Read bassa UMOZHIGO 13 Bible Online

UMOZHIGO 13 - bassa bible

UMOZHIGO 13

¹Ga Abram, ne biyikwo bwa keeni iyi elele nɛ baa 'yajɛ, tu ga Lụt beni ga ni Ijipti, oo to zalụ tuta ti Kenan.

²Ga Abram kaa shɛ bɛzhɛgba tebiye ni iyimabiga, na azụrụfa keeni azhɛnarɛya.

³Bee beni apata baa sanɛ tahaŋnụ tu bwa geri bu Bɛtɛl, bee ci ofwo na udulo ubwa tugwuno namɛ la hiiŋ, na ashashɛ Bɛtɛl ni Ai.

⁴Aba shɛ ofwo ata boo to la utukwu-ụrụpɛ hiiŋ, ga Abram zhɛbɛ AGWANGWAMA apata.

⁵Ga Lụt na zhagajɛ na Abram 'yajɛ du unyama wa agwụdụ, ni iyweywe, ni inɛ keeni odulo tugwuno.

⁶Iwɛbɛ po cɛnjɛ ti le shi aŋ ya maa o sotulonu hwɛɛ aba ebe yebi. Iwɛnɛ po i'wɛŋnɛ nɛ aa 'yajɛ gembi tebiye, e eri shi a nama ya urubwo uko.

⁷Ibɛ po ifelu ya bilana a'iywa iyimabiga Abram na a'iywa iyimabiga Lụt. Na aka ata kaa Ekenan, nɛ Ɛpɛrɛz jɛjɛ na cɛnjɛ ta ata.

⁸Nazhɛ ga Abram hiɛŋ Lụt, Kede ifelu na tu bilana atuba na bụ, keeni a'iywa iyimabiga tu o, iwɛnɛ po miaụŋ-mo-bino atɛ shɛ.

⁹Shɛ cɛnjɛ tu na suu tụ bụ balanɛ? Ma bụ tabwa maa bogwu ne mi. Yaa shɛ ebi shepi geri bu u'ala ugwulwo, N zhɛ ma shapa tuba geri bu u'ala ubiye. Yaa shɛ kaa ebi shepi geri bu u'ala ubiye, N zhɛ ma shapa tuba geri bu u'ala ugwulwo.

¹⁰Ga Lụt mbiyanganɛ, baa kwụbɛ maa ulomu Jodan 'yajɛ meni no ofwo elele gana itimɛ ya AGWANGWAMA,[13] gana cɛnjɛ ti Ijipti, ne eririri Zoa. AGWANGWAMA te iricinji shi la Sụdụm nu Gụmụra na aka ata o.

¹¹Iwɛbɛ po ga Lụt meme teleji ulomu Jodan kpaaŋ, baa sanɛ tahaŋnụ tu bwa geri bu uwaŋna-banụ, oo bogwu na binya.

¹²Ga Abram namɛ na cɛnjɛ ti Kenan, ga Lụt tuba jɛjɛ na ashashɛ ashɛpwụ a'wụtụ a na namɛ nu ulomu, baa kaangana izhɛ tutu Sụdụm.

¹³Atwa Sụdụm kaa shɛ atwa ci'nyɛ, a na a nda AGWANGWAMA iwɛwɛ tebiye.

¹⁴Aka na ga Lụt bogwu na Abram, nazhɛ AGWANGWAMA hiɛŋ Abram, Shapa eshe bu maa kwụbɛ ofwo ga abu namɛ, tụ zalụ tuzuba keeni zalụ tuta, tu uwaŋna-banụ tu uwaŋna-twonuo.

¹⁵Cɛnjɛ tu ga abụ kwụbɛ kpaaŋ, gabụ Ngɛɛ zhɛ ma pana tụ keeni ajalalo bu unyizo-nom.

¹⁶N zhɛ ma nda ajalalo bu maa e gembi ufwugwo gana upwupwutu, yaa shɛ bụtụ eri ba rɛta upwupwutu, asha bi eri ba rɛta du ajalalo bu.

¹⁷Ishijɛ maa duleji ụnjɛswa keeni uholo cɛnjɛ tu ga kpaaŋ, iwɛnɛ po gabụ Ngɛɛ zhɛ ma pana tụ hwɛɛ.

¹⁸Ga Abram ga shɛdɛnjɛ udulo ubwa tugwuno, baa zhajɛ baa jɛjɛ to dongwu ekpekpeshi na namɛ nu Mamre, na namɛ ni Hibron, bee meni AGWANGWAMA utukwu-ụrụpɛ apata.