Read bassa SHƐRỤKWỤKWỤ SHI HIIŊ 27 Bible Online

SHƐRỤKWỤKWỤ SHI HIIŊ 27 - bassa bible

SHƐRỤKWỤKWỤ SHI HIIŊ 27

¹Nzeci ma shɛgwuma shu nhwaŋ mi Isrɛl na, te ehwurembe amwamwa, atwa igbɛɛ igbɛɛ keeni eberezhe atwa kpakwụ kpakwụ, ta anjɛ-ugondu a na untanganɛ cɛnjɛ keeni eberezhe ejeshi oko a na namɛ nu ugondu wa agwuma tɛnda ni iwɛ ye elele nɛ ya zhajɛ yo hwulo upiana upiana. A namɛ igbɛɛ-umpwa-ni-bɛ-yebi (24,000).

²Ga jashobiam, yɛu Zabdiel, ubwa shɛ uberezhe udungbe igbɛɛ ɛtɛ umpwa-ni-bɛ-yebi (24,000), nu upiana uhiiŋ.

³Nu umwamwa Pɛrɛz baa banɛ, baa shɛ du kaa uhiu we eberezhe ejeshi elele nu upiana ata.

⁴Go Dodai na shɛ umwamwa Ahohi, ubwa shɛ uberezhe udungbe igbɛɛ-umpwa-ni-bɛ-yebi (24,000) nu upaina uyebi. Ge Mikilot, ubwa shɛ bɛnjɛ bu bwa bu ugondu.

⁵Uberezhe na untanganɛ udungbe we ejeshi nu upiana ụtatụ, ubwa shɛ gɛ Bɛnaya, yɛu Jehoiyada na shɛ bunongbo. Ubwa shɛ uhiu we eberezhe ejeshi igbɛɛ-umpwa-ni-bɛ-yebi (24,000) nu udungbe ubwa.

⁶Gɛ Bɛnaya ata i shɛ bụtụ bu ko na amɛ atwa ata talacɛ a na 'yajɛ ukpahiŋ, ubwa du shɛ uhiu wa atwa ata talacɛ. Yɛu ibwɛ ye eyi ga Amizabad, ubwa untanganɛ udungbe wa atwa ubwa.

⁷Ga Asahɛl buhongwu Joab, ubwa shɛ uberezhe nu upiana uneshi. Na aka fwalaa yɛu ibwɛ gɛ Zɛbadia teni unu ubwa. Bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

⁸Ga shamhut, bụtụ bi Izira, ubwa shɛ uberezhe we ejeshi nu upiana utana, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

⁹Ge Ira yɛu Ikɛsh bụtụ bu Tekoa, ubwa shɛ uberezhe we ejeshi nu upiana ucihiŋ, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹⁰Gɛ Hɛlɛz na shɛ umwamwa Ifrem na banɛ ni Pɛlon, ubwa shɛ uberezhe we ejeshi nu upiana ucenje, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹¹Ge Sibeka na banɛ nu Hushat, bɛ shɛ bụtụ bu umwamwa Zera, ubwa shɛ uberezhe we ejeshi nu upiana ụtụndatụ, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹²Ga Abiɛzɛ na banɛ nu Anatot, na cɛnjɛ tụ ụlamụ Bɛnjamin, ubwa shɛ uberezhe we ejeshi nu upiana ucinjishi, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹³Ga Maharai na banɛ ni Netofa na shɛ bụtụ bu umwamwa Zera, ubwa shɛ uberezhe we ejeshi nu upiana u'umpwa, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹⁴Gɛ Bɛnaya na banɛ ni Piraton na namɛ nụ ụlamụ Ifrem, ubwa shɛ uberezhe we ejeshi nu upiana u'umpwa-nu-boo-ko, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹⁵Gɛ Hɛlidai na banɛ ni Netofa, na shɛ bụtụ bu umwamwa Otiniɛl, ubwa shɛ uberezhe we ejeshi nu upiana u'umpwa-ni-bɛ-yebi, bu untanganɛ ejeshi igbɛɛ-umpwa-ni-bɛ-yebi (24,000) nu udungbe ubwa.

