Read bassa SHƐZUNGA TUZUNGANGANA AGWANGWAMA 127 Bible Online

SHƐZUNGA TUZUNGANGANA AGWANGWAMA 127 - bassa bible

SHƐZUNGA TUZUNGANGANA AGWANGWAMA 127

¹Shɛzunga shɛ Tɛzhɛba shɛ na go Sụlụmụn Zụnjɛ Yaa shɛ shɛ AGWANGWAMA a ma umwono, asha atwa na a ma uŋ a nda ụbaụta gadaga; yaa shɛ shɛ kaa AGWANGWAMA a ngbaraka ụshɛpwụ, asha a'iywa ubwa o ngwulo malabụ gadaga.

²I shɛ iyi tɛgadaga maa gbatụ ti'ishijɛ nu uvwungwa dididi; maa njɛ ugondu tutu ụjita iwɛ iyimɛyɛ. AGWANGWAMA ubwa ba pana[101] atwa na bo o lubo iyi; okwo na aka na to o woto malabụ.

³Miaụŋ mɛ shɛ iyi-yo-ogwu nɛ banɛ no olugwo AGWANGWAMA; mɛ shɛ kaa titeni tu na tu banɛ no olugwo AGWANGWAMA.

⁴Miaụŋ mu na ee metenji bụtụ na tuwaŋnɛ tu bwa; mɛ shɛ gana a'inla na busaza 'waŋnɛ ni i'ɛlɛ ibwɛ.

⁵Bụtụ na shidinji abagwụ ubwa na a'inla gana ata gwoje. Ezuye zha shɛ a sha bụ na aka na tu ba twa na atwa i'ime ibwɛ no ofwo ụshɛrɛya o.