Read bassa NEHEMAYA 11 Bible Online

NEHEMAYA 11 - bassa bible

NEHEMAYA 11

¹Nazhɛ ehwurembe atwa ata jɛjɛ ya na amɛ Jɛrusalɛm; ama atwa vwɛ aba 'wɛŋ icɛcɛ iwɛ maa a bwajɛ atwa oko oko na amɛ atwa umpwa umpwa maa a gɛgaga na amɛ Jɛrusalɛm na shɛ ụshɛpwụ tijilo, maa atwa ecinjishi cinjishi a na vwɛ tuba gɛgaga na ashɛpwụ aba.

²Ibɛ po atwa ata dumanga atwa elele na ya kwụlanɛ a na kaa meme peni maa a gɛga nu Jɛrusalɛm.

³Atwa na jɛjɛ na ashɛpwụ aba ɛkɛnyi aba no ofwo i'wɛŋnɛ ya aba na: Aba shɛ atwa Isrɛl, no onongbo, na anjɛ-ugondu umwono wa Agwatana keeni miaụŋ ma anjɛ-ugondu Sụlụmụn. Ama atwa na shɛ ehiu ekpeleshi cɛnjɛ gɛgajɛ nu Jɛrusalɛm.

⁴Atwa na shɛ ụlamụ Juda, tụ ụlamụ Bɛnjamin a na jɛjɛ nu Jɛrusalɛm na. Atwa umwamwa Juda na: Ga Ataya yɛu Uzia na shɛ bụjalụ Zɛkaria. Eshi ubwa anya a na oo togotogwu na aba shɛ, ga Amaria, nɛ Shɛfatia keeni Mahalalɛl, na shɛ umwamwa yɛu Juda gɛ Pɛrɛz.

⁵Ge Measaiya yɛu Baruk nɛ shɛ bụjalụ Kolhoze. Eshi ubwa anya a na oo togotogwu na aba a shɛ, ga Hazaya, na Adaya, no Joiyarib keeni Zɛkaria a na shɛ umwamwa yɛu Juda ge Shila.

⁶Umwamwa Pɛrɛz u tukpororo na jɛjɛ nu Jɛrusalɛm namɛ atwa akpakwụ-eyebi-nu-dupu-ne-eshe-umpwa-na-ba-atụndatụ (468).

⁷Atwa na banɛ nu umwamwa Bɛnjamin na: Ga Salu yɛu Mɛshulam na shɛ bụjalụ Joɛd. Eshi ubwa anya a na oo togotogwu na aba a shɛ, gɛ Pɛdaya, no Kolaya, ne Measaiya, ne Itiɛl keeni Jɛshaya.

⁸Atwa na 'wa bụ a shɛ, ga Gabai, na Salai, a namɛ atwa akpakwụ-eneshi-ni-dipi-yebi-nu-woshi-na-ba-atụndatụ (928).

⁹Go Joɛl yɛu Zikri, ubwa shɛ buhwuri-bu-umbe ba aba, go Juda yɛu Hasanua tuba shɛ bụtụ bi yebi na 'yajɛ ụhwada ụshɛpwụ ata.

¹⁰Atwa na banɛ no olugwo onongbo na: gɛ Jɛdaya yɛu Joiyarib, na Jakin.

¹¹Nɛ Sɛraya yɛu Hilkia na shɛ bụjalụ Mɛshulam. Eshi ubwa anya a na oo togotogwu na aba a shɛ, ga Zadok, nɛ Mɛraiyot keeni Ahitub na shɛ uhiu nu umwono wa Agwatana,

¹²keeni miaụŋ-mo-bino ma aba mu na ma nda ugondu na amɛ umwono ata wa Agwatana. A namɛ atwa kpakwụ-eneshi-nu-woshi-na-ba-eyebi (822), na Adaya yɛu Jɛroham bụjalụ Pɛlalia. Eshi ubwa anya a na oo togotogwu na aba, a shɛ, ga Amzi, nɛ Zɛkaria, na Pashu, na Malkija.

¹³Hwɛɛ aba namɛ atwa akpakwụ-na-buhanda-na-ba-eyebi (242), atwa ga a shɛ shɛgwuma shu nhwaŋ, na Amashai yɛu Azarɛl na shɛ bụjalụ Azai. Eshi ubwa anya a na oo togotogwu nu bwa a shɛ, gɛ Mɛshulemot, ne Imɛ.

¹⁴Asaza tukpororo a na namɛ nu umwamwa ata wa aba[22] namɛ atwa dipi-yebi-nu-woshi-na-ba-atụndatụ (128). Buhwuri-bu-umbe ba aba bɛ shɛ ga Zabdiel yɛu Hagɛdolim.

¹⁵Atwa na banɛ na Alivai na: gɛ Shɛmaya yɛu Hashub na shɛ bụjalụ Azrikam. Eshi ubwa anya a na oo togotogwu na aba a shɛ, ga Hashabia, no Buni.