¹⁶Atwa na untanganɛ shihwolu shu ugondu na alamụ Isrɛl hwɛ hwɛɛ na: Nụ ụlamụ Rubɛn: i shɛ gɛ Ɛliɛzɛ yɛu Zikri, nụ ụlamụ Simion: i shɛ gɛ Shɛfatia yɛu meaka;

¹⁷nụ ụlamụ Livai; i shɛ ga Hashabia yɛu Kemiɛl; nụ ụlamụ Aron: i shɛ ga Zadok;

¹⁸nụ ụlamụ Juda: i shɛ gɛ Ɛlihu yɛu-bino Devid; nụ ụlamụ Isaka: i shɛ go Omri yɛu Maikɛl;

¹⁹nụ ụlamụ Zɛbulon: i shɛ ge Ishimaya yɛu Obadia; nụ ụlamụ Naftali: i shɛ gɛ Jɛrimot yɛu Ariɛl;

²⁰nụ ụlamụ Ifrem: i shɛ go Hoshia yɛu Azazia; na ashashɛ ụlamụ Manasɛ: i shɛ go Joɛl yɛu Pɛdeiya;

²¹na ashashɛ ụlamụ Manasɛ na namɛ ni Giliad: i shɛ ge Ido yɛu Zekaria: nụ ụlamụ Bɛnjamin: i shɛ ge Jeasiɛl yɛu Abnɛ,

²²nụ ụlamụ Dan: i shɛ ga Azarɛl yɛu Jɛroham. Atwa na shɛ anjɛ-ugondu a na untanganɛ alamụ Isrɛl ta.

²³Iwɛ unu na AGWANGWAMA shiri la maa bi zhɛ ba nda atwa Isrɛl maa e gembi ufwugwo gana mkpasu ma azuba, iwɛbɛ po ge Devid rɛcɛ shɛ atwa elele na te ci shi shiywa woshi te e meci aŋ.

²⁴Go Joab na ɛɛ hiɛŋ bino bwa gɛ Zɛruwia, kwuni la tɛrɛcɛ, ama bu hwuwi shi o, iwɛnɛ ti isɛbwɛ ya Agwatana kezhe no ohiuhiu atwa Isrɛl iwɛ tɛrɛcɛ ta ata. Iwɛbɛ po oo togwu su ufwugwo wa atwa ga nu una utakada Shɛrụkwụkwụ sha agwuma Devid.

²⁵Ga Azmavɛt yɛu Adiel, ubwa ngbaracɛ shimwono shi i'wɛŋnɛ ihwɛ ya agwuma. Go Jonatan yɛu Uzia, ubwa ngbaracɛ shimwono shi i'wɛŋnɛ shɛ na shɛ namɛ nu ukpokpogwu wa ashɛpwụ a'wụtụ, ta a na ticwɛŋ cwɛŋ hwɛɛ, ta shɛ shɛkpa shɛ u'iywa.

²⁶Ge Ezri yɛu Kelub, ubwa untanganɛ ahwɛŋ itimɛ.

²⁷Ge Shimei na banɛ Rama, ubwa untanganɛ ntuma ma shifwafwa, ga Zabdi na banɛ ni Shifim, ubwa untanganɛ ugondu meni ma tụ'walụ ta afwafwa tɛnda na tụ'walụ tu na ee cwe keeni tuswaka ta muba.

²⁸Ge Beal-hanan na banɛ ni Gɛdɛ, ubwa ngbaracɛ i'wɛ'wɛ buta, no owowo na namɛ ne embi nshama mu na mu namɛ nu uwaŋna-twonuo. Go Joash, ubwa ngbaracɛ ugondu manɛbɛ ma buta tu'wananjɛ.

²⁹Ge Shitirai na banɛ nu Sharon, ubwa ngbaracɛ iyimabiga nu Sharon. Ga shafat yɛu Adilai, ubwa ngbaracɛ iyimabiga nɛ namɛ no olomu.

³⁰Go Obil na shɛ bụtụ bu umwamwa Ishmɛl, ubwa ngbaracɛ nruhondo. Ge Jedeiya na banɛ nu Meronot, ubwa ngbaracɛ nzhinyacɛ mo o.

³¹Ge Jeziz na shɛ bụtụ bu umwamwa Hagi, ubwa ngbaracɛ unyama wa agwụdụ ni iyweywe. Atwa ga hwɛɛ aba a shɛ anjɛ-ugondu a na untanganɛ i'wɛŋnɛ ya agwuma Devid.

³²Bishi ba agwuma Devid bu ko, go Jonatan, ubwa shɛ bɛjɛmɛ-bu-ushaura na mepi iyi, na kaa shɛ bi'nyeci. Ubwa keeni Jehiɛl yɛu Hakmon, aba shɛ embisegeni miaụŋ-me-eyi ma agwuma.

³³Ga Ahitofɛl, ubwa shɛ bɛjɛmɛ-bu-ushaura ba agwuma, no Hushai na shɛ bụtụ bu umwamwa Akiti, aba shɛ eyejilo agwuma.

³⁴Ge Jehoiyada yɛu Bɛnaya, ubwa teni ụtarụtụ Ahitofɛl. Ga Abiata no Joab, aba shɛ ehiu eberezhe ejeshi ihwɛ ya agwuma.