Read bassa SHƐRỤKWỤKWỤ SHI HIIŊ 24 Bible Online

SHƐRỤKWỤKWỤ SHI HIIŊ 24 - bassa bible

SHƐRỤKWỤKWỤ SHI HIIŊ 24

¹Gana oo dwotwogonu miaụŋ-me-eyi mu Aron na: miaụŋ-me-eyi mu Aron mu namɛ mi neshi: ga Nadab, na Abihu, nɛ Ɛleaza keeni Itama.

²Ga Nadab na Abihu 'wi hiiŋ ne bishi ba aba, e meci shi kaa miaụŋ me elele o. Ibɛ po ohongwu aba gɛ Ɛleaza na Itama shɛ onongbo.

³Ge Devid dwotwogonu umwamwa Aron orubwo orubwo, bee eni aŋ ugondu gana na to orubwo aba namanjɛ. Ata Zadok, na shɛ umwamwa Ɛleaza na Ahimɛlɛk, na shɛ umwamwa Itama aba mbiyeni bu ugondu ata.

⁴O dwotwogonu umwamwa Ɛleaza orubwo umpwa-na-ba-ecihiŋ, umwamwa Itama tuba namɛ orubwo atụndatụ; gana yaa shɛ na, iwɛnɛ ta shɛgwuma shu nhwaŋ shu umwamwa Ɛleaza shi hwuri aŋ nu ufwugwo, ibɛ po yaa shɛ gana ata.

⁵Iwɛnɛ tu umwamwa Ɛleaza nu una Itama 'yajɛ atwa na eri a untangana ugondu no ohwolu ata tijilo keeni atwa na eshiciji iyi ya Agwatana. Iwɛbɛ po aa 'wɛŋ icɛcɛ[38] maa e mepi ohwolu na bụtụ bụtụ zhɛ ba untangana iyi uzawa tumomo hwulosu.

⁶Umwamwa Ɛleaza nu una Itama peleji icɛcɛ ɛtɛ tu'waŋ. Ge Shemaya yɛu-ye-eyi Nɛtanɛl, na shɛ bi'nyeci ba Alivai, ubwa 'nyeci nzeci ma aba. Atwa na shɛ eseyida na: agwuma, na anjɛ-ugondu ubwa, no bunongbo ga Zadok, na Ahimɛlɛk yɛu Abiata, keeni ehiu amwamwa onongbo, ta a na Alivai hwɛɛ aba namba.

⁷Umama 'wanụ we ehwurembe aba gana na te e eni aŋ ugondu na: bụtụ bi hiiŋ na yɛ icɛcɛ, i shɛ ge Jehoiyarib, bụtụ bi yebi shɛ ge Jedaya,

⁸bụtụ bu tatụ shɛ ga Harim, bụtụ bi neshi shɛ ge Seorim

⁹bụtụ bu tana shɛ ga Malkija, bụtụ bi cihiŋ shɛ ge Mijamin

¹⁰bụtụ bi cenje shɛ ga Hakoz, bụtụ bụ tụndatụ shɛ ga Abija,

¹¹bụtụ bi cinjishi shɛ ge Jeshua bụtụ bu umpwa shɛ ge Shekania

¹²bụtụ bu umpwa-nu-boo-ko shɛ gɛ Ɛliashib, bụtụ bu umpwa-nu-ba-yebi shɛ ga Jakim

¹³bụtụ ba umpwa-nu-ba-tatụ shɛ go Hupa bụtụ bu umpwa-nu-ba-neshi shɛ ge Jeshɛbeab

¹⁴bụtụ bu umpwa-nu-ba-tana shɛ ge Biliga bụtụ bu umpwa-nu-ba-cihiŋ shɛ ge Imɛ

¹⁵bụtụ bu umpwa-nu-ba-cenje shɛ gɛ Hɛzi bụtụ bu umpwa-nu-ba-tụndatụ shɛ ga Hapizɛz

¹⁶bụtụ bu umpwa-nu-ba-cinjishi shɛ gɛ Pɛtahia bụtụ bu woshi shɛ gɛ Jɛhɛzkɛl

¹⁷bụtụ bu woshi-nu-boo-ko shɛ ga Jakin bụtụ bu woshi-nu-ba-yebi shɛ ga Gamul

¹⁸bụtụ bu woshi-nu-ba-tatụ shɛ ge Delaya bụtụ bu woshi-nu-ba-neshi shɛ ge Meazia.

¹⁹Gana na ee teri aŋ maa a na nda ugondu nu mama 'wanụ nu umwono wa AGWANGWAMA ta. A nda uŋ nu gana na tu ugwunukwoshi wa aba ga Aron shileni aŋ undwa ubwa, gana na du ta AGWANGWAMA na shɛ Agwatana Isrɛl peni bu la unu.

²⁰Shɛgwuma shu nhwaŋ shu umwamwa Livai shɛ na shɛ ta vwɛ na: ge Jedia na shɛ umwamwa amram na ge Shebaɛl meci;

²¹nu umwamwa Rehabia; i shɛ ge Ishia,

²²nu umwamwa Izha na ge Shilomot meci, i shɛ ga Jahat.

²³Miaụŋ-me-eyi mi Hibron nu gana na ta a mama 'wanụ na tumata na: ge Jeria, na Amaria, ne Jeheziɛl keeni Jɛkamiam;

²⁴nu umwamwa Uziɛl na ge Mika meci, i shɛ ga Shami;

²⁵nu umwamwa Uziɛl na ge Ishia yɛu-bino Mika meci, i shɛ gɛ Zɛkaria.

²⁶Nu umwamwa Merari, i shɛ ga Mali, no Mushi keeni Jeazia.

²⁷Miaụŋ-me-eyi mi Merari mu na mu banɛ no olugwo Jeazia na: ge Beno, no Shoham, na zaku keeni Ibirai.

²⁸No olugwo Mali i shɛ: gɛ Ɛleaza, gɛ Ɛleaza kaa meci shi yɛu-ye-eyi ye elele o.

²⁹Ge Kish meci yɛu-ye-eyi ike, ibɛ shɛ gɛ Jɛramɛil,

³⁰go Mushi meci miaụŋ-me-eyi mu tatụ: ga Mali, ne Idɛ keeni Jɛrimot. Amwamwa Alivai ta.

³¹Agwuma-ihwɛ elele keeni buhongwu bwa, aba a 'waŋ icɛcɛ iwɛ umwamwa wa aba, iwɛ ugondu na ee eni aŋ, nu gana na ta atwa aba a na shɛ onongbo a na banɛ nu umwamwa Aron 'wɛŋ. Ne eshe Agwuma Devid, na Zadok, na Ahimɛlɛk keeni shɛgwuma shu nhwaŋ sho onongbo keeni ma shɛ shɛ Alivai, ibɛ aa 'wɛŋ iŋ.