¹⁶Ga Shabɛtai keeni Jozabad, aba shɛ atwa na zweni na amɛ ehwurembe Alivai, a na 'yajɛ igbɛtɛtɛ ugondu umwono wa Agwatana no tupohondo.

¹⁷Ga Matania yɛu Mika na shɛ bụjalụ Zabdai, na shɛ umwamwa Asaf. Ubwa bo hwulono azụnjɛ umbe na adua ugwoje tụpana. Ga Bakbukia, ubwa shɛ bụtụ bi yebi Matania, na Abda yɛu Shamua na shɛ bụjalụ Galal, na shɛ umwamwa Jɛdutun.

¹⁸Ufwugwo wa Alivai na jɛjɛ nu (Jɛrusalɛm) na shɛ ụshɛpwụ ata tijilo, hwɛɛ aba namɛ atwa kpakwụ-nu-dupu-nu-talacɛ-na-ba-eneshi (284).

¹⁹A'iywa odubo uba na: Ga Akub, na Talmon, keeni miaụŋ-mo-bino ma aba, hwɛɛ aba a shɛ atwa dipi-tɛtu-nu-woshi-na-ba-eyebi (172).

²⁰Atwa Isrɛl a na vwɛ keeni onongbo keeni Alivai, a namanjɛ no ofwo i'wɛŋnɛ ya aba na ashɛpwụ anya a na namɛ nu Juda.

²¹Anjɛ-ugondu umwono wa Agwatana, a jɛjɛ nụ ụpadụ Jɛrusalɛm uko na ɛɛ hiɛŋ Ofɛl, ge Ziha ne Gishpa, aba o hikokono ugondu wa aba.

²²Bụtụ na bo hikokono ugondu wa Alivai na jɛjɛ nu Jɛrusalɛm, i shɛ go Uzi yɛu Bani bụjalụ Hashabia. Eshi ubwa a na oo togotogwu na aba, a shɛ, ga Matania keeni Mika, bɛ shɛ bụtụ bu umwamwa Asaf. Aba shɛ umwamwa na 'yajɛ tijama ta azụnjɛ a na namɛ nu umwono wa Agwatana.

²³Iwɛnɛ po i 'yajɛ unu na agwuma peni iwɛ aba, yaa 'yajɛ kaa urobwo na agwuma tileni iwɛ azụnjɛ gana na e eri na nda utakashɛ wa aba iyi-heri iyi-heri.

²⁴Gɛ Pɛtahia yɛu Mɛshɛzabɛl na shɛ udenji Zɛra, nu umwamwa Juda, ubwa shɛ ụlụkpashɛ wa agwuma ni iwɛ ye elele nɛ teneni atwa Isrɛl a na namɛ nu umwono-ụshɛrɛya.

²⁵Atwa ofwugwo gɛgajɛ na ashɛpwụ na gwumwongonu ne shihilo sha aba. Atwa na shɛ ụlamụ Juda jɛjɛ ni Kiriat-aba keeni shɛngwuwa shu bwa keeni Dibon na shɛngwuwa shu bwa keeni Jɛkabziɛl na shɛngwuwa shu bwa du,

²⁶a jɛjɛ du na ashɛpwụ na ɛɛ hiɛŋ Jɛshua, nu Molada, ni Bɛt-pɛlɛt,

²⁷nu Haza-shual, ni Biɛ-shiba na shɛngwuwa sha aba.

²⁸A jɛjɛ du ni Ziklag keeni Mɛkona keeni shɛngwuwa sha aba,

²⁹keeni Ɛn-rimon keeni Zora, nu Jamut,

³⁰nu Zanoa, na Adulam keeni shɛngwuwa shɛ na shi gwumwongonu na aba. A jɛjɛ du nu Lakish keeni ekpekpe na gwumwongonu nu bwa, keeni Azika na shɛngwuwa shu bwa. Inɛ ɛtɛ i shɛ maa atwa Juda jɛjɛ no tugwungwu tu na tu namɛ na ashashɛ Biɛ-shiba na namɛ nụ ụzalụ tuta keeni ulomu Hinom na namɛ nụ ụzalụ tuzuba.

³¹Atwa Bɛnjamin jɛjɛ ni Giba, ni Mikmash, na Aija, ni Bɛtɛl keeni shɛngwuwa shɛ na shi gwumwongonu na aba,

³²keeni Anatot, nu Nob, na Anania,

³³nu Hazo, nu Rama, ni Gitaim,

³⁴nu Hadid, ni Zɛboim, ni Nɛbalat

³⁵nu Lod, nu Ono keeni nu Ulomu wa anjɛ-ugondu i'ɛlɛ.

³⁶Urubwo wa Alivai oko a na ga jɛjɛ la no tugwungwu tu Juda, a sụmɛ aa jɛjɛ ya na atwa Bɛnjamin.