲስካ̇ዴ።

¹⁴ጊርሲንዳ̇ሬ ሞይዛ ኤ̈ኖ ሌሂ ኪታንቻ̇̈ኮ “ጴች ዋ̈ን ኤፊራ̈ጢሲኮ ቃቺ̇ንቲ̇ኖ ኦይዲ ኪ̈ታንቻ̇ን ቢላ̇ቤ!” ጌይዴ።

¹⁵ዓኒ̇ ሳኣቲምቦ፥ ዓኒ̇ ቃሚ̇ንቦ፥ ዓኒ ኣጋኒምቦ፥ ማ ዓኒ̇ ላይምቦ ጊ̈ጊንቲ̇ኖ ኦይዲ ኪ̈ታንቻን ኣሳ ዜር ጋርታፖ ሲሳ ዎምፔ̈ን ቢሊንቲ̇ዴ።

¹⁶ፋራጋልዳ ቶጋ̇ር ኦሊዛን ፋይዲንዳ ናምኢ ጼ̈ታ ሚ̈ሎና ማ̈ቂ̇ኖን ቴ ሲስካ̇ዴ።

¹⁷ቴ ሳጻባር ቤቂ̇ኖ ፋራንኬ ፋራን ጋልዳ ቶጊ̇ኖ ኣሳን፤ ኢንታ ቲራ ጋልዳ ማኢኖ ኦላ ኣፊላ̈ዲ ታማ ዬርጭፌን ዞ̈ቃ፣ ጩ̈ላ̇፣ ማ ኤስ ፋል̇ ማይጺ̈ሬ፤ ፋራን ቆሚ̇ንዳ ዞብ̇ ቆም̇ ማይጻ̈ሬ፤ ኢንታ ኖ̈ና ጋርታ̇ፖ ታማ፣ ጩይዥኬ ዲ̈ይና ኬስኪ̈ሬ።

¹⁸ኢንታ ኖ̈ና ጋርታፖ ኬስኪ̇ኖ ታማ፣ ጩይዣዲኬ ዲ̈ናባራ ኣሳ ዜር ጋርታ̇ፖ ሲሳ ዓይቂ̇ዴ።

¹⁹ፋራን ዎልቂንዳ ኢንታ ኖ̈ኒን ጋርታ̇ኬ ኢንታ ጎልሲ̇ን ጋርታ̇ ዎ፤ ኢንታ ጎልሲ̇ንዳ ሾ̈ሽ ማይጻ̈ሬ ማ ሾ̈ሽ ቆሚ̇ ኢዝ ጋልዳ ዎ ኢንታ̇ር ኣስ ቃዚንዳ̇ሬ ዪና̇ ኢዝባራ።

²⁰ኢንታ ጋልዳ ዬይኖ ዪን ጴች ሜታንባር ዓይቃካ̇ይ ቡ̈ቲ̇ኖ ኣሳን ፌ ኢ̈ታ ኦ̈ሲን ጋልዳፖ ማ̈ቃ̇ሪ ማ̈ሪቲ ጌላካ̇ዬ፤ ኢታ ኣያ̇ናብኬ ዎርቃባር፣ ቢራባር፣ ና̈ሳ ሲላባራ፣ ሹችባርኬ ሚባር ኮቺንቲ̇ኖ ቤቃ̇ንዳብ፣ ሲስካ̇ንዳቦ ዎይ ዬ̈ንዳ̇ቦ ዳንዳኢባ̈ሶ ኤ̈ቃ ጎሽታዚን ኣሻ̇ካ̇ዬ።

²¹ማ ሼምፓ ዎዚን ጋልዳፖ፣ ፌ ቢቲን ጋልዳፖ፣ ፌ ኦሎሊን ጋልዳፖኬ ፌ ዉሲ̇ን ጋልዳፖ ማ̈ቃ̇ር ማ̈ሪቲ ጌላካ̇ዬ።