Read bassa SHƐZUNGA TUZUNGANGANA AGWANGWAMA 101 Bible Online

SHƐZUNGA TUZUNGANGANA AGWANGWAMA 101 - bassa bible

SHƐZUNGA TUZUNGANGANA AGWANGWAMA 101

¹Azunga na ge Devid Zunganganɛ AGWANGWAMA Oo AGWANGWAMA, N zhɛ ma bu zungangana azunga tɛcara keeni a na tishiriri.

²N zhɛ mo shiyono uhwaŋna bụ na zasa unu-tusapa eshe. Oo aka naa ɛbi zhɛ ba zhajɛ pi mii? N zhɛ mu na zha tahaŋnụ na amɛ na namɛ rụmbɛɛ ni ihwɛ mi.

³N zha shɛ mo shikicingo iyi elele nɛ i shɛ iyi ibiri nu umbe mu kwukwuŋ. Mo imo ugondu wa atwa na a vwula a ganga Agwatana; N zha shɛ mo tumo iwɛ aba o.

⁴Amɛ tu'ubogo zhɛ a dụlụma no olugwo mi; N zha shɛ kaa mo shiyono i'ɛlɛ mi ni iyi iwɛ o.

⁵N zhɛ ma nda bụtụ be elele na bo gbozhigo binya bwa swɛɛ swɛɛ ufwu. N zha shɛ mo tumo iwɛ bụtụ na ba nda unyangana na kaa mama sata o.

⁶N zhɛ mo hioko inyɛmɛnyɛmɛ ya atwa na shanɛ Agwatana atwa tɛcara maa a nama ne mi. Atwa na shɛ atwa tɛkana gom gom aba ɛɛ zhɛ o lonono maa a na ma n ndana iyi.

⁷I zasa bihelekeci na zhɛ ba nama nu umwono mu o; bujwe-bụ-ụzagwụ kaa zha shɛ bo ilogogo na agba mi o.

⁸N zhɛ mu no iricingo ogworozwo nu uvwungwa we elele, na cɛnjɛ ta ata tu tu, maa Ma bacɛnga anjɛ iyi iwɛ kpaaŋ maa e beni nụ ụshɛpwụ wa AGWANGWAMA.