Read bassa NEHEMAYA 10 Bible Online

NEHEMAYA 10 - bassa bible

NEHEMAYA 10

¹Atwa na zweni i'ɛlɛ ya aba nu unu ata tutwa, a shɛ: ge Nehemaya yɛu Hakalia na shɛ ugwomina, na Zɛdakia,

²nɛ Sɛraiya, na Azaria, nɛ Jɛrɛmia,

³na Pashu, na Amaria, na Malkija,

⁴na Hatush, nɛ Shɛbania na Maluk,

⁵na Harim, nɛ Mɛrɛmot, no Obadia,

⁶na Daniɛl, ne Ginɛton, na Baruk,

⁷nɛ Mɛshulam, na Abija, ne Mijamin,

⁸ne Meazia, ne Bilgai keeni Shɛmaya. Atwa ata a shɛ onongbo.

⁹Alivai na: Gɛ Jɛshua yɛu Azania keeni Binui na namɛ na miaụŋ mu Hɛnadad keeni Kadmiɛl.

¹⁰Na miaụŋ-mo-bino ma aba, gɛ Shɛbania, no Hodia, nɛ Kɛlita, nɛ Pɛlaya, na Hanan,

¹¹ne Mika, ne Rehob, na Hashabia,

¹²na Zaku, nɛ Shɛrɛbia, nɛ Shɛbania,

¹³no Hodia, na Bani keeni Bɛninu.

¹⁴Ehwurembe atwa ata na: Ga Parosh, na Pahat-moab, ne Ilam, na Zatu, na Bani,

¹⁵no Buni, na Azgad, ne Bebai,

¹⁶na Adonija, na Bigvai, na Adin,

¹⁷na Atɛ, nɛ Hɛzɛkia, na Azu,

¹⁸no Hodia, na Hashum, ne Bezai,

¹⁹na Harif, na Anatot, ne Nebai,

²⁰na Magpiash, nɛ Mɛshulam, ne Hezi,

²¹nɛ Mɛshɛzabɛl, na Zadok, na Jadua,

²²nɛ Pɛlatia, na Hanan, na Anaya,

²³no Hosea, na Hanania, na Hashub,

²⁴na Halohɛsh, ne Pilha, no Shobɛk,

²⁵ne Rehum, na Hashabna, ne Measaiya,

²⁶na Ahia, na Hanan, na Anan,

²⁷na Maluk, na Harim keeni Beana.

²⁸Atwa vwɛ Isrɛl na, to onongbo, ta Alivai, ta a'iywa shidubo shu uba, ta azụnjɛ, ta anjɛ-ugondu nu umwono wa Agwatana keeni atwa elele na hwụjɛ-unu undwa wa Agwatana, o momo bogwu na atwa cɛnjɛ ti nya hwɛɛ, te eyikwo aba keeni miaụŋ ma aba me eyi keeni mu na mo o, ta bụtụ be elele na eri be eshicigo iyi,

²⁹atwa ga hwɛɛ o momo togwu na miaụŋ-mo-bino ma aba a na shɛ atwa ụjɛrụma. Oo to-tuwa maa go unu-tukalana 'imɛ aŋ ti yaa shɛ a 'wa sụ undwa wa Agwatana na bee peni aŋ tedure no Moses yɛu-ugondu ya Agwatana, maa ti zhɛ ta hwuga-unu undwa keeni ashɛrɛya keeni shikpogo she elele shɛ na AGWANGWAMA na shɛ Agwatana tu iti peni.

³⁰Ti shiri-unu maa miaụŋ mu tu mo o mi zha shɛ ma tuna atwa cɛnjɛ ti nya a na utu rungwutwonu o, miaụŋ mu tu me eyi kaa du mi zha shɛ ma zanɛ miaụŋ ma aba mo o.

³¹Okwo atwa cɛnjɛ ta ata suje iyimɛyɛ kwo kaa iyi inyɛ ye elele nụ Ụjita-ụhinjanụ maa e ti sengeni, ti zha shɛ ta sa nụ Ụjita-ụhinjanụ o, kwo kaa nụ ụjita unya we elele na shɛ ụjita tijilo. Ti zha shɛ ta hwaŋ itimɛ na cɛnjɛ tu tu nu uywa ucenje we elele o, ti zhɛ du ta ganga atashɛ tulashaga.

³²Tu momo pononu-unu maa ti zhɛ tu na palajɛ iyi itatụ uywa uywa maa ta tụpa iwɛ ugondu we elele na wa nda nu umwono wa Agwatana tu.

³³Iyi nɛ ɛti zhɛ tu na pana iwɛ tɛzhɛba nu umwono wa Agwatana na: akara tijilo a na aa patana nu uteburu, nu upwaŋ iyimɛyɛ iyi-heri, ni iyimɛyɛ maa a na ta ụrụpɛ tuhwoŋzhingo iyi-heri, na apwaŋ tijilo iwɛ Ijitɛ-ụhinjanụ, nu nsono mi ipiɛnɛ ifwo keeni nsono mi nya mu na ee shiri aka muba, iwɛ apwaŋ tijilo, ti iwɛ apwaŋ na maa e urigeni iwɛwɛ ya atwa Isrɛl; keeni iyi elele nɛ ukekeshi ibɛ to umwono wa Agwatana tu.

³⁴Atuba onongbo, na Alivai keeni atwa vwɛ ti zhɛ tu na 'waŋ icɛcɛ uywa uywa iwɛ maa ta mapa ụlamụ na shɛ we suje i'wɛ'wɛ maa o no hwoŋzhingo arụpɛ na aa pana AGWANGWAMA Agwatana tu nu utukwu-ụrụpɛ nu gana na tu undwa ibɛ 'nyeci na aka na ee shiri.

³⁵Ti leshiji du tijama maa ti ne suje tụ'walụ te shihilo shi tu ti hiiŋ, keeni tụ'walụ ti i'wɛ'wɛ ye elele maa ta zhajɛ nu umwono wa Agwatana tu uywa uywa.

³⁶Ti zhɛ ti ne suje miaụŋ mu tu mu umbe, ni inɛ tu, na agwụdụ tu, ni iyimabiga tu, ni iyweywe tu no ofwo onongbo nu umwono wa Agwatana tu gana na ti ye 'nyeci nu undwa.

³⁷Shɛ inɛ ɛtɛ kiri o, ti zhɛ du ti ne suje iyimɛyɛ ihiiŋ icɛnjɛ tu tu, keeni apwaŋ shihiu shi tu, keeni tụ'walụ ti i'wɛ'wɛ ye elele, ne meni mụ tụ'walụ ta afwafwa mu ufwo keeni manɛbɛ no ofwo onongbo, na shɛmɛ shu umwono wa Agwatana tu shɛ na oo zwono i'wɛŋnɛ. Ti zhɛ du ti ne suje iyi-a'umpwa i shihilo shi tu no ofwo Alivai. Iwɛnɛ po Alivai aba a lashɛga iyi-a'umpwa elele na ashɛpwụ tu nɛ ata nda ugondu nu ntuma mu tu hwɛɛ.

³⁸Bunongbo na shɛ bujalalo Aron, bɛ shɛ ba nama na aka na ta Alivai a lashɛga iyi-a'umpwa ata. Nazhɛ Alivai zhɛ a bwaga iyi-a'umpwa na amɛ iyi-a'umpwa ata maa e zhe na shɛmɛ shu umwono wa Agwatana tu, shɛ na oo zwono i'wɛŋnɛ.

³⁹Miaụŋ mi Isrɛl, ta Alivai zhɛ o sugo apalajɛma ata iyi izɛgwu, ne meni mụ tụ'walụ ta afwafwa mu ufwo, na manɛbɛ maa e zhe no shimwono shi i'wɛŋnɛ no ofwo ata iyi uhwugwa tijilo yo tulono, keeni ofwo ata onongbo, na a'iywa odubo uba, na azụnjɛ zweni maa a 'yaga urobwo wa aba. Ti zha shɛ to jinoko ya umwono wa Agwatana tu kwukwuŋ.