Read bassa SHƐZUNGA TUZUNGANGANA AGWANGWAMA 121 Bible Online

SHƐZUNGA TUZUNGANGANA AGWANGWAMA 121 - bassa bible

SHƐZUNGA TUZUNGANGANA AGWANGWAMA 121

¹Shɛzunga shɛ Tɛzhɛba N shepi eshe mi na azuba Ngaa mbiyanɛ nshama. Cee kwuŋ bimbiyeni mi zhɛ ba banɛɛ?

²Bimbiyeni mi zhɛ ba banɛ no olugwo AGWANGWAMA; ubwa na njɛ azuba keeni cɛnjɛ tu unyizo.

³Bi zha shɛ bo lono maa leyi o; bụtụ ata ma bu jilanɛ kaa weci shi malabụ o.

⁴Hioko, bụtụ ata ba jilanɛ atwa Isrɛl, te shi ozhilwo; bi zha shɛ kaa bo woto malabụ o.

⁵AGWANGWAMA ubwa shɛ ijilɛni bu; Bu namɛ na bụ'aŋbụ bụ maa ma bụ jilanɛ.

⁶Uwaŋna zha shɛ ma bụ ta na aka bu uwaŋna, kwo kaa upiana na aka bụ ụjita o.

⁷AGWANGWAMA zhɛ ma bụ jilanɛ iwɛ iyi iwɛ ye elele; bi zhɛ kaa ma bụ jilanɛ maa nama lapiya.

⁸AGWANGWAMA zhɛ a jilanɛ tubana tụ bụ, keeni tugwure tụ bụ, te kwuni na aka ga tutu unyizo zhe gwure